Gün
Saat
Dəqiqə
Saniyə
"Doha Masters"də Azərbaycanı yeddi cüdoçu təmsil edəcək

09-01-2021

Yanvarın 11-dən 13-dək Qətərin paytaxtı Doha şəhərində cüdo üzrə beynəlxalq "Masters" turniri keçiriləcək. Nüfuzlu yarışda Azərbaycan cüdoçuları da mübarizə aparacaqlar. Ölkəmizi kişilərin yarışında 4, qadınların turnirində isə 3 cüdoçu təmsil edəcək. "Doha Masters"də millimizin şərəfini Orxan Səfərov, Nicat Şıxəlizadə (hər ikisi 66 kq), Elmar Qasımov, Zelim Kotsoyev (hər ikisi 100 kq), Aişə Qurbanlı, Leyla Əliyeva (hər ikisi 48 kq), İrina Kindzerska (+78 kq) qoruyacaq. Milli komandamızın cüdoçuları Rüstəm Orucov, Məmmədəli Mehdiyev və Uşangi Kokauri zədə səbəbindən beynəlxalq turnirdə iştirak edə bilməyəcəklər.