Gün
Saat
Dəqiqə
Saniyə
Cüdo üzrə dünya çempionatının fərdi yarışları başa çatıb

31-08-2019

Yaponiyanın paytaxtı Tokio şəhərində keçirilən cüdo üzrə dünya çempionatında fərdi yarışlara yekun vurulub. Avqustun 31-də daha 2 cüdoçumuz mübarizəyə qoşulub. Qadınlar arasında +78 kq çəki dərəcəsində yarışan təmsilçimiz İrina Kindzerska Tokio mundialını 7-ci yerdə başa vurub. +100 kq çəki dərəcəsində mübarizə aparan kişi cüdoçumuz Uşangi Kokauri ilk görüşdə uduzub. Beləliklə Azərbaycan cüdoçuları dünya çempionatının fərdi yarışlarında 1 gümüş və 1 bürünc medal qazanıb. Xatırladaq ki, Rüstəm Orucov gümüş, Hidayət Heydərov bürünc medala sahib olub. Sentyabrın 1-də dünya çempionatının qarışıq komanda yarışları keçiriləcək. Azərbaycan millisi 1/8 finalda Avropa çempionu Portuqaliya yığması ilə qarşılaşacaq.