1 fevral 2023-cü ildə Sabirabad şəhərində cüdo təlim mərkəzinin istifadəyə verilməsi ilə bağlı tədbir keçirilib. İlk öncə, Sabirabad rayonu icra başçısının müavini Ceyran Xəlilova, Azərbaycan Cüdo Federasiyasının (ACF) vitse-prezidenti Elnur Məmmədli, ACF-in baş katib Rəşad Rəsullu, ACF prezidentinin müşaviri Natiq Bağırov, rayon gənclər və idman idarəsinin rəisi Nadir Quliyev Sabirabad ictimaiyyətinin nümayəndələri və digər rəsmi şəxslər mərkəzdə yaradılan şərait ilə tanış olublar.

Məlumat verilib ki, istifadəyə verilən cüdo təlim mərkəzi Sabirabadda cüdo idman növünün inkişafında mühüm rol oynayacaq. Yüksək səviyyədə təmir edilən cüdo təlim mərkəzinin ümumi sahəsi 322 m2 təşkil edir. Təlim mərkəzində bir dojo (cüdo məşq zalı) və bir fiziki hazırlıq zonası var. Onların sahəsi müvafiq olaraq 160 m2 və 46 m2-dir. Cüdo məşq zalı Beynəlxalq Cüdo Federasiyasının rəsmi təchizatçısı olan “Taishan” firmasının tatamiləri ilə təchiz olunub. Fiziki hazırlıq zonası cüdo idman növü üzrə fiziki hazırlıq məşğələləri üçün vacib olan zəruri avadanlıqlarla təchiz edilib.

Təlim mərkəzində idmançılar üçün bütün zəruri şərait təmin edilib. Mərkəzdə məşqçi otağı, idmançılar üçün soyunub-geyinmə otaqları, duş və sanitar qovşaqlar mövcuddur. Həmçinin, təlim mərkəzi müasir isitmə sistemi ilə təmin edilib. Burada ay ərzində 200 nəfərə qədər uşaq, yeniyetmə və gənc cüdo idman növü ilə məşğul ola biləcək..

ACF-in vitse-prezidenti Elnur Məmmədli bildirib ki, Sabirabadda yeni istifadəyə verilən cüdo təlim mərkəzi Sabirabad rayonunda cüdonun daha da kütləvləşdirilməsi, yeniyetmələrin və gənclərin fiziki və mənəvi tərbiyəsinə öz töhfəsini verməklə yanaşı, gələcəkdə milli yığmaların üzvü ola biləcək istedadlı idmançıların aşkarlanması baxımından da mühüm əhəmiyyət kəsb edir. Vitse-prezidentin sözlərinə görə, ACF bundan sonrada regionlarda yeni cüdo məşq zallarının inşasına və bərpasına xüsusi diqqət ayıracaq.

Tədbir günü Sabirabadan olan cüdoçular üçün Natiq Bağırov tərəfindən ustad dərsi keçirilib

Qeyd edək ki, regionlarda cüdo idman növü üzrə infrastrukturun yaxşılaşdırılması və təkmilləşdirilməsi ACF-in müəyyən etdiyi əsas fəaliyyət istiqamətlərindən biridir. İndiyə qədər Gəncədə, Ağstafada və Sabirabadda istifadəyə verilən cüdo zalları ilə yanaşı, hazırda Sumqayıt, Zaqatala və Qazax şəhərlərində də müvafiq zalların təmir-tikinti işləri həyata keçirilməkdədir. Həmçinin, son bir il müddətində ACF tərəfindən 40-dan artıq cüdo idman zalına 3000-ə yaxın cüdo tatamisi paylanılması reallaşdırılıb. Federasiya digər şəhər və regionlarda da maddi-texniki bazanın təkmilləşdirilməsi üçün 2023-cü il ərzində davamlı olaraq fəaliyyət göstərəcək.

30 yanvar – 1 fevral tarixlərində Beynəlxalq Cüdo Federasiyasının (BCF) Akademiyasında təhsil alan cüdo məşqçiləri üçün “kata” təlimi təşkil olunub.

Təlim zamanı  “kata”-nın yerinə yetirilməsi üzrə dərslər keçirilir. Qeyd edək ki, “kata” cüdoda texniki hərəkətlər kompleksidir və onun yerinə yetirilməsinin ciddi qayda və ardıcıllığı vardır. Bu hərəkətlər kompleksinin keyfiyyətli nümayişi cüdoçunun ustalıq səviyyəsini müəyyən edir. “Kata”-nın öyrənilməsi cüdonun əsas fəlsəfi prinsiplərinin mənimsənilməsi və fəndlərin düzgün yerinə yetirilməsi baxımından mühüm əhəmiyyət kəsb edir.

Türkiyə Cüdo Federasiyasının təhsil üzrə direktoru Mehmet Yılmaz tərəfindən keçirilən təlim  6-18 fevralda baş tutacaq BCF-in praktiki imtahanına hazırlıq məqsədi daşıyır.

Nəzərinizə çatdıraq ki, praktiki imtahana hazırlıq üçün ACF 2022-ci il ərzində üç dəfə, 2023-cü ildə isə bir dəfə olmaqla beynəlxalq ekspertlərini iştirakı ilə ümumilikdə dörd əyani seminar təşkil edib. Seminarlar zamanı məşqçilərə əyani formada imtahanda nümayiş etdirməli olduqları müxtəlif hərəkətlər və cüdo texnikaları detallı şəkildə izah edilib.

Azərbaycan Cüdo Federasiyası 2022-ci ilin əsas fəaliyyət istiqamətlərinə və nailiyyətlərinə dair hesabat videosunu təqdim edir.

27-29 yanvarda Portuqaliyanın Almada şəhərində keçirilən Qran Pri turnirinin ikinci günündə 1 gümüş medal qazanıb

-81 kq. çəki dərəcəsində mübarizə aparan cüdoçumuz Elcan Hacıyev yarışı gümüş medalla başa vurub. O, finalda koreyali cüdoçu Li Junhan ilə qarşılaşıb. 

27 yanvarda U-18 yeniyetmələr arasında Azərbaycan birinciliyinin qarışıq komanda yarışı keçirilib. 

Yarışlarda 12 komandadan 95 idmançı medallar uğrunda mübarizə aparıb. Qızlar -48 kq., -63 kq. və +63 kq. çəki dərəcələrində, oğlanlar isə -60 kq., -81 kq. və +81 kq. çəki dərəcələrində güclərini sınayıblar.

Final görüşü Bakı şəhəri 13 nömrəli İOEUGİM ilə "Təhsil" RİM 10 nömrəli UGİM arasında keçirilib. Bakı şəhəri 13 nömrəli İOEUGİM 4:1 hesabı ilə qalib gələrək komanda yarışlarının kubokunu və qızıl medallarını qazanıb. 

Yarışın yekun nəticələrinə əsasən komandaların tutduqları yer belə müəyyənləşib:

1. Bakı şəhəri 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi

2. "Təhsil" Respublika İdman Mərkəzinin 10 nömrəli Uşaq-Gənclər İdman Məktəbi

3. Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman Şahmat Məktəbi

3. "Təhsil" Respublika İdman Mərkəzinin 1 nömrəli Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbi

5. "Təhsil" Respublika İdman Mərkəzinin 2 nömrəli Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbi

5. Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi 2

7. Şimal-Qərb regionu

7. Neftçi İdman Klubu

Yanvarın 26-da Portuqaliyanın Almada şəhərində Qran Pri turnirinə hazırlıq məqsədi ilə Beynəlxalq Cüdo Federasiyasının hakimlər üzrə baş direktoru Daniel Laskaunun iştirakı ilə hakimlər üçün seminar keçirilib. 

Seminarda Azərbaycan Cüdo Federasiyasının “A” kateqoriyalı beynəlxalq dərəcəli hakimi Nazim Umbayevdə iştirak edib. Azərbaycanlı hakim üç gün davam edəcək turnirdə ədalət təmsilçiləri arasında yer alacaq.

24-26 yanvar tarixlərində Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində U-18 yeniyetmələr arasında Azərbaycan birinciliyinin fərdi yarışları keçirilib.

Yarışa 97 müxtəlif klub, cəmiyyət və idman təşkilatından 616 (502 oğlan, 114 qız) cüdoçu qatılıb.

Yarışın sonuncu günündə qızlar arasında -44 kq., -57 kq. və +70 kq. çəki dərəcələrində, oğlanlar arasında isə -55 kq., -73 kq. və +90 kq. çəki dərəcələrində qaliblər müəyyənləşib.

Fərdi yarışların son nəticəsinə görə, ümumi komanda hesabında medalların sayına görə 1-ci yerə Bakı şəhəri 13 nömrəli İxtisaslaşdırılmış Olimpiya Ehtiyatları Uşaq-Gənclər İdman məktəbi, 2-ci yerə Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman Şahmat Məktəbi, 3-cü yerə isə Sumqayıt şəhər 2 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi layiq görülüb. 33 komanda müxtəlif əyarlı medal qazanıb.

Qaliblərin siyahısını təqdim edirik:

-36 kq. 

1. Nurcahan Səlimova 

-40 kq.

1. Xədicə Abdullayeva

2. Nigar Məmişova

3. Gülşən Hüseynova

3. Dərya Bıkova

-44 kq. 

1. Məryəm Bayramzadə 

2. Nərgiz Şıxməmmədova 

3. Naidə Quziyeva 

3. Aytac Yolçuzadə

-48 kq. 

1. Vüsalə Hacıyeva 

2. Fəridə Mirzəyeva 

3. Nuranə Hacızadə 

3. Ravanə İsfəndiyarova

-52 kq.

1. Xədicə Qədəşova

2. Aytən Verdiyeva

3. Aysun Məmmədova

3. Nərmin Qocayeva

-57 kq. 

1. Fidan Qasımova 

2. Röya Cəfərova 

2. Nilgün Rzayeva 

3. Aliyə Rüstəmova

-63 kq. 

1. Kamilla Töhöliyeva 

2. Mələk Bayramlı 

3. Zəhrə Hüseynova 

3. Həbibə Hüseynzadə

-70 kq.

1. Zeynəbxanım Əsədova

2. Aygün İsmayılova

3. Lalə Yusifova

3. Gülay Süleymanova

+70 kq. 

1. Nuranə Məhərrəmova 

2. Leyli Qurbanova 

3. Nərgiz Vəlizadə

Oğlanlar

-46 kq. 

1. Rüstəm Qasımzadə 

2. Emin Səfərov 

3. Nəcəf Nəsrullayev 

3. Tahir Əlizadə

-50 kq.

1. Əhməd Rüstəmov

2. Rəsul Əliyev

3. Bayram Orucov

3. Telman Abdullayev

-55 kq. 

1. Fərid Qarayev 

2. Mirxaliq İsgəndərov 

3. Həsən Həsənli 

3. Ayxan Mirzəzadə

-60 kq. 

1. Ümüd Qurbanov 

2. Xanəhməd Şərifov 

3. Məhəmməd Musayev 

3. Kənan Sadıqov

-73 kq. 

1. Süleyman Şükürov 

2. Mehdi Abbasov 

3. Allahverdi Səmədov 

3. Əbil Yusubov

-66 kq.

1. Murad Allahverdiyev

2. Emil Hüseynzadə

3. Əmir Kəlbixanov

3. Mehdi Cəfərov

-81 kq. 

1. Əli Qazıməmmədov

2. Hüseyn Hüseynov

3. Kənan Quliyev 

3. Hüseyn Eyvazlı

-90 kq.

1. Tuncay Şamil

2. Davud Namazlı

3. Sübhan Axundov

3. Orxan Əhmədzadə

+90 kq. 

1. Ramazan Əhmədov 

2. Rəsul Səmədli 

3. Eldar Əliyev 

3. Əliyar Bayramlı

Cüdoçularımızı təbrik edirik!

26 yanvarda Portuqaliyanın Almada şəhərində Qran Pri turnirinin püşkatma mərasimi keçirilib. Püşkatmanın nəticələrinə görə cüdoçularımızın ilk rəqibləri məlum olub.

Xatırladaq ki, Azərbaycan milli yığma komandası yarışda 16 cüdoçu ilə təmsil olunacaq. 

Turniri canlı olaraq live.ijf.org saytında izləyə bilərsiniz!

Qadınlar

-48 kq. 

Leyla Əliyeva - Mariya Selia Labord (Amerika Birləşmiş Ştatları)

Könül Əliyeva - Keysi Perafan (Argentina)

-52 kq. 

Gültac Məmmədəliyeva - Nandin-Erdene Myaqmarsuren (Monqolustan)

Aydan Vəliyeva - Ana Perez Boks (İspaniya)

-57 kq. 

Fidan Əlizadə - Pleyun Kornelis (Niderland)

-63 kq. 

Aytac Qardaşxanlı - Anya Obradoviç (Serbiya)

-70 kq. 

Südabə Ağayeva - Maya Koqan (İsrail) / Ellen Froner (Braziliya) cütlüyünün qalibi

Kişilər

-60 kq. 

Turan Bayramov - Xuan Ayala (Ekvador) / Tumiso Futeqo (Botsvana) görüşünün qalibi

Nazir Talıbov - Daniel Leutqeb (Avstriya)

-66 kq.

Yaşar Nəcəfov - Vail Ezzin (Əlcəzair) / Bruno Bento (Portuqaliya) cütlüyünün qalibi

-73 kq. 

Vüsal Qələndərzadə - Samuel Qasner (Avstriya)

Nurlan Osmanov - Narkiso Matos (Mozambik)

-81 kq. 

Rüstəm Orucov - Kel Berliner (Amerika Birləşmiş Ştatları)

Elcan Hacıyev - Semedo Klaudiano (Kabo-Verde) / Xikmatillox Turayev (Özbəkistan) görüşünün qalibi

-90 kq. 

Vüqar Talıbov - Haruya Kayhori (Yaponiya)

+100 kq. 

Camal Qamzatxanov - Stepan Heqyi (Avstriya)

İdmançılarımıza uğurlar arzulayırıq!

26 yanvarda U-18 yeniyetmələrin şəxsi və qarışıq komandalar arasında Azərbaycan birinciliyində 196 cüdoçu gücünü sınayacaq.

Yarışın üçüncü günündə qızlar -44 kq., -57 kq. və +70 kq. çəki dərəcələrində, oğlanlar isə -55 kq., -73 kq. və +90 kq. çəki dərəcələrində qaliblər bəlli olacaq.

Yarışın final görüşləri İdman TV kanalı vasitəsi ilə canlı yayımlanacaq. Final görüşləri 17:00-da keçiriləcək.

İdmançılarımıza uğurlar arzu edirik!

18 yaşa qədər yeniyetmələrin şəxsi və qarışıq komandalar arasında Azərbaycan birinciliyinin yarış günü keçirilib. Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutan yarışda 203 cüdoçu medallar uğrunda mübarizə aparıb.

25 yanvarda yarışda qızlar arasında -40 kq., -52 kq. və -70 kq. çəki dərəcələrində, oğlanlar arasında isə -50 kq., -66 kq. və -90 kq. çəki dərəcələrində qaliblər müəyyən olub.

Medalçıları təqdim edirik:

Qızlar

-40 kq.

1. Xədicə Abdullayeva

2. Nigar Məmişova

3. Gülşən Hüseynova

3. Dərya Bıkova

-52 kq.

1. Xədicə Qədəşova

2. Aytən Verdiyeva

3. Aysun Məmmədova

3. Nərmin Qocayeva

-70 kq.

1. Zeynəbxanım Əsədova

2. Aygün İsmayılova

3. Lalə Yusifova

3. Gülay Süleymanova

Oğlanlar

-50 kq.

1. Əhməd Rüstəmov

2. Rəsul Əliyev

3. Bayram Orucov

3. Telman Abdullayev

-66 kq.

1. Murad Allahverdiyev

2. Emil Hüseynzadə

3. Əmir Kəlbixanov

3. Mehdi Cəfərov

-90 kq.

1. Tuncay Şamil

2. Davud Namazlı

3. Sübhan Axundov

3. Orxan Əhmədzadə

İdmançılarımızı təbrik edirik!

25 yanvarda cüdo üzrə U-18 yeniyetmələrin şəxsi və qarışıq komandalar arasında Azərbaycan birinciliyində 203 cüdoçu medallar uğrunda mübarizə aparacaq.

Yarışın ikinci günündə qızlar -40 kq., -52 kq. və -70 kq. çəki dərəcələrində, oğlanlar isə -50 kq., -66 kq. və -90 kq. çəki dərəcələrində qaliblər bəlli olacaq.

Yarışın final görüşləri İdman TV kanalı vasitəsi ilə canlı yayımlanacaq. Final görüşləri 17:00-da keçiriləcək.

İdmançılarımıza uğurlar arzu edirik!

18 yaşa qədər yeniyetmələrin şəxsi və komandalar arasında Azərbaycan birinciliyinin ilk yarış günü keçirilib. 

24 yanvarda Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutan yarışda 219 cüdoçu arasında qaliblər müəyyənləşib. Oğlanlar arasında -46 kq., -60 kq. və -81 kq. çəki dərəcələrində, qızlar arasında isə -36 kq., -48 kq. və -63 kq. çəki dərəcələrində mükafatçılar bəlli olub.

Medalçıları təqdim edirik:

Oğlanlar

-46 kq. 

1. Rüstəm Qasımzadə 

2. Emin Səfərov 

3. Nəcəf Nəsrullayev 

3. Tahir Əlizadə

-60 kq. 

1. Ümüd Qurbanov 

2. Xanəhməd Şərifov 

3. Məhəmməd Musayev 

3. Kənan Sadıqov

-81 kq. 

1. Əli Qazıməmmədov

2. Hüseyn Hüseynov

3. Kənan Quliyev 

3. Hüseyn Eyvazlı

Qızlar

-36 kq. 

1. Nurcahan Səlimova 

-48 kq. 

1. Vüsalə Hacıyeva 

2. Fəridə Mirzəyeva 

3. Nuranə Hacızadə 

3. Ravanə İsfəndiyarova

-63 kq. 

1. Kamilla Töhöliyeva 

2. Mələk Bayramlı 

3. Zəhrə Hüseynova 

3. Həbibə Hüseynzadə

İdmançılarımızı təbrik edirik!

27-29 yanvarda Portuqaliyanın Almada şəhərində Qran Pri turniri keçiriləcək. Üç gün davam edəcək turnirdə dünyanın 83 ölkəsindən 580 idmançı iştirak edəcək.

Mötəbər yarışda qadınlardan ibarət yığmanın baş məşqçisi Rəşad Məmmədov, böyüklərdən ibarət yığmanın böyük məşqçi Elçin İsmayılov və qadınlardan ibarət yığmanın məşqçisi Elnur İsmayılovun rəhbərliyi altında Azərbaycan milli yığma komandası 16 cüdoçu ilə təmsil olunacaq.

Qeyd edək ki, ACF-in “A” kateqoriyalı beynəlxalq dərəcəli hakimi Nazim Umbayev turnirdə ədalət təmsilçiləri arasında yer alacaq.

Qadınlar

-48 kq. 

Leyla Əliyeva 

Könül Əliyeva

-52 kq. 

Gültac Məmmədəliyeva 

Aydan Vəliyeva 

-57 kq. 

Fidan Əlizadə

-63 kq. 

Aytac Qardaşxanlı 

-70 kq. 

Südabə Ağayeva 

Kişilər

-60 kq. 

Turan Bayramov

Nazir Talıbov

-66 kq.

Yaşar Nəcəfov

-73 kq. 

Vüsal Qələndərzadə

Nurlan Osmanov

-81 kq. 

Rüstəm Orucov

Elcan Hacıyev

-90 kq. 

Vüqar Talıbov

+100 kq. 

Camal Qamzatxanov

İdmançılarımıza uğurlar arzulayırıq!

U-18 yeniyetmələr arasında Azərbaycan birinciliyinin hazırlıq işləri ilə əlaqədar Azərbaycan Cüdo Federasiyasının rəhbərliyi məşqçilər və hakimlərlə ayrı-ayrılıqda iclas keçirib.

İclasda Azərbaycan Cüdo Federasiyasının (ACF) Prezidentinin müşaviri Natiq Bağırov, baş katib Rəşad Rəsullu, ACF-in digər rəsmi nümayəndələri, hakimlər və məşqçilər iştirak ediblər. 

İclasda Azərbaycan birinciliyinə hazırlıq, turnirin təşkili məsələləri və yeni qaydalarla bağlı məlumat verilib. Turnirdə tibbi, təhlükəsizlik və nizam intizam məsələlərin yüksək səviyyədə təmin olunması vurğulanıb.

Həmçinin, iclas zamanı onlayn qeydiyyat sistemi və məlumat bazasının doldurulması ilə bağlı ətraflı məlumat verilib. Eyni zamanda, milli yığmanın məşqçi heyəti ilə birgə illik yerli və xarici yarışların müzakirəsi, yarışlara idmançı seçimi və yarışların formatı müzakirə olunub. ACF-in rəhbərliyi iclasın sonunda iştirakçıları maraqlandıran sualları cavablandırıb.

İclasdan sonra hakimlər və məşqçilərin iştirakı ilə seminar təşkil olunub.

Yanvarın 21-də Azərbaycan Cüdo Federasiyasının (ACF) İcraiyyə Komitəsinin iclası keçirilib. İclasda 2022-ci il üzrə fəaliyyətin nəticələri və 2023-cü il üçün hədəflər müzakirə edilib.

Qeyd edilib ki, ötən il milli yığmaların işinin təşkili, ölkədə cüdonun inkişafı və kütləviləşdirilməsi, fəaliyyətin rəqəmsallaşdırılması, hakimlərin və məşqçilərin peşəkar səviyyəsinin  artırılması, maddi-texniki infrastrukturun yaxşılaşdırılması, təhsil layihələrinin reallaşdırılması, daxili yarışların sayının və səviyyəsinin artırılması, regionlarda cüdonun inkişafı istiqamətində hərtərəfli və kompleks fəaliyyət göstərilib. 

Həmçinin, 2023-cü içün Federasiyanın əsas fəaliyyət hədəfləri və planları üzrə sənəd İcraiyyə Komitəsinə təqdim edilib. 

2022-ci il üzrə hesabat və cari il üzrə planlar ətrafında aparılan müzakirələr zamanı İcraiyyə Komitəsinin üzvləri görülən işləri yüksək qiymətləndirərək, öz tövsiyələrini və fikirlərini bildiriblər.

24-27 yanvar tarixlərində cüdo üzrə 18 yaşa qədər yeniyetmələr arasında Azərbaycan birinciliyi keçiriləcək. Yarışda 600-dən çox cüdoçu medallar uğrunda mübarizə aparacaq. Birinciliyin fərdi yarışları 24-26 yanvarda, komanda yarışları isə 27 yanvarda baş tutacaq.

Yarış hər gün saat 10:00-da başlayacaq. Fərdi yarışların final görüşləri saat 17:00-da, komanda yarışlarının final görüşləri isə saat 16:00-da keçiriləcək.

Yarışları izləmək üçün arenaya giriş sərbəstdir.

Məkan: Hövsan qəsəbəsi, Fövqəladə Hallar Nazirliyinin (FHN) İdman Sağlamlıq Mərkəzi

Hər birinizi idmançılarımıza dəstək olmağa dəvət edirik!

Azərbaycan Cüdo Federasiyasının təşkilatçılığı ilə cüdo məşqçiləri üçün ilk tibbi yardım təlimi təşkil edilib. 4 gün ərzində davam edən təlim proqramında müxtəlif klub, cəmiyyət və idman təşkilatlarından 80-ə yaxın məşqçi iştirak edib.

Təlimin əsas məqsədi məşqçilərə hər hansı zədə almış idmançıya həkimlərin köməyi təmin edilənə qədər ilk tibbi yardımın göstərilməsini izah etmək və onların bu sahədəki bilik və bacarıqlarını artırmaqdır. Təlim zamanı məşqçilərə müxtəlif ilk tibbi yardım üsulları nümayiş etdirilib, onları maraqlandıran suallara ətraflı cavab verilib.

Qeyd edək ki, təlimdə uğurla iştirak edən məşqçilərə müvafiq beynəlxalq sertifikat təqdim olunacaq.

17 yanvar 2023-cü ildə Azərbaycan Cüdo Federasiyası (ACF) ilə İdman TV arasında əməkdaşlığa dair müqavilə bağlanıb. Müqaviləni ACF-nin baş katibi Rəşad Rəsullu və İdman TV-nin direktoru Rövşən Binnətli imzalayıb. 

Müqaviləyə əsasən, Beynəlxalq Cüdo Federasiyasının “Dünya Cüdo Turu” çərçivəsində 2023 və 2024-cü illərdə keçiriləcək bütün yarışlarının ACF-yə məxsus olan Azərbaycan ərazisindəki televiziya yayım hüququnun İdman TV-yə verilməsi nəzərdə tutulur. Həmçinin Azərbaycan Cüdo Federasiyasının keçirdiyi bütün yaş qrupları üzrə Azərbaycan birincilikləri və çempionatlarının final görüşləri İdman TV-də canlı yayımlanacaq.

Bundan əlavə, cüdonun kütləviləşdirilməsini təmin etmək məqsədilə İdman TV-nin efirində bu idman növü ilə bağlı verilişin olması planlaşdırılır.

ACF-nin baş katibi Rəşad Rəsullu ölkədaxili və beynəlxalq yarışların canlı yayımının təşkilinin ölkədə cüdonun daha da populyarlaşması və kütləviləşməsi baxımından önəmli olduğunu qeyd edib: “Xüsusilə bütün yaş qrupları üzrə Azərbaycan birincilikləri və çempionatlarının canlı yayımı cüdonun təbliğatı və idmançıların həvəsləndirilməsi baxımından vacibdir”.

İdman TV-nin direktoru Rövşən Binnətli əsas məqsədlərinin ölkə idmanının inkişafına dəstək vermək olduğunu qeyd edib: “Azərbaycan Cüdo Federasiyası ilə imzaladığımız müqavilə bizə ölkəmizdə çox sevilən idman növlərindən olan cüdonun geniş tamaşaçı kütləsinə çatdırılmasına imkan verəcək. Ölkədaxili yarışların canlı yayımı yeniyetmə və gənclərdə cüdo idman növünə marağın daha da artmasına səbəb olacaq”.

Qeyd edək ki, ötən il böyüklər arasında Avropa çempionatının və böyüklər arasında Azərbaycan çempionatının canlı yayımı İdman TV vasitəsilə həyata keçirilib. 2023-cü il ərzində böyüklər arasında dünya çempionatı, “Masters” turniri, 9 Böyük Dəbilqə və 4 Qran Pri yarışının İdman TV-də yayımı planlaşdırılır. İlk belə yarış 27-29 yanvar tarixində keçiriləcək Portuqaliya Qran Prisi olacaq.

Bununla yanaşı, 5 yaş qrupu üzrə (U15, U18, U21, U23 və böyüklər) Azərbaycan çempionatlarının və birinciliklərinin final görüşlərinin canlı yayımını tamaşaçılar İdman TV-də izləyə biləcəklər. İlk yayım 24-27 yanvar tarixində keçiriləcək U18 yeniyetmələr arasında Azərbaycan birinciliyidir.

12-13 yanvarda Azərbaycan Cüdo Federasiyası və Bakı Şəhər Gənclər və İdman İdarəsinin birgə təşkilatçılığı ilə cüdo üzrə 21 yaşa qədər gənclər arasında Bakı birinciliyi keçirilib. Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutan yarışda 16 çəki dərəcəsində qaliblər bəlli olub.

İki gün davam edəcək yarışda Bakının 30 müxtəlif klublarından, cəmiyyətlərindən və idman təşkilatlarından ümumilikdə 166 idmançı arasında qaliblər müəyyənləşib.

Yarışın əsas məqsədi müvafiq yaş qrupu üzrə 22-24 fevralda keçiriləcək Azərbaycan birinciliyinə namizədlərin seçimini etmək və eyni zamanda gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır.

Medalçıları təqdim edirik:

-55 kq. 

1. Tahir Həsənli 

2. Mirmusa Abülrəhmanov 

3. Adil Əliyev 

3. Nurlan Məhərrəmli

-60 kq. 

1. Hüseyn Allahyarov 

2. Elton İmranov 

3. Fikrət Nəcəfov 

3. Sahib Babayev

-66 kq. 

1. Bəhram Qurbanlı 

2. Rüfət Aydınov 

3. Cabbar Hüseynov 

3. Sadiq Həsənli

-73 kq. 

1. Elnur Qasılov 

2. Tariyel Şıxalıyev 

3. Həsən Cəfərov 

3. Səid Rzayev

-81 kq. 

1. Xəyyam Əliyev 

2. Elçin Cəfərov 

3. Sübhan Eyyubov 

3. Murad Muradov

-90 kq. 

1. Nihad Şıxalizadə 

2. Fərid Niyazov 

3. Sadiq Zeynallı 

3. Fərid Hacıyev

-100 kq. 

1. Hüseyn Dadaşov 

2. Nicat Fətəlov 

3. Elxan Quliyev 

3. Orxan Paşayev

+100 kq. 

1. Məhəmməd Məmmədzadə 

2. İlkin Baxalıyev

Qızlar

-48 kq. 

1. Xumar Qasımzadə 

-52 kq. 

1. Mələkxanım Məmmədova 

-57 kq. 

1. Gülnarə Bayramova 

-63 kq. 

1. Nigar Əlibəyli 

2. Leyla Atayeva 

3. Emilya Mirzəyeva

-70 kq. 

1. Aysu Həsənova 

2. Pərvin Hüseynov

İdmançılarımızı təbrik edirik!

12 yanvar 2023-ci ildə Azərbaycan Cüdo Federasiyasının (ACF) “Ağstafa Olimpiya İdman Klubu”nun tərkibində yaratdığı  Ağstafa cüdo təlim mərkəzinə baxış keçirilib. ACF Prezidenti Rəşad Nəbiyev, Ağstafa ictimaiyyətinin nümayəndələri və digər rəsmi şəxslər mərkəzdə yaradılan şərait ilə tanış olublar.

Məlumat verilib ki, indiyə qədər Ağstafa rayonunda cüdo bölməsi olmayıb. Bu baxımdan, istifadəyə verilən cüdo təlim mərkəzi Ağstafada cüdo idman növünün inkişafında mühüm rol oynayacaq. Yüksək səviyyədə inşa olunan cüdo təlim mərkəzinin ümumi sahəsi 450 m2 təşkil edir. Təlim mərkəzində bir dojo (cüdo məşq zalı) var və sahəsi müvafiq olaraq 320 m2-dir. Cüdo məşq zalı Beynəlxalq Cüdo Federasiyasının rəsmi təchizatçısı olan “Taishan” firmasının tatamiləri ilə təchiz olunub.

Təlim mərkəzində idmançılar üçün bütün zəruri şərait təmin edilib. Binada gözləmə otağı, idmançılar üçün soyunub-geyinmə otaqları, duş və sanitar qovşaqlar mövcuddur. Həmçinin, təlim mərkəzi müasir isitmə və ventilyasiya sistemləri ilə təmin edilib. Burada ay ərzində 400 nəfərə qədər uşaq, yeniyetmə və gənc cüdo idman növü ilə məşğul ola biləcək.

ACF-in baş katibi Rəşad Rəsullu bildirib ki, Ağstafada inşa olunan ilk cüdo təlim mərkəzinin istifadəyə verilməsi rayonda cüdonun daha da kütləviləşdirilməsinə zəmin yaradır: “Bizim əsas məqsədimiz regionda yaşayan uşaqların, yeniyetmələrin və gənclərin sağlam həyat tərzinin formalaşdırılmasına töhfə vermək və onların asudə vaxtlarının səmərəli təşkil edilməsini dəstəkləməkdir. Əminik ki, bu təlim mərkəzində kəşf edilən istedadlar gələcəkdə nüfuzlu beynəlxalq turnirlərdə ölkəmizi layiqincə təmsil edəcəklər”. 

Baş katibin sözlərinə görə, ACF cüdo təlim mərkəzində fəaliyyət göstərəcək məşqçilərin peşəkar səviyyəsinin artırılması üçün də müvafiq tədbirlərin həyata keçirilməsini planlaşdırır. 

Qeyd edək ki, regionlarda cüdo idman növü üzrə infrastrukturun yaxşılaşdırılması və təkmilləşdirilməsi ACF-in müəyyən etdiyi əsas fəaliyyət istiqamətlərindən biridir. İndiyə qədər Gəncədə və Ağstafada istifadəyə verilən cüdo zalları ilə yanaşı, hazırda Sumqayıt, Zaqatala, Sabirabad və Qazax şəhərlərində də müvafiq zalların təmir-tikinti işləri həyata keçirilməkdədir. Həmçinin, son bir il müddətində ACF tərəfindən 40-dan artıq cüdo idman zalına 3000-ə yaxın cüdo tatamisi paylanılması reallaşdırılıb. Federasiya digər şəhər və regionlarda da maddi-texniki bazanın təkmilləşdirilməsi üçün 2023-cü il ərzində davamlı olaraq fəaliyyət göstərəcəkdir.

21 yaşa qədər gənclər arasında Bakı şəhər birinciliyinin ilk yarış gününün nəticələri bəlli olub. 12 yanvarda Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutan yarışda 73 cüdoçu arasında 6 çəki dərəcəsində medalçılar müəyyənləşib.

Medalçıları təqdim edirik:

Oğlanlar

-55 kq. 

1. Tahir Həsənli 

2. Mirmusa Abülrəhmanov 

3. Adil Əliyev 

3. Nurlan Məhərrəmli

-66 kq. 

1. Bəhram Qurbanlı 

2. Rüfət Aydınov 

3. Cabbar Hüseynov 

3. Sadiq Həsənli

-81 kq. 

1. Xəyyam Əliyev 

2. Elçin Cəfərov 

3. Sübhan Eyyubov 

3. Murad Muradov

-100 kq. 

1. Hüseyn Dadaşov 

2. Nicat Fətəlov 

3. Elxan Quliyev 

3. Orxan Paşayev

Qızlar

-52 kq. 

1. Mələkxanım Məmmədova 

-63 kq. 

1. Nigar Əlibəyli 

2. Leyla Atayeva 

3. Emilya Mirzəyeva

İdmançılarımızı təbrik edirik!

50 illik yubileyini qeyd edən Azərbaycan cüdosu üçün 2022-ci ili məhsuldar adlandırmaq olar. İl boyu müxtəlif nüfuzlu yarışlarda tarixi qələbələr və ilklər qazanılıb.

Azərbaycan cüdo tarixində ilk dəfə qarışıq komanda yarışında qızıl medal qazanılıb. Belə ki, Slovakiyanın Banska Bıstritsa şəhərində keçirilən XVI Avropa Gənclərin Yay Olimpiya Festivalında (EYOF) Azərbaycan cüdoçuları bütün komandaları üstələyərək festivalın qızıl medalını əldə ediblər.

23-25 iyun tarixlərində Xorvatiyanın Poreç şəhərində keçirilən yeniyetmələr arasında cüdo üzrə Avropa çempionatının fərdi yarışlarında yeniyetmə oğlanlardan ibarət Azərbaycan komandası 2 qızıl, 4 bürünc medal qazanaraq Avropa çempionatında medal əyarına və sayına görə birinci yeri tutub.

15-17 sentyabr tarixlərində Çexiyanın paytaxtı Praqa şəhərində keçirilən gənclər arasında Avropa çempionatında fərdi yarışlarında gənc oğlanlardan ibarət Azərbaycan komandası 3 qızıl, 1 gümüş, və 1 bürünc medal qazanaraq Avropa çempionatında medal əyarına və sayına görə birinci olub.

Veteran cüdoçu Fərhad Rəcəbli 10-cu dəfə Dünya çempionu və 8-ci dəfə Avropa çempionu tituluna sahib çıxıb.

Bu il Azərbaycan milli yığma komandasının idmançıları Bakıda keçirilən Böyük Dəbilqə turnirində 4 qızıl və 2 bürünc medal qazanaraq rekord nəticə göstəriblər. Bu, həm Bakıda keçirilən Böyük Dəbilqə yarışlarında və ümumiyyətlə bütün Böyük Dəbilqə yarışlarında milli yığmanın əldə etdiyi ən yaxşı nəticədir.

Qeyd edək ki, Azərbycan cüdoçuları il ərzində Beynəlxalq Cüdo Federasiyasının və Avropa Cüdo Birliyinin təqvimində yer alan bütün yaş qrupları üzrə fərdi və komandalar arasında keçiriən beynəlxalq yarışlarda ümumilikdə 198 medal əldə edib. Bu medallardan 66-sı qızıl, 56-sı gümüş və 76-sı bürünc olub.

Cüdoçularımızın 2022-ci ildə əldə etdikləri parlaq qələbələrini əks etdirən videoçarxı diqqətinizə təqdim edirik.

Yanvarın 9-da 2022-ci ilin idman yekunlarına həsr olunan mərasim keçirilib. Azərbaycan Respublikasının Prezidenti, Milli Olimpiya Komitəsinin Prezidenti İlham Əliyev mərasimdə iştirak edib. Dövlətimizin başçısı tədbirdə çıxış edib.

Tədbirdə əməkdar məşqçi İlham Məmmədova mənzil orderi, əməkdar məşqçilər Ağanağı Cəfərov və Musa İsmayılova “Əməkdar bədən tərbiyəsi və idman xadimi” fəxri adı təqdim edilib.

Azərbaycanın cüdo üzrə milli komandası 9-17 yanvar tarixlərində Avstriyanın Miteşil şəhərində təşkil olunan Olimpiya təlim düşərgəsində iştirak edir. Təlim-məşq toplanışına böyüklərdən və gənclərdən ibarət kişi milli yığma komandadan 27 idmançı qatılıb. Qadınlardan ibarət milli yığma komandadan isə 10 cüdoçu iştirak edir. 

1993-cü ildən bəri keçirilən təlim-məşq toplanışına dünyanın 45 ölkəsindən 700-dən çox idmançı qatılıb. Onların arasında reytinq cədvəlinə düşən ilk 7 idmançı, 14 Olimpiya çempionu, 5 Dünya çempionu və digər nüfuzlu turnirlərin qalibləri və mükafatçıları var.

“Yeni təqvim ilinin başlanğıcıdır və bu təlim-məşq ilin ilk rəsmi toplanışıdır deyə buraya çox sayda reytinqli idmançı qatılıb. İdmançılarımızın Miteşil Olimpiya idman düşərgəsində iştirakları Portuqaliyada keçiriləcək Qran Pri və Paris Böyük Dəbilqə turnirlərinə hazırlıq məqsədi daşıyır. Həmçinin, bu təlim yeni strategiyalar və texnikalar üzərində işləmək üçün müsbət şərait yaradacaq”,- deyə böyüklərdən ibarət milli yığmanın baş məşqçisi Riçard Trautman bildirib.

Cüdoçularımıza performans direktoru Mark van der Ham, böyüklərdən ibarət yığmanın baş məşqçisi Riçard Trautman, böyüklərdən ibarət yığmanın böyük məşqçisi Elçin İsmayılov, gənclərdən ibarət yığmanın baş məşqçisi Elxan Məmmədov, qadınlardan ibarət yığmanın baş məşqçisi Rəşad Məmmədov və qadınlardan ibarət yığmanın məşqçisi Elnur İsmayılov rəhbərlik edir.

Heç düşünmüşünüz niyə siz və övladınız məhz cüdo idman növü ilə məşğul olmalıdır? 

Beynəlxalq Cüdo Federasiyasının Uşaq Komissiyasının direktoru Ruben Houkesin təşəbbüsü ilə keçirilən araşdırma nəticəsində məlum olub ki, cüdo uşaqların fiziki və mənəvi sağlamlığına müsbət təsir göstərir.

Araşdırmanın nəticələrinə əsasən cüdo ilə məşğul olan uşaqların sosial davranışında da bir çox pozitiv dəyişikliklər müşahidə olunub: sosial narahatlıq, emosional problemlər və həmyaşıdlarla münaqişə xeyli azalıb.