04 yanvar, 2023

Azərbaycan Cüdo Federasiyası uğur dolu bir ili qeyd edir

Xəbər lenti
Elcan Haciyev Qran Pri turnirində gümüş medal qazandı

27-29 yanvarda Portuqaliyanın Almada şəhərində keçirilən Qran Pri turnirinin ikinci günündə 1 gümüş medal qazanıb

-81 kq. çəki dərəcəsində mübarizə aparan cüdoçumuz Elcan Hacıyev yarışı gümüş medalla başa vurub. O, finalda koreyali cüdoçu Li Junhan ilə qarşılaşıb. 

28 yanvar, 2023
Sabirabadda cüdo təlim mərkəzi istifadəyə verilib

1 fevral 2023-cü ildə Sabirabad şəhərində cüdo təlim mərkəzinin istifadəyə verilməsi ilə bağlı tədbir keçirilib. İlk öncə, Sabirabad rayonu icra başçısının müavini Ceyran Xəlilova, Azərbaycan Cüdo Federasiyasının (ACF) vitse-prezidenti Elnur Məmmədli, ACF-in baş katib Rəşad Rəsullu, ACF prezidentinin müşaviri Natiq Bağırov, rayon gənclər və idman idarəsinin rəisi Nadir Quliyev Sabirabad ictimaiyyətinin nümayəndələri və digər rəsmi şəxslər mərkəzdə yaradılan şərait ilə tanış olublar.

Məlumat verilib ki, istifadəyə verilən cüdo təlim mərkəzi Sabirabadda cüdo idman növünün inkişafında mühüm rol oynayacaq. Yüksək səviyyədə təmir edilən cüdo təlim mərkəzinin ümumi sahəsi 322 m2 təşkil edir. Təlim mərkəzində bir dojo (cüdo məşq zalı) və bir fiziki hazırlıq zonası var. Onların sahəsi müvafiq olaraq 160 m2 və 46 m2-dir. Cüdo məşq zalı Beynəlxalq Cüdo Federasiyasının rəsmi təchizatçısı olan “Taishan” firmasının tatamiləri ilə təchiz olunub. Fiziki hazırlıq zonası cüdo idman növü üzrə fiziki hazırlıq məşğələləri üçün vacib olan zəruri avadanlıqlarla təchiz edilib.

Təlim mərkəzində idmançılar üçün bütün zəruri şərait təmin edilib. Mərkəzdə məşqçi otağı, idmançılar üçün soyunub-geyinmə otaqları, duş və sanitar qovşaqlar mövcuddur. Həmçinin, təlim mərkəzi müasir isitmə sistemi ilə təmin edilib. Burada ay ərzində 200 nəfərə qədər uşaq, yeniyetmə və gənc cüdo idman növü ilə məşğul ola biləcək..

ACF-in vitse-prezidenti Elnur Məmmədli bildirib ki, Sabirabadda yeni istifadəyə verilən cüdo təlim mərkəzi Sabirabad rayonunda cüdonun daha da kütləvləşdirilməsi, yeniyetmələrin və gənclərin fiziki və mənəvi tərbiyəsinə öz töhfəsini verməklə yanaşı, gələcəkdə milli yığmaların üzvü ola biləcək istedadlı idmançıların aşkarlanması baxımından da mühüm əhəmiyyət kəsb edir. Vitse-prezidentin sözlərinə görə, ACF bundan sonrada regionlarda yeni cüdo məşq zallarının inşasına və bərpasına xüsusi diqqət ayıracaq.

Tədbir günü Sabirabadan olan cüdoçular üçün Natiq Bağırov tərəfindən ustad dərsi keçirilib

Qeyd edək ki, regionlarda cüdo idman növü üzrə infrastrukturun yaxşılaşdırılması və təkmilləşdirilməsi ACF-in müəyyən etdiyi əsas fəaliyyət istiqamətlərindən biridir. İndiyə qədər Gəncədə, Ağstafada və Sabirabadda istifadəyə verilən cüdo zalları ilə yanaşı, hazırda Sumqayıt, Zaqatala və Qazax şəhərlərində də müvafiq zalların təmir-tikinti işləri həyata keçirilməkdədir. Həmçinin, son bir il müddətində ACF tərəfindən 40-dan artıq cüdo idman zalına 3000-ə yaxın cüdo tatamisi paylanılması reallaşdırılıb. Federasiya digər şəhər və regionlarda da maddi-texniki bazanın təkmilləşdirilməsi üçün 2023-cü il ərzində davamlı olaraq fəaliyyət göstərəcək.

01 fevral, 2023
Cüdo məşqçiləri beynəlxalq sertifikat imtahanına hazırlaşır

30 yanvar – 1 fevral tarixlərində Beynəlxalq Cüdo Federasiyasının (BCF) Akademiyasında təhsil alan cüdo məşqçiləri üçün “kata” təlimi təşkil olunub.

Təlim zamanı  “kata”-nın yerinə yetirilməsi üzrə dərslər keçirilir. Qeyd edək ki, “kata” cüdoda texniki hərəkətlər kompleksidir və onun yerinə yetirilməsinin ciddi qayda və ardıcıllığı vardır. Bu hərəkətlər kompleksinin keyfiyyətli nümayişi cüdoçunun ustalıq səviyyəsini müəyyən edir. “Kata”-nın öyrənilməsi cüdonun əsas fəlsəfi prinsiplərinin mənimsənilməsi və fəndlərin düzgün yerinə yetirilməsi baxımından mühüm əhəmiyyət kəsb edir.

Türkiyə Cüdo Federasiyasının təhsil üzrə direktoru Mehmet Yılmaz tərəfindən keçirilən təlim  6-18 fevralda baş tutacaq BCF-in praktiki imtahanına hazırlıq məqsədi daşıyır.

Nəzərinizə çatdıraq ki, praktiki imtahana hazırlıq üçün ACF 2022-ci il ərzində üç dəfə, 2023-cü ildə isə bir dəfə olmaqla beynəlxalq ekspertlərini iştirakı ilə ümumilikdə dörd əyani seminar təşkil edib. Seminarlar zamanı məşqçilərə əyani formada imtahanda nümayiş etdirməli olduqları müxtəlif hərəkətlər və cüdo texnikaları detallı şəkildə izah edilib.

01 fevral, 2023

Beynəlxalq Cüdo Federasiyasının (BCF) rəsmi saytında Azərbaycan Cüdo Federasiyasının 2022-ci ildə gördüyü işlər haqqında məqalə dərc olunub. Məqalədə bildirilir ki, ötən il Azərbaycanda cüdo idman növünün 50 illiyi qeyd edilib. Məhz buna görə, 2022-ci il Azərbaycan Cüdo Federasiyası (ACF) üçün xüsusi önəm daşıyır və il boyu yubiley abu-havasında mühüm layihələr icra olunub.  Məqalə müəllifi Nikolas Messnerin sözlərinə görə, Azərbaycanda cüdonun inkişafı indi bütün səviyyələrdə gedir və bu, şübhəsiz ki, davamlı nailiyyətin açarıdır.


Məqalədə 2022-ci il ərzində cüdonun ölkədə kütləvləşdirilməsi, məşqçilərin və hakimlərinin peşəkar səviyyəsinin artırılması, beynəlxalq seminarların təşkili, paytaxt Bakıda və regionlarda cüdo idman zallarının maddi-texniki təminatının möhkəmləndirilməsi, yeni cüdo zallarının tikilməsi, onların ən müasir avadanlıqlar ilə təchiz edilməsi və digər  istiqamətlərdə önəmli layihələr haqqında məlumat verilib.

Paytaxt Bakıda, o cümlədən Gəncə, Zaqatala və digər regionalarda gənclərin, yeniyetmələrinin və uşaqların iştirakı ilə cüdo üzrə ustad dərsləri keçirilib. Mərkəzi park ərazilərində, açıq havada tatamilər quraşdırıldı, cüdonun fəlsəfəsi, mahiyyəti və ümumi qaydalar haqqında yerli icmalara məlumat verilib. ACF-in bu təşəbbüsü ictimaiyyət tərəfindən böyük maraqla qarşılanıb. 

Müəllifin sözlərinə görə, Azərbaycan Cüdo Federasiyasının əsas fəaliyyət istiqamətlərindən biri də ölkədə qızlar arasında cüdo idman növünün kütləvləşdirilməsi və beynəlxalq turnirlərdə qadın cüdoçuların təmsilçiliyini artırmaqdır. Bu il Azərbaycanda ilk dəfə olaraq yalnız qızlar üçün cüdo klubu fəaliyyətə başlayıb. Klubda altı yaşdan yuxarı qızlar məşq edir və artıq onlar ilk medallarını qazanmağa başlayıblar. Valideynlər tərəfindən böyük maraq və rəğbətlə qarşılanan bu təşəbbüs nəticəsində qısa bir zamanda klubda cüdo ilə məşğul olan qızların sayı iki dəfə artıb.


Həmçinin, məqalədə cari ilin ilk aylarından ACF tərəfindən regionlarda cüdo idman növü üzrə maddi-texniki bazanın yaxşılaşdırılması üçün kompleks tədbirlər haqqında məlumat verilib. Belə ki, Sumqayıt, Gəncə, Zaqatala, Qazax, Ağstafa, Sabirabad və digər şəhər və rayonlarda yeni cüdo zallarının tikintisi və mövcud zalların təmiri həyata keçirilməkdədir. Bununla yanaşı, indiyə qədər 37 cüdo idman zalına Beynəlxalq Cüdo Federasiyasının rəsmi təchizatçısının istehsalı olan 2500 ədədə yaxın cüdo tatamisi paylanılıb. Bu təşəbbüs nəticəsində qeyd edilən idman zallarında təxminən 600 nəfər idmançı ödənişsiz olaraq cüdo idman növü ilə məşğul olacaqlar. 2023-cü ildə də bu fəaliyyətin davam etdirilməsi planlaşdırılır.

ACF həm milli, həm də beynəlxalq səviyyədə hakimlərin peşəkarlıq səviyyəsinin artırılması, o cümlədən “A” və “B” kateqoriyalı beynəlxalq dərəcəli hakimlərin sayının artırılması istiqamətində sistemli və ardıcıl fəaliyyətlər görməkdədir. Belə ki, bu il ilk dəfə olaraq beynəlxalq dərəcəli hakimlərin sayı bu qədər artıb: Mətin Rəhimli, Arzu Acalova və Nazim Umbayev “A” kateqoriyalı hakim, Bəhriyyə Hüseynova və Elşad Əsədov isə “B” kateqoriyalı hakim statusu alıblar. Belə ki, ilk dəfə bir ildə 3 hakim “A” kateqoriyası əldə edib, ilk dəfə bir qadın hakimimiz “A” kateqoriyası qazanıb.

Məqalənin müəllifi Nikolas Messnerin sözlərinə görə, ACF uğurlu gələcək üçün qarşısına aydın məqsədlər qoyub və bu istiqamətdə təhsilin əhəmiyyəti və vacibliyini anlayır.

ACF BCF-in Akademiyası ilə ilk dəfə Azərbaycanın cüdo məşqçiləri üçün təhsil və sertifikatlaşdırma proqramı təşkil edib. 78 məşqçinin təhsil aldığı proqram çərçivəsində nəzəri hissə ilə yanaşı, 3 əyani seminar da təşkil edilib. Bunun nəticəsində 2023-cü ilin fevral ayında Azərbaycan cüdo məşqçilərinin ilk dəfə BCF-in Akademiyasının müvafiq sertifikatlarını əldə etmələri gözlənilir. Beynəlxalq Cüdo Federasiyası ilə uğurlu əməkdaşlıq çərçivəsində noyabr ayının sonunda BCF-in hakimlər üzrə baş direktoru Daniel Laskaunun iştirakı ilə 150  hakim və məşqçi üçün seminar keçirilib. 


ACF ölkədə idman jurnalistikasının inkişafına da töhfə vermək niyyətindədir və bu məqsədlə bu il bir sıra tədbirlər keçirib. Belə ki, ACF cüdo ilə bağlı yazan jurnalistlərin sayını artırmaq  məqsədi ilə müsabiqə elan edib. Həmçinin, bu il idman jurnalistlər üçün BCF-in media və kommunikasiya direktoru Nikolas Messner  tərəfindən seminar təşkil olunub. BCF-in fotoqrafları Qabriela Sabau və Tamuna Kulumbeqaşvili tərəfindən idman fotoqrafları üçün təlim keçirilib.

Məqalənin sonunda bildirilir ki, 2023-cü ildə AJF ölkədə və regionda cüdonun inkişafı istiqamətində fəaliyyətinin davam etdirəcək.

LİNK: Azerbaijan Judo Federation celebrates successful year

Paylaş :

Xəbər lenti

...
Digər
Sabirabadda cüdo təlim mərkəzi istifadəyə verilib

1 fevral 2023-cü ildə Sabirabad şəhərində cüdo təlim mərkəzinin istifadəyə verilməsi ilə bağlı tədbir keçirilib. İlk öncə, Sabirabad rayonu icra başçısının müavini Ceyran Xəlilova, Azərbaycan Cüdo Federasiyasının (ACF) vitse-prezidenti Elnur Məmmədli, ACF-in baş katib Rəşad Rəsullu, ACF prezidentinin müşaviri Natiq Bağırov, rayon gənclər və idman idarəsinin rəisi Nadir Quliyev Sabirabad ictimaiyyətinin nümayəndələri və digər rəsmi şəxslər mərkəzdə yaradılan şərait ilə tanış olublar.

Məlumat verilib ki, istifadəyə verilən cüdo təlim mərkəzi Sabirabadda cüdo idman növünün inkişafında mühüm rol oynayacaq. Yüksək səviyyədə təmir edilən cüdo təlim mərkəzinin ümumi sahəsi 322 m2 təşkil edir. Təlim mərkəzində bir dojo (cüdo məşq zalı) və bir fiziki hazırlıq zonası var. Onların sahəsi müvafiq olaraq 160 m2 və 46 m2-dir. Cüdo məşq zalı Beynəlxalq Cüdo Federasiyasının rəsmi təchizatçısı olan “Taishan” firmasının tatamiləri ilə təchiz olunub. Fiziki hazırlıq zonası cüdo idman növü üzrə fiziki hazırlıq məşğələləri üçün vacib olan zəruri avadanlıqlarla təchiz edilib.

Təlim mərkəzində idmançılar üçün bütün zəruri şərait təmin edilib. Mərkəzdə məşqçi otağı, idmançılar üçün soyunub-geyinmə otaqları, duş və sanitar qovşaqlar mövcuddur. Həmçinin, təlim mərkəzi müasir isitmə sistemi ilə təmin edilib. Burada ay ərzində 200 nəfərə qədər uşaq, yeniyetmə və gənc cüdo idman növü ilə məşğul ola biləcək..

ACF-in vitse-prezidenti Elnur Məmmədli bildirib ki, Sabirabadda yeni istifadəyə verilən cüdo təlim mərkəzi Sabirabad rayonunda cüdonun daha da kütləvləşdirilməsi, yeniyetmələrin və gənclərin fiziki və mənəvi tərbiyəsinə öz töhfəsini verməklə yanaşı, gələcəkdə milli yığmaların üzvü ola biləcək istedadlı idmançıların aşkarlanması baxımından da mühüm əhəmiyyət kəsb edir. Vitse-prezidentin sözlərinə görə, ACF bundan sonrada regionlarda yeni cüdo məşq zallarının inşasına və bərpasına xüsusi diqqət ayıracaq.

Tədbir günü Sabirabadan olan cüdoçular üçün Natiq Bağırov tərəfindən ustad dərsi keçirilib

Qeyd edək ki, regionlarda cüdo idman növü üzrə infrastrukturun yaxşılaşdırılması və təkmilləşdirilməsi ACF-in müəyyən etdiyi əsas fəaliyyət istiqamətlərindən biridir. İndiyə qədər Gəncədə, Ağstafada və Sabirabadda istifadəyə verilən cüdo zalları ilə yanaşı, hazırda Sumqayıt, Zaqatala və Qazax şəhərlərində də müvafiq zalların təmir-tikinti işləri həyata keçirilməkdədir. Həmçinin, son bir il müddətində ACF tərəfindən 40-dan artıq cüdo idman zalına 3000-ə yaxın cüdo tatamisi paylanılması reallaşdırılıb. Federasiya digər şəhər və regionlarda da maddi-texniki bazanın təkmilləşdirilməsi üçün 2023-cü il ərzində davamlı olaraq fəaliyyət göstərəcək.

Ətraflı
...
Yerli turnirlər
U-18 yeniyetmələr arasında Azərbaycan birinciliyinin komanda yarışlarına yekun vuruldu

27 yanvarda U-18 yeniyetmələr arasında Azərbaycan birinciliyinin qarışıq komanda yarışı keçirilib. 


Yarışlarda 12 komandadan 95 idmançı medallar uğrunda mübarizə aparıb. Qızlar -48 kq., -63 kq. və +63 kq. çəki dərəcələrində, oğlanlar isə -60 kq., -81 kq. və +81 kq. çəki dərəcələrində güclərini sınayıblar.


Final görüşü Bakı şəhəri 13 nömrəli İOEUGİM ilə "Təhsil" RİM 10 nömrəli UGİM arasında keçirilib. Bakı şəhəri 13 nömrəli İOEUGİM 4:1 hesabı ilə qalib gələrək komanda yarışlarının kubokunu və qızıl medallarını qazanıb. 

Yarışın yekun nəticələrinə əsasən komandaların tutduqları yer belə müəyyənləşib:


1. Bakı şəhəri 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi

2. "Təhsil" Respublika İdman Mərkəzinin 10 nömrəli Uşaq-Gənclər İdman Məktəbi

3. Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman Şahmat Məktəbi

3. "Təhsil" Respublika İdman Mərkəzinin 1 nömrəli Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbi

5. "Təhsil" Respublika İdman Mərkəzinin 2 nömrəli Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbi

5. Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi 2

7. Şimal-Qərb regionu

7. Neftçi İdman Klubu

Ətraflı
...
Yerli turnirlər
U-18 yeniyetmələr arasında Azərbaycan birinciliyinin fərdi yarışlarına yekun vuruldu

24-26 yanvar tarixlərində Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində U-18 yeniyetmələr arasında Azərbaycan birinciliyinin fərdi yarışları keçirilib.

Yarışa 97 müxtəlif klub, cəmiyyət və idman təşkilatından 616 (502 oğlan, 114 qız) cüdoçu qatılıb.

Yarışın sonuncu günündə qızlar arasında -44 kq., -57 kq. və +70 kq. çəki dərəcələrində, oğlanlar arasında isə -55 kq., -73 kq. və +90 kq. çəki dərəcələrində qaliblər müəyyənləşib.

Fərdi yarışların son nəticəsinə görə, ümumi komanda hesabında medalların sayına görə 1-ci yerə Bakı şəhəri 13 nömrəli İxtisaslaşdırılmış Olimpiya Ehtiyatları Uşaq-Gənclər İdman məktəbi, 2-ci yerə Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman Şahmat Məktəbi, 3-cü yerə isə Sumqayıt şəhər 2 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi layiq görülüb. 33 komanda müxtəlif əyarlı medal qazanıb.


Qaliblərin siyahısını təqdim edirik:


-36 kq. 

1. Nurcahan Səlimova 


-40 kq.

1. Xədicə Abdullayeva

2. Nigar Məmişova

3. Gülşən Hüseynova

3. Dərya Bıkova


-44 kq. 

1. Məryəm Bayramzadə 

2. Nərgiz Şıxməmmədova 

3. Naidə Quziyeva 

3. Aytac Yolçuzadə


-48 kq. 

1. Vüsalə Hacıyeva 

2. Fəridə Mirzəyeva 

3. Nuranə Hacızadə 

3. Ravanə İsfəndiyarova


-52 kq.

1. Xədicə Qədəşova

2. Aytən Verdiyeva

3. Aysun Məmmədova

3. Nərmin Qocayeva


-57 kq. 

1. Fidan Qasımova 

2. Röya Cəfərova 

2. Nilgün Rzayeva 

3. Aliyə Rüstəmova


-63 kq. 

1. Kamilla Töhöliyeva 

2. Mələk Bayramlı 

3. Zəhrə Hüseynova 

3. Həbibə Hüseynzadə


-70 kq.

1. Zeynəbxanım Əsədova

2. Aygün İsmayılova

3. Lalə Yusifova

3. Gülay Süleymanova


+70 kq. 

1. Nuranə Məhərrəmova 

2. Leyli Qurbanova 

3. Nərgiz Vəlizadə


Oğlanlar


-46 kq. 

1. Rüstəm Qasımzadə 

2. Emin Səfərov 

3. Nəcəf Nəsrullayev 

3. Tahir Əlizadə


-50 kq.

1. Əhməd Rüstəmov

2. Rəsul Əliyev

3. Bayram Orucov

3. Telman Abdullayev


-55 kq. 

1. Fərid Qarayev 

2. Mirxaliq İsgəndərov 

3. Həsən Həsənli 

3. Ayxan Mirzəzadə


-60 kq. 

1. Ümüd Qurbanov 

2. Xanəhməd Şərifov 

3. Məhəmməd Musayev 

3. Kənan Sadıqov


-73 kq. 

1. Süleyman Şükürov 

2. Mehdi Abbasov 

3. Allahverdi Səmədov 

3. Əbil Yusubov


-66 kq.

1. Murad Allahverdiyev

2. Emil Hüseynzadə

3. Əmir Kəlbixanov

3. Mehdi Cəfərov


-81 kq. 

1. Əli Qazıməmmədov

2. Hüseyn Hüseynov

3. Kənan Quliyev 

3. Hüseyn Eyvazlı



-90 kq.

1. Tuncay Şamil

2. Davud Namazlı

3. Sübhan Axundov

3. Orxan Əhmədzadə


+90 kq. 

1. Ramazan Əhmədov 

2. Rəsul Səmədli 

3. Eldar Əliyev 

3. Əliyar Bayramlı


Cüdoçularımızı təbrik edirik!

Ətraflı
...
Beynəlxalq turnirlər
Portuqaliya Qran Pri turnirində cüdoçularımızın rəqibləri bəlli oldu

26 yanvarda Portuqaliyanın Almada şəhərində Qran Pri turnirinin püşkatma mərasimi keçirilib. Püşkatmanın nəticələrinə görə cüdoçularımızın ilk rəqibləri məlum olub.

Xatırladaq ki, Azərbaycan milli yığma komandası yarışda 16 cüdoçu ilə təmsil olunacaq. 

Turniri canlı olaraq live.ijf.org saytında izləyə bilərsiniz!


Qadınlar


-48 kq. 

Leyla Əliyeva - Mariya Selia Labord (Amerika Birləşmiş Ştatları)

Könül Əliyeva - Keysi Perafan (Argentina)


-52 kq. 

Gültac Məmmədəliyeva - Nandin-Erdene Myaqmarsuren (Monqolustan)

Aydan Vəliyeva - Ana Perez Boks (İspaniya)


-57 kq. 

Fidan Əlizadə - Pleyun Kornelis (Niderland)


-63 kq. 

Aytac Qardaşxanlı - Anya Obradoviç (Serbiya)


-70 kq. 

Südabə Ağayeva - Maya Koqan (İsrail) / Ellen Froner (Braziliya) cütlüyünün qalibi


Kişilər


-60 kq. 

Turan Bayramov - Xuan Ayala (Ekvador) / Tumiso Futeqo (Botsvana) görüşünün qalibi

Nazir Talıbov - Daniel Leutqeb (Avstriya)


-66 kq.

Yaşar Nəcəfov - Vail Ezzin (Əlcəzair) / Bruno Bento (Portuqaliya) cütlüyünün qalibi


-73 kq. 

Vüsal Qələndərzadə - Samuel Qasner (Avstriya)

Nurlan Osmanov - Narkiso Matos (Mozambik)


-81 kq. 

Rüstəm Orucov - Kel Berliner (Amerika Birləşmiş Ştatları)

Elcan Hacıyev - Semedo Klaudiano (Kabo-Verde) / Xikmatillox Turayev (Özbəkistan) görüşünün qalibi


-90 kq. 

Vüqar Talıbov - Haruya Kayhori (Yaponiya)


+100 kq. 

Camal Qamzatxanov - Stepan Heqyi (Avstriya)


İdmançılarımıza uğurlar arzulayırıq!

Ətraflı
...
Digər
Azərbaycan Cüdo Federasiyası ilə İdman TV arasında müqavilə imzalanıb

17 yanvar 2023-cü ildə Azərbaycan Cüdo Federasiyası (ACF) ilə İdman TV arasında əməkdaşlığa dair müqavilə bağlanıb. Müqaviləni ACF-nin baş katibi Rəşad Rəsullu və İdman TV-nin direktoru Rövşən Binnətli imzalayıb. 

Müqaviləyə əsasən, Beynəlxalq Cüdo Federasiyasının “Dünya Cüdo Turu” çərçivəsində 2023 və 2024-cü illərdə keçiriləcək bütün yarışlarının ACF-yə məxsus olan Azərbaycan ərazisindəki televiziya yayım hüququnun İdman TV-yə verilməsi nəzərdə tutulur. Həmçinin Azərbaycan Cüdo Federasiyasının keçirdiyi bütün yaş qrupları üzrə Azərbaycan birincilikləri və çempionatlarının final görüşləri İdman TV-də canlı yayımlanacaq.

Bundan əlavə, cüdonun kütləviləşdirilməsini təmin etmək məqsədilə İdman TV-nin efirində bu idman növü ilə bağlı verilişin olması planlaşdırılır.


ACF-nin baş katibi Rəşad Rəsullu ölkədaxili və beynəlxalq yarışların canlı yayımının təşkilinin ölkədə cüdonun daha da populyarlaşması və kütləviləşməsi baxımından önəmli olduğunu qeyd edib: “Xüsusilə bütün yaş qrupları üzrə Azərbaycan birincilikləri və çempionatlarının canlı yayımı cüdonun təbliğatı və idmançıların həvəsləndirilməsi baxımından vacibdir”.

İdman TV-nin direktoru Rövşən Binnətli əsas məqsədlərinin ölkə idmanının inkişafına dəstək vermək olduğunu qeyd edib: “Azərbaycan Cüdo Federasiyası ilə imzaladığımız müqavilə bizə ölkəmizdə çox sevilən idman növlərindən olan cüdonun geniş tamaşaçı kütləsinə çatdırılmasına imkan verəcək. Ölkədaxili yarışların canlı yayımı yeniyetmə və gənclərdə cüdo idman növünə marağın daha da artmasına səbəb olacaq”.

Qeyd edək ki, ötən il böyüklər arasında Avropa çempionatının və böyüklər arasında Azərbaycan çempionatının canlı yayımı İdman TV vasitəsilə həyata keçirilib. 2023-cü il ərzində böyüklər arasında dünya çempionatı, “Masters” turniri, 9 Böyük Dəbilqə və 4 Qran Pri yarışının İdman TV-də yayımı planlaşdırılır. İlk belə yarış 27-29 yanvar tarixində keçiriləcək Portuqaliya Qran Prisi olacaq.

Bununla yanaşı, 5 yaş qrupu üzrə (U15, U18, U21, U23 və böyüklər) Azərbaycan çempionatlarının və birinciliklərinin final görüşlərinin canlı yayımını tamaşaçılar İdman TV-də izləyə biləcəklər. İlk yayım 24-27 yanvar tarixində keçiriləcək U18 yeniyetmələr arasında Azərbaycan birinciliyidir.