2-4 iyunda Tacikistanın paytaxtı Düşənbə şəhərində cüdo üzrə Qran Pri turniri keçirilib. Üç gün davam edən turnirdə 40 ölkədən 300-dən çox idmançı medallar uğrunda mübarizə aparıb. Azərbaycan cüdo üzrə milli yığma komandası yarışda 7 çəki dərəsində 9 kişi və 3 qadın ilə təmsil olunub.

Yarışın ilk günündə -60 kq. çəki dərəcəsində yarışan cüdoçumuz Turan Bayramov və -48 kq. çəki dərəcəsində yarışan cüdoçumuz Gültac Məmmədəliyeva gümüş medal əldə edib. -66 kq. çəki dərəcəsində Yaşar Nəcəfov isə bürünc medal qazanıb.

Turnirin sonuncu günündə -90 kq. çəkidə yarışan cüdoçumuz Elcan Hacıyev özbəkistanlı cüdoçu Caxonqir Mamatraximova qalib gələrək bürünc medala sahib olub.

Azərbaycan cüdoçuları turnirdə ümumilikdə 2 gümüş və 2 bürünc medal əldə edib.

2 iyunda Azərbaycan Cüdo Federasiyası (ACF) və Bakı Şəhər Gənclər və İdman İdarəsinin birgə təşkilatçılığı ilə cüdo üzrə 23 yaşa qədər kişilər və qadınlar arasında Bakı şəhər çempionatı keçirilib. 

Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutan turnirdə 10 çəki dərəcəsində 195 cüdoçu medallar uğrunda mübarizə aparıb. Kişilər arasında -60 kq., -66 kq., -73 kq., -81 kq., -90 kq., -100 kq. və +100 kq. çəki dərəcələrində, qadınlar arasında isə -52 kq., -63 kq. və -70 kq. çəki dərəcələrində qaliblər müəyyənləşib.

Yarışın əsas məqsədi gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır. Turnir 11-13 iyulda keçiriləcək 23 yaşa qədər qadınlar və kişilər arasında Azərbaycan çempionatına seçim xarakteri daşıyır.

Qaliblərin siyahısını təqdim edirik:

-60 kq.

1. Hüseyn Allahyarov

2. Murad Muradlı

3. Nicat Məmmədli

3. Fikrət Nəcəfov

-66 kq. 

1. Elşən Əsədov

2. Ayaz Ağayev

3. Bəhram Qurbanlı

3. Elvin Bağırov

-73 kq. 

1. Taryel Şıxəliyev

2. Əhməd Ağayev

3. Sadiq Həsənli

3. Çingiz Fəttəhov

-81 kq. 

1. Nahid Tarquliyev

2. Camal Baqışov

3. Roman Qarayev

3. Sulhan Süleymanlı

-90 kq. 

1. Rəşadət Paşazadə

2. Tuncay Şamil

3. Kamran Novruzov

3. Davud Namazlı

-100 kq. 

1. Rəsul Aydəmirov

2. Elşən Nəbiyev

3. Adil Məmmədov

+100 kq. 

1. İlkin Baxşaliyev 

2. Əli Mahmudov

3. Elman Mansurov

Qadınlar

-52 kq. 

1. Xumar Qasımzadə 

2. Əminə Abbas

3. Nəzrin Hidayətli

-63 kq. 

1. Nigar Əlibəyli

2. Məryəm Mehdiyeva

3. Aysel Şəfiyeva

-70 kq. 

1. Aysu Həsənova

2. Zeynəbxanım Əsədova

İdmançılarımızı təbrik edirik!

İyunun 1-də Azərbaycanın Əməkdar bədən tərbiyəsi və idman xadimi, “Şöhrət” ordenli Tərlan Həsənovun ömür yoluna və idman karyerasına həsr olunmuş “Bir cüdo əfsanəsi” kitabının təqdimat mərasimi keçirilib. 

Mərasimdə kitabın Ulu Öndər Heydər Əliyevin 100 illik yubileyi ərəfəsində və  Heydər Əliyev İlində nəşr edilməsinin əlamətdar olduğu vurğulanıb. 

Təqdimat mərasimində çıxış edən müəllif Elşən Əliyev bidirib ki, Tərlan Həsənovun ömür yolu və idman karyerası indiki və gələcək nəsillər üçün örnəkdir. 

Qeyd edək ki, kitab Azərbaycan Cüdo Federasiyası İcraiyyə Komitəsinin üzvü Azər Əsgərovun təşəbbüsü ilə ərsəyə gəlib.

Tədqimat mərasimində Azərbaycan Respublikası Gənclər və İdman Nazirlyinin, Azərbaycan Cüdo Federasiyasının, idman ictimaiyyətinin nümayəndələri, Tərlan Həsənovun yetirmələri və ailə üzvləri iştirak ediblər.

1 iyunda Tacikistanın paytaxtı Düşənbə şəhərində Qran Pri turnirinin püşkatma mərasimi keçirilib. Püşkatmanın nəticələrinə görə Azərbaycan cüdoçularının ilk rəqibləri məlum olub.

Xatırladaq ki, Azərbaycan cüdo üzrə milli yığma komandası yarışda 7 çəki dərəsində 9 kişi və 3 qadın cüdoçu ilə təmsil olunacaq.

Turniri canlı olaraq judotv.com saytında izləyə bilərsiniz!

Kişilər

-60 kq. 

Turan Bayramov - Artsiom Kolasau (Fərdi Neytral İdmançılar) / Doston Ruziyev (Özbəkistan) görüşünün qalibi

Rövşən Əliyev - Markus Auer (Avstriya)

-66 kq. 

Yaşar Nəcəfov - Abduraxim Nutfulloyev (Özbəkistan) / Abderrahmane Bouşita (Mərakeş) görüşünün qalibi

Ruslan Paşayev - Martin Setz (Almaniya)

-73 kq. 

İbrahim Əliyev - Abdulla Aliyev (Qırğızıstan)

Nurlan Osmanov - Vikas Dalal (Hindistan)

-90 kq. 

Vüqar Talıbov - Yahor Varapayeu (Fərdi Neytral İdmançılar)

Elcan Hacıyev - Loris Tassiyer (Fransa)

+100 kq. 

Camal Qamzatxanov - Şakarmamad Mirmamadov (Tacikistan)

Qadınlar

-48 kq. 

Leyla Əliyeva - Emi Platten (Böyük Britaniya) / Şuayşiya Han (Çin) görüşünün qalibi

Könül Əliyeva - Andea Stoyadinov (Serbiya)

-52 kq.

Gültac Məmmədəliyeva - Paulina Martinez (Meksika) / Kseniya Daniloviç (Fərdi Neytral İdmançılar) görüşünün qalibi

İdmançılarımıza uğurlar arzulayırıq!

“Azərbaycan Dəmir Yolları” QSC  Bakı Dəmiryol Vağzalında 1 iyun - Uşaqların Beynəlxalq Müdafiəsi Gününə həsr olunmuş “Mən dəmiryolçu övladıyam!” adlı tədbir təşkil edib. 

Azərbaycan Cüdo Federasiyası uşaqların inkişafı və potensiyalarını kəşf edə biləcəyi mühitə dəstək vermək məqsədi ilə tədbirə qoşulub. Tədbir zamanı cüdo idman növü haqqında iştirakçılara geniş məlumat verilib və yeniyetmə cüdoçular tərəfindən tatami üzərində cüdo fəndləri əyani şəkildə nümayiş olunub. 

“Azərbaycan Dəmir Yolları” QSC  500-ə yaxın dəmiryolçu övladını bir araya gətirərək onlara üçün canlı və inklüziv atmosfer yaratdı.

Beynəlxalq Cüdo Federasiyasının Uşaq Komissiyasının direktoru Ruben Houkesin təşəbbüsü ilə keçirilən araşdırma nəticəsində məlum olub ki, cüdo uşaqların fiziki və mənəvi sağlamlığına müsbət təsir göstərir.

Araşdırmanın nəticələrinə əsasən cüdo ilə məşğul olan uşaqların sosial davranışında da bir çox pozitiv dəyişikliklər müşahidə olunub: sosial narahatlıq, emosional problemlər və həmyaşıdlarla münaqişə xeyli azalıb. 

Tədqiqat həmçinin onu da göstərir ki, cüdo ilə məşğul olan uşaqlar daha sərbəst olur, emosiyalarını tənzimləyə bilirlər. Cüdo axı təkcə idman və sağlamlıq deyil, həmçinin ruhi və mənəvi sağlamlıqdır. Cəsarət, hörmət, təvazökarlıq, səmimiyyət, dostluq, şərəf, nəzakət, özünüidarə dəyərlərinə sahib olan cüdo, uşaqları həyata daha hazırlıqlı olmağı, özünəinamı və ən əsası - xoşbəxt olmağı öyrədir. 

Niyə cüdo?

Çünki cüdo bir idmandan daha artıqdır!