Gün
Saat
Dəqiqə
Saniyə
"CÜDO TV" təqdim edir: Azərbaycan Avropa Oyunlarında 15 cüdoçu ilə təmsil olunacaq

18-06-2019

Belarusun paytaxtı Minskdə keçiriləcək 2-ci Avropa Oyunlarında Azərbaycanı 15 cüdoçu təmsil edəcək. Həm kişilər, həm də qadınlardan ibarət cüdo millimizin üzvləri 4 gün ərzində medallar uğrunda mübarizə aparacaqlar. Avropa Oyunlarında cüdo yarışlarına iyunun 22-də start veriləcək. 3 gün baş tutacaq fərdi mübarizələrdən sonra iyunun 25-də qarışıq komanda yarışı keçiriləcək. Ölkəmiz Avropa Oyunlarında 9 kişi və 6 qadın cüdoçu ilə təmsil olunacaq. 2-ci Avropa Oyunlarında Azərbaycanın idman şərəfini qoruyacaq cüdoçular: Aişə Qurbanlı (48 kq), Gültac Məmmədəliyeva, Aleksandra - Larisa Florian (hər ikisi 52 kq), Munxtsedev İçinxorloo (57 kq), Nuriyə Axundova (63 kq), Irina Kindzerska (+78 kq), Orxan Səfərov, Kəramət Hüseynov (hər ikisi 60 kq), Nicat Şıxəlizadə (66 kq), Rüstəm Orucov, Hidayət Heydərov (hər ikisi 73 kq), Məmmədəli Mehdiyev (90 kq), Elmar Qasımov, Zelim Kotsoyev (hər ikisi 100 kq), Uşangi Kokauri (+100 kq).