Gün
Saat
Dəqiqə
Saniyə
Nəzakət Əzizova Antalyada bürünc medal qazandı

07-04-2017

Bu gün Türkiyənin Antalya şəhərində cüdo üzrə “Qran-Pri” yarışına start verilib. Azərbaycan milli komandasının da iştirak etdiyi yarışın ilk günündə 7 cüdoçumuz tatami üzərinə çıxıb.

Qadın təmsilçilərimizdən 52 kq çəki dərəcəsində çıxış edən Nəzakət Əzizova qardaş ölkədə bürünc medal qazanıb. 48 kq çəki dərəcəsində mübarizə aparan Aişə Qurbanlı isə 5-ci olub.

Qeyd edək ki, 34 ölkədən 252 idmançının (155 kişi, 97 qadın) mübarizə apardığı mötəbər turnirdə Azərbaycan milli komandası 13 cüdoçu (7 oğlan, 6 qız) ilə təmsil olunur.

Xatırladaq ki, Antalya “Qran-Pri”sinə aprelin 9-da yekun vurulacaq.