Noyabrın 6-sı Azərbaycan Cüdo Federasiyası (ACF) "Azercell Telekom” MMC  ilə birgə keçirdiyi “Söz verirəm” sosial layihəsi çərçivəsində  Kürdəxanı kəndində yerləşən  H. Ağaverdiyev adına 113 nömrəli tam orta məktəbdə kampaniya təşkil etdi. 

ACF-in baş katibinin müşaviri Ayan Nəcəf və ACF-in Marketinq və Kommunikasiya şöbəsinin meneceri Rəşad İbrahimov 100-ə yaxın şagirdlə maarifləndirici görüş keçirdilər. Onlar şagirdlərə qısnamanın mahiyyəti, potensial təhlükələri və buna qarşı durmağın zəruriliyi haqqında məlumat verdilər. Məktəbin direktoru Gültəkin Rüstəmova çıxış edərək kampaniyanın əhəmiyyətini vurğulayıb və bu təşəbbüs üçün təşkilatçılara minnətdarlığını bildirib.

Tədbir zamanı uşaqlar müzakirələrdə fəal iştirak etdilər və qısnamaya qarşı öhdəlikləri götürməyə təşviq edildilər. Hər bir uşaq “Söz verirəm" sertifikatını imzaladı, bu isə onların qısnamaya qarşı olduqlarını simvolizə etdi. Bundan əlavə, onlar məlumatlandırıcı bukletlər və bilərziklər əldə etdilər.

“Söz verirəm” sosial kampaniyasının əsas məqsədi ölkəmizdə idmana olan marağı daha da artırmaq, cəmiyyətdə sağlam həyat tərzini təbliğ etməklə yanaşı, son zamanlar gənclər və yeniyetmələr arasında qlobal səviyyədə aktual olan qısnama (bullinq) mövzusuna toxunur. 

ACF “Bir məktəb bir klub” layihəsinin xətti ilə “Söz verirəm” kampaniyası çərçivəsində paytaxt Bakı və region məktəblərində görüşləri davam etdirəcəkdir.

7-9 noyabrda Azərbaycan Cüdo Federasiyası və Bakı Şəhər Gənclər və İdman İdarəsinin birgə təşkilatçılığı ilə 18 yaşa qədər yeniyetmə cüdoçular arasında Bakı şəhər birinciliyi keçiriləcək.

Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutacaq yarışda qızlar və oğlanlar arasında 18 çəki dərəcəsində qaliblər bəlli olacaq. Yarışda Bakının 66 müxtəlif klub, cəmiyyət və idman təşkilatından 795 cüdoçu medallar uğrunda mübarizə aparacaq.

Yarışın əsas məqsədi yeniyetmələr və gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır. Turnir müvafiq yaş qrupu üzrə gələn il baş tutacaq Azərbaycan birinciliyinə seçim xarakteri daşıyır.

Yarışları izləmək üçün arenaya giriş sərbəstdir.

Azərbaycan Cüdo Federasiyası (ACF) məlumat verir ki, Beynəlxalq Cüdo Federasiyası Acelya Toprakın 3 noyabr 2023 ildən etibarən Azərbaycan bayrağı altında çıxış etməsinə rəsmi razılıq verib. Qeyd edək ki, Acelya Toprak qadınlardan ibarət milli yığmanın tərkibində -57 kq. çəki dərəcəsində mübarizə aparacaq.

Hazırda dünya reytinqində 27-ci yerdə gedən idmançı 2022-ci ildə keçirilən Pert Açıq Okeaniya turnirinin gümüş medalçısıdır və 2017-ci ildə gənclər arasında Avropa çempionatında gümüş medal qazanıb.

“Dünyanın ən uğurlu cüdo komandalarından biri hesab olunan Azərbaycan cüdo millisinə qoşulduğum üçün həyəcanlı və sevincliyəm. Mən şadam ki, uğurlu transferdən sonra 2024-cü ildə Parisdə keçiriləcək Olimpiya oyunlarına  namizədliyimi Azərbaycan milli yığmasının tərkibində davam etdirə biləcəyəm.

Həyatım  olimpiya səyahətinə həsr olunub və inanıram ki, bu inanılmaz dəstəkləyici mühitdə böyük nailiyyətlər əldə edə biləcəyəm. Buradakı qonaqpərvərlik çox yaxşıdır və mən Azərbaycanın qüruru üçün mübarizə aparacağam.

Azərbaycanı Paris Oyunlarında həm fərdi, həm də komanda yarışlarında təmsil etməyi səbirsizliklə gözləyirəm. Həmçinin, Azərbaycan cüdosunun qadın siması kimi fəaliyyət göstərməkdən və ACF-in məqsədinə çatmasına kömək etməkdən məmnunam. Son olaraq, Bakıda məni səmimi qarşıladıqları üçün ACF-in rəhbərliyinə, məşqçilərə, idmançılara və federasiyanın heyətinə təşəkkür edirəm", - deyə Acelya Toprak bildirib.

Qeyd edək ki, idmançının transferində əsas məqsəd komanda daxili rəqabəti artırmaqla yanaşı, güclü məşq partnyoru hesabına perspektivli gənc və yeniyetmə idmançıların inkişafına dəstək olmaqdır.

Azərbaycan Cüdo Federasiyası adından Acelyaya uğurlar arzu edir və Azərbaycan cüdo ailəsinə xoş gəldin deyirik!

Noyabrın 3-4-də Fransanın Monpelye şəhərində keçirilən böyüklər arasında Avropa çempionatında Azərbaycan cüdoçuları 2 qızıl medal qazanıb. 

Dünyanın 46 ölkəsindən 386 idmançının iştirak etdiyi yarışda cüdoçularımız yüksək bacarıq göstərərək medalların əyarına görə kişilər arasında birinci, ümumilikdə isə ikinci yeri tutublar.

Çempionatın sonuncu günündə Zelim Kotsoyev (-100 kq) gərgin mübarizədən sonra qızıl medal qazanıb. O,  final görüşündə dünya reytinqinin lideri İlia Sulamanidze ilə üz-üzə gəlib. Möhtəşəm texnika nümayiş etdirən Zelim gürcü həmkarına qarşı “osoto-qaeşi” hərəkətini yerinə yetirərək, görüşün əsas vaxtında həlledici “ippon”la parlaq qələbəni təmin edib.

Bu qələbə Avropa çempionatı zamanı Monpelyedə Azərbaycanın dövlət himninin səsləndirilməsi ilə ikinci dəfə əlamətdar oldu.

-100 kq. çəki dərəcəsində idmançıların təltif etmə mərasimində Azərbaycan Cüdo Federasiyasının vitse-prezidenti Elnur Məmmədli iştirak edib. 

Bundan əlavə, çempionatın ikinci günündə Hidayət Heydərov (-73 kq.) rəqiblərini üstələyərək, üçqat qat Avropa çempionu titulunu qazanıb.

Yeniyetmələrin incidilməsinə səbəb olan ixtiyari və təkrar şəkildə törədilmiş aqressiv davranışlar onların həm təhsilinə, həm də həyatına mənfi təsir göstərir. Azərbaycan Cüdo Federasiyası və “Azercell Telekom” MMC əməkdaşlığı çərçivəsində elan etdiyimiz “Söz verirəm” sosial kampaniyası hamını qısnamaya (bullinqə) qarşı olmağa çağırır. 

Layihə çərçivəsində cüdo təlim-məşq mərkəzlərində və məktəblilər arasında maarifləndirmə işlərinə start verilib. Uşaqlara qısnamaya qarşı könüllü hərəkat ətrafında birləşmək üçün müvafiq sertifikat və qolbaqlar təqdim olunur.

Sən də #SözVerirəm həştəqi ilə kampaniyamıza qoşul, düzgün davranışınla insanlara dəyər qat.

Fransanın Monpelye şəhərində keçirilən böyüklər arasında Avropa çempionatının ikinci yarış günündə -73 kq. çəki dərəcəsində mübarizə aparan cüdoçumuz Hidayət Heydərov qızıl medal qazanıb.

Hidayət ardıcıl olaraq Belçika, Polşa, Macarıstan və Moldova təmsilçilərinə qalib gəlib. O, finalda ispaniyalı idmançı Salvador Kases Roka ilə qarşılaşıb. Hidayət Heydərov finalda əsas vaxtda “kata-quruma” ilə “vazari” xalı alıb, rəqibini “osaekomi” saxlayaraq ikinci “vazari” xalını qazanıb və təmiz qələbə əldə edib. 

Qeyd edək ki, bu qələbə ilə Hidayət Heydərov 3-cü dəfə böyüklər arasında keçirilən Avropa çempionatlarında qızıl mükafat əldə edir.

İdmançımızı təbrik edirik!

Birləşmiş Ərəb Əmirliklərinin paytaxtı Əbu-Dabi şəhərində 31 oktyabr – 3 noyabr tarixlərində keçirilən usta cüdoçular arasında dünya çempionatında idmançılarımız 5 qızıl, 1 gümüş və 5 bürünc medal əldə edib. Veteranlarımız çempionatı ümumi hesabda 6-cı, kişilər arasında isə 5-ci yerdə başa vurub.

Yarışın dördüncü günündə M2 və F5 yaş kateqoriyaları üzrə 15 cüdoçumuz medallar uğrunda mübarizə aparıb. Cüdoçularımız yarışın sonuncu günündə 1 qızıl və 1 bürünc medala sahib olub.

M2 yaş kateqoriyası -66 kq. çəkidə Nadir Babayev qızıl medal, Vüqar Babayev isə bürünc medal əldə edib. Eyni çəki dərəcəsində yarışan digər cüdoçumuz Xəyal Zalıyev 7-ci yerlə kifayətlənib. -60 kq. çəkidə Əfqan Abdullayev yarışı 5-ci yerdə tamamlayıb.

F5 yaş kateqoriyası üzrə isə -70 kq. çəkidə Zülfiyyə Hüseynova 5-ci yerdə qərarlaşıb.

İdmançılarımızı təbrik edirik!

Azərbaycan Cüdo Federasiyası (ACF) və Bakı Şəhər Gənclər və İdman İdarəsinin birgə təşkilatçılığı ilə 2-3 noyabrda cüdo üzrə kişilər və qadınlar arasında Bakı şəhər çempionatı keçirilib.

Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutacaq yarışda qadınlar və kişilər arasında 14 çəki dərəcəsində qaliblər bəlli olub. Yarışda Bakının 39 müxtəlif klub, cəmiyyət və idman təşkilatından 187 cüdoçu medallar uğrunda mübarizə aparıb.

Yarışın ikinci günündə kişilər arasında -66 kq., - 81 kq. və -100 kq. çəki dərəcələrində, qadınlar arasında isə -52 kq. və -78 kq. çəki dərəcələrində qaliblər bəlli olub.

Yarışın əsas məqsədi gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır. Yarış 15-18 dekabrda keçiriləcək qadınlar və kişilər arasında Azərbaycan çempionatına seçim xarakteri daşıyır.

Medalçıları təqdim edirik:

 Qadınlar

-48 kq. 

1. Xumar Qasımzadə 

2. Leyla Hüseynova 

3. Şəfiqə Mollazadə 

3. Məryəm Əlizadə 

-52 kq. 

1. Çinarə Sadıqova 

2. Fidan Əliyeva 

3. Aytən İslamova

-57 kq. 

1. Elmira Mustafayeva 

2. Rəmziyyə Hüseynova 

3. Aydan Alışova 

-70 kq. 

1. Nigar Əlibəyli 

2. Zəhra Əliyeva

-78 kq. 

1. Aysu Həsənova

Kişilər

-60 kq. 

1. Hüseyn Allahyarov 

2. Murad Muradlı 

3. Ayxan Mirzəzadə 

3. Səhib Babayev 

-66 kq. 

1. Hüseyn Manafov 

2. Nicat Şirinov 

3. Eltun İmranov 

3. Bəhram Qurbanlı

-73 kq. 

1. Sadiq Həsənli 

2. Nicat Sultanov 

3. Ömər Qarayev 

3. Səid Rzayev 

-81 kq. 

1. Əli Hacızadə 

2. Asim Qulamzadə 

3. Sadiq Hüseynli 

3. Kənan Quliyev

-90 kq. 

1. Musa Hüseynli 

2. Nihad Ələsgərli 

3. Tuncay Şamil 

3. Davud Namazlı 

-100 kq. 

1. Rəşadət Paşazadə 

2. Bəxtiyar Məmmədov 

3. Murad Hüseynquliyev 

3. Nihad Əhmədov

+100 kq. 

1. Kənan Nəsibov 

2. Eldar Əliyev 

3. Cəlil Şükürov

İdmançıları təbrik edirik!

2 noyabrda Birləşmiş Ərəb Əmirliklərinin paytaxtı Əbu-Dabi şəhərində keçirilən veteranlar arasında dünya çempionatının cüdoçularımız 2 qızıl medal qazanıb.

Yarışın üçüncü günündə M4 və M5 yaş kateqoriyaları üzrə 11 cüdoçumuz medallar uğrunda mübarizə aparıb.

M4 yaş kateqoriyası üzrə -60 kq. çəkidə Babək Hacıyev və -100 kq. çəkidə Mövlud Mirəliyev bütün rəqiblərini məğlub edərək qızıl medal qazanıblar. -81 kq. çəkidə Novruz Aslanov yarışı 7-ci yerdə tamamlayıb.

M5 yaş kateqoriyası üzrə isə -90 kq. çəkidə Mübariz Cəfərov və +100 kq. çəkidə Rövşən Muxtarov 5-ci yerdə qərarlaşıblar.

İdmançılarımızı təbrik edirik!

Oktyabrın 9-dan etibarən cüdo üzrə Azərbaycan milli komandasının sabiq üzvü, 2016-cı il Rio Yay Olimpiya Oyunlarının gümüş mükafatçısı Rüstəm Orucov Yaponiyanın nüfuzlu və elit cüdo klubu sayılan “Park-24”də təlim keçir. Təlimin əsas məqsədi məşqçilik sənətini dərindən öyrənməkdir.

Qeyd edək ki, Yaponiya millisinin birinci komandasının üzvləri orada məşq edirlər. Təlim proqramının əsas məqsədi təlim texnikalarının təkmilləşdirilməsinə, təlim proqramlarının formalaşdırılmasına və müxtəlif yaş qrupları üçün uyğunlaşdırılmış məşq strategiyalarının hazırlanmasına yönəlib.

Rüstəm Orucov Yaponiyanın müxtəlif şəhərlərində yerləşən klubların, institutların və idman təşkilatlarının fəaliyyəti və məşqləri ilə tanış olub."Burada cüdoya özünəməxsus tərzdə yanaşılır. Strukturlar və tədris sistemləri fərqlidir. İndi yaponların niyə bu qədər güclü olduqlarını daha yaxşı başa düşürəm. Onlar ciddi rejimə riayət edirlər və intensiv fiziki hazırlıq keçirlər. Yaponlar Azərbaycan cüdosuna böyük maraq göstərirlər və buradakı idmançılar mənimlə məşq etməyə can atırlar. Azərbaycana qayıtdıqdan sonra burada olduğum müddətdə əldə etdiyim təcrübəmi bölüşəcəyəm.”, - Rüstəm Orucov deyib.

Qeyd edək ki, təlim noyabrın 7-nə qədər davam edəcək.

2 noyabrda cüdo üzrə kişilər və qadınlar arasında Bakı şəhər çempionatının ilk yarış günü keçirilib.

Hövsan qəsəbəsi, Fövqəladə Hallar Nazirliyinin (FHN) İdman Sağlamlıq Mərkəzində baş tutan yarışda qadınlar və kişilər arasında 7 çəkidə 97 cüdoçu medallar uğrunda mübarizə aparıb. 

Yarışın ilk günündə kişilər arasında -60 kq., - 73 kq., -90 kq. və +100 kq. çəki dərəcələrində, qadınlar arasında isə -48 kq., -57 kq. və -70 kq. çəki dərəcələrində qaliblər bəlli olub.

Medalçıları təqdim edirik:

 Qadınlar

-48 kq. 

1. Xumar Qasımzadə 

2. Leyla Hüseynova 

3. Şəfiqə Mollazadə 

3. Məryəm Əlizadə 

-57 kq. 

1. Elmira Mustafayeva 

2. Rəmziyyə Hüseynova 

3. Aydan Alışova 

-70 kq. 

1. Nigar Əlibəyli 

2. Zəhra Əliyeva

Kişilər

-60 kq. 

1. Hüseyn Allahyarov 

2. Murad Muradlı 

3. Ayxan Mirzəzadə 

3. Səhib Babayev 

-73 kq. 

1. Sadiq Həsənli 

2. Nicat Sultanov 

3. Ömər Qarayev 

3. Səid Rzayev 

-90 kq. 

1. Musa Hüseynli 

2. Nihad Ələsgərli 

3. Tuncay Şamil 

3. Davud Namazlı 

+100 kq. 

1. Kənan Nəsibov 

2. Eldar Əliyev 

3. Cəlil Şükürov

İdmançıları təbrik edirik!

Birləşmiş Ərəb Əmirliklərinin paytaxtı Əbu-Dabi şəhərində keçirilən veteranlar arasında dünya çempionatının ikinci günündə cüdoçularımız 1 gümüş və 3 bürünc medal qazanıb.

Yarışın ikinci günündə M1 və M3 yaş kateqoriyaları üzrə 17 cüdoçumuz medallar uğrunda mübarizə aparıb.

M1 yaş kateqoriyası üzrə +100 kq. çəkidə Qurban Məmmədli gümüş medal qazanıb. -81 kq. çəkidə Orxan Hacıağalı isə 5-ci yerlə kifayətlənib.

M3 yaş kateqoriyası üzrə -66 kq. çəkidə Elçin Mayılov, -81 kq. çəkidə Zülfüqar Hüseynov və -100 kq. çəkidə Nizami Məmmədov bürünc medal əldə ediblər. -66 kq. çəkidə Vüqar Cəfərov və -100 kq. çəkidə Valeriy Fomin yarışı 7-ci yerdə tamamlayıblar.

İdmançılarımızı təbrik edirik!

Azərbaycanın cüdo milli komandasının keçmiş üzvü, dünya mükafatçısı və Avropa çempionu Orxan Səfərov oktyabrın 9-dan etibarən “NPO Hiratsuka Kanagava” ictimai birliyinin təşkilatçılığı ilə Yapnoiyada cüdo üzrə beynəlxalq məşqçilik seminarında iştirak edir. Tokay Universiteti və Kodokan Yaponiya Cüdo Mərkəzinin dəstəyi ilə keçirilən seminar Yaponiyanın zəngin mədəniyyəti haqqında öyrənmək, kütləvi mübadilə yolu ilə cüdo haqqında məlumat əldə etmək və məşqçilik sənətini dərindən öyrənmək məqsədi daşıyır.

Seminarın proqramına yeni başlayanlardan qabaqcıl səviyyələrə qədər əhatə olunan cüdo məşq texnikalarını öyrənmək, onların müxtəlif auditoriyaya effektiv şəkildə çatdırmaq üçün  vasitələrin əldə edilməsi, Kodokan standartlarına uyğun beynəlxalq hakimlik qaydaları, Yaponiyanın universitet tələbələri ilə birlikdə xüsusi cüdo təlimi, “Nage no Kata” və reabilitasiya məşqləri daxildir. Bundan əlavə, proqram məşq texnikalarının təkmilləşdirilməsinə, təlim proqramlarının və müxtəlif yaş qruplarına uyğun olaraq məşqçilik proqramlarının hazırlanmasını da əhatə edir. 

“Bu proqram uşaq və yeniyetmələrdən tutmuş gənclərə və böyüklərə qədər hər kəsə peşəkar cüdo məşqi keçmək üçün geniş biliklər qazandırır. Proqram çərçivəsində, biz Yaponiyanın ən məşhur cüdo məktəblərində dərslərdə iştirak edirik. Həmçinin, noyabrın əvvəlində təşkilatçılıq prosesini  izləmək üçün Yaponiyanın ən nüfuzlu yarışı olan “Kodokan Cup” yarışına qatılacayıq. Əminliklə deyə bilərəm ki, burada qazandığım təcrübə gələcəkdə peşəkar məşqçi kimi fəaliyyət göstərməyimə böyük köməklik edəcək.”, – deyə Orxan Səfərov bildirib.

Qeyd edək ki, seminar noyabrın 7-nə qədər davam edəcək.

Birləşmiş Ərəb Əmirliklərinin paytaxtı Əbu-Dabi şəhərində keçirilən veteranlar arasında dünya çempionatının ilk günündə cüdoçularımız 2 qızıl və 1 bürünc medal qazanıb.

Yarışın ilk günündə M6, M7 və M8 yaş kateqoriyaları üzrə 7 cüdoçumuz medallar uğrunda mübarizə aparıb.

M6 yaş kateqoriyası üzrə +100 kq. çəki dərəcəsində Azər Əsgərov qızıl medal əldə edib. Eyni çəki dərəcəsində yarışan digər cüdoçumuz Qabil Qasımov 7-ci yerdə qərarlaşıb.

M7 yaş kateqoriyası üzrə -90 kq. çəkidə Fərhad Rəcəbli bütün rəqiblərinə qalib gələrək çempionatın qızıl medalına sahib olub. Bu qələbə Fərhad Rəcəblinin usta cüdoçular arasında Dünya çempionatlarında qazandığı 11-ci qızıl medal olub.

M8 yaş kateqoriyası üzrə isə -100 kq. çəkidə Arif Qasımov yarışın bürünc medalını əldə edib.

İdmançılarımızı təbrik edirik!

Azərbaycanın qadınlardan və kişilərdən ibarət milli yığma komandalarının 3-5 noyabrda keçiriləcək böyüklər arasında Avropa çempionatına hazırlıqları başa çatıb. Fransanın Monpelye şəhərində keçiriləcək yarışda Azərbaycan qadınlar və kişilər arasında 9 çəki dərəsində 11 cüdoçu ilə təmsil olunacaq.

Azərbaycan Cüdo Federasiyasının (ACF) vitse-prezidenti Elnur Məmmədli və baş katib Rəşad Rəsullu milli yığmaların təlim-məşq toplanışlarına baş çəkərək, onların hazırlıqları ilə maraqlanıblar, cüdoçularımıza yarışda müvəffəqiyyətlər arzu ediblər. 

Xatırladaq ki, kişilərdən və qadınlardan ibarət milli yığmanın cüdoçuları Avropa çempionatına hazırlıq məqsədilə İspaniya, Slovakiya, Özbəkistanda və dəfələrlə yerli təlim-məşq toplanışlarına qatılıblar.

Avropa çempionatında cüdoçulara Azərbaycan Cüdo Federasiyasının vitse-prezidenti Elnur Məmmədli başda olmaqla böyüklərdən ibarət yığmanın baş məşqçisi Riçard Trautman, böyüklərdən ibarət yığmanın böyük məşqçiləri Elçin İsmayılov və Slavko Tekiç, qadınlardan ibarət yığmanın baş məşqçisi Rəşad Məmmədovun rəhbərliyi altında çıxış edəcək.

Çempionata qatılacaq heyəti təqdim edirik:

Qadınlar 

-48 kq. 

Leyla Əliyeva 

-52 kq. 

Gültac Məmmədəliyeva

Kişilər 

-60 kq. 

Balabəy Ağayev 

Turan Bayramov 

-66 kq. 

Yaşar Nəcəfov 

-73 kq. 

Hidayət Heydərov 

Rəşid Məmmədəliyev 

-81 kq. 

Zelim Tçkayev 

-90 kq. 

Murad Fətiyev 

-100 kq. 

Zelim Kotsoyev 

+100 kq. 

Uşanqi Kokauri 

İdmançılarımıza uğurlar arzulayırıq!

2-3 noyabrda Azərbaycan Cüdo Federasiyası (ACF) və Bakı Şəhər Gənclər və İdman İdarəsinin birgə təşkilatçılığı ilə cüdo üzrə kişilər və qadınlar arasında Bakı şəhər çempionatı keçiriləcək.

Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutacaq yarışda qadınlar və kişilər arasında 14 çəki dərəcəsində qaliblər bəlli olacaq. Yarışda Bakının 39 müxtəlif klub, cəmiyyət və idman təşkilatından 228 cüdoçu medallar uğrunda mübarizə aparacaq.

Yarışın əsas məqsədi gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır. Turnir 15-18 dekabrda keçiriləcək qadınlar və kişilər arasında Azərbaycan çempionatına seçim xarakteri daşıyır.

İdmançılarımıza uğurlar arzulayırıq!

Azərbaycan cüdoçuları Birləşmiş Ərəb Əmirliklərinin paytaxtı Əbu-Dabi şəhərində keçirilən cüdo üzrə Böyük Dəbilqə turnirinin ikinci yarış günündə 1 bürünc medal qazanıb.

Turnirin ikinci yarış günü kişilər arasında -73 kq. çəki dərəcəsində yarışan cüdoçumuz Rəşid Məmmədəliyev üçüncü yer uğrunda mübarizədə Amerika Birləşmiş Ştatları təmsilçisi Cek Yonezukaya qalib gələrək bürünc medala sahib olub.

Əməkdar məşqçi Tərlan Həsənov Azərbaycanda kəmər dərəcələri üzrə keçirilən ilk rəsmi imtahanla bağlı fikirlərini bölüşərək bildirib ki, imtahan ölkədə cüdonun inkişafı və onun perspektivli gələcəyinə təşəbbüs göstərməklə yanaşı, “kata” üzrə Avropa və Dünya çempionlarını meydana çıxaracaqdır: 

“Bu imtahan Azərbaycanda cüdonun inkişafında yeni səhifə deməkdir. Əminəm ki, cüdo həvəskarlarının, xüsusən də bu kəmər dərəcəsi imtahanları üçün gələnlərin sayı ikiqat artacaq. Cüdo intellektual idman növü olmaqla yanaşı, həmçinin onun müxtəlif aspektləri var - döyüş və texnika. 

Azərbaycanda cüdoda əsasən olimpiya növünə diqqət yetirilir. Azərbaycan Cüdo Federasiyası kəmər dərəcələri üzrə imtahanı keçirməklə, cüdonun əsas aspekti olan "kata"nın da əsaslı təməlini qoydu. “Kata” cüdo sənətini təmsil edir, onun texnikasını, gözəlliyini nümayiş etdirir. Olimpiya proqramında olan cüdonun döyüşkən təbiətindən fərqli olaraq, “kata” daha təhlükəsiz alternativ təklif edir və bu, uşaqlarının təhlükəsizliyindən narahat olan valideynləri cəlb edəcəkdir.

Bu şaxələnmə çox müsbət haldır. Bu o deməkdir ki, cüdo təkcə Olimpiadaya getmək istəyən idmançılara xidmət etməyəcək, həm də “kata” ilə maraqlananlar üçün geniş imkan yaradacaq. Burda imtahan verən uşaqların bir hissəsi Olimpiya növünə yönələcək, bir hissəsi isə “kata” növünə.

Nəticədə inanıram ki, Azərbaycan “kata” üzrə Avropa və Dünya çempionlarının da yüksəlişinin şahidi olacaq. “Kata”ya diqqət yetirən uşaqlar Avropa və Dünya çempionatlarında diqqətəlayiq uğurlara imza ataraq, Azərbaycanın cüdo uğurlarına yeni rəng qata biləcəklər. Kəmər dərəcəsi imtahanlarının tətbiqi idmançılar üçün qapılar açacaq və cüdonun ölkədə fundamental inkişafına töhfə verəcəkdir".

31 oktyabr – 3 noyabr tarixlərində Birləşmiş Ərəb Əmirliklərinin paytaxtı Əbu-Dabi şəhərində cüdo üzrə usta cüdoçular arasında dünya çempionatı keçiriləcək.

Çempionata 65 ölkədən 1000-dən çox idmançının qatılaq. Azərbaycan yarışda kişilər arasında 8 yaş kateqoriyası üzrə 49 idmançı ilə, qadınlar arasında isə M5 yaş kateqoriyası üzrə -70 kq. çəkidə Zülfiyyə Hüseynova ilə təmsil olunacaq. Veteranlardan ibarət komandamıza baş məşqçi Fərhad Rəcəbli rəhbərlik edəcək.

Qadınlar

M5 yaş kateqoriyası

-70 kq. 

Zülfiyyə Hüseynova

Kişilər

M1 yaş kateqoriyası

-66 kq. 

Elvin İsmayılov 

-73 kq. 

Asim Qulamzadə 

-81 kq. 

Orxan Hacıağalı 

+100 kq. 

Qurban Məmmədli

M2 yaş kateqoriyası

-60 kq. 

Əfqan Abdullayev 

-66 kq. 

Vüqar Babayev 

Xəyal Zalıyev 

Nadir Babayev 

-81 kq. 

Vüqar Əliyev 

Samir İsmayılov 

Samir Xankişiyev 

-90 kq. 

İlham Heydərov 

Mətləb Məmmədov 

Oktay Paşayev 

-100 kq. 

Elçin Məmmədov 

+100 kq. 

Ruslan Əliyev 

Yaqub Əliyev 

Vasif İbrahimov

M3 yaş kateqoriyası

-66 kq. 

Vüqar Cəfərov 

Elçin Mayılov 

-73 kq. 

Emil Qurbanov 

-81 kq. 

Azər Fətullayev 

Zülfüqar Hüseynov 

Emil Məhərrəmov 

-90 kq. 

Aqşin Atakişiyev 

Elxan İbişov 

Ramin Kazımov 

Ramil Muradov 

-100 kq. 

İlqar Ağarəhimov 

Valeriy Fomin 

Nizami Məmmədov

M4 yaş kateqoriyası

-60 kq. 

Babək Hacıyev 

Mehman Koroğluyev 

-73 kq. 

Əli Əlibəyli 

Vüqar Budaqov 

-81 kq. 

Novruz Aslanov 

Rauf Fərzəliyev 

-90 kq. 

Mahir Ağamirzəyev 

-100 kq. 

Mövlud Mirəliyev

M5 yaş kateqoriyası

-90 kq. 

Firdovsi Bayramov 

Mübariz Cəfərov 

+100 kq. 

Rövşən Muxtarov

M6 yaş kateqoriyası

+100 kq. 

Azər Əsgərov 

Qabil Qasımov

M7 yaş kateqoriyası

-66 kq. 

Akif Əhmədov 

-90 kq. 

Nazim Əliyev 

Fərhad Rəcəbli

M8 yaş kateqoriyası

-81 kq. 

Şamil Sövzəliyev 

-100 kq. 

Arif Qasımov

İdmançılarımıza uğurlar arzulayırıq!

Azərbaycan cüdoçuları ilk dəfə 28-29 okytabrda Birləşmiş Ərəb Əmirliklərinin paytaxtı Əbu-Dabi şəhərində keçiriləcək dünya Kata çempionatında iştirak edəcək.

35 ölkədən 300-ə yaxın idmançının iştirak edəcəyi yarışda Azərbaycan 6 idmançı ilə təmsil olunacaq. Cüdoçularımız çempionatda 28 oktyabrda böyüklər arasında “Nage-no-Kata” və “Katame-no-Kata” üzrə fəndləri nümayiş etdirəcək.

Nage-no-Kata

Malik Alahverdiyev - tori (hücum edən idmançı) 

Samir İsmayılov - uke (hücum edilən idmançı) 

İsmayıl Rzayev - tori 

İbrahim Aslanov - uke

Katame-no-Kata

Rafiq Nəcəfov - tori 

Əmrah Əhmədov – uke

İdmançılarımıza uğurlar arzulayırıq!

20-21 oktyabrda Gürcüstanın paytaxtı Tbilisi şəhərində Avropa Cüdo Birliyinin Tibb Komissiyasının təşkilatçılığı ilə seminar keçirilib. Seminarda Azərbaycanın cüdo üzrə milli yığmalarının baş həkimi Ramil Vəliyev, gənclərdən ibarət milli yığmanın həkimi Ceyhun Əliyev və yeniyetmələrdən ibarət milli yığmanın həkimi Şahin Məmmədov iştirak edib. 

Seminarda yarışlarda idmançıların aldığı zədələnmələr, onların ağırlıq dərəcəsinə görə təsnifatı, zədələrin önlənməsi yolları və digər mövzular müzakirə olunub. Ramil Vəliyev seminarda Azərbaycan cüdoçularının 2021-2022 və 2022-2023-cü illərdə zədələnmələrinin statistik təhlili mövzusunda çıxış edib. Bəzi qaydalarda tibbi baxımdan dəyişiklərin edilməsi ilə bağlı bir çox müzakirələr aparılıb. 

Həmçinin, bir çox təcrübəli həkimlərin qarşılaşdığı hallar və müalicə üsulları ilə bağlı fikir mübadiləsi aparılıb.

Azərbaycan Cüdo Federasiyasının təklifi ilə 2024-cü ildə bu seminarın Bakıda keçirilməsi qərarı alınıb.

Azərbaycan Cüdo Federasiyası idmançıların və heyət üzvlərinin sağlamlığını öndə tutaraq milli yığma komandalarının həkimlərinin ən son tədqiqatlardan və tibbi təcrübələrdən xəbərdar olması, idmançılara yüksək səviyyədə xidmət göstərilməsi məqsədi ilə gələcəkdə də bu cür təkmilləşdirmə seminarlarında iştirak etmələrini planlaşdırır.

23 oktyabr 2023-cü ildə Azərbaycan Respublikasının Prezidenti İlham Əliyev Mehdi Hüseynzadə adına Sumqayıt şəhər stadionunda yenidənqurmadan sonra yaradılan şəraitlə tanış olub. Dövlətimizin başçısına həmçinin stadionun yardımçı bunasında inşa edilən Sumqayıt cüdo təlim mərkəzi barədə də məlumat verilib.

Qeyd edək ki, ölkəmizdə 1972-ci ildən inkişaf etdirilməyə başlayan və ötən il özünün 50 illik yubileyini qeyd edən cüdo idman növünün ilk bölmələrindən biri elə həmin il Sumqayıt şəhərində fəaliyyətə başlayıb. Sumqayıt şəhər cüdo bölməsinin əsas mərkəzi uzun illər Mehdi Hüseynzadə adına Sumqayıt şəhər stadionunun binasında fəaliyyət göstərib. Əlamətdardır ki, yenidən qurulan stadionun binasında ən müasir standartlara uyğun olan cüdo təlim mərkəzi də inşa edilib. 

Artıq 23 oktyabrdan etibarən cüdo mərkəzi fəaliyyətə başlayıb və Sumqayıt cüdoçuları üçün ilk məşqlər keçirilib. 

Azərbaycan Cüdo Federasiyasının (ACF) dəstəyi ilə qurulan cüdo mərkəzinin ümumi sahəsi 1900 m2 təşkil edir. Mərkəzdə üç “dojo” (cüdo məşq zalı) mövcuddur və onların sahəsi müvafiq olaraq 540 m2, 210 m2 və 100 m2 təşkil edir. Cüdo məşq zalları Beynəlxalq Cüdo Federasiyasının standartalrına uyğun olan tatamilər ilə təchiz olunub. 

Ümumi sahəsi 100 m2 təşkil edən fiziki hazırlıq zalı cüdo idman növü üzrə fiziki hazırlıq məşğələləri üçün vacib olan zəruri avadanlıqlarla təchiz edilib. Təlim mərkəzində gözləmə zalı, hər zala görə paltardəyişmə otaqları, həkim otağı, masaj otağı, sauna mövcuddur. Həmçinin, məşqçilərin və digər inzibati işçilərin fəaliyyəti üçün iclas otağı və ofis otaqları təmin edilib.

Sumqayıt cüdo təlim mərkəzinin baş məşqçisi İlham Məmmədov bildirib ki, Sumqayıtda uşaqlar, yeniyetmələr və gənclər arasında cüdoya maraq böyükdür: “İlk növbədə Sumqayıt cüdo ictimaiyyəti adından Möhtərəm Prezidentimizə yaradılan yüksək şəraitə görə dərin minnətdarlığımızı bildiririk. Cüdo idmançıların yüksək fiziki hazırlığa malik olmaqları ilə yanaşı, həmçinin onların intellektual və mənəvi inkişafına da mühüm töhfə verir. Biz də məşqçilər olaraq, ölkə və beynəlxalq səviyyədə regionumuzu təmsil edə biləcək istedadlı cüdoçular və ən əsası layiqli vətəndaşlar yetişdirmək üçün əlimizdən gələni edəcəyik.”

Qeyd edək ki, təlim mərkəzində 1500-ə qədər yeniyetmə və gəncin daimi məşq etməsi üçün şərait mövcuddur və onlar müəssisədə işləyən 10-dan yuxarı peşəkar cüdo məşqçilərinin təcrübəsindən faydalancaqlar.

Oktyabrın 24-də Bakı İdman Sarayında Azərbaycan Cüdo Federasiyası (ACF) ilk dəfə kəmər dərəcələri üzrə rəsmi imtahan təşkil edilib. Rəsmi kəmər imtahanlarının keçirilməsi idmançıların cüdo texnikalarını hərtərəfli öyrənməsi, həmçinin onların motivasiyası üçün mühüm əhəmiyyət kəsb edir.

ACF-in idman direktoru Kamran Talıbov bildirib ki, kəmər dərəcələri üzrə rəsmi imtahanın keçirilməsi Azərbaycan cüdo tarixində bir ilkdir: “İlk imtahana ümumilikdə 140 idmançı qatılıb. Təcrübəli münasiflər heyəti tərəfindən şəffaf şəkildə qiymətləndirmələr keçirilir. Gənc idmançılar üçün bu imtahan onların yeni başlayan idman karyeralarının bünövrəsini təşkil edir və həvəsləndirici qüvvə rolunu oynayır. Qeyd edim ki, 2025-ci ildən etibarən yalnız kəmər dərəcələri olan idmançılar rəsmi daxili yarışlarda iştirak etmək hüququ qazanacaqlar."

Türkiyə Cüdo Federasiyasının təhsil üzrə direktoru və Avropa Cüdo Birliyinin kata komissiyasının üzvü Mehmet Yılmaz ACF-i bu təşəbbüsə görə təbrik edərək bildirib ki, imtahanın təşkil standartları ən yüksək səviyyədədir: “Beynəlxalq Cüdo Federasiyasında və Avropa Cüdo Birliyində “kata” imtahanları və kəmər imtahanları bu formada təşkil edilir. Cüdoya yeni başlayan idmançıların gələcəkdə təhsil sahəsində inkişafı üçün Avropa Cüdo Birliyinin ən son tətbiq etdiyi qaydalara uyğun imtahan verməsi çox önəmlidir. Gələcəkdə Azərbaycan cüdosunda təhsil sahəsində və “kata”da çox mühüm inkişaf olacaq. Azərbaycan cüdoçularının gələcək illərdə “kata” sahəsində də Avropa və Dünya çempionatlarında nəticə əldə edəcəklərinə əminəm. Bütün idmançıları, məşqçiləri, münsifləri və Federasiyanı təbrik edirəm.”

ACF tərəfindən kəmər imtahanlarının keçirilməsində əsas məqsəd cüdonun ölkəmizdə fundamental, keyfiyyətli inkişafını təmin etmək və beynəlxalq standartlara uyğunlaşdırmaqdır. Yaxın zamanlarda ölkənin müxtəlif regionlarında kəmər imtahanlarının təşkil edilməsi planlanır.

Azərbaycan cüdoçuları Birləşmiş Ərəb Əmirliklərinin paytaxtı Əbu-Dabi şəhərində keçirilən cüdo üzrə Böyük Dəbilqə turnirinin ilk yarış günündə 1 bürünc medal qazanıb.

Yarışın ilk günündə 5 çəki dərəcəsində 8 cüdoçumuz tatamiyə çıxıb. Qadınlar arasında -48 kq. çəki dərəcəsində yarışan cüdoçumuz Leyla Əliyeva üçüncü yer uğrunda mübarizədə italiyalı idmançı Franseska Milani üzərində qələbə qazanaraq bürünc medal əldə edib.

Kişilər arasında -66 kq. çəki dərəcəsində Ruslan Paşayev yarışı 5-ci yerdə tamamlayıb.

23 oktyabrda Səudiyyə Ərəbistanının paytaxtı Ər-Riyadda keçirilən Dünya Kombat Oyunlarında Azərbaycan Cüdo Federasiyasının hakimlər heyətinin üzvü, “A” kateqoriyalı beynəlxalq dərəcəli hakim Nazim Umbayev ədalət təmsilçiləri arasında yer alıb.

Nazim Umbayev yarışlarda Niderland və Yaponiya yığmaları arasında bürünc medal uğrunda görüşləri idarə edib.

21-22 oktyabrda Türkiyə Cüdo Federasiyasının təhsil üzrə direktoru və Avropa Cüdo Birliyinin kata komissiyasının üzvü Mehmet Yılmaz tərəfindən Beynəlxalq Cüdo Federasiyasının (BCF) Akademiyasında təhsil alan cüdo məşqçilərinin praktiki imtahanına hazırlıq məqsədi “kata” təlimi təşkil olunub.

Məşğələlərdə Azərbaycanın müxtəlif rayon və şəhərlərini təmsil edən müxtəlif klub, cəmiyyət və idman təşkilatlarından olan 75 məşqçi iştirak edib. 

Təlim prosesi nəzəri və praktiki hissələrdən ibarət olub. Mehmet Yılmaz təlim zamanı cüdo texnikası və fəndlərin təkmilləşdirilməsi məqsədi ilə öz tövsiyələrini və praktiki biliklərini bölüşüb.

Məşqçilərin beynəlxalq səviyyədə standartlaşdırılması məqsədi ilə bu cür seminarların davamlı olaraq keçirilməsi planlaşdırılır.

23 oktyabrda Birləşmiş Ərəb Əmirliklərinin paytaxtı Əbu-Dabi şəhərində Böyük Dəbilqə turnirinin püşkatma mərasimi keçirilib. Püşkatmanın nəticələrinə görə Azərbaycan cüdoçularının ilk rəqibləri məlum olub.

Xatırladaq ki, Azərbaycan cüdo üzrə milli yığma komandası yarışda 8 çəki dərəsində 10 kişi və 4 qadın cüdoçu ilə təmsil olunacaq.

Turniri canlı olaraq judotv.com saytında izləyə bilərsiniz!

Qadınlar

-48 kq.

Leyla Əliyeva - Mireya Lapuerta Komas (İspaniya)

-52 kq. 

Gültac Məmmədəliyeva - Annika Vurfel (Almaniya)

Aydan Vəliyeva - Çarne Qrisel (Cənubi Afrika Respublikası)

-57 kq. 

Fidan Əlizadə - Altantsetseq Batsux (Birləşmiş Ərəb Əmirlikləri)

Kişilər

-60 kq. 

Rövşən Əliyev - Ayub Bliyev (Fərdi Neytral İdmançılar)

Əhməd Yusifov – Adel Hamada (Misir)

-66 kq. 

Kəramət Hüseynov - Daiki Bouba (Fransa)

Ruslan Paşayev - Matteo Piras (İtaliya)

-73 kq. 

İbrahim Əliyev - Ayub Xazaliyev (Fərdi Neytral İdmançılar)

Rəşid Məmmədəliyev - Biaslan Blimqotov (Bəhreyn)

-90 kq. 

Elcan Hacıyev - Daniel Nieto Trinidad (İspaniya)

Vüqar Talıbov - Caxonqir Maxidov (Tacikistan)

+100 kq. 

Camal Qamzatxanov - Lukas Krpalek (Çexiya)

Uşanqi Kokauri - Yerassul Kazbayev (Qazaxıstan)

İdmançılarımıza uğurlar arzulayırıq!

Azərbaycan cüdoçuları 21-22 oktyabrda Latviyanın paytaxtı Riqa şəhərində keçirilən yeniyetmələr arasında Avropa Kuboku turnirində 4 qızıl, 3 gümüş və 5 bürünc medal əldə edib. Cüdoçularımız yarışda medal əyarına görə ümumi hesabda və oğlanlar arasında birinci yeri tutub.

İki gün davam edən yarışda Azərbaycan oğlanlar arasında 7 çəki dərəsində 16 cüdoçu ilə təmsil olunub. 

Cüdoçularımız turnirin ilk günündə 3 qızıl, 1 gümüş və 3 bürünc medal əldə edib. Turnirin ikinci günündə oğlanlar arasında -73 kq., -81 kq. və +90 kq. çəki dərəcələrində 7 cüdoçumuz medallar uğrunda mübarizə aparıb.

-73 kq. çəkidə Cəsur İbadlı yarışın bürünc medalına sahib olub. Eyni çəki dərəcəsində yarışan digər cüdoçumuz Əhməd Mehdiyev 7-ci yerdə qərarlaşıb.

-81 kq. çəki dərəcəsində Əli Qazıməmmədov gümüş medal, Mehdi Abbasov isə bürünc medal qazanıb.

+90 kq. çəkidə final görüşündə iki cüdoçumuz Sübhan Axundov və Rəsul Səmədli qarşılaşıb. Nəticədə Sübhan Axundov qızıl medal əldə edib.

İdmançılarımızı təbrik edirik!

21 oktyabrda Latviyanın paytaxtı Riqa şəhərində keçirilən yeniyetmələr arasında Avropa Kuboku turnirində cüdoçularımız 3 qızıl, 1 gümüş və 3 bürünc medal əldə edib.

Turnirin ilk günündə oğlanlar arasında -50 kq., -55 kq., -60 kq. və -66 kq. çəki dərəcələrində 9 cüdoçumuz medallar uğrunda mübarizə aparıb. 

-50 kq. çəkidə final görüşündə iki cüdoçumuz Rüstəm Qasımzadə və Bahadır Feyzullayev qarşılaşıb. Nəticədə Bahadır Feyzullayev qızıl medal əldə edib.

-55 kq. çəkidə Nihad Məmişov bürünc medal qazanıb. O, üçüncü yer uğrunda görüşdə həmyerlisi Telman Abdullayevi məğlub edib. Nəticədə Telman Abdullayev yarışı 5-ci yerdə tamamlayıb.

-60 kq. çəkidə Mirxaliq İskəndərov bütün rəqiblərinə qalib gələrək qızıl medal əldə edib.

-66 kq. çəki dərəcəsində isə Ümüd Qurbanov yarışın qızıl medalına sahib olub. Eyni çəki dərəcəsində yarışan digər cüdoçularımız Səid Şərifov və Səlim Sultanov bürünc medal qazanıblar.

İdmançılarımızı təbrik edirik!

Azərbaycanın cüdo üzrə milli yığma komandasının üzvləri İspaniyanın Malaqa şəhərində keçirilən Olimpiya təlim düşərgəsində iştirak edir. Avropa Cüdo Birliyinin təşkilatçılığı ilə 16-21 oktyabrda keçirilən beynəlxalq təlim-məşq toplanışına Azərbaycan yığma komandasının 13 üzvü qatılıb. 

Cüdoçulara Azərbaycan Cüdo Federasiyasının vitse-prezidenti Elnur Məmmədli başda olmaqla qadınlardan ibarət yığmanın baş məşqçisi Rəşad Məmmədov və qadınlardan ibarət yığmanın məşqçisi Elnur İsmayılovun rəhbərlik edir.

Təlim-məşq toplanışı 3-5 noyabrda Fransanın Monpelye şəhərində keçiriləcək böyüklər arasında Avropa çempionatına və 17-19 noyabrda keçiriləcək 23 yaşa qədər cüdoçular arasında Avropa çempionatına hazırlıq məqsədi daşıyır.

Beynəlxalq Cüdo Federasiyasının təqviminə görə növbəti Böyük Dəbilqə turniri 24-26 oktyabrda Birləşmiş Ərəb Əmirliklərinin paytaxtı Əbu-Dabi şəhərində keçiriləcək.

Üç gün davam edəcək turnirdə 82 ölkədən 472 cüdoçu medallar uğrunda mübarizə aparacaq. Azərbaycan cüdo üzrə milli yığma komandası yarışda 8 çəki dərəsində 10 kişi və 4 qadın idmançı ilə təmsil olunacaq.

Cüdoçular böyüklərdən ibarət yığmanın böyük məşqçiləri Mehman Əzizov və Slavko Tekiç, qadınlardan ibarət yığmanın baş məşqçisi Rəşad Məmmədov və böyük performans analitik Zaur Babayevin rəhbərliyi altında çıxış edəcək.

Qadınlar

-48 kq.

Leyla Əliyeva 

-52 kq. 

Gültac Məmmədəliyeva 

Aydan Vəliyeva 

-57 kq. 

Fidan Əlizadə

Kişilər

-60 kq. 

Rövşən Əliyev 

Əhməd Yusifov 

-66 kq. 

Kəramət Hüseynov 

Ruslan Paşayev 

-73 kq. 

İbrahim Əliyev 

Rəşid Məmmədəliyev 

-90 kq. 

Elcan Hacıyev 

Vüqar Talıbov 

+100 kq. 

Camal Qamzatxanov 

Uşanqi Kokauri 

İdmançılarımıza uğurlar arzulayırıq!

21-22 oktyabrda Latviyanın paytaxtı Riqa şəhərində Avropa Cüdo Birliyinin təşkilatçılığı ilə yeniyetmələr arasında Avropa Kuboku keçiriləcək. 

Turnirdə 22 ölkədən 314 idmançı iştirak edəcək. Azərbaycan yarışda oğlanlar arasında 7 çəki dərəsində 16 cüdoçu ilə təmsil olunacaq.

Cüdoçulara yeniyetmələrdən ibarət komandanın baş məşqçisi Rüstəm Alimli, yeniyetmələrdən ibarət komandanın məşqçiləri Nicat Şıxəlizadə və Emin İskəndərov rəhbərlik edəcək.

Qeyd edək ki, yarışda Azərbaycan Cüdo Federasiyasının “A” kateqoriyalı beynəlxalq dərəcəli hakimi Akif Tahirov və “B” kateqoriyalı beynəlxalq dərəcəli hakim Bəhriyyə Hüseynova ədalət təmsilçiləri arasında yer alacaq.

-50 kq. 

Bahadır Feyzullayev 

Rüstəm Qasımzadə 

-55 kq. 

Telman Abdullayev 

Nihad Məmişov 

-60 kq. 

Mirxaliq İskəndərov 

Əhməd Rüstəmov 

-66 kq. 

Ümüd Qurbanov 

Səid Şərifov 

Səlim Sultanov

-73 kq. 

Cəsur İbadlı 

Əhməd Mehdiyev 

-81 kq. 

Mehdi Abbasov 

Hüseyn Eyvazlı 

Əli Qazıməmmədov 

+90 kq. 

Sübhan Axundov 

Rəsul Səmədli

İdmançılarımıza uğurlar arzulayırıq!

16 oktyabrda Azərbaycan Cüdo Federasiyasının (ACF) prezidenti Rəşad Nəbiyev Zaqatala rayonunda Uşaq-Gənclər İdman Məktəbinin yeni təmir edilmiş cüdo zalına baxış keçirib.

Baxış zamanı məlumat verilib ki, Zaqatalada 350 nəfər gənc və yeniyetmə cüdo idman növü ilə məşğul olur.

Rəşad Nəbiyev cüdonun daha da kütləviləşdirilməsi ilə uşaqların, yeniyetmələrin və gənclərin həm fiziki, həm də mənəvi cəhətdən sağlam yetişmələrinə dəstəyin göstərilməsinin Azərbaycan Cüdo Federasiyasının fəaliyyətinin əsas məqsədlərindən biri olduğunu qeyd edib.

Görüşdə regionlarda cüdonun daha da inkişaf etdirilməsi ilə bağlı müzakirələr aparıb və müvafiq qərarlar verilib.

14-15 oktyabrda İspaniyanın Malaqa şəhərində cüdo üzrə böyüklər arasında Avropa Kuboku turniri keçiriləcək. Yarışa 35 ölkədən 378 idmançı qatılacaq. Azərbaycan turnirdə 3 çəki dərəcəsində 3 cüdoçu ilə təmsil olunacaq.

Cüdoçularımıza qadınlardan ibarət yığma komandanın məşqçisi Elnur İsmayılov rəhbərlik edəcək.

-48 kq. 

Ramilə Əliyeva 

-57 kq. 

Nərgiz Hacıyeva 

-70 kq. 

Südabə Ağayeva

İdmançılarımıza uğurlar arzulayırıq!

Azərbaycan cüdoçuları 9-10 oktyabrda Qazaxıstanın Aktau şəhərində keçirilən cüdo üzrə beynəlxalq təlim-məşq toplanışında iştirak edib. Qazaxıstan yığma komandası ilə birlikdə keçirilən hazırlıq prosesinə 100-ə yaxın idmançı qatılıb.

Təlim-məşq toplanışında Azərbaycanın cüdo üzrə böyüklərdən ibarət milli yığma komandasının 9 üzvü iştirak edib.

Cüdoçulara böyüklərdən ibarət yığmanın böyük məşqçisi Mehman Əzizov və böyük performans analitik Zaur Babayevin rəhbərlik edib.

Hazırlıq prosesi 17-19 noyabrda keçiriləcək 23 yaşa qədər cüdoçular arasında Avropa çempionatına hazırlıq məqsədi daşıyır

7-9 oktyabrda Beynəlxalq Cüdo Federasiyasının (BCF) Akademiyasının ekspertləri Mesut Kapan və Kaya Gezeker iştirakı ilə cüdo məşqçilərinin praktiki imtahanına hazırlıq məqsədi ilə seminar keçirilib.

Məşğələlərdə Azərbaycanın müxtəlif rayon və şəhərlərini təmsil edən müxtəlif klub, cəmiyyət və idman təşkilatlarından olan 75 məşqçi iştirak edib. 

Təlim prosesi nəzəri və praktiki hissələrdən ibarət olub. Ekspertlər təlim zamanı cüdo texnikası və fəndlərin təkmilləşdirilməsi məqsədi ilə öz tövsiyələrini və praktiki biliklərini bölüşüblər.

Məşqçilərin beynəlxalq səviyyədə standartlaşdırılması məqsədi ilə bu cür seminarların davamlı olaraq keçirilməsi planlaşdırılır.

Qeyd edək ki, Azərbaycan Cüdo Federasiyasının (ACF) təşəbbüsü ilə ötən ildən start verilən BCF-in Akademiyasında məşqçilər üçün keçirilən proqrama 80-dən yuxarı məşqçi cəlb olunub, onlardan 68-i imtahanları uğurla başa vurub və birinci səviyyə cüdo məşqçiliyi sertifikatı əldə edib. Cari ilin mart ayından etibarən daha 75 cüdo məşqçisi Akademiyanın proqramında təhsilə başlayıb.

Azərbaycan Cüdo Federasiyası tərəfindən növbəti illərdə də məşqçilər üçün proqramın davam etdirilməsini planlaşdırılır.

Oktyabrın 3-dən etibarən müxtəlif regionlardan olan 15 yaşa qədər region cüdoçuları Gürcüstanın Qori şəhərində keçirilən təlim-məşq toplanışında iştirak edir. Gürcüstanın region cüdoçuları ilə birlikdə keçirilən hazırlıq prosesinə Azərbaycan 31 cüdoçu ilə qatılıb. Təlim-məşq toplanışı 13 oktyabra qədər davam edəcək.

Təlim-məşq zamanı cüdoçulara Azərbaycan Cüdo Federasiyasının (ACF) regionlarla iş üzrə məsul şəxsləri Musa İsmayılov və Ruslan Yunusov rəhbərlik edir.

Təlim-məşq toplanışı müvafiq yaş qrupu üzrə region cüdoçularının rəqabət qabiliyyətlərinin artırılması və gələn il baş tutacaq Azərbaycan birinciliyinə hazırlıq məqsədini daşıyır.

Azərbaycan Cüdo Federasiyası və Azercell-in  birgə layihəsi olan “Qızlara ağ yaraşır” Mərkəzi Asiyanın ən böyük kommunikasiya festivalında — “Red Jolbors”da Qran-pri mükafatına layiq görüldü. Qran-pri ilə yanaşı, layihə, 3 qızıl, 1 gümüş və 2 bürünc mükafat da qazandı:

Festivalın 2023-cü il üçün Qran-pri mükafatı

“PR Kampaniyaları” kateqoriyasında qızıl mükafat

“PR Strategiyası” kateqoriyasında qızıl mükafat

“Kampaniya Strategiyası” kateqoriyasında qızıl mükafat

“İnteqrasiya Olunmuş Reklam Kampaniyası” kateqoriyasında gümüş mükafat

“Sosial film” kateqoriyasında bürünc mükafat

“Tərəfdaşlıq” kateqoriyasında bürünc mükafat

Qeyd edək ki, “Qızlara ağ yaraşır” daha öncə beynəlxalq “Ad Black Sea” festivalının Qran-pri mükafatına, həmçinin 13 kateqoriya üzrə 6 mükafata layiq görülmüşdür.

4-8 oktyabrda Portuqaliyanın Odivelas şəhərində keçirilən gənclər arasında dünya çempionatında yüksək nəticə qazanan cüdolarımız Vətənə qayıdıb.

İdmançıları Heydər Əliyev Beynəlxalq Hava Limanında azarkeşlər, idman ictimaiyyətinin nümayəndələri, KİV təmsilçiləri, federasiyaların rəsmiləri və idmançıların yaxınları qarşılayıblar.

Cüdoçularımızı qarşılamağa gələn azarkeşlər onları bayraqlarla, şəkilləri əks olunmuş plakatlarla və şüarlarla salamlayıblar.

Qeyd edək ki, Azərbaycan cüdoçuları fərdi yarışlarda 1 qızıl və 2 gümüş medal olmaqla 3 medal qazanıblar.

4-8 oktyabrda Portuqaliyanın Odivelas şəhərində keçirilən gənclər arasında dünya çempionatında Azərbaycan Cüdo Federasiyasının hakimlər heyətinin üzvü, “A” kateqoriyalı beynəlxalq dərəcəli hakim Nazim Umbayev ədalət təmsilçiləri arasında yer alıb.

Nazim Umbayev fərdi yarışlarda oğlanlar arasında +100 kq. çəkidə final görüşünü, qızlar arasında isə -52 kq. çəkidə final, -63 kq. çəkidə isə bürünc medal uğrunda görüşləri idarə edib.Qarışıq komanda yarışlarında isə Yaponiya və Fransa yığmaları arasında final görüşlərində ədalət təmsilçiləri arasında yer alıb.

Azərbaycan cüdoçuları Qazaxıstanın Aktau şəhərində keçirilən cüdo üzrə Açıq Asiya turnirində 1 qızıl, 2 gümüş və 1 bürünc medal əldə edib. Cüdoçularımız yarışda medal əyarına görə ümumi hesabda 3-cü, kişilər arasında isə 2-ci yeri tutub.

Azərbaycan yarışda 7 çəki dərəsində 14 cüdoçu ilə təmsil olunub. Turnirinin ilk günündə cüdoçularımız 1 gümüş medal əldə edib. Yarışın ikinci günündə isə cüdoçularımız 3 medal qazanıb.

-81 kq. çəkidə İmamverdi Məhərrəmov yarışın gümüş medalına sahib olub. Eyni çəki dərəcəsində yarışan digər cüdoçumuz Məmmədrza Hacızadə 7-ci yerdə qərarlaşıb.

-100 kq. çəkidə Ruslan Nəsirli bütün rəqiblərinə qalib gələrək qızıl medal əldə edib.

 +100 kq. çəki dərəcəsində İmran Yusifov bürünc medal qazanıb. O, üçüncü yer uğrunda görüşdə həmyerlisi Camal Feyziyevi məğlub edib. Nəticədə Camal Feyziyev yarışı 5-ci yerdə tamamlayıb.

İdmançılarımızı təbrik edirik!

Azərbaycan cüdoçuları Portuqaliyanın Odivelas şəhərində keçirilən dünya çempionatının fərdi yarışlarında 1 qızıl və 2 gümüş medal qazanıb, 3 cüdoçumuz isə sıralamada 5-ci yerdə qərarlaşıb. Fərdi yarışlarda Azərbaycan yığması medal əyarına görə, ümumi hesabda və oğlanlar arasında 2-ci yeri tutub.

Yarışda Azərbaycan 11 çəki dərəsində 8 oğlan və 7 qız cüdoçu ilə təmsil olunub.

Dünya çempionatının fərdi yarışlarının ilk günündə oğlanlar arasında -60 kq. çəkidə Nizami İmranov final görüşündə yaponiyalı idmançı Yamato Fukuda ilə güclərini sınayıb. Nəticədə Nizami yarışın gümüş medalını əldə edib. Qızlar arasında -48 kq. çəki dərəcəsində Könül Əliyeva yarışı 5-ci yerdə tatamlayıb.

Çempionatının ikinci günündə -73 kq. çəki dərəcəsində mübarizə aparan cüdoçumuz Vüsal Qələndərzadə yarışın qızıl medalına sahib olub. Final qarşılaşmasında Vüsal müstəsna bacarıq və əzmkarlıq nümayiş etdirərək, əlavə vaxtda "seoi-otoshi" fəndi ilə Amerika Birləşmiş Ştatları təmsilçisi Cek Yonezuka üzərində parlaq qələbə qazanaraq dünya çempionu titulunu əldə edib. 

Yarışın üçüncü günündə oğlanlar arasında -90 kq. çəkidə Vüqar Talıbov final görüşündə yaponiyalı idmançı Komey Kavabata ilə güclərini sınayıb. Nəticədə Vüqar yarışın gümüş medalını əldə edib. -81 kq. çəki dərəcəsində Ömər Rəcəbli 5-ci yerlə kifayətlənib.

Fərdi yarışların sonuncu günündə isə oğlanlar arasında +100 kq. çəkidə Ramazan Əhmədov 5-ci yerə çıxıb.

İdmançılarımızı təbrik edirik!

Qazaxıstanın Aktau şəhərində keçirilən cüdo üzrə Açıq Asiya turnirinin ilk günündə Azərbaycan cüdoçuları 1 gümüş medal əldə edib.

Yarışın ilk günündə 3 çəki dərəcəsində 6 cüdoçumuz medallar uğrunda mübarizə aparıb. 

Kişilər arasında -73 kq. çəki dərəcəsində Rüfət Şövlətov yarışın gümüş medalına sahib olub. Eyni çəki dərəcəsində yarışan digər cüdoçumuz Nəriman Mirzəyev 5-ci yerdə qərarlaşıb.

İdmançılarımızı təbrik edirik!

Azərbaycan cüdoçuları oktyabrın 2-dən 8-dək Slovakiyanın Samorin şəhərində keçirilən cüdo üzrə Olimpiya təlim düşərgəsində iştirak edir. Avropa Cüdo Birliyinin təşkilatçılığı ilə baş tutan hazırlıq prosesinə 20 ölkədən 200-dən çox idmançı qatılıb.

Təlim-məşq toplanışında Azərbaycanın cüdo üzrə böyüklərdən ibarət milli yığma komandasının 16 üzvü iştirak edir.

Cüdoçulara böyüklərdən ibarət yığmanın baş məşqçisi Riçard Trautman və böyüklərdən ibarət yığmanın böyük məşqçisi Elçin İsmayılov rəhbərlik edir.

Təlim-məşq toplanışı 3-5 noyabrda Fransanın Monpelye şəhərində keçiriləcək böyüklər arasında Avropa çempionatına hazırlıq məqsədi daşıyır.

Portuqaliyanın Odivelas şəhərində keçirilən cüdo üzrə gənclər arasında dünya çempionatının fərdi yarışlarının üçüncü günündə Azərbaycan cüdoçuları 1 gümüş medal əldə edib.

6 oktyabrda oğlanlar arasında 2 çəki dərəcəsində 3 cüdoçumuz medallar uğrunda mübarizə aparıb. 

-90 kq. çəkidə Vüqar Talıbov final görüşündə yaponiyalı idmançı Komey Kavabata ilə güclərini sınayıb. Nəticədə Vüqar yarışın gümüş medalını əldə edib.

-81 kq. çəki dərəcəsində Ömər Rəcəbli 5-ci yerlə kifayətlənib.

İdmançılarımızı təbrik edirik!

Oktyabrın 24-ü  Bakı İdman Sarayında Azərbaycan Cüdo Federasiyası (ACF) ilk dəfə Kəmər dərəcələri  üzrə rəsmi imtahan təşkil edəcək. İmtahan bütün kəmər dərəcələri üzrə keçiriləcək.

Kimlər iştirak edə bilər?

İmtahan 7 yaşdan yuxarı cüdo ilə məşğul olanlar üçün açıqdır. Bu imtahan əsasən Bakı şəhərindən olan idmançılar üçün keçirilir. Ardınca Sumqayıt şəhəri də daxil olmaqla müxtəlif regionlarda da eyni kəmər imtahanları təşkil ediləcək. Paytaxtdakı imtahana qatılmaq istəyən region idmançılarının bütün xərcləri özləri tərəfindən ödənilməlidir. 

Mən hansı kəmərə müraciət edə bilərəm?

Kəmər seçimi müvafiq yaş uyğunluğuna əsasən aparılacaqdır. Məsələn: 12 yaşlı bir idmançı maksimum yaşıl kəmərə müraciət edə bilər. Həmin kəmər imtahanının sonunda münsiflər narıncı və sarı kəmərlərdən də sual verə bilər. 

Imtahana necə hazırlaşmaq lazımdır?

Biz cüdoçuların müvafiq idman təşkilatlarında müəllimlərinin rəhbərliyi altında imtahana hərtərəfli hazırlaşmağı tövsiyə edirik. Həmçinin, cüdo klublarına göndərilmiş medotik vəsaitlərdən (poster və video materiallardan) istifadə edə bilərsiniz. 

Kəmər İmtahanı nə üçün lazımdır?

Peşəkarlıq səviyyənizin qiymətləndirilməsi və rəsmi olaraq tanınması, həmçinin gələcəkdə nüfuzlu daxili yarışlarda iştirak edə bilməyiniz üçün kəmər imtahanını verməyiniz vacibdir.

İmtahanı uğurla keçən namizədlərə ACF tərəfindən müvafiq kəmər və sertifikat təqdim ediləcək. 

Imtahanın vaxtı:

Tarix: 24 oktyabr 2023-cü il

Məkan: Bakı İdman Sarayı

Qeydiyyat məlumatı: 

Başlama tarixi - 9 oktyabr 2023

Son qeydiyyat tarixi - 20 oktyabr 2023 

İmtahana qeydiyyat ödənişlidir və ACF-nin Judo Manager platforması vasitəsilə həyata keçirilir. Qeydiyyatla bağlı daha ətraflı məlumat üçün əlaqə vasitəsi: +994 50 467 55 04 (Əli Kərimov) 

İmtahanların qiyməti:

Ağ-sarı kəmər - 30 AZN

Sarı kəmər - 30 AZN

Narıncı kəmər - 40 AZN

Yaşıl kəmər - 40 AZN

Göy kəmər - 50 AZN

Qəhvəyi kəmər - 50 AZN

Kəmər imtahanında iştirak edəcək bütün idmançılara uğurlar arzu edirik!

Oktyabrın 5-i Portuqaliyanın Odivelas şəhərində keçirilən cüdo üzrə gənclər arasında dünya çempionatının ikinci günündə -73 kq. çəki dərəcəsində mübarizə aparan cüdoçumuz Vüsal Qələndərzadə yarışın qızıl medalına sahib olub. 

Final qarşılaşmasında Vüsal müstəsna bacarıq və əzmkarlıq nümayiş etdirərək, əlavə vaxtda "seoi-otoshi" fəndi ilə Amerika Birləşmiş Ştatları təmsilçisi Cek Yonezuka üzərində parlaq qələbə qazanaraq dünya çempionu titulunu əldə edib. 

Bu qələbə ölkəmiz üçün son 5 ildə gənclər arasında keçirilən dünya çempionatında qazanılan ilk qızıl medal olaraq tarixə düşüb. Sonuncu dəfə bu nailiyyəti 2018-ci ildə Rövşən Əliyev dünya çempionatında əldə edib.

Dünya çempionatındakı parlaq qələbə münasibətilə bütün cüdo ailəsini təbrik edirik!

Portuqaliyanın Odivelas şəhərində keçirilən cüdo üzrə gənclər arasında dünya çempionatının fərdi yarışlarının ilk günündə Azərbaycan cüdoçuları 1 gümüş medal əldə edib.

4 oktyabrda Azərbaycan yığma komandasının 5 üzvü tatamiyə çıxıb. Oğlanlar arasında -60 kq. çəkidə Nizami İmranov final görüşündə yaponiyalı idmançı Yamato Fukuda ilə güclərini sınayıb. Nəticədə Nizami yarışın gümüş medalını əldə edib. Qızlar arasında -48 kq. çəki dərəcəsində Könül Əliyeva 5-ci yerlə kifayətlənib.

İdmançılarımızı təbrik edirik!

Azərbaycanın gənc oğlanlardan və qızlardan ibarət milli yığması 4-8 oktyabrda Portuqaliyanın Odivelas şəhərində keçiriləcək dünya çempionatında iştirak edəcək. Yarışda Azərbaycan 11 çəki dərəsində 8 oğlan və 7 qız cüdoçu ilə təmsil olunacaq.

Azərbaycan Cüdo Federasiyasının (ACF) prezidentin müşaviri Natiq Bağırov və baş katib Rəşad Rəsullu milli yığmaların təlim-məşq toplanışlarını ziyarət edərək onların hazırlıqları ilə maraqlanıblar, cüdoçularımıza yarışda müvəffəqiyyətlər arzu ediblər. 

Dünya çempionatında cüdoçulara gənclərdən ibarət yığmanın baş məşqçisi Elxan Məmmədov, gənclərdən ibarət yığmanın məşqçisi Elxan Rəcəbli, qadınlardan ibarət yığmanın baş məşqçisi Rəşad Məmmədov və gənc qızlardan ibarət yığmanın məşqçisi Vüqar Hüseynov rəhbərlik edəcək.

4-7 oktyabr tarixlərində çempionatın fərdi yarışları, 8 oktyabrda isə komanda yarışları keçiriləcək.

Qeyd edək ki, yarışda ACF-in “A” kateqoriyalı beynəlxalq dərəcəli hakimi Nazim Umbayev ədalət təmsilçiləri arasında yer alacaq.

Çempionata qatılacaq heyəti təqdim edirik:

Qızlar

-48 kq. 

Könül Əliyeva 

-52 kq. 

Aydan Vəliyeva 

Xədicə Qədəşova

-57 kq. 

Fidan Əlizadə 

-78 kq. 

Nərmin Əmirli 

+78 kq. 

Nigar Süleymanova

Pərvanə Abdullayeva komanda yarışında mübarizəyə qoşulacaq.

Oğlanlar

-60 kq. 

Nizami İmranov 

-66 kq. 

Aydın Rzayev 

-73 kq. 

Süleyman Əliyev 

Vüsal Qələndərzadə 

-81 kq. 

Ömər Rəcəbli 

-90 kq. 

Vüqar Talıbov 

İsmayıl Zamanov 

+100 kq. 

Ramazan Əhmədov

Kənan Nəsibov komanda yarışında mübarizəyə qoşulacaq.

İdmançılarımıza uğurlar arzulayırıq!

İsveçrənin Lozanna şəhərində Beynəlxalq Olimpiya Komitəsinin 11-ci Beynəlxalq Atletlər Forumu (IAF) keçirilir. Azərbaycan Milli Olimpiya Komitəsinin Atletlər Komissiyasının sədri, Rio-2016 Yay Olimpiya Oyunlarının gümüş mükafatçısı, dünya çempionatının ikiqat gümüş mükafatçısı, Avropa çempionu Rüstəm Orucovun da iştirak etdiyi forumda bütün ölkələri təmsil edən komissiya üzvləri ən vacib məsələləri müzakirə etmək üçün bir araya gəliblər.

Rüstəm Orucovun verdiyi məlumata görə, forumun ilk günündə bir sıra maraqlı məsələlər müzakirə olunub. Həmçinin, Rusiya və Belarus idmançılarının yarışlarda hansı status altında çıxış edəcəyi barədə məsələyə də baxılıb. 

Forumun birinci günündə Ermənistanı təmsil edən idmançı təxribat xarakterli çıxış edib. Sessiyaların birində səhnəyə çıxan erməni idmançı Arsen Culfalakyan müharibə şəraitində olan ölkəsinin hazırda 125 min qaçqını olduğunu bildirib.

Rüstəm Orucov dərhal çıxış edərək tutarlı faktlarla erməni idmançını susdurub: “30 il əvvəl müharibəni ermənilər başladı və torpaqlarımız işğal edildi. Biz heç kimin torpağına göz dikməmişik. Əgər hazırda sizdə qaçqın varsa, bu problem deyil, onlar Qarabağda qalıb, yaşaya bilərlər. Bu gün Qarabağı könüllü tərk edərək, Ermənistana gedən erməni əsilli şəxslərin Azərbaycanın humanistliyi sayəsində Laçın sərhəd-buraxılış məntəqəsindən sərbəst keçidi üçün şərait yaradılır. Onlara qarşı heç bir zorakılıq edilmir. Azərbaycan Qarabağ ermənilərinin reinteqrasiyasını istədiyini bəyan edib və Qarabağdakı erməni sakinlərə ərzaq və tibbi yardım göstərir. Amma 1990-cı illərdə erməni separatçılar xalqımıza qarşı böyük vəhşiliklər törədiblər. Əliyalın soydaşlarımız xüsusi amansızlıqla, işgəncələrə məruz qalaraq qətlə yetirilib, genosidə məruz qalıblar. Onlar öz vətənində məcburi köçkünə çevrilmişdilər”. 

Rüstəm Orucovun tutarlı cavablarından sonra isə erməni idmançı dərhal sakitləşərək fikirlərinə düzəliş edib. O, əslində, idmanı siyasətə qatmamağı və mübarizəni tatamidə aparmaq lazım olduğunu qeyd edib: “Mən demək istəyirəm ki, müharibə şəraitində olan bütün ölkələr Olimpiya Həmrəyliyi tədbirlərində iştirak etməlidirlər. Müharibəni idmana qatmaq olmaz. Biz idmançılar öz gücümüzü idman arenasında göstərməliyik”.

Beynəlxalq Atletlər Forumuna bu gün yekun vurulacaq.

Azərbaycan Cüdo Federasiyasının hakimlər üzrə meneceri, “A” kateqoriyalı beynəlxalq dərəcəli hakim Mətin Rəhimli, “A” kateqoriyalı beynəlxalq dərəcəli hakimlər Nazim Umbayev, Fariz Hüseynov və Arzu Acalova 26-27 sentyabrda Bakıda keçirilən paracüdo üzrə Qran Pri turnirində ədalət təmsilçiləri arasında yer alıblar.

Nazim Umbayev yarışda kişilər arasında J1 -60 kq., qadınlar arasında J1 +70 kq. çəkidə bürünc medal uğrunda görüşü, J2 -57 kq. çəkidə final görüşünü idarə edib. 

Fariz Hüseynov qadınlar arasında J1 -70 kq., kişilər arasında J2 -60 kq. və J2 -90 kq. çəkidə bürünc medal uğrunda, J1 -60 kq. çəkidə final görüşünü idarə edib. 

Arzu Acalova kişilər arasında J2 -90 kq. çəkidə final, qadınlar arasında isə J1 -70 kq. çəkidə bürünc medal uğrunda görüşü idarə edib.

Mətin Rəhimli kişilər arasında J1 -73 kq., J2 -73 kq. və J1 -90 kq. çəkidə bürünc medal uğrunda, qadınlar arasında isə J1 -70 kq. çəkidə final görüşünü idarə edib.

Sentyabrın 25-i Heydər Əliyev Bakı Böyük Dəbilqə turniri başa çatdıqdan sonra, Azərbaycan Cüdo Federasiyasının təşkilatçılığı ilə Bakıda beynəlxalq təlim-məşq toplanışı keçirilir.

Sentyabrın 29-na qədər davam edəcək hazırlıq prosesində 100-dən çox idmançı iştirak edir. Təlim-məşq toplanışına Azərbaycanın kişilərdən, gənc oğlanlardan və qadınlardan ibarət milli komandalarının üzvləri ilə yanaşı Braziliya, Danimarka, Polşa, Portuqaliya, Rumıniya, Amerika Birləşmiş Ştatları, Avstraliya, Slovakiya, Səudiyyə Ərəbistandan və digər ölkələrin cüdoçuları da qatılıb.

Təlim-məşq toplanışı 4-8 oktyabrda Portuqaliyada keçiriləcək gənclər arası Dünya çempionatına hazırlıq məqsədi daşıyır. Eyni zamanda, bu təlim-məşq toplanışı böyüklərdən ibarət milli yığma komandanın  noyabrın 3-5-i Fransada  keçiriləcək Avropa çempionatına hazırlıqları üçün mühüm mərhələlərdən biridir.

Sentyabrın 26-ı Daxili İşlər Nazirliyinin İdman Cəmiyyətində polis əməkdaşlarına Beynəlxalq Cüdo Federasiyasının (BCF) hərbçilər və polislər üçün hazırladığı xüsusi cüdo proqramının təqdimatı olub. Təqdimatı BCF-in Hərbçilər və Polislərlə Əməkdaşlıq Komissiyasının komissarı Krijan Şabolç edib. Təqdimatdan sonra polis əməkdaşları üçün nümunəvi təlim keçirilib.

Proqramın əsas məqsədi hüquq-mühafizə orqanları əməkdaşlarına silahsız özünümüdafiə metodunu mənimsətməkdən ibarətdir.

Hərbçilər və polislər üçün nəzərdə tutulan cüdo təliminin fiziki hazırlıq, silahsız özünümüdafiə bacarıqları və stressin idarə edilməsi kimi faydaları vardır. Təlim cüdo texnikalarının geniş spektrini, o cümlədən hərəkətlər, qaldırma, mübarizə, yerdə döyüş və ayağa qalxma bacarıqlarını əhatə edir. 

Krijan Şabolç bildirib ki, burada əldə edilən bacarıqlar polis əməkdaşlarının xidməti vəzifələrini icra edərkən qarşılaşdıqları təhlükələri önləmək və göstərilən müqavimət zamanı mühüm fərq kəsb edəcək. 

“Azərbaycan Daxili İşlər Nazirliyi polis əməkdaşlarının peşəkarlığının artırılmasına böyük diqqət göstərir. Təlimin ən vacib hissəsi cüdonun əsasını təşkil edən yıxılmalardan sığortalanma elementlərini tam şəkildə mənimsəməkdir. Cüdo idman növünün çoxsaylı üstünlüklərini nəzərə alsaq gələcəkdə əsas planlardan biri təlim proqramını genişləndirmək və təkmilləşdirməkdir”, - deyə Daxili İşlər Nazirliyinin İdman Cəmiyyətinin rəisi Mövlud Mirəliyev bildirib.

Qeyd edək ki, təlim Daxili İşlər Nazirliyinin İdman Cəmiyyətinin, Beynəlxalq Cüdo Federasiyasının və Azərbaycan Cüdo Federasiyasının birgə əməkdaşlığı çərçivəsində baş tutub.

“A” kateqoriyalı beynəlxalq dərəcəli hakim Nazim Umbayev 22-24 senytabr tarixlərində Ümummilli Lider Heydər Əliyevin xatirəsinə həsr olunan Bakı Böyük Dəbilqə turnirində ədalət təmsilçiləri arasında yer alıb.

Nazim Umbayev yarışda qadınlar arasında -57 çəki dərəcəsinin bürünc medal uğrunda olan görüşü, kişilər arasında -73 kq., -90 kq. və +100 kq. çəki dərəcələrində bürünc medal uğrunda olan görüşləri, -60 kq. çəkidə isə final görüşünü idarə edib.

Beynəlxalq Cüdo Federasiyasının  baş direktoru  Vlad Marinesku Heydər Əliyev Bakı Dəbilqə turnirinə həsr olunmuş yekun məqalədə bildirir:

“Olimpiya Oyunları yaxınlaşdığı və Olimpiya lisenziyalarının tam sürətlə getdiyi bir vaxtda biz ilk növbədə Azərbaycana və milli federasiyaya cüdo ailəsini qarşılayaraq Azərbaycan xalqının atası Heydər Əliyevin xatirəsinə həsr olunmuş yüksək keyfiyyətli tədbirə ev sahibliyi etdiklərinə görə təşəkkür etməliyik".

Məqalədə bildirilir ki, Heydər Əliyev Böyük Dəbilqə turnirinin ilk iki günü müstəsna dərəcədə keyfiyyətli keçdi. Yarışın üçüncü günündə də belə oldu, bu gün arenada olan tamaşaçılara və turniri onlayn izləyənlərin hamısına yüksək səviyyəli tamaşa təqdim edildi.

“2023-cü ilin Böyük Dəbilqə turniri əla nəticələrlə tarixə düşəcək. Bakıda qazanılan yerlər və xallar qarşıdakı həftələrdə və aylarda böyük rol oynayacaq. Zaman sürətlə irəliləyir, indiki an ilə Paris-2024 Olimpiya Oyunları arasındakı vaxtı ölçərək geri sayımı həyata keçirən qum saatında qum artıq daha sürətlə axır. O an hələ yetişməyib, amma hiss edirik ki, tədbir artıq yaxınlaşır. Bütün nümayəndə heyətləri Paris görüşünə hazırlaşır.

Bu tədbir Dünya Cüdo Turunun incisidir. Biz turnir boyu tatami üzərində deyil, həm də güclü sosial layihələr vasitəsilə cüdo dəyərlərinin və idman ustalığının heyrətamiz nümayişi ilə tarix yazmışıq.”,- müəllif Nikolas Messner yazdı.

Heydər Əliyev Bakı Böyük Dəbilqə turnirinin sonuncu günündə “Qızlara ağ yaraşır” kampaniyasında iştirak edən qızlar turnirə qatılıblar. Beynəlxalq Cüdo Federasiyasının (BCF) media  və kommunikasiya direktoru Nikolas Messner və Uşaqlar komissiyasının üzvü Leandra Freitas onlar üçün Milli Gimnastika Arenasında texniki tur təşkil etdi.

Qızların arenaya gəlməsi ilə bağlı Nikolas Messner yazır: “Heydər Əliyev Bakı Böyük Dəbilqə turnirinin sonuncu günündə final bloku öncəsi fasilə zamanı arenanın keçidlərində "Ooo! Aaa! Vaooo!" sədaları eşildi! Qırx yeniyetmə qızdan ibarət qrup  pərdə arxasında gözləyirdi.

Bu yeniyetmə qızlar təsadüfən seçilməmişdilər. Onlar Azərbaycan Cüdo Federasiyasının başlatdığı “Qızlara ağ yaraşır” adlı proqramın bir hissəsi idilər. “Azercell Telekom” MMC Azərbaycan Cüdo Federasiyası ilə birgə qızları idmana həvəsləndirmək və onların inkişafına təkan vermək məqsədi daşıyan bu layihəyə bu il start verib.

“Qızlara ağ yaraşır” adlı sosial kampaniya Azərbaycanda yeniyetmə qızlara xüsusi diqqət yetirməklə idmanı, döyüş bacarıqlarını və cəmiyyətdə özünəinamı təbliğ etmək məqsədi daşıyır.

İdeya qızları fiziki və əqli sağlamlıqlarına prioritet verməyə, gələcəyə doğru inamla irəliləməyə, cüdo ilə məşğul olmağa və ölkəni beynəlxalq idman arenalarında təmsil etməyə təşviq etməkdən ibarətdir. Bu sosial layihə həm milli, həm də qlobal miqyasda aktual olan erkən nikah problemini də əhatə edir.

Milli komandanın üzvlərinin müşayiəti ilə qızlar https://judotv.com/ saytındakı görüntüləri səsləndirən Nil Adams və Şeldon Franko Ruks ilə, eləcə də BCF-in hakimlər üzrə direktoru Florin Daniel Laskau və başqaları ilə görüşdü. “Ooo" və "aaa” sədaları saxta deyildi. Onu səsləndirənlər yarışmanın maddi-texniki və insani aspektindən ilhamlanmışdılar, onlar hər şeyin mümkün olduğunu və dünyada bütün qızların bərabər şanslara malik olduğu parlaq gələcək arzulamalı olduğunu sübuta etdilər.”.

Beynəlxalq Cüdo Federasiyasının (BCF) qərarı ilə, “Dünya Cüdo Turu” çərçivəsində 22-24 sentyabrda Ümummilli Lider Heydər Əliyevin anadan olmasının 100-cü ildönümünə həsr edilən Bakı Böyük Dəbilqə turniri keçirilib. Cüdoçularımız tunirdə ümumilikdə 3 qızıl, 1 gümüş və 1 bürünc medal qazanaraq ümumi hesabda və kişilər arasında birinci, qadınlar arasında isə 11-ci yeri tutub. Yarışda medal əyarına görə Gürcüstan idmançıları ikinci yerdə, Yaponiya yığması isə üçüncü yerdə qərarlaşıb.

Milli Gimnastika Arenasında baş tutan turnirdə 61 ölkədən 446 cüdoçu medallar uğrunda mübarizə aparıb. Azərbaycanın cüdo üzrə milli yığma komandası yarışda 11 çəki dərəcəsində 26 kişi və 7 qadın idmançı ilə təmsil olunub.

Yarışın ilk günü qadınlar arasında -48 kq. çəki dərəcəsində yarışan cüdoçumuz Leyla Əliyeva gümüş medalına sahib olub. Kişilər arasında -66 kq. çəki dərəcəsində yarışan cüdoçumuz Yaşar Nəcəfov finalda Yaponiya təmsilçisi Takeşi Takeoka ilə üzləşib. Yaşar yaponiyalı rəqibinə qarşı Klassik Kumi-katadan uçi-mata fəndi işlədərək ippon ilə parlaq qələbə əldə edib.

Turnirin ikinci günündə isə -73 kq. çəkidə Hidayət Heydərov və -81 kq. çəkidə  Zelim Tçkayev fəxri kürsünün ən yüksək pilləsinə qalxıblar. 

Turnirinin sonuncu yarış günü kişilər arasında -100 kq. çəki dərəcəsində yarışan cüdoçumuz Zelim Kotsoyev üçüncü yer uğrunda mübarizədə xorvatiyalı idmançı Zlatko Kumrik ilə güclərini sınayıb. Zelim rəqibinə “kosoto-gake” fəndi ilə fəndi işlədərək ippon ilə parlaq qələbə qazanıb.

İdmançılarımızı təbrik edirik!

Azərbaycan Cüdo Federasiyası bu il ərzində  qızların cüdo ilə məşğul olmasını stimullaşdırmaq məqsədi ilə “Azercell Telekom” MMC ilə birlikdə “Qızlara ağ yaraşır” kampaniyasına 1000-ə yaxın qız cəlb edib. Azərbaycanın bütün regionlarını  əhatə edən bu kampaniya qızları fiziki və mənəvi sağlam olmağa, gələcəyə əmin addımlarla irəliləməyə və beynəlxalq idman arenalarında ölkəmizi təmsil etməyə həvəsləndirəcəkdir.

Heydər Əliyev Bakı Böyük Dəbilqə turnirinin sonuncu günündə “Qızlara ağ yaraşır”  kampaniyasında iştirak edən 7-14 aralığında olan qızlar Bakı Böyük Dəbilqə turnirinə qatılıblar.

Qızlar Milli Gimnastika Arenası ilə tanış olublar və final görüşlərindən əvvəl səhnəyə dəvət olunublar. Səhnədə qızlar bu layihəyə görə hər kəsə təşəkkür edib və arzularından bəhs ediblər.

Heydər Əliyev Bakı Böyük Dəbilqə turnirində -81 kq. çəkidə mübarizə aparan cüdoçumuz Zelim Tçkayev qızıl medal qazandı.

Beynəlxalq Cüdo Federasiyası Tçkayevi Azərbaycan milli yığmasının yeni qəhrəmanı kimi qələmə verdi: “Püşkatmanın ikinci hissəsində azarkeş kütləsini çoşduran Zelim Tçkayev oldu. Azərbaycanlı cüdoçu həqiqətən də ev sahibi ölkənin yeni qızıl medal arzusunu gərçəkləşdirdi.

Zelim Tçkayev finalda tam üstünlük əldə etdiyi üçün bu arzu gerçəkləşdi. Heç kim deyə bilməz ki, Şamil Borçaşvili səy göstərmədi. Olimpiya oyunlarının  və Dünya çempionatının bürünc mükafatçısı rəqibini üzərindən atmağa çalışsa da, cəhdləri boşa çıxdı. Sona bir dəqiqədən az vaxt qalmış avstriyalı cüdoçu “o-soto-qari” fəndini işə saldı, Tçkayev isə fəndin qarşısını alaraq “o-soto-qaeşi” fəndi ilə “vazari” xalı qazandı. Qızıl medal ona və ev sahibi ölkəyə qismət oldu, bu, Azərbaycanın ikinci qızıl medalı idi, Tçkayev isə yeni qəhrəman idi.”.

Beynəlxalq Cüdo Federasiyasının rəsmi səfhəsində Heydər Əliyev Bakı Böyük Dəbilqə turnirində Hidayət Heydərovun mübarizəsi haqqında məqalə dərc olundu. Məqalənin müəllifi mediaya və kommunikasiya direktoru Nikolas Messner deyir:

“Yarışa kütləvi şəkildə gəlmiş tamaşaçıların gözlədiyi bir cüdoçu var idisə, o da Hidayət Heydərov idi. Sörfinqçi saç düzümü və möhtəşəm cüdosu ilə Heydərov Azərbaycanda cüdo həvəskarlarının sevimlisidir. 2017 və 2022-ci illərdə 4 böyük Dəbilqə, iki Qran-pri və Avropa çempionluğu titullarının qalibi olan Heydərov çıxışını izləməyi xoşladığımız cüdoçulardan biridir. Öz çəki dərəcəsindəki bütün döyüşçülərə qalib gəlməyə, eləcə də hamıya uduzmağa qadir olan Heydərovun cüdosu cəsarətlidir, o, əhəmiyyətli dərəcədə risklərə əl atır, ənənəvi və akrobatik texnikaların qarışığını nümayiş etdirir.

Tamaşaçılar məyus olmadılar! Hidayət Heydərov Askar Narkulov (Qazaxıstan), Erik Ham (Böyük Britaniya) və Aleksandru Raykunu (Rumıniya) məğlub edərək yarımfinalda Şaxram Ahadovla (Özbəkistan) qarşılaşdı. Bu, gərgin qarşıdurma idi, tərəflərin heç biri fənd üçün real fürsət tapa bilmirdi. Bu, şübhəsiz ki, taktiki qələbə olacaqdı. Böyük auditoriya tərəfindən dəstəklənən Heydərov sonda qalib gəldi, çünki Ahadov üçüncü dəfə cəzalandırıldı.

Püşkatmanın ikinci yarısında səhərin ən böyük təəssüratını yaradan Petru Pelivan (Moldova) oldu, çünki moldovalı cüdoçu finala vəsiqə qazanaraq yerli qəhrəmanla qarşılaşmalı idi.

Bir saniyə belə təsirlənməyən və üzündə geniş təbəssümlə finala yüksələn Pelivan ilk öncə təhlükəli “o-uçi-qari” fəndi ilə hərəkətə keçdi, lakin heç bir xal qazana bilmədi. Bir neçə saniyədən sonra o, eyni solaxay üslubda “o-uçi-qari” fəndi etməyə çalışdı, lakin Heydərov məhz bu zaman heç gözlənilmədən fənd işlətdi. Güclü bir “seoi-naqe” fəndi ilə o, rəqibinin altına keçdi və onu üzərindən atdığı zaman, tamaşaçılar sevinc sədaları altında qələbəni qeyd etmək üçün artıq ayağa qalxmışdırlar.

Heydər Əliyevin xatirəsinə həsr olunmuş Bakı Böyük Dəbilqə yarışının ikinci günündə atmosferin coşğulu olacağı gözlənilirdi, Milli Gimnastika Arenası öz milli qəhrəmanlarına azarkeşlik etmək istəyən gənclərlə dolu idi.

Yerli federasiya təmsilçiləri həyatlarının növbəti mərhələsinə qədəm qoyan çempionlarını təbrik etdilər. Finallara 63 kiloqram çəki dərəcəsində start verildi, polşalı Anjelika Şimanska gərgin mübarizədən sonra vaza-ari ilə birinci oldu və özünün ilk Böyük Dəbilqə qalibiyyətini qazandı.

Medalları Beynəlxalq Cüdo Federasiyasının (BCF) Baş idman direktoru cənab Vladimir Barta təqdim etdi.

"Atmosfer heyrətamizdir, buradakı uşaqlar cüdonu sevirlər, bu, Azərbaycanda çox populyar idman növüdür, ona görə də mən burada olmaqdan, burada qələbə qazanmaqdan və uşaqlarla birlikdə qələbəmdən həzz almaqdan çox şadam", – deyə Şimanska bildirdi.

73 kiloqram çəki dərəcəsində Azərbaycan Böyük Dəbilqə yarışlarının ikinci qızılını qazandı ki, bu da Azərbaycan üçün olduqca qürurverici idi.

Arxasında böyük tamaşaçı kütləsinin dəstəyi olan Hidayət Heydərov yarışı möhtəşəm “soi-otoshi” ilə başa vurdu.

Arena sevinc sədalarına qərq oldu, onun adı ucadan səsləndi. Bu, Heydərov və Bakıdakı azarkeşlər üçün nağıla bənzər gün idi və tamaşaçılar arasında olan gələcəyin gənc cüdoçuları üçün ruhlandırıcı görüntü idi.

Ona medalını Azərbaycan Cüdo Federasiyasının vitse-prezidenti, Olimpiya çempionu cənab Elnur Məmmədli təqdim etdi. 

"Ümid edirəm ki, komandamın üzvləri burada mənim uğurumu təkrarlayacaqlar və ümidvaram ki, Azərbaycanın daha çox Olimpiya çempionları olacaq və mən də onlardan biri olacağam", – deyə Heydərov sonradan bildirdi.

70 kiloqram çəki dərəcəsində Yunanıstan təmsilçisi Elisavet Teltsidu möhtəşəm vaza-ari ilə ispaniyalı Ai Tsunoda Rustantı məğlub etdi ki, bu da ona qürurverici dördüncü Böyük Dəbilqə qızılını qazandırdı.

Medalları BCF-in səfiri Dr. Antonio Kastro təqdim etdi. 

Gün ev sahibi ölkə üçün üçüncü inanılmaz qızılla başa çatdı. 81 kiloqram çəki dərəcəsində qalib titulu Olimpiya Oyunlarının bürünc mükafatçısı Şamil Borçaşvilini məğlub edən yerli ümidverici idmançı Zelim Tçkayevə nəsib oldu. Azərbaycan üçün necə də möhtəşəm gündür!

Medalları Olimpiya Oyunlarının və Dünya çempionatının bürünc mükafatçısı cənab Mövlud Mirəliyev təqdim etdi.

İkinci gündə tamaşaçı kütləsi Azərbaycan komandasının nailiyyətlərindən bir daha həzz aldı. İppon ardınca ippon onları gün ərzində daha da coşduraraq Bakıda coşğulu atmosfer yaratdı.

Sentyabrın 23-ü Ümummilli Lider Heydər Əliyevin xatirəsinə həsr olunan Bakı Böyük Dəbilqə turnirində Azərbaycan cüdoçuları 2 qızıl medal qazanıb.

Turnirin ikinci günü qadınlar arasında -70 kq. çəki dərəcəsində 2 cüdoçumuz, kişilər arasında isə -73 kq. və -81 kq. çəki dərəcələrində 8 cüdoçumuz medallar uğrunda mübarizə aparıb.

-73 kq. çəkidə mübarizə aparan cüdoçumuz Hidayət Heydərov final görüşündə Moldova təmsilçisi Petru Pelivana ipponla qalib gələrək fəxri kürsünün ən yüksək pilləsinə qalxıb. 

-81 kq. çəkidə  Zelim Tçkayev finalda Avstriya təmsilçisi Şamil Borçaşvili ilə qarşılaşıb. Zelim əsas vaxtda rəqibini "vaza-ari" xalı ilə məğlub edərək qızıl medala sahib oldu.

İdmançılarımızı təbrik edirik!

Heydər Əliyev Bakı Böyük Dəbilqə turnirinin  ikinci günündə yerli və beynəlxalq cüdo ictimaiyyəti böyük idman aləmində silinməz iz qoymuş Rüstəm Orucovu, Orxan Səfərovu və Məmmədəli Mehdiyevi yola saldı. Bu həyəcanlı və  təsirli tədbir Milli Gimnastika Arenasında baş tutdu. Burada  idmançıların karyeraları boyu göstərdikləri  fədakarlıq, əzmkarlıq və cüdo dəyərlərinə dönməz sədaqət kimi xüsusiyyətləri örnək göstərildi.

 Olimpiya çempionu, Azərbaycan Cüdo Federasiyasının vitse-prezidenti Elnur Məmmədli Federasiya adından  karyeralarını başa vurmuş idmançıları təltif etmək üçün tatamiyə buyurdu. 

Mükafatlandırma mərasimi Rüstəm Orucovun səhnəyə çıxması ilə başlayıb. R.Orucov səmimi çıxışında ona inanan, sarsılmaz dəstək olan valideynlərinə və məşqçilərinə minnətdarlığını bildirib. O, həmçinin həmişə onun yanında olan Azərbaycan xalqına dərin minnətdarlığını bildirib. Peşəkar karyerasını başa vurmasına baxmayaraq, Orucov bütün gələcək planlarının bu idman növü ilə sıx bağlı olması ilə cüdonun həmişəlik həyatının bir parçası olaraq qalacağını vurğulayıb.

Daha sonra təltif üçün səhnəyə Orxan Səfərov buyurdu. O, Azərbaycan xalqına, beynəlxalq cüdo ictimaiyyətinə və bütün cüdo həvəskarlarına salamlarını çatdıraraq, göstərdikləri sarsılmaz dəstəyə görə dərin minnətdarlığını bildirib.

Nəhayət, Məmmədəli Mehdiyev mükafatlandırma mərasimi üçün səhnəyə çıxdı və əlamətdar karyerası boyunca ona dəstək olan hər kəsə  ürəkdən təşəkkürünü bildirdi.

Tədbir emosiyalar, həyəcan və göz yaşları  ilə yadda qaldı. Karyerasını bitirmiş idmançıların nailliyətləri haqqında video çarx nümayiş olundu və onların adları Azərbaycan cüdo tarixinə  əbədi həkk olundu.

 Hidayət Heydərov Beynəlxalq Cüdo Federasiyasına verdiyi müsahibəsində deyib:

“Öz ölkəmdə mən həmişə böyük dəstək hiss edirəm, bu mənə enerji verir və daha da həvəsləndirir. Mən heç bir zaman stress hiss etmirəm, əksinə, ilhamla mübarizə aparıram  və nəinki özümün, həm də pərəstişkarlarımın ümidlərini doğrultmağa və onları sevindirməyə çalışıram.

Bir vaxtlar mən də tribunalarda azarkeşlik edirdim, çempionlarımız – Elnur Məmmədli ilə Elxan Məmmədovun döyüşlərinə baxırdım. İndi mən millinin lideriyəm və ikiqat məsuliyyət hiss edirəm. Arzum budur ki, gənc nəsil özlərinə inansın, məşq etməyə davam etsin və dünya şöhrətli idmançılar yetişsin.

İndi bütün diqqət Olimpiadaya hazırlığa yönəlib. Qarşıda hələ Avropa çempionatı olacaq, mən burada yenidən qalib olmaq istəyirəm, lakin Yay Oyunları xüsusi vacibdir.

 Azərbaycan cüdosunda 16 illik Olimpiya qızıl medal həsrətinə son qoymaq üçün əlimdən gələni edəcəyəm.”.

Cümə günü Bakıda keçirilən Böyük Dəbilqə yarışlarında azərbaycanlı Yaşar Nəcəfov 66 kiloqram çəki dərəcəsində cəmi 13 saniyəyə qalib gəldi.

Yerli sakinlər böyük ümidlərlə Azərbaycanın paytaxtında Milli Gimnastika Arenasına toplaşmışdılar və oradan məyus ayrılmadılar.

Tədbirin rəsmi açılışını Beynəlxalq Cüdo Federasiyası yerli rəsmilərlə birlikdə etdi.

Daha sonra Yaşar Nəcəfov qızıl medal uğrunda mübarizədə yaponiyalı Takeşi Takeoka ilə qarşılaşdı. Cəmi 13 saniyədən sonra o, coşqulu tamaşaçılara məhz görmək istədiklərini verərək möhtəşəm uçi-mata fəndi ilə ev sahibi ölkəyə qızıl medal qazandırdı. Cüdonun bu heyrətamiz nümayişindən ilhamlanan tamaşaçı kütləsi coşdu.

Medalları Azərbaycan MOK-un baş katibi cənab Azər Əliyev təqdim etdi.

"Evdə olduğum üçün bu medalı qazanmaq istədim və bunu bacardım. Azərbaycan xalqı cüdonu sevir, yarışı hamı izləyirdi", – deyə sonradan Nəcəfov bildirib.

48 kq çəki dərəcəsində dünyanın bir nömrəsi italiyalı Assunta Skutto yerli favorit Leyla Əliyeva ilə qarşılaşdı. Əliyeva inanılmaz dərəcədə səylə mübarizə aparsa da, tatami üzərində yerinə yetirdiyi fənd italyan superulduza qızıl medal qazandırdı.

Beynəlxalq Cüdo Federasiyasının rəsmi səhifəsində Heydər Əliyev Bakı Böyük Dəbilqə turnirinin birinci günündə idmançımız Yaşar Nəcəfovun möhtəşəm qələbəsi baş xəbərdə yer aldı. 

Məqalənin Azərbaycan dilinə tərcüməsini sizlərə təqdim edirik:

O, demək olar ki, sona qədər buna inanırdı. Püşkdə səpələnmişlər arasında birinci olan moldovalı idmançı Denis Vieru Bakıya gələndə bilirdi ki, turnirin reytinq cədvəlində birinci yerdə olmasına baxmayaraq, rəqabət çətin olacaq və bu belə də oldu. Lakin hər şey yalnız yarımfinala qədər plana uyğun getdi, burada isə onu bütün tamaşaçı kütləsinin ümidlərini çiynində daşıyan Yaşar Nəcəfov gözləyirdi. Yerli cüdoçu  Vieru qarşısında çəkinmədi və yarışın əvvəlində favoritlərdən biri olmasa da, finala vəsiqə qazana bildi.

2023-cü ildə Dohada keçirilmiş Dünya çempionatının bürünc mükafatçısı, fransalı Valid Xyar döyüşmək, yeni həll yolları tapmaq və əlbəttə ki, yaxşı çıxış etmək üçün Bakıya gəlmişdi. Yapon cüdoçusu, yeniyetmələr arasında 2019-cu il Dünya çempionatının gümüş mükafatçısı və böyüklər arasında heç bir dünya reytinqində olmayan Takeşi Takeoka Xyarın bütün planlarını alt-üst etdi,  belə ki, o, nəinki üç dəfə cəzalandırıldı, həm də əla “ko-uçi-qari” fəndindən sonra “vaza-ari” ilə üzləşdi. Yapon idmançılarla həmişə ehtiyatlı olmaq lazımdır.

Buna görə də finalda Yaşar Nəcəfovla qarşılaşan məhz Takeşi Takeoka idi. Bu elə bir qarşılaşma idi ki, onun barəsində çox şey danışmaq istərdik, amma o əslində o qədər qısa oldu ki, ancaq onu deyə bilərik ki, "hacime" komandasının verilməsindən bir neçə saniyə sonra Yaşar Nəcəfovu möhtəşəm uçi-mataya görə təbrik etmək olar. Takeshi Takeoka sadəcə olaraq havada uçdu və  arxası üstə yerə endirildi. Qızıl medal Yaşar Nəcəfovun və Azərbaycanın payına düşdü. 

Parlaq qələbə!

Sentyabrın 22-də Milli Gimnastika Arenasında Ümummilli Lider Heydər Əliyevin xatirəsinə həsr olunan Bakı Böyük Dəbilqə turnirinin ilk yarış günü keçirilib. 

Turnirin ilk günü qadınlar arasında -48 kq., 52 kq. və -57 kq. çəki dərəcələrində 5 cüdoçumuz, kişilər arasında isə -60 kq. və -66 kq. çəki dərəcələrində 8 cüdoçumuz medallar uğrunda mübarizə aparıb.

Qadınlar arasında -48 kq. çəki dərəcəsində yarışan cüdoçumuz Leyla Əliyeva final görüşündə İtaliya təmsilçisi Assunta Skutto ilə güclərini sınayıb. Nəticədə Leyla turnirin gümüş medalına sahib olub.

Kişilər arasında -66 kq. çəki dərəcəsində yarışan cüdoçumuz Yaşar Nəcəfov finalda Yaponiya təmsilçisi Takeşi Takeoka ilə üzləşib. Yaşar yaponiyalı rəqibinə qarşı Klassik Kumi-katadan uçi-mata fəndi işlədərək ippon ilə parlaq qələbə əldə edib.

İdmançılarımızı təbrik edirik!

Sentyabrın 22-si Milli Gimnastika Arenasında Ümummilli Lider Heydər Əliyevin anadan olmasının 100-cü ildönümünə həsr olunmuş Bakı Böyük Dəbilqə turnirinin açılış mərasimi keçirilib. 

Tədbirin əvvəlində Ulu Öndər Heydər Əliyevin idmana və bədən tərbiyəsinə verdiyi önəm haqqında video çarx nümayiş olunub. Videoda Ümummilli Liderin cəsarət, hörmət, dostluq kimi dəyərlərə verdiyi önəm və gənc nəsillərin sağlam gələcəyi naminə  ölkədə  cüdonun kütləvi şəkildə inkişaf etdirilməsinə dair tapşırıqları əks olunub.

Azərbaycan Respublikasının Gənclər və İdman Nazirinin müavini Mariana Vasileva ölkəyə səfər edən idmançıları və heyətləri salamlayıb və bildirib ki, cüdo idman növü  Azərbaycan Cüdo Federasiyasının səyləri nəticəsində ölkənin bütün bölgələrdə inkişaf etməkdədir: “Ölkəmizdə idman Azərbaycan Respublikasının Prezidenti, Azərbaycan Milli Olimpiya Komitəsinin Prezidenti cənab İlham Əliyev tərəfindən xüsusi diqqətlə əhatə olunub. Artıq 9-cu dəfə Azərbaycanda keçirilən Bakı Böyük Dəbilqə turniri 61 ölkədən 441 idmançını bir araya toplayıb. Bu yarış idmançılara Paris-2024 Olimpiya Oyunları üçün xallar qazanmağa imkan verəcək. Qoy güclü qalib gəlsin!”.

Azərbaycan Cüdo Federasiyasının prezidenti Rəşad Nəbiyev turnir iştirakçılarını salamlamaqdan böyük məmnunluq duyduğunu bildirib və ölkədə idmanın inkişafından danışıb: “Bu gün Azərbaycan, Ulu Öndər Heydər Əliyevin gələcəyə baxışında olduğu kimi, güclü, inkişaf etmiş və öndə gedən idman ölkələrindən biridir. Cənab Prezident İlham Əliyevin diqqət və dəstəyi nəticəsində idmançılarımız, o cümlədən cüdoçularımız beynəlxalq turnirlərdə uğurla çıxış edirlər. Bu gün Azərbaycan cüdo üzrə qabaqcıl ölkələr sırasında fəxrlə dayanır.” ACF-in prezidenti yeniyetmə və gənc cüdoçuların bu ilki nailiyyətlərinə diqqət çəkib və Xədicə Qədəşovanın  ilk qadın dünya çempionu olaraq Azərbaycan cüdo tarixində yeni səhifə açdığını vurğulayıb. Həmçinin, R. Nəbiyev bildirib ki, ACF qızların cüdo ilə məşğul olmasını stimullaşdırmaq məqsədi ilə gender bərabərliyinə xüsusi önəm verir və “Qızlara ağ yaraşır” kampaniyası bu istiqamətdə mühüm addım kimi dəyərləndirib. Daha sonra ACF-in prezidenti Azərbaycanda cüdonun inkişafı üçün görülən işlərdən danışıb: “Ölkəmizdə cüdonun inkişafı üçün infrastrukturun yaxşılaşdırılması, regionlarda yeni cüdo zallarının açılması və tatamilərin paylanılması ilə bağlı geniş işlər görürülüb. Bunun nəticəsidir ki, qısa müddət ərzində ölkədə cüdo ilə məşğul olanların sayı 4 min nəfərdən çox artaraq ümumilikdə 18 min nəfəri ötüb.

Biz federasiya olaraq məşqçilərin peşəkar səviyyəsinin artırılmasına xüsusi önəm veririk və Beynəlxalq Cüdo Federasiyasının (BCF) Akademiyası ilə əməkdaşlığı xüsusi qeyd etmək istərdim. Artıq 70 məşqçimiz bu Akademiyanın sertifikatına malikdir və hazırda daha 100 məşqçi təhsilini davam etdirir.

BCF-in prezidenti cənab Marius Vizerə turnirin təşkilinə göstərdiyi böyük etimada və dəstəyə görə dərin minnətdarlığımı bildirirəm. İnanıram ki, turnir həmişə olduğu kimi yüksək səviyyədə keçəcək və bütün iştirakçılar ölkəmizdən xoş təəssüratlarla ayrılacaqlar. Turnirdə iştirak edən bütün idmançılara uğurlar arzulayıram”.

BCF-in vitse-prezidenti Lazslo Tot və Avropa Cüdo Birliyinin prezidenti tədbiri yekunlaşdırdı: “Heydər Əliyev adına Bakı Böyük Dəbilqə 2023 turnirində iştirak etmək olmaq böyük şərəfdir. Mən prezident Marius Vizerə və BCF komandasına  təşkilatçılığa görə təşəkkür etmək istəyirəm. İdmanımızın inkişafına göstərdikləri davamlı dəstəyə görə hökumətə, milli federasiyaya və Milli Olimpiya Komitəsinə xüsusi təşəkkürümü bildirirəm. Hər kəsə uğurlu tədbir arzulayıram. Heydər Əliyev adına Bakı Böyük Dəbilqə 2023-ü açıq elan edirəm!”

Çıxışlardan sonra Azərbaycan Respublikasının və BCF-in dövlət himni səsləndirilib, birinci final blokunun başlamasına az qalmış açılış mərasimi yekunlaşıb.

Ümummilli Lider Heydər Əliyevin 100 illik yubileyinin xatirəsinə həsr olunan Bakı Böyük Dəbilqə turnirinin ilk günündə Azərbaycan Cüdo Federasiyası rəsmi maskotunu geniş ictimaiyyətə təqdim etdi.

Azərbaycan cüdosunun simvolu kimi seçilən bəbir öz çevikliyi, sürəti, zərifliyi, misilsiz gücü və ağlı ilə tanınır.

Maskot üçün "Leopard" və "cüdo"  sözlərinin birləşməsindən yaranan “Ledo” adı seçilib.

Ledo arenada gəzərkən azarkeşləri əyləndirməklə yanaşı, idmançıları öz sərhədlərini aşmağa və hər görüşdə mükəmməlliyə can atmağa həvəsləndirəcəkdir.

Sentyabrın 21-də Ümummilli Lider Heydər Əliyevin anadan olmasının 100-cü ildönümünə həsr edilən Böyük Dəbilqə turnirinə hazırlıq məqsədi ilə hakimlər üçün seminar keçirilib.

Beynəlxalq Cüdo Federasiyasının hakimlər üzrə baş direktoru Daniel Laskaunun iştirakı ilə keçirilən seminarda qadağan olunmuş fəndlərlə bağlı müzakirə aparılıb. 

Müxtəlif hallar əyani formada tatami üzərində nümayiş olunub. Mübahisələrə səbəb olan epizodlar təhlil olunub.

Seminarda Azərbaycan Cüdo Federasiyasının “A” kateqoriyalı beynəlxalq dərəcəli hakimləri Nazim Umbayev və Fariz Hüseynovda iştirak ediblər.

Qeyd edək ki, Nazim Umbayev üç gün davam edəcək turnirdə ədalət təmsilçiləri arasında yer alacaq.

Sentyabrın 21-i Beynəlxalq Cüdo Federasiyasının (BCF) baş direktoru Vlad Marinesku, Avropa Cüdo Birliyinin prezidenti Lazslo Tot, BCF-in idman direktoru Vladimir Barta, Gənclər və İdman Nazirliyinin idman şöbəsinin müdiri Elnur Məmmədov, Azərbaycan Cüdo Federasiyasının prezidentinin müşaviri Natiq Bağırov, vitse-prezident Elnur Məmmədli, baş katib Rəşad Rəsullu və digər rəsmilər Fəxri xiyabanda Ulu Öndərin xatirəsini anıblar, məzarı önünə gül dəstələri qoyublar.

Ziyarət zamanı Ulu Öndərin həyat yoldaşı, görkəmli oftalmoloq-alim, akademik Zərifə xanım Əliyevanın xatirəsi ehtiramla anılıb, məzarı üzərinə gül dəstələri qoyulub.

Turnirin Ümummilli Lider Heydər Əliyevin xatirəsinə həsr olunması Ulu Öndərin idmanın və cüdonun inkişafına verdiyi əvəzedilməz töhfənin beynəlxalq idman ictimaiyyəti tərəfindən də tanındığını göstərir.

Sentyabrın 21-də Ümummilli Lider Heydər Əliyevin anadan olmasının 100-cü ildönümünə həsr olunmuş Bakı Böyük Dəbilqə turnirinin püşkatma mərasimi baş tutub. Tədbirdə Beynəlxalq Cüdo Federasiyası (BCF), Azərbaycan Cüdo Federasiyası (ACF) və Azərbaycan Respublikasının Gənclər və İdman Nazirliyinin (GİN) rəsmiləri iştirak ediblər.

Beynəlxalq Cüdo Federasiyasının baş direktoru Vlad Marinesku hər kəsi salamlayıb və turnirdə 61 ölkədən 447 idmançının 2024 Paris Oyunlarına vəsiqə qazanmaq üçün mübarizə aparacağını bildirib. Həmçinin, Vlad Marinesku bildirib ki, cüdo dəyərlərə əsaslanan idman növüdür və bu həftə biz birgə dostluq, sülh və birlik dəyərlərinin nümayişini izləyəcəyik. Daha sonra, V. Marinesku Beynəlxalq Cüdo Federasiyasının prezidenti Marius Vizerin adından bütün idmançılara uğurlar arzu edib.

Gənclər və İdman Nazirliyinin idman şöbəsinin müdiri Elnur Məmmədov çıxışında bütün iştirakçıları salamlayıb və bildirib ki, turnir Azərbaycanda idmanın inkişafında mühüm rol oynayan Ümummilli Lider Heydər Əliyevin yubileyinə həsr olunub və bu da onun irsinin təbliğ olunmasının bariz nümunəsidir. E. Məmmədov Azərbaycanda cüdonun inkişafına və tədbirin təşkilində göstərdiyi səylərə görə ACF-ə minnətdarlığını bildirərək turnirin yüksək səviyyədə keçəcəyini əminliklə vurğulayıb.

Mərasim zamanı ACF-nın baş katibi Rəşad Rəsullu Bakı Böyük Dəbilqə yarışının Ümummilli Lider Heydər Əliyevin anadan olmasının 100-cü ildönümünə həsr olunmasını qürurverici hal kimi qiymətləndirib. R. Rəsullu göstərdikləri dəstəyə görə BCF-ə və GİN-ə minnətdarlığını bildirib və turnirin yüksək səviyyədə keçiriləcəyini vurğulayıb. Həmçinin o, 2024 Paris Olimpiya Oyunları ərəfəsində Bakı Böyük Dəbilqə turnirinin idmançılara reytinq xalı toplamaq üçün əla imkan yaratdığını bildirib.

BCF-in hakimlərinin baş direktoru Daniel Laskau bildirib ki, BCF-in hakimlər komitəsi tərəfindən sizlərə əminliklə deyə bilərik ki, turnir ədalətli və cüdo qaydalarına uyğun keçiriləcək.

Mərasim zamanı BCF-in idman direktoru Vladimir Barta Bakı Böyük Dəbilqə turniri haqqında məlumat verib və püşkatma mərasiminə start verilib.

Qadınlardan ibarət yığmanın cüdoçuları üçün 11 sentyabrdan etibarən təlim-məşq toplanışı təşkil edilib. 20 sentyabra qədər davam edəcək hazırlıq prosesində qadınlardan ibarət milli yığma komandanın 20 üzvü iştirak edir.

Təlim-məşq prosesi 22-24 sentyabrda Ümummilli Lider Heydər Əliyevin xatirəsinə həsr olunan Bakı Böyük Dəbilqə turnirində və 4-8 oktyabrda Portuqaliyanın Odivellas şəhərində keçiriləcək gənclər arasında Dünya çempionatına hazırlıq məqsədi daşıyır.

Beynəlxalq Cüdo Federasiyasının (BCF) qərarı ilə, “Dünya Cüdo Turu” çərçivəsində 22-24 sentyabrda Ümummilli Lider Heydər Əliyevin anadan olmasının 100-cü ildönümünə həsr edilən Bakı Böyük Dəbilqə turniri keçiriləcək. 

Rəsmi olaraq “Heydar Aliyev Baku Grand Slam 2023” adlandırılan yarış Milli Gimnastika Arenasında baş tutacaq. Üç gün davam edəcək turnirdə 64 ölkədən 479 cüdoçu medallar uğrunda mübarizə aparacaq. Azərbaycanın cüdo üzrə milli yığma komandası yarışda 11 çəki dərəcəsində 26 kişi və 7 qadın idmançı ilə təmsil olunacaq.

Yarışda iştirak etməli olan cüdoçularımız -60 kq. çəkidə Turan Bayramov, -66 kq. çəkidə Kamran Süleymanov və Kəramət Hüseynov və -81 kq. çəkidə Səid Mollayi zədəli olduqlarına görə, milli yığmanın tibbi heyətinin qərarına əsasən turnirə qatıla bilməyəcəklər.

Qeyd edək ki, cari ildə üç dəfə Bakı Böyük Dəbilqə turnirinə seçim xarakteri daşıyan kişilər arasında ACF turunun yarışları keçirilib. Bu yarışlar nəticəsində formalaşan reytinq siyahısında ilk yeri tutan idmançılar Bakı Böyük Dəbilqə turnirinə vəsiqə qazanıblar. Reytinq cədvəlinə əsasən -60 kq. çəkidə Rövşən Əliyev, -66 kq. çəkidə Qasım Vəlizadə, -73 kq. çəkidə Telman Vəliyev, -81 kq. çəkidə Məmmədrza Hacızadə, -90 kq. çəkidə Musa Hüseynli, -100 kq. çəkidə Ruslan Nəsirli və +100 kq. çəkidə İmran Yusifov turnirdə iştirak haqqı qazanıblar.

Yarışda iştirak edəcək heyəti təqdim edirik:

Qadınlar 

-48 kq. 

Leyla Əliyeva 

Şəfəq Həmidova 

Ramilə Əliyeva 

-52 kq. 

Gültac Məmmədəliyeva 

-57 kq. 

Nərgiz Hacıyeva 

-70 kq. 

Südabə Ağayeva 

Günel Həsənli

Kişilər

-60 kq. 

Balabəy Ağayev 

Əhməd Yusifov 

Nazir Talıbov 

Rövşən Əliyev 

-66 kq. 

Yaşar Nəcəfov 

Ruslan Paşayev 

Qasım Vəlizadə 

Rəşad Yelkiyev 

-73 kq. 

Hidayət Heydərov 

Nurlan Osmanov 

Rəşid Məmmədəliyev 

Telman Vəliyev 

-81 kq. 

Zelim Tçkayev 

Məhərrəm İmamverdiyev 

Elcan Şəfiyev 

Məmmədrza Hacızadə 

-90 kq. 

Murad Fətiyev 

Elcan Hacıyev 

Musa Hüseynli 

Əjdər Bağırov 

-100 kq. 

Zelim Kotsoyev 

Ruslan Nəsirli 

+100 kq. 

Uşanqi Kokauri 

Camal Qamzatxanov 

İmran Yusifov 

Ramazan Əhmədov

İlkin görüşlərin 22 sentyabr saat 08:00-da, 23 və 24 sentyabrda isə saat 09:00-da başlaması gözlənilir. Final görüşləri isə hər gün saat 16:00-da başlayacaq.

Yarışları izləmək üçün arenaya giriş sərbəstdir! 

Yarışı həmçinin, canlı olaraq judotv.com saytı və İdman TV kanalı vasitəsi izləyə bilərsiniz.

Azərbaycan cüdo ailəsi, həmçinin baş sponsorumuz “Azercell” və turnirin sponsoru “Azərsun Holdinq” və tərəfdaş “Coca-Cola Azərbaycan” şirkətləri adından idmançılarımıza uğurlar arzulayırıq!

Azərbaycan Cüdo Federasiyasının (ACF) təşkilatçılığı ilə 18 sentyabrda Gəncə şəhərində cüdo təlim mərkəzində təcrübəli cüdo mütəxəssislərinin iştirakı ilə ustad dərsi keçirilib.

Olimpiya, dünya və Avropa çempionatlarının mükafatçıları Rüstəm Orucov və Orxan Səfərovun iştirakı ilə baş tutan ustad dərsində müxtəlif cüdo fəndlərinin yerinə yetirilməsi qərb regionundan olan uşaqlara və gənclərə nümayiş etdirilib. Onlar iştirakçılara cüdoçuların əməl etməli olduqları qaydalar haqqında geniş məlumat veriblər. İştirakçılar müxtəlif fəndləri yerinə yetirməyə çalışıblar.

Tədbir zamanı Rüstəm Orucov və Orxan Səfərov iştirakçılarla öz təcrübə və biliklərini ilə bölüşüb, lazımi tövsiyə və məsləhətlərini veriblər.

Daha sonra Rüstəm Orucov və Orxan Səfərov iştirakçılar üçün öz imzalı fotolarını təqdim edib və onlarla xatirə şəkli çəkdiriblər.

Bu cür layihələrin həyata keçirilməsində ACF-in əsas məqsədi gənc nəslin fiziki və mənəvi sağlamlığına töhfə vermək, idmanla məşğul olan uşaqların, gənclərin sayını artırmaq və cüdo idman növünü təbliğ etməkdir.

Sentyabrın 16-da Beynəlxalq Sahilyanı Təmizlik Günü çərçivəsində “Xəzəri Qoruyaq!” adlı genişmiqyaslı ekoloji aksiyada Azərbaycanın cüdo üzrə yeniyetmələrdən ibarət yığma komandasının idmançıları və məşqçi heyəti iştirak ediblər.

Bilgəh çimərliyində baş tutan tədbir ölkədə ekoloji durumun yaxşılaşdırılması, əhalinin bu sahədə maarifləndirilməsi və ətraf mühitə məsuliyyətli yanaşmağı təbliğ etmək məqsədi daşıyır.

Layihə Coca-Cola, Ekologiya və Təbii Sərvətlər Nazirliyi, “EcoHub” ekoloji platforması, “Carlsberg Azerbaijan”, “PAŞA Bank”, “Bakcell”, “SOCAR” və “McDonald's” şirkətlərinin dəstəyi ilə baş tutub.

Kanadanın Alberta əyalətinin Kalqari şəhərində Beynəlxalq Cüdo Federasiyası (BCF) tərəfindən hakimlər üçün “A” kateqoriyalı beynəlxalq dərəcəli hakim adının alınması üçün imtahan keçirilib. İmtahanda Azərbaycan Cüdo Federasiyasının (ACF) hakimlər heyətinin üzvü Akif Tahirov da iştirak edib.

Hakimlər nəzəri hissəyə dair imtahan veriblər. Daha sonra, 15-17 sentyabrda keçirilən böyüklər arasında Pan-Amerika və Okeaniya çempionatında görüşləri idarə edərək praktiki imtahan veriblər. Həm nəzəri, həm də praktiki imtahanı yüksək nəticə ilə keçən Akif Tahirov “A” kateqoriyalı yüksək hakimlik lisenziyasını əldə edib.

Qeyd edək ki, Akif Tahirov yarışda kişilər arasında -60 kq. çəkidə bürünc medal uğrunda görüşdə və -81 kq. çəkidə final görüşündə, qadınlar arasında isə -63 kq. çəki dərəcəsində final görüşündə hakimlik edib. Komanda yarışlarında isə final görüşlərində ədalət təmsilçiləri arasında yer alıb.

Azərbaycan Cüdo Federasiyası həm milli, həm də beynəlxalq səviyyədə hakimlərin peşəkarlıq səviyyəsinin artırılması, o cümlədən “A” və “B” kateqoriyalı beynəlxalq dərəcəli hakimlərinin sayının çoxaldılması istiqamətində sistemli və ardıcıl fəaliyyətini davam etdirəcəkdir.

Akif Tahirovu Azərbaycan cüdo ailəsi adından təbrik edir, peşəkar fəaliyyətində yeni uğurlar arzu edirik.

Cüdoçularımız 16-17 sentyabrda Bosniya və Herseqovinanın paytaxtı Sarayevo şəhərində keçirilən cüdo üzrə Açıq Avropa turnirində 1 qızıl, 1 gümüş və 1 bürünc medal qazanıb. Cüdoçularımız yarışda medal əyarına görə ümumi hesabda 8-ci, kişilər arasında isə 4-cü yeri tutub.

Yarışın ikinci günündə kişilər arasında -100 kq. çəki dərəcəsində mübarizə aparan cüdoçumuz Ruslan Nəsirli üçüncü yer uğrunda görüşdə xorvatiyalı İvan Rozqa üzərində qələbə qazanaraq bürünc medala sahib olub.

Qeyd edək ki, yarışın ilk günündə isə -66 kq. çəki dərəcəsində İslam Rəhimov gümüş medal, -73 kq. çəkidə Nəriman Mirzəyev isə qızıl medal qazanıb.

İdmançılarımızı təbrik edirik!

Azərbaycan Cüdo Federasiyasının (ACF) təşkilatçılığı ilə 16 sentyabrda Zirə qəsəbəsində yerləşən Eko parkda cüdo üzrə ustad dərsi keçirilib.

Ustad dərsi ACF-in Prezidentinin müşaviri  Natiq Bağırov, Olimpiya mükafatçısı Rüstəm Orucov, Dünya və Avropa çempionatlarının mükafatçısı Orxan Səfərovun iştirakı ilə baş tutub.  Tədbir zamanı cüdonun fəlsəfəsi, fundamental texnikalar, fəndlərin yerinə yetirilməsi də daxil olmaqla müxtəlif mövzular əhatə olunub. Həmçinin, peşəkarlar tərəfindən müxtəlif cüdo fəndləri uşaqlara və gənclərə nümayiş olunub.  

Orxan Səfərov tədbirlə bağlı fikirlərini bölüşərək dedi: “Mən artıq ikinci dəfədir ki, Federasiyanın təşkil etdiyi ustad dərslərində iştirak edirəm. Tədbir zamanı uşaqlar çox böyük maraq göstərdilər, çoxlu suallar verərək fəal iştirak etdilər. Uşaqlar bizdən diqqət gözləyirdilər, biz də hər kəsə diqqət göstərməyə çalışdıq. Tədbirə qatılan iştirakçılar arasında hətta Bakıdan gələnlər də var idi. Əhali arasında cüdoya belə geniş marağın şahidi olmaq bizə sevinc bəxş edir.”.

Rüstəm Orucovun sözlərinə görə ustad dərsləri uşaqları çox sevindirir: “Yadımdadır ki, kiçik yaşlarımda Elçin İsmayılov və  Mövlud Mirəliyev kimi cüdo ustalarından cüdonu öyrənmək mənim üçün böyük motivasiya idi. Ustad dərsində mən və Orxan uşaqlara öz texnikalarımızı göstərdik, ruhlandırıcı sözlər dedik və bu onlara böyük sevinc və motivasiya verdi. Düşünürəm ki, bu cür tədbirlər tez-tez təşkil olunmalıdır.”.

Daha sonra, Rüstəm Orucov və Orxan Səfərov iştirakçılara öz imzalı fotolarını təqdim etdilər və onlarla xatirə şəkli çəkdirdilər.

Bu cür layihələrin həyata keçirilməsində ACF-in əsas məqsədi gənc nəslin fiziki və mənəvi sağlamlığına töhfə vermək, idmanla məşğul olan uşaqların, gənclərin sayını artırmaq və cüdo idman növünü təbliğ etməkdir.

Bosniya və Herseqovinanın paytaxtı Sarayevo şəhərində keçirilən Açıq Avropa turnirinin ilk yarış günündə Azərbaycan cüdoçuları 1 qızıl və 1 gümüş medal qazanıb. 

16 sentyabrda oğlanlar arasında -60 kq., -66 kq. -73 kq. çəki dərəcələrində 14 cüdoçumuz medallar uğrunda mübarizə aparıb.

-66 kq. çəki dərəcəsində İslam Rəhimov final görüşündə Böyük Britaniya təmsilçisi Samue Hall ilə güclərini sınayıb. Nəticədə İslam yarışın gümüş medalını əldə edib. 

-73 kq. çəkidə Nəriman Mirzəyev finalda isveçrəli idmançı Naim Mata qalib gələrək fəxri kürsünün ən yüksək pilləsinə qalxıb.

İdmançılarımızı təbrik edirik!

Sentyabrın 16-17-də Sarayevoda keçirilən Açıq Avropa turnirində Azərbaycan Cüdo Federasiyasının vitse-prezidenti Elnur Məmmədli  idman komissarı vəzifəsini icra edəcək.

Elnur Məmmədli tutduğu vəzifə ilə bağlı fikirlərini bölüşərək deyib: 

"Sarayevo Açıq Avropa Turnirində üç gün boyu İdman Komissarı olacağam. Bu vəzifə böyük məsuliyyət daşıyır və Azərbaycanda cüdonun inkişafına dair bir göstəricidir. Azərbaycan cüdo idman növündə təkcə idmançılarımızın nailiyyətləri ilə fərqlənmir, həmçinin hakimlərimizlə və beynəlxalq yarışların təşkili ilə də özünü sübut edir. Təcrübəmə əsaslanaraq deyə bilərəm ki, Sarayevo Açıq Avropa turnirinin uğurla keçirilməsi üçün əlimdən gələni edəcəyəm.".

Azərbaycan Cüdo Federasiyasının (ACF) dəstəyi ilə Gədəbəy İdman Klubunun yeni cüdo zalı fəaliyyətə başlayıb. Gədəbəy rayon mərkəzi parkın yaxınlığında yerləşən cüdo zalında yeniyetmələrin və gənclərin cüdo ilə məşğul olması üçün bütün şərait yaradılıb. 

Yeni müasir avadanlıqlarla təchiz edilən cüdo zalının ümumi sahəsi 170 m2 təşkil edir və burada idmançılar üçün bütün zəruri şərait təmin edilib. Cüdo məşq zalı ACF tərəfindən Beynəlxalq Cüdo Federasiyasının rəsmi təchizatçısı olan “Taishan” firmasının tatamiləri ilə təchiz olunub.

Ünvan: Gədəbəy rayonu, mərkəzi parkın yaxınlığı

Əlaqə nömrəsi: +994  50 501 05 25; +994 55 222 95 57

Bosniya və Herseqovinanın paytaxtı Sarayevo şəhərində 16-17 senytabrda cüdo üzrə Açıq Avropa turniri keçiriləcək. Turnirdə 31 ölkədən 264 idmançı iştirak edəcək. Azərbaycan yarışda 7 çəki dərəsində 21 cüdoçu ilə təmsil olunacaq.

Azərbaycan Cüdo Federasiyasının vitse-prezidenti Elnur Məmmədli yarışda idman komissarı kimi fəaliyyət göstərəcək.

Cüdoçularımıza böyüklərdən ibarət yığmanın böyük məşqçisi Mehman Əzizov rəhbərlik edəcək.

-60 kq. 

Nurlan Kərimli 

Murad Muradlı 

Murad Əliyev 

Eltun İmranov 

Şahin Oruczadə 

-66 kq. 

İslam Rəhimov 

Samir Piriyev 

Elşən Əsədov 

Rüfət Aydınov 

-73 kq. 

Nəriman Mirzəyev 

Nahid İsmayılov 

Elnur Qasilov 

Qədir Hüseynov 

İsa Əliyev 

-81 kq. 

Zaməddin Poladov 

Nahid Tarquliyev 

Məmmədrza Hacızadə 

Əli Hacızadə 

-90 kq. 

Əjdər Bağırov 

-100 kq. 

Ruslan Nəsirli 

+100 kq. 

Toğrul Salmanov

İdmançılarımıza uğurlar arzulayırıq!

Azərbaycan Cüdo Federasıyasının (ACF) təşkilatçılığı ilə Goranboy Olimpiya İdman Kompleksində 1 sentyabrdan etibarən müxtəlif regionlardan olan 15 yaşa qədər region cüdoçuları üçün təlim-məşq toplanışı keçirilib. 80-dan artıq potensiallı region cüdoçularının iştirak etdiyi təlim-məşq toplanışı 11 sentyabra qədər davam edib.

Təlim-məşq zamanı ACF-in regionlarla iş üzrə məsul şəxsləri Musa İsmayılov və Ruslan Yunusovun rəhbərliyi ilə yeniyetmə cüdoçuların peşəkarlığının və onların hazırlıq səviyyəsinin artırılması istiqamətində müvafiq məşq proqramı tətbiq edilib. 

Təlim-məşq toplanışının keçirilməsi müvafiq yaş qrupu üzrə gələn il baş tutacaq Azərbaycan birinciliyinə hazırlıq və region cüdoçularının rəqabət qabiliyyətlərinin artırılması məqsədini daşıyır. 

ACF bundan sonra da region idmançılarının rəqabət qabiliyyətlərinin artırılması və regionlarda cüdonun daha da kütləviləşdirilməsi üçün müvafiq tədbirləri davam etdirəcək.

7-10 sentyabrda Niderlandın Haaqa şəhərində keçirilən gənclər arasında Avropa çempionatında yüksək nəticə qazanan cüdolarımız Vətənə qayıdıb.

İdmançıları Heydər Əliyev Beynəlxalq Hava Limanında azarkeşlər, idman ictimaiyyətinin nümayəndələri, KİV təmsilçiləri, federasiyaların rəsmiləri və idmançıların yaxınları qarşılayıblar.

Cüdoçularımızı qarşılamağa gələn azarkeşlər onları bayraqlarla, şəkilləri əks olunmuş plakatlarla və şüarlarla salamlayıblar.

Qeyd edək ki, Azərbaycan cüdoçuları Avropa çempionatının fərdi yarışlarında 1 qızıl, 2 gümüş və 3 bürünc medal olmaqla 6 medal qazanıblar.

7-10 sentyabrda Niderlandın Haaqa şəhərində keçirilən gənclər arasında Avropa çempionatında Azərbaycan Cüdo Federasiyasının hakimlər heyətinin üzvü, “A” kateqoriyalı beynəlxalq dərəcəli hakim Nazim Umbayev ədalət təmsilçiləri arasında yer alıb.

Nazim Umbayev fərdi yarışlarda oğlanlar arasında -60 kq. və -90 kq. çəki dərəcələrində, qadınlar arasında isə -70 kq. çəkidə bürünc medal uğrunda görüşləri idarə edib.

Qarışıq komanda yarışlarında isə Almaniya və Portuqaliya yığmaları arasında bürünc medal uğrunda olan görüşlərdə ədalət təmsilçiləri arasında yer alıb.

Cüdoçularımız Niderlandın Haaqa şəhərində keçirilən gənclər arasında Avropa çempionatında 1 qızıl, 2 gümüş və 3 bürünc medal qazanıb. 

Fərdi yarışların sonuncu günündə oğlanlar arasında -73 kq. çəki dərəcəsində Vüqar Talıbov çempionatın gümüş medalına sahib olub. 

Oğlanlar arasında +100 kq. çəkidə Kənan Nəsibov 5-ci yerdə, qızlar arasında +78 kq. çəkidə Nigar Süleymanova 7-ci yerdə yarışı başa vurublar.

Nəticələrə görə, cüdoçularımız çempionatı ümumi hesabda 4-cü, oğlanlar arasında isə 3-cü, qızlar arasında isə 13-cü yerdə başa vurub.

8 sentyabrda Niderlandın Haaqa şəhərində keçirilən cüdo üzrə gənclər arasında Avropa çempionatında Azərbaycan cüdoçuları 2 bürünc medal əldə edib.

Oğlanlar arasında -73 kq. çəki dərəcəsində bürünc medal uğrunda görüşdə iki cüdoçumuz Vüsal Qələndərzadə və Süleyman Əliyev qarşılaşıb. Bərabər keçən mübarizənin “golden score”-da Süleyman üçüncü “şido”-nu alıb və nəticədə Vüsal Qələndərzadə çempionatın bürünc medalını qazanıb.

-81 kq. çəkidə Ömər Rəcəbli isə üçüncü yer uğrunda görüşdə Danimarkalı cüdoçu Coni Asxama “ippon” ilə qalib gələrək çempionatın bürünc medalına sahib olub.

Azərbaycanın gənc cüdoçuları 2023-cü ildə Haaqada keçirilən gənclər arasında cüdo üzrə Avropa çempionatında yüksək nəticələr əldə ediblər. Cüdoçular ümumilikdə üç medal qazanıblar: bir qızıl, bir gümüş və bir bürünc. Avropa Cüdo Birliyinin rəsmi səhifəsində idmançılarımızın çıxışları təhlil olunub.

Müəllifin sözlərinə görə iki keçmiş yeniyetmə Avropa çempionları -60 kq. çəki dərəcəsində azərbaycanlı Nizami İmranovla israilli Yehonatan Veksler qitə titulları kolleksiyasını davam etdirmək üçün mübarizə aparıblar:

“Onların hər ikisi sürətli və dinamik texnikaya sahibdirlər və tamaşaçılar da məhz bunu gözləyirdirlər. Hər iki idmançı səhv etməmək üçün qarşılaşmaya ehtiyatla başlayıblar. İmranovun bütün günü məşq etdiyi hərəkətlə xal qazanması üç dəqiqə çəkdi. O, sanki “kata guruma” adlı hərəkətə hazırlaşırdı, lakin əvəzinə “sumi gaeshi” hərəkətindən istifadə edərək hər kəsi təəccübləndirdi. Bu hərəkət ona  titul qazanmağa kömək etdi, çünki israilli cüdoçu təsirli cavab verə bilmədi.”

Məqalədə idmançımız -66 kq. çəki dərəcəsində mübarizə aparan Aydın Rzayevin möhtəşəm “ippon” üçün böyük potensiala malik olduğu vurğulanıb. Gərgin yarışda Rzayev əla çıxış edərək gümüş medal qazandı.

Həmçinin -52 kq. çəki dərəcəsində azərbaycanlı Aydan Vəliyeva görüşdə öz məharətini nümayiş etdirib. O, güclü rəqiblərlə, o cümlədən italiyalı Giulia Karna ilə qarşılaşıb. Vəliyeva  mübarizədən sonra bürünc medal qazandı.

Azərbaycan cüdoçuları 7 sentyabrda Niderlandın Haaqa şəhərində keçirilən cüdo üzrə gənclər arasında Avropa çempionatında 1 qızıl, 1 gümüş və 1 bürünc medal əldə edib.

Yarışın ilk günündə Azərbaycan yığma komandasının 7 üzvü medallar uğrunda mübarizə aparıb. Oğlanlar arasında -60 kq. çəkidə Nizami İmranov bütün rəqiblərini məğlub edərək finala yüksəlib. Nizami həlledici görüşdə İsrail təmsilçisi Yehonatan Vekslerə “waza-ari” xalı ilə qalib gələrək qızıl medal qazanıb. 

-66 kq. çəkidə Aydın Rzayev final görüşündə gürcüstanlı cüdoçu Tenqo Zirakaşvili ilə güclərini sınayıb. Nəticədə Aydın çempionatın gümüş medalına sahib olub.

Qızlar arasında isə -52 kq. çəkidə Aydan Vəliyeva üçüncü yer uğurunda görüşdə İtaliya təmsilçisi Mikaela Şakovelli ilə qarşılaşıb. Aydan əzmkar mübarizə apararaq “golden score”-un 3-cü dəqiqəsində “ippon” ilə rəqibinə qalib gələrək bürünc medalı əldə edib.

Azərbaycan cüdoçuları avqustun 28-dən sentyabrın 7-dək Özbəkistanın paytaxtı Daşkənd şəhərində keçirilən cüdo üzrə beynəlxalq təlim-məşq toplanışında iştirak edir. Avropa Cüdo Birliyinin təşkilatçılığı ilə baş tutan hazırlıq prosesində Azərbaycan, Özbəkistan, Qazaxıstan, Türkmənistan, Tacikistan, Qırxızıstan, Türkiyə, Finlandiya, Yunanistan, Moldova, Küveyt, Tanzaniya və İsraildən 400-ə yaxın idmançı qatılıb.

Təlim-məşq toplanışında Azərbaycanın cüdo üzrə böyüklərdən ibarət milli yığma komandasının 27 üzvü iştirak edir.

Cüdoçulara Azərbaycan Cüdo Federasiyasının vitse-prezidenti Elnur Məmmədli başda olmaqla böyüklərdən ibarət yığmanın baş məşqçisi Riçard Trautman, böyüklərdən ibarət yığmanın böyük məşqçiləri Mehman Əzizov və Slavko Tekiç rəhbərlik edir.

Hazırlıq prosesi 22-24 sentyabrda Bakıda keçiriləcək Böyük Dəbilqə tunirinə və Fransanın Monpelye şəhərində keçiriləcək böyüklər arasında Avropa çempionatına hazırlıq məqsədi daşıyır.

Azərbaycanın gənc oğlanlardan və qızlardan ibarət milli yığma komandalarının 7-10 sentyabr tarixlərində keçiriləcək Avropa çempionatına hazırlıqları başa çatıb. Niderlandın Haaqa şəhərində keçiriləcək yarışda Azərbaycan 11 çəki dərəsində 9 oğlan və 6 qız cüdoçu ilə təmsil olunacaq.

Azərbaycan Cüdo Federasiyasının (ACF) prezidentin müşaviri Natiq Bağırov və baş katib Rəşad Rəsullu milli yığmaların təlim-məşq toplanışlarını ziyarət edərək onların hazırlıqları ilə maraqlanıblar, cüdoçularımıza yarışda müvəffəqiyyətlər arzu ediblər. 

Xatırladaq ki, gənc oğlanlardan və qızlardan ibarət milli yığma Avropa çempionatına hazırlıq məqsədilə ilin əvvəlindən etibarən 7 beynəlxalq yarışda iştirak edib. Həmçinin, cari il ərzində Xorvatiyada, İspaniyada, Litvada, Fransada, Yaponiyada, Avstriyada, Almaniya, Polşada, Sloveniyada və dəfələrlə yerli təlim-məşq toplanışlarına qatılıblar.

Avropa çempionatında cüdoçulara gənclərdən ibarət yığmanın baş məşqçisi Elxan Məmmədov, gənclərdən ibarət yığmanın məşqçisi Elxan Rəcəbli, qadınlardan ibarət yığmanın baş məşqçisi Rəşad Məmmədov və gənc qızlardan ibarət yığmanın məşqçisi Vüqar Hüseynov rəhbərlik edəcək.

İdmançılar 7-9 sentyabr tarixlərində çempionatın fərdi yarışlarında, 10 sentyabrda isə komanda yarışlarında iştirak edəcək. 

Qeyd edək ki, yarışda ACF-in “A” kateqoriyalı beynəlxalq dərəcəli hakimi Nazim Umbayev ədalət təmsilçiləri arasında yer alacaq.

Çempionata qatılacaq heyəti təqdim edirik:

Qızlar

-48 kq. 

Könül Əliyeva 

Vüsalə Hacıyeva 

-52 kq. 

Aydan Vəliyeva 

-57 kq. 

Fidan Əlizadə 

-78 kq. 

Nərmin Əmirli 

+78 kq. 

Nigar Süleymanova

Oğlanlar

-60 kq. 

Nizami İmranov 

-66 kq. 

Nicat Nağıyev 

Aydın Rzayev 

-73 kq. 

Süleyman Əliyev 

Vüsal Qələndərzadə 

-81 kq. 

Ömər Rəcəbli 

-90 kq. 

Vüqar Talıbov 

İsmayıl Zamanov 

+100 kq. 

Kənan Nəsibov  

İdmançılarımıza uğurlar arzulayırıq!

Çoxsaylı beynəlxalq yarışların qalibi və mükafatçısı Məmmədəli Mehdiyev peşəkar cüdoçu karyerasını bitirməyə qərar verib. O, 2020 və 2022-ci illərdə böyüklər arasında Avropa çempionatında və 2019-cu il Avropa Oyunlarında bürünc medal qazanıb.  M. Mehdiyevin nailiyyətləri arasında Böyük Dəbilqə və Qran Pri yarışlarından ümumilikdə 21 medal var.

“İdmançılara yaradılan şəraitə görə Möhtərəm Prezident İlham Əliyevə dərin minnətdarlığımı bildirirəm. Həmçinin, bu yolda məni müşayiət edən məşqçilərimə, mənə dəstək olan Azərbaycan Cüdo Federasiyasına, milli yığmanın tibbi və texniki heyətinə təşəkkürümü bildirirəm.”– deyə Məmmədəli Mehdiyev bildirib.

Onun sözlərinə görə cüdo mükəmməl idman növüdür: “Cüdoda əsl dostluğu, mehribançılığı, səmimiyyəti və düzgünlüyü tapdım. Arzum nümunəvi vətəndaş kimi ölkəmə xidmət etmək və gənc nəslə dəstək olmaqdır".

Azərbaycan cüdo ailəsi adından Məmmədli Mehdiyevə cüdomuza göstərdiyi xidmətlərə görə təşəkkür edir və gələcək fəaliyyətində uğurlar arzu edirik.

Sentyabrın 3-də Bakı şəhərinin Nizami rayonunda "DOJO Sports Academy" idman klubunun yeni cüdo zalının açılış mərasimi keçirilib. 

Açılış mərasimində Azərbaycan Cüdo Federasiyası (ACF) prezidentinin müşaviri Natiq Bağırov, digər ictimaiyyət nümayəndələri, idmançılar və yerli sakinlər iştirak ediblər.

Tədbir zamanı vurğulanıb ki, bu cür idman klublarının fəaliyyəti yeniyetmələrə və gənclərə sağlam həyat tərzinin aşılanması və onların asudə vaxtlarını səmərəli keçirməsi üçün vacib əhəmiyyət kəsb edir.

Yeni müasir avadanlıqlarla təchiz edilən cüdo zalının ümumi sahəsi 230 m2 təşkil edir və burada idmançılar üçün bütün zəruri şərait təmin edilib.

Ünvan: Bakı şəhəri, Nizami rayonu, 8-ci kilometr qəsəbəsi, Elşən Süleymanov küçəsi 47A

Əlaqə nömrəsi: +994 55 555 93 08; +994 50 444 53 44

Çoxsaylı nüfuzlu beynəlxalq turnirlərin qalibi və mükafatçısı Orxan Səfərov idmançı karyerası ilə vidalaşmaq qərarına gəlib.

Orxan Səfərov beynəlxalq arenada uğurlu çıxışları ilə fərqlənib, yeniyetmələrin və gənclərin hər zaman sevimli cüdoçusu olub. Onun əsas uğurları sırasında 2017-ci ilin Dünya Çempionatında gümüş medal qazanmasını və 2020-ci ildə Avropa çempionu olmasını qeyd etmək olar.

“Cüdonun hər bir anı mənim üçün yadda qalandı, hər bir qalib gəldiyim turnir mənim üçün vacibdir. Cüdo həyatda mənə çox şey öyrətdi, əsasda tataminin üzərində sərbəst olmağı. Kənar dəstək nə qədər olsa da, tatamidə qərarlar təklikdə verilir, heç bir gözlənti və kömək olmur. Cüdo həyat dərsidir. O, həyatda məsələləri müstəqil həll etmək, sərbəst olmaq və qalib gəlməyi öyrədir. Hər şey öz əlindədir!”, - deyən Orxan Səfərov əlavə edib ki, cüdo ona məqsədyönlülük, motivasiya, nizam-intizam və özünəinam kimi keyfiyyətləri bəxş edib və bu keyfiyyətləri o, həyatının növbəti mərhələlərinə özü ilə aparacaqdır. 

O. Səfərov gələcəkdə də Azərbaycan cüdosunun inkişafına töhfə vermək və xidmət etmək niyyətindədir. 

Orxan Səfərovun idman karyerasına nəzər salsaq o, 2013-cü ildə böyüklər arasında Dünya çempionatında bürünc medal, 2017-ci ildə isə gümüş medal qazanıb. 2015 və 2016-cı illərdə Avropa çempionatının gümüş, 2017-cı ildə isə bürünc medala sahib olub. “Masters” turnirində 1 dəfə qızıl, 1 dəfə gümüş medal qazanmaqla yanaşı, o, Böyük Dəbilqə və Qran Pri yarışlarında ümumilikdə 15 medal qazanıb.

Azərbaycan cüdo ailəsi adından Orxan Səfərova fədakarlığı və ölkəmizin cüdo tarixində qoyduğu silinməz izə görə təşəkkür edirik və gələcək fəaliyyətində uğurlar arzu edirik!

Avqustun 19-dan sentyabrın 1-ə qədər Bakıda Özbəkistanın gənc oğlanlardan ibarət komandasının üzvlərinin iştirakı ilə təlim-məşq toplanışı keçirilib.

Azərbaycanın böyüklərdən və gənclərdən ibarət yığma komandası ilə birlikdə keçirilən hazırlıq prosesində 100-ə yaxın idmançı iştirak edib.

Təlim-məşq prosesi 7-10 sentyabrda Niderlandın Haaqa şəhərində keçiriləcək gənclər arasında Avropa çempionatına, 4-8 oktyabrda Portuqaliyanın Odivellas şəhərində keçiriləcək gənclər arasında Dünya çempionatına, 22-24 sentyabrda Bakıda keçiriləcək Böyük Dəbilqə tunirinə və Fransanın Monpelye şəhərində keçiriləcək böyüklər arasında Avropa çempionatına hazırlıq məqsədi daşıyır.

Azərbaycanın cüdo üzrə yeniyetmələrdən ibarət milli komandası 2023-cü ildə beynəlxalq arenada Azərbaycanın idman tarixinə əbədi həkk  olunacaq əlamətdar nailiyyətlər əldə edib. Belə ki, bu il Azərbaycanın yeniyetmələrdən ibarət cüdo üzrə yığma komandası Avropa Gənclərin Olimpiya Festivalında, Avropa və Dünya çempionatında və digər mötəbər yarışlarda uğurlu nəticə əldə edərək, ilin ən güclü yeniyetmə cüdo komandası statusunu möhkəmləndirib.

Azərbaycanın yeniyetmə cüdo yığması il ərzində 87 medal qazanıb. Bu medalların 33-ü qızıl, 17-si gümüş və 37-si bürüncdür. 

Zaqrebdə yeniyetmələr arasında Dünya çempionatı cüdo tariximizə yazılacaq bir çox əlamətdar nəticələrlə yadda qaldı. Belə ki, oğlanlar arasında Nihad Məmişov (-50 kq.) son on illikdə Dünya çempionatından ilk qızıl medalı qazanıb. İlk dəfə iki Azərbaycan idmançısı -50 kq. çəkidə Məhəmməd Məmişov və Nihad Məmişov final görüşündə üz-üzə gəlib və bu görüş Azərbaycan cüdoçuları arasında peşəkarlığı nümayiş etdirib. Cüdoçularımız çempionatda oğlanlar arasında 7 çəki dərəcəsində təmsil olunublar və 6 çəki dərəcəsində turniri müxtəlif əyarlı medalla başa vurublar ki, bu da komandamız üçün özünəməxsus rekorddur.

Qızlar arasında -52 kq çəki dərəcəsində Xədicə Qadaşovanın çempionatda parlaq qələbəsi Azərbaycan üçün tarixi nailiyyət olmaqla yanaşı, həm də qadın cüdosunun ölkəmizdə artan nüfuzunun bariz nümunəsini göstərir. 

Fərdi yarışlarda Azərbaycan yığması medal əyarına görə, ümumi hesabda və oğlanlar arasında 1-ci yeri tutub. Bu, Azərbaycan yığmasının indiyə qədər iştirak etdiyi bütün Dünya çempionatlarında həm medalların sayına, həm də əyarına görə əldə etdiyi ən yaxşı nəticədir.

Azərbaycanın yeniyetmə cüdo komandası Dünya çempionatının qarışıq komanda yarışlarında isə 2019, 2022 və 2023-cü illərdə ardıcıl gümüş medallar qazanıblar. 

Bu il cüdoçularımız Avropa çempionatında da liderliyi qoruyaraq həm medalların sayına, həm də əyarına görə fərdi yarışlarda  1-ci olublar. Oğlanlar arasında da eyni nəticə əldə edilib.

Həmçinin, Avropa çempionatının qarışıq komanda yarışlarında  idmançılar qızıl medal qazanıb ki, bu da yeniyetmələrin qarışıq komanda yarışlarında əldə etdikləri ilk qızıl medal kimi tarixə düşüb.

Avropa Gənclər Olimpiya Festivalında (EYOF) fərdi yarışlarda, ümumi medal sıralamasında həm medalların əyarına, həm də sayına görə birincilik əldə edilib. Qızlardan ibarət milli yığmamız tarixində ilk dəfə EYOF-da medal sıralamasında medal əyarına görə birinci olub. Bu, həm də qızlar arasında böyük yarışlarda əldə etdiyimiz ilk belə nəticə idi.

Beləliklə, cari ildə Dünya, Avropa çempionatlarında  və EYOF kimi önəmli yarışlarda əldə etdiyimiz nəticələr  ən güclü yeniyetmə komanda olduğumuzu göstərdi.

Elxan Məmmədovun Dünya Çempionatında qızıl medal qazanmasından on il ötür və bu qələbə təkcə onun idmançı səyahətinin zirvəsi deyil, həmçinin Azərbaycan cüdosu üçün əlamətdar bir hadisədir.

2013-ci il avqustun 31-də E. Məmmədov Rio-de-Janeyroda  Dünya çempionu titulunu qazandı. Bu tarixi nailiyyət sayəsində ilk dəfə Dünya çempionatında Azərbaycanın dövlət himni səsləndi,  bayrağımız ən yüksəklərdə dalğalandı.

Azərbaycanın ilk və hələ ki yeganə Dünya çempionu Elxan Məmmədov əzmkarlıq, təvazökarlıq və cəsarət kimi keyfiyyətləri özündə birləşdirib. O, hər zaman dostlarının uğurlarına səmimi sevinc hissi duyub, onların çətinliklərinə  kədərlənib və qarşısına çıxan maneələrin öhdəsindən gələrək məqsədinə nail olub.

E. Məmmədov mühüm hadisəni xatırlayaraq deyir: 

“Dünya çempionu titulunu qazandığımdan on il keçir. Həmin gün yaddaşımda silinməz olaraq qalır. Yaş irəliləyir və elit idmanla vidalaşmalıyam fikirlərinə baxmayaraq,  31 yaşımda idman karyeramın zirvəsinə yüksəldim və Dünya çempionu oldum. Mən hər kəsə sübut etdim ki, yaş hər zaman mühüm rol oynamır. İdmançı  əzmkarlığın, ruhən gücün, nizam-intizamın sahəsində  yaxşı formada qala bilər.

Həmin gün mənim üçün çox gözəl və şərəfli idi, çünki tarixdə ilk dəfə Azərbaycan bayrağı Dünya çempionatında dalğalandı. Beynəlxalq turnirlərdə bir neçə dəfə mükafatlandırılsam da, Dünya çempionatı fərqli idi.”.

Elxan Məmmədov indi də yolunu əzmlə davam edir. Hazırda o, gənclərdən ibarət milli yığmanın baş məşqçisi vəzifəsində çalışır və hər gün gənclərin peşəkar idmançı kimi yetişmələrinə köməklik edir: 

“Cüdo mənim həyatımdır. Mən indi karyeramı məşqçi kimi davam etdirirəm. Hər turnirə idmançılarnan bərabər hazırlaşıram və hər bir görüşünün həyəcanını onlar ilə birgə bölüşürəm. Bütün biliklərimi və təcrübəmi idmançılarla paylaşıram.”.

Gənc nəsli zəfərə doğru istiqamətləndirən Elxan Məmmədov uğur yolunda topladığı təcrübəsini paylaşır: 

“Gənclərə uğura aparan yol haqqında bəhs edirəm. Bu yol nə qədər çətin olsa da, şərəfli yoldu, çünki sonu qalibiyyətdir. Gənclərə peşəkarlığı, nizam-intizamı və mənəvi və fiziki güclü olmağı öyrətməyə çalışıram. Cüdo təkcə idman növü deyil, həmçinin həyat tərzidir”.

E. Məmmədovun idman karyerasına nəzər salsaq o, 2013-cü ildəki qələbəsindən savayı, 2010-cu ildə Tokiodakı Dünya çempionatında bürünc medal qazanıb. O, 2017-ci ildəki Avropa çempionatının qızıl, 2008-ci ilin qitə birinciliyinin gümüş, 2009 və 2010-cu illərdə isə bürünc mükafatçısı olub. 

Elxan Məmmədovunun yetirmələrinin arasında gələcəyin Dünya və Olimpiya çempionlarının olacağına inanırıq! Dünya çempionu olmasının 10-cu il dönümü münasibəti ilə bütün cüdo ailəsi adından onu təbrik edir və gələcək fəaliyyətində uğurlar arzu edirik!

23-27 avqustda Xorvatiyanın paytaxtı Zaqreb şəhərində keçirilən yeniyetmələr arasında dünya çempionatının fərdi və qarışıq komanda yarışlarında möhtəşəm nəticə əldə edən cüdolarımız Vətənə qayıdıb.

İdmançıları Heydər Əliyev Beynəlxalq Hava Limanında azarkeşlər, idman ictimaiyyətinin nümayəndələri, KİV təmsilçiləri, federasiyaların rəsmiləri və idmançıların yaxınları qarşılayıblar.

Çempion komandanı qarşılamağa gələn azarkeşlər onları bayraqlarla, şəkilləri əks olunmuş plakatlarla və şüarlarla salamlayıblar.

Qeyd edək ki, Azərbaycan cüdoçuları fərdi yarışlarda 2 qızıl, 3 gümüş və 3 bürünc medal olmaqla 8 medal, qarışıq komanda yarışlarında isə gümüş medal qazanıblar.

27 avqustda Xorvatiyanın paytaxtı Zaqreb şəhərində yeniyetmələr arasında Dünya çempionatının komanda yarışları keçirilib. Cüdoçularımız komanda yarışlarında gümüş medal əldə edib.

Çempionatının komanda yarışlarında 17 ölkə medallar uğrunda mübarizə aparıb. Azərbaycan yarışlarda 10 idmançı ilə təmsil olunub.

Azərbaycan komandası ilk görüşdə Yunanıstan yığmasını 4:1 hesabı ilə, ikinci görüşdə Qazaxıstan yığmasını 4:2 hesabı ilə, yarımfinalda isə Türkiyə yığmasını 4:3 hesabı ilə məğlub edib. Cüdoçularımızın final görüşündə rəqibi Fransa komandası olub. Görüşün nəticəsində idmançılarımız komanda yarışlarının gümüş medallarını qazanıblar.

Qeyd edək ki, millimiz fərdi yarışlarda 2 qızıl, 3 gümüş və 3 bürünc medal olmaqla 8 medal qazanıb və medal əyarına görə ümumi hesabda və oğlanlar arasında 1-ci yeri, qızlar arasında isə 6-cı yeri tutub. 

İdmançılarımızı təbrik edirik!

Azərbaycanın yeniyetmələrdən ibarət cüdo üzrə milli yığma komandası 23-26 avqust tarixlərində Xorvatiyanın paytaxtı Zaqreb şəhərində keçirilən Dünya  çempionatının fərdi yarışlarında tarixi nəticə əldə edərək 2 qızıl, 3 gümüş və 3 bürünc medal olmaqla, ümumilikdə 8 medal qazanıb.

Fərdi yarışlarda Azərbaycan yığması medal əyarına görə, ümumi hesabda və oğlanlar arasında Yaponiya, Gürcüstan, Özbəkistan, Fransa, Serbiya, İtaliya, Qazaxıstan və Braziliya kimi ölkələri geridə qoyaraq 1-ci yeri tutub. Bu, Azərbaycan yığmasının indiyə qədər iştirak etdiyi bütün Dünya çempionatlarında həm medalların sayına, həm də əyarına görə əldə etdiyi ən yaxşı nəticədir.

Cüdoçularımız çempionatda oğlanlar arasında 7 çəki dərəcəsində təmsil olunublar və 6 çəki dərəcəsində  turniri müxtəlif əyarlı medalla başa vurublar ki, bu da komandamız üçün özünəməxsus rekorddur.

Çempionatın ilk günündə cüdoçularımız yüksək performans nümayiş etdirərək  1 qızıl, 1 gümüş və 1 bürünc medal əldə etdilər. Oğlanlar arasında -50 kq. çəki dərəcəsində cüdoçularımız Nihad Məmişov qızıl medal, Məhəmməd Məmişov gümüş medal qazanıb. -55 kq. çəki dərəcəsində yarışan cüdoçumuz Mirxaliq İskəndərov çempionatın bürünc medalına sahib olub.

Yarışın ikinci günü qızlar arasında -52 kq. çəkidə mübarizə aparan Xədicə Qədəşova gərgin final görüşündə Fransa təmsilçisi Alisya Pulancı məğlub edərək Azərbaycan cüdo tarixinin ilk qadın dünya çempionu olub.

Oğlanlar arasında -60 kq. çəkidə Məhəmməd Musayev və -66 kq. çəkidə Əbil Yusubov komandamızın aktivinə gümüş medallar yazdırıblar.

Yarışın üçüncü günündə -73 kq. çəkidə mübarizə aparan cüdoçumuz Süleyman Şükürov yarışın bürünc medalına sahib olub. 

Fərdi yarışların sonuncu günündə isə +90 kq. çəki dərəcəsində Ramazan Əhmədov çempionatın bürünc medalını qazanıb. 

Bununla da, Azərbaycan cüdoçuları dünya çempionatının fərdi yarışlarının hər günü medal əldə ediblər.

Qeyd edək ki, Dünya çempionatı ilə yanaşı yeniyetmə cüdoçularımız cari ildə keçirilən Avropa çempionatında və Avropa Gənclər Olimpiya Festivalında medal əyarına görə ümumi hesabda ilk sırada qərarlaşıblar. Bu nəticələr yeniyetmələrdən ibarət yığma komandamızın yüksək hazırlıq səviyyəsinin olmasının göstəricisidir.

Dünya çempionatındakı parlaq qələbə münasibətilə bütün Azərbaycan xalqını təbrik edirik!

Azərbaycanın cüdo üzrə gənclərdən və qadınlardan ibarət milli yığma komandasının üzvləri avqustun 21-dən etibarən İspaniyanın Valensiya şəhərində keçirilən beynəlxalq təlim-məşq toplanışında iştirak edir. Qeyd edək ki, gənc oğlanlardan ibarət yığmanın üzvləri avqustun 26-a qədər təlim-məşq toplanışında iştirak edəcəklər. Qadınlardan və gənc qızlardan ibarət yığmanın üzvlərinin isə hazırlıq prosesi sentyabrın 4-ə qədər davam edəcək.

Hazırlıq prosesində Azərbaycanın gənclərdən və qadınlardan ibərət milli yığmasının 20 idmançısı iştirak edir. Cüdoçulara gənclərdən ibarət yığmanın baş məşqçisi Elxan Məmmədov, gənclərdən ibarət yığmanın məşqçisi Elxan Rəcəbli, qadınlardan ibarət yığmanın baş məşqçisi Rəşad Məmmədov və gənc qızlardan ibarət yığmanın məşqçisi Vüqar Hüseynov rəhbərlik edir.

Təlim-məşq toplanışı sentyabr və oktyabr aylarında keçiriləcək gənclər arasında Avropa və Dünya çempionatlarına hazırlıq məqsədi daşıyır.

Avropa Cüdo Birliyinin rəsmi səhifəsində Zaqreb yeniyetmələr arasında Dünya çempionatının ikinci günündə idmançılarımızın çıxışları işıqlandırılıb. 

Məqalənin Azərbaycan dilinə tərcüməsini diqqətinizə çatdırırıq:

“-60 kq. çəki dərəcəsində reytinqdə birinci olan Məhəmməd Musayev turnirdə qızıl medalı hədəfləmişdir, lakin o israilli idmançı İsaq Aşpiz ilə finalda çətinliklə üzləşdi. Hər iki cüdoçu qarşılaşma zamanı bəzi səhvlərə yol verdi, çox güman ki, onlar həyacanlıydılar - hər biri iki “şido” alaraq müsabiqəyə həyəcan qatdı. Son anda Musayev “ko uchi qarı” ilə hücuma keçdi, lakin Aşpiz “sasae tsurikomi aşi” ilə cavab verərək “waza-ari” xalı qazandı. Bu arada Musayev hər iki dirsəyini yerə qoydu və bu da üçüncü “şido” ilə nəticələndi.

-52 kq. çəki dərəcəsində finalda fransalı idmançı Alisya Pulanjı Azərbaycanlı idmançıya qarşı güclü rəqib idi. Mübarizə “golden score”-a qədər uzandı və Fransa idmançısının daha çox enerjili olduğu görünürdü. Gərgin mübarizə 3 dəqiqə 13 saniyə davam etdi, hər iki idmançı “seoi nage” atmağa cəhd edirdi. Daha sonra Qədəşova “sumi gaeşi” fəndi ilə hər kəsi təəccüblədirdi və strateji çarpaz tutma ona qalibiyyət qazandırdı. 

-66 kq. çəki dərəcəsində daha bir lider Əbil Yusubov reytinqini qoruyub saxlamağı hədəfləyirdi. O, polşalı idmançı Simon Sulikə qarşı “tomoe nage” tətbiq etdi. Bununla belə, cəmi 40 saniyə ərzində Sulik “ippon” hesabı ilə “seoi nage” həyata keçirərək dünya çempionluğunu təmin etdi.”.

Avqustun 24-də Xorvatiyanın paytaxtı Zaqrebdə keçirilən yeniyetmələr arasında cüdo üzrə Dünya çempionatının ikinci günündə Azərbaycan cüdoçuları müstəsna məharət və əzmkarlıq nümayiş etdiriblər. Komanda 1 qızıl və 2 gümüş medal qazanaraq, beynəlxalq arenada əlamətdar nailiyyətlərlə yadda qalıb.

Qızlar arasında -52 kq. çəkidə mübarizə aparan Xədicə Qədəşova gərgin final görüşündə Fransa təmsilçisi Alisya Pulancı məğlub edərək Azərbaycan cüdo tarixinin ilk qadın Dünya çempionu olub.

Oğlanlar arasında -60 kq. çəkidə Məhəmməd Musayev finalda israilli cüdoçu İsaq Aşpizlə üz-üzə gəlib. Görüşün nəticəsində Məhəmməd çempionatın gümüş medalını əldə edib.

-66 kq. çəkidə Əbil Yusubov isə final görüşündə polşalı cüdoçu Simon Sulik ilə qarşılaşıb. Görüşün nəticəsində Əbil gümüş medal qazanaraq komandamızın aktivinə 6-cı medalı yazdırıb. 

Qeyd edək ki, Azərbaycan cüdoçuları çempionatın ilk günündə 1 qızıl, 1 gümüş və 1 bürünc medala sahib olub. İki günün nəticəsinə görə cüdoçularımız oğlanlar arasında 4 çəki dərəcəsinin hər birində medal əldə ediblər.

Avqustun 23-də Xorvatiyanın paytaxtı Zaqreb şəhərində keçirilən Dünya çempionatının ilk günündə cüdoçularımız yüksək performans nümayiş etdirərək komandanın aktivinə 1 qızıl, 1 gümüş və 1 bürünc medal yazdırdılar. Azərbaycanın yeniyetmələrdən ibarət milli komandası son onillikdə Dünya çempionatında ilk dəfə qızıl medal əldə edib (yalnız 2013-cü ildə Natiq Qurbanlı yeniyetmələr arasında dünya çempionu titulunu qazanıb).

Qeyd edək ki, cüdoçularımızın yarışın ilk günündə qazandıqları nəticə yeniyetmələr arasında Dünya çempionatlarında ayrılıqda olaraq qazanılan ən yüksək nəticədir.

Oğlanlar arasında -50 kq. çəki dərəcəsində cüdoçularımız Məhəmməd Məmişov və Nihad Məmişov bütün rəqiblərini geridə qoyaraq, finalda üz-üzə gəliblər. Görüşün nəticəsində Nihad Məmişov qalib gələrək fəxri kürsünün ən yüksək pilləsinə qalxıb. Nihad ardıcıl olaraq ilk görüşündə Fransa, 1/8 finalda Macarıstan, ¼ finalda Monqolustan, yarımfinal görüşündə isə Qazaxıstan təmsilçisini məğlub edib. Məhəmməd isə ardıcıl olaraq ilk görüşündə bosniyalı, 1/8 finalda ermənistanlı, ¼ finalda braziliyalı, yarımfinal görüşündə isə gürcüstanlı idmançıya qalib gəlib.

-55 kq. çəki dərəcəsində yarışan cüdoçumuz Mirxaliq İskəndərov üçüncü yer uğrunda fransalı cüdoçu Adrian Mivovana qalib gələrək çempionatın bürünc medalına sahib olub.

Qeyd edək ki, idmançılar 23-26 avqust tarixlərində çempionatın fərdi yarışlarında, 27 avqustda isə komanda yarışlarında iştirak edəcək.

Azərbaycanın yeniyetmə oğlanlardan və qızlardan ibarət milli yığma komandalarının 23-27 avqustda keçiriləcək dünya çempionatına hazırlıqları başa çatıb. Xorvatiyanın paytaxtı Zaqreb şəhərində keçiriləcək yarışda Azərbaycan 12 çəki dərəsində 13 oğlan və 5 qız cüdoçu ilə təmsil olunacaq.

Azərbaycan Cüdo Federasiyasının (ACF) prezidentin müşaviri Natiq Bağırov və baş katib Rəşad Rəsullu milli yığmaların təlim-məşq toplanışlarını ziyarət edərək onların hazırlıqları ilə maraqlanıblar, yeniyetmə cüdoçularımıza yarışda müvəffəqiyyətlər arzu ediblər. 

Qeyd ki, yeniyetmə oğlanlardan və qızlardan ibarət milli yığma dünya çempionatına hazırlıq məqsədilə avqustun 5-dən 16-a qədər Bakıda keçirilən təlim-məşq toplanışına qatılıblar.

Dünya çempionatında cüdoçulara yeniyetmələrdən ibarət komandanın baş məşqçisi Rüstəm Alimli, yeniyetmələrdən ibarət komandanın məşqçiləri Nicat Şıxəlizadə və Emin İskəndərov, yeniyetmə qızlardan ibarət yığmanın baş məşqçisi Elnur İsmayılov və qadınlardan ibarət yığmanın məşqçisi Kifayət Qasımova rəhbərlik edəcək.

Qeyd edək ki, idmançılar 23-26 avqust tarixlərində çempionatın fərdi yarışlarında, 27 avqustda isə komanda yarışlarında iştirak edəcək. 

Çempionata qatılacaq heyəti təqdim edirik:

Qızlar 

-40 kq. 

Nigar Məmişova

-44 kq. 

Məryəm Bayramzadə 

-48 kq. 

Vüsalə Hacıyeva 

-52 kq. 

Xədicə Qədəşova

-63 kq. 

Kamilla Toholiyeva

Oğlanlar

-50 kq. 

Məhəmməd Məmişov 

Nihad Məmişov 

-55 kq. 

Ayxan Mirzəzadə 

Mirxaliq İskəndərov 

-60 kq. 

Məhəmməd Musayev 

-66 kq. 

Əbil Yusubov 

Cəsur İbadlı 

-73 kq. 

Süleyman Şükürov 

-90 kq. 

Aslan Kotsoyev 

+90 kq. 

Ramazan Əhmədov 

Mehdi Abbasov, Rəsul Səmədli və Ümüd Qurbanov komanda yarışında mübarizəyə qoşulacaqlar.

İdmançılarımıza uğurlar arzulayırıq!

18-20 avqustda Xorvatiyanın paytaxtı Zaqreb şəhərində Qran Pri turniri keçirilib. Azərbaycan cüdo üzrə milli yığma komandası yarışda qadınlar və kişilər arasında 7 çəki dərəsində 9 idmançı ilə təmsil olunub. Azərbaycan cüdoçuları turnirdə ümumilikdə 1 gümüş və 1 bürünc medala sahib olub. 

Turnirinin ilk günündə kişilər arasında -60 kq. çəki dərəcəsində yarışan cüdoçumuz Əhməd Yusifov gümüş medal əldə edib.

Yarışın sonuncu günündə kişilər arasında +100 kq. çəki dərəcəsində Uşanqi Kokauri bürünc medal qazanıb. Uşanqi bürünc medal uğrunda görüşdə fransalı idmançı Amadau Meyteyə qalib gəlib.

17 avqustda Xorvatiyanın paytaxtı Zaqreb şəhərində Qran Pri turnirinin püşkatma mərasimi keçirilib. Püşkatmanın nəticələrinə görə Azərbaycan cüdoçularının ilk rəqibləri məlum olub.

Xatırladaq ki, Azərbaycan cüdo üzrə milli yığma komandası yarışda 7 çəki dərəsində 6 kişi və 3 qadın cüdoçu ilə təmsil olunacaq.

Turniri canlı olaraq judotv.com saytında izləyə bilərsiniz!

Qadınlar

-48 kq. 

Leyla Əliyeva - Lisa Denq (Avstriya)

-52 kq. 

Gültac Məmmədəliyeva - Roza Qyertyas (Macarıstan)

-70 kq. 

Südabə Ağayeva - Luana Karvalho (Braziliya)

Kişilər

-60 kq. 

Nazir Talıbov - Younes Saddiki (Mərakeş)

Əhməd Yusifov - Luis Barroso Lopez (İspaniya)

-66 kq. 

Kəramət Hüseynov - Bense Ponqras (Macarıstan)

Kamran Süleymanov - Lusian Bors Dumitresku (Rumıniya)

-73 kq. 

Rəşid Məmmədəliyev – Fey Niya (Qambiya)

+100 kq. 

Uşanqi Kokauri - Muhamed El Mehdi Lili (Əlcəzair)

İdmançılarımıza uğurlar arzulayırıq!

Azərbaycanın cüdo üzrə gənclərdən ibarət milli yığma komandasının üzvləri avqustun 5-dən 20-dək etibarən Şamaxıda keçirilən təlim-məşq toplanışında iştirak edir. 

Şamaxı Olimpiya İdman Kompleksində keçirilən hazırlıq prosesinə Azərbaycanın gənclərdən ibərət milli yığmasının 29 cüdoçusu qatılıb. 

Hazırlıq prosesinə gənclərdən ibarət yığmanın baş məşqçisi Elxan Məmmədov və gənclərdən ibarət yığmanın məşqçisi Elxan Rəcəbli rəhbərlik edir.

Təlim-məşq toplanışı sentyabr və oktyabr aylarında keçiriləcək gənclər arasında Avropa və Dünya çempionatlarına hazırlıq məqsədi daşıyır.

14 avqustda Azərbaycan Cüdo Federasiyasının Kəmər imtahan komitəsinin təşkilatçılığı ilə Masallı Olimpiya İdman Kompleksində seminar keçirilib. Seminarda Kəmər imtahan komitəsinin üzvləri, Cənub regionun müxtəlif klub, cəmiyyət və idman təşkilatından olan məşqçiləri və cüdoçuları iştirak ediblər.

Seminarda ötən il Beynəlxalq Cüdo Federasiyasının (BCF) akademiyasında yüksək nəticə əldə edən peşəkar cüdo məşqçiləri tərəfindən imtahanlarda tələb olunacaq fəndlər əyani şəkildə nümayiş etdirilib.

Seminar zamanı fəndlərin düzgün icra edilməsi, imtahanların proqramları, qiymətləndirmə meyarları barəsində müzakirələr aparılıb. Bu ilin oktyabr ayında keçirilməsi planlaşdırılan kəmər imtahanları haqqında ətraflı məlumat verilib. Seminarın sonunda iştirakçıları maraqlandıran suallar cavablandırılıb.

Kəmər imtahanlarının əsas məqsədi cüdo idman növünün fundamental, keyfiyyətli inkişafı, beynəlxalq standartlara uyğunlaşdırılması, həmçinin, bu idman növü ilə məşğul olan uşaq və yeniyetmələrin kəmər dərəcələri vasitəsi ilə həvəsləndirmə prosesinin effektiv təşkilini həyata keçirtməkdir. 

Qeyd edək ki, kəmər imtahanları regionları da əhatə etmək şərtilə oktyabr ayından etibarən ildə ən azı 2 dəfə olmaqla təşkil edilməsi planlaşdırılır.

16 avqustda Masallı Olimpiya İdman Kompleksində 18 yaşa qədər yeniyetmə cüdoçular arasında Cənub bölgəsi üzrə region birinciliyi keçirilib.

Yarışda Cənub regionunu təmsil edən 5 komandadan 71 cüdoçu 18 çəki dərəcəsində medallar uğrunda mübarizə aparıb.

Medalçıları təqdim edirk:

Qızlar

-44 kq. 

1. Lalə Əliyeva 

-48 kq. 

1. Gülçin Nəsirova 

2. Mədinə Muradlı 

-52 kq. 

1. Zəhra Qasımova 

-57 kq. 

1. Qəndab Abbasov 

-63 kq. 

1. Mətanət Məmmədova 

Oğlanlar

-46 kq. 

1. Şahriyar Daşdiyev 

2. Elməddin Mənsimov 

3. Nəsib Dadaşlı 

3. Həsən Məmmədli 

-50 kq. 

1. Röyal Dadaşov 

2. Elmar Əlizadə 

3. Rasif Cavadzadə 

3. Nurlan Əliyev 

-55 kq. 

1. Həsən Musayev 

2. Röyal İsayev 

3. Murad İsmayılzadə 

3. Fərid Cabbarov 

-60 kq. 

1. Yusif Məmmədov 

2. Məhəmməd Vahabov 

3. Elcan Əmirov 

3. Kənan Məmmədov 

-66 kq. 

1. Elvin Hüseynov 

2. Nicat Süleymanov 

3. Təbib Əliyev 

-73 kq. 

1. Rəsul Fərəcov 

2. Əliqismət Məmmədov

3. Ramazan Bayramov 

-81 kq. 

1. Mehrac Abdullayev 

2. Mirhüseyn Əzizov 

-90 kq. 

1. Aydın Fətullayev 

2. Cavidan Əliyev 

+90 kq. 

1. Nihad Niyazlı 

2. Emin Yahyayev

İdmançıları təbrik edirik!

Beynəlxalq Cüdo Federasiyasının (BCF) qərarı ilə, “Dünya Cüdo Turu” çərçivəsində 22-24 sentyabr 2023-cü ildə keçiriləcək Bakı Böyük Dəbilqə yarışının Ümummilli Lider Heydər Əliyevin anadan olmasının 100-cü ildönümünə həsr ediləcək.

Rəsmi olaraq “Heydar Aliyev Baku Grand Slam 2023” adlandırılacaq yarış Milli Gimnastika Arenasında baş tutacaq. Turnirdə 60-dan çox ölkədən 350-dən artıq idmançının iştirak etməsi gözlənilir. Yarışın dünyanın 100-dən çox ölkəsinə canlı yayımlanması planlaşdırılır.

BCF-in çox istisna hallarda icazə verdiyi bu hal Ümummilli Lider Heydər Əliyevin ölkəmizdə idmanın və cüdonun inkişafına verdiyi əvəzedilməz töhfənin beynəlxalq idman ictimaiyyəti tərəfindən də tanındığını göstərir. 

“Biz çox şadıq ki, ölkəmiz yenidən Bakı Böyük Dəbilqə turnirinə ev sahibliyi edəcək. Bakı Böyük Dəbilqə turnirinin  Ümummilli Lider Heydər Əliyevin anadan olmasının 100-cü ildönümünə həsr edilməsi bizim üçün böyük şərəfdir və tədbirin ən yüksək səviyyədə təşkili üçün Azərbaycan Cüdo Federasiyası olaraq əlimizdən gələni edəcəyik. Bu turnir idmançılara öz bacarıqlarını nümayiş etdirmək və yüksək səviyyədə yarışmaq üçün gözəl imkan yaratmaqla yanaşı, həm də onlara öz azarkeşləri qarşısında bunu etməyə imkan verir və bu da əvəzolunmaz təcrübədir. Dünyanın hər bir yerindən cüdoçuların ölkəmizə gəlməsini səbirsizliklə gözləyirik.”, - deyə Azərbaycan Cüdo Federasiyasının baş katibi Rəşad Rəsullu bildirib. 

Azərbaycan Cüdo Federasiyası olaraq, bütün idman həvəskarlarını qeyd edilən tarixlərdə Milli Gimnastika Arenasına dəvət edir, dünyanın ən güclü cüdi ustalarının çıxışlarına tamaşa etməklə yanaşı, idmançılarımıza öz güclü azarkeş dəstəklərini verməyə çağırırıq.

15 avqustda Masallı Olimpiya İdman Kompleksində 15 yaşa qədər kiçik yaşlı yeniyetmə cüdoçular arasında Cənub bölgəsi üzrə region birinciliyi keçirilib.

Yarışda Cənub regionunu təmsil edən 6 komandadan 91 cüdoçu 20 çəki dərəcəsində medallar uğrunda mübarizə aparıb.

Medalçıların siyahısını təqdim edirik:

Qızlar

-32 kq. 

1. Nurtac Əliyeva 

-36 kq. 

1. Firuzə Abdullayeva 

-48 kq. 

1. Aysun Seyidova

Oğlanlar

-34 kq. 

1. Yusif Hüseynov 

2. Sadiq Ağazadə 

3. Ramil İbrahimov 

3 Sadiq Abdullazadə 

-38 kq. 

1. Seymur Süleymanov 

2. Amin Babazadə 

3. Səid Mirzəyev 

3. Murad Səfərəliyev 

-42 kq. 

1. Fərhad İdrisov 

2. Məhərrəm Xudayev 

3. Lətif Xammədli 

3. İlkin Bayramov 

-46 kq. 

1. Yusif Dadaşov 

2. Bilal Nurullayev 

3. Rəvan Xankişiyev 

3. Malik Əlizadə 

-50 kq. 

1. Baqir Ağazadə 

2. İbrahim Natiqli 

3. Əlimirzə Xəlilzadə 

3. Cahid Bəndəlli 

-55 kq. 

1. Cavad Əmirov 

2. Elçin Məmmədov 

3. Əlimuxtar Ağazadə 

3. Şahin Kazımlı 

-60 kq. 

1. Əli Paşazadə 

2. Əhməd Bayramov 

3. Mehman İsgəndərzadə 

-66 kq. 

1. Fazil Ağabalayev 

2. Xanoğlan Yaqubov 

3. Ömər Əliyev 

-73 kq. 

1. Elgün Qasımov 

2. Ələkbər Rza 

3. Kərim Əkrimli 

+73 kq. 

1. Əli Dadaşzadə 

2. Əli Əsədzadə 

3. Amid İsmayılov

İdmançıları təbrik edirik!

Azərbaycan cüdoçuları 18-20 avqustda Xorvatiyanın paytaxtı Zaqreb şəhərində keçiriləcək Qran Pri turnirində iştirak edəcək. 

Üç gün davam edəcək turnirdə 88 ölkədən 560 idmançı medallar uğrunda mübarizə aparacaq. Azərbaycan cüdo üzrə milli yığma komandası yarışda qadınlar və kişilər arasında 7 çəki dərəsində 9 idmançı ilə təmsil olunacaq.

Cüdoçular qadınlardan ibarət yığmanın baş məşqçisi Rəşad Məmmədov, böyüklərdən ibarət yığmanın böyük məşqçisi Elçin İsmayılov və böyük performans analitik Zaur Babayevin rəhbərliyi altında çıxış edəcək.

Qadınlar

-48 kq. 

Leyla Əliyeva 

-52 kq. 

Gültac Məmmədəliyeva 

-70 kq. 

Südabə Ağayeva

Kişilər

-60 kq. 

Nazir Talıbov 

Əhməd Yusifov 

-66 kq. 

Kəramət Hüseynov 

Kamran Süleymanov 

-73 kq. 

Rəşid Məmmədəliyev 

+100 kq. 

Uşanqi Kokauri 

İdmançılarımıza uğurlar arzulayırıq!

2008-ci ilin avqustun 14-də Mövlud Mirəliyev Pekin  Yay Olimpiya Oyunlarında bürünc medal qazanıb. 

Mövlud Mirəliyev hər zaman cüdonun dəyərlərinə sarsılmaz bağlılığını və fədakarlığını nümayiş etdirib. O, Azərbaycanı dünya miqyasında layiqincə təmsil etməyə bacarıb.

“İdmançıların nailiyyətlərini tanımaq və qeyd etmək vacibdir. Gənc nəsil Elxan Məmmədov, Elçin İsmayılov kimi uğurlu idmançıları tanımalı  və onlardan öyrənməlidirlər.  Arzulayıram ki, idmançılar daim beynəlxalq arenalarda yüksək nəticə əldə etsinlər.”, - deyə Mövlud Mirəliyev bildirib.

Mövlud Mirəliyev 2015-ci ildən 2023-cü ilə qədər kişilərdən ibarət milli yığma komandanın  məşqçisi kimi fəaliyyət göstərib. M. Mirəliyev idman nailiyyətlərinə görə “Tərəqqi” medalına layiq görülüb.

Hazırda Mövlud Mirəliyev Daxili İşlər Nazirliyinin İdman Cəmiyyətinin rəisi  vəzifəsini icra edir.

Mövlud Mirəliyevi Olimpiya medalının 15-ci ildönümü münasibəti ilə bütün cüdo ailəsi adından ürəkdən təbrik edirik və gələcək fəaliyyətində uğurlar arzu edirik

Azərbaycan Cüdo Federasiyasının (ACF) təşkilatçılığı ilə 12 avqustda Bakı şəhərində "Sərhədçi" İdman Mərkəzində təcrübəli cüdo mütəxəssislərinin iştirakı ilə ustad dərsi keçirilib.

Olimpiya, dünya və Avropa çempionatlarının mükafatçıları Rüstəm Orucov və Orxan Səfərovun iştirakı ilə baş tutan ustad dərsində müxtəlif cüdo fəndlərinin yerinə yetirilməsi uşaqlara və gənclərə nümayiş etdirilib. Onlar iştirakçılara cüdoçuların əməl etməli olduqları qaydalar haqqında geniş məlumat veriblər. İştirakçılar müxtəlif fəndləri yerinə yetirməyə çalışıblar.

Tədbir zamanı Rüstəm Orucov və Orxan Səfərov iştirakçılarla öz təcrübə və biliklərini ilə bölüşüb, lazımi tövsiyə və məsləhətlərini veriblər.

Daha sonra Rüstəm Orucov və Orxan Səfərov iştirakçılar üçün öz imzalı fotolarını təqdim edib və onlarla xatirə şəkli çəkdiriblər.

Bu cür layihələrin həyata keçirilməsində ACF-in əsas məqsədi gənc nəslin fiziki və mənəvi sağlamlığına töhfə vermək, idmanla məşğul olan uşaqların, gənclərin sayını artırmaq və cüdo idman növünü təbliğ etməkdir.

10 avqustda Naxçıvan Olimpiya İdman Kompleksində U-15 və U-18 yeniyetmə cüdoçular arasında Naxçıvan Muxtar Respublikası üzrə region birinciliyi keçirilib.

Yarışda Naxçıvan Muxtar Respublikasını təmsil edən 6 komandadan 138 cüdoçu medallar uğrunda mübarizə aparıb.

Medalçıların siyahısını təqdim edirik:

U-15 yeniyetmələr arasında

Oğlanlar

-46 kq. 

1. Rəhim Qaybalayev 

2. Uğur Sadiqov 

3. Sinan Fərzəliyev 

3. İbrahim Allahverdiyev 

-50 kq. 

1. Ümüd Əliyev 

2. Mətin Hüseynov 

3. Fərda Cəlilzadə 

3. Qurban Məmmədli 

-55 kq. 

1. Muhamməd Mədətli 

2. Səməd Qeybullayev 

3. Mirismayıl Seyidi 

3. Atilla Rəhimli 

-60 kq. 

1. Fərid İbrahimli 

2. Kamal Məmmədli 

3. Məhəmməd Şaxtaxtinski 

3. Nurxan Vəliyev 

-66 kq. 

1. Elçin Abdullayev 

2. Asim Əliyev 

3. İsa Əliyev 

3. Heydər Həsənov 

-73 kq. 

1. Polad Cabbarov 

2. Heydər Hələntərov 

-81 kq. 

1. Vüqar Orucəliyev 

-90 kq. 

1. Kərim Ağazadə 

+90 kq. 

1. Rövşən Hüseynəliyev  

Qızlar 

-48 kq. 

1. Nuray Kərimov 

-52 kq. 

1. Nailə Mustafazadə

U-15 yeniyetmələr arasında

Oğlanlar

-34 kq. 

1. Fuad Cəlilzadə 

2. Qulaməli Həsənov 

3. Davud Məmmədzadə 

3. Rəhman Əliyev

-38 kq. 

1. Elvin Cəfərli 

2. Mirmustafa Seyidov 

3. Yusif Nağıyev 

3. Həsən Həsənli 

-42 kq. 

1. Adəm Nağıyev 

2. Əli Mustafayev 

3. Malik Məmmədov 

3. İsmayıl Şükürlü 

-46 kq. 

1. Yusif Əsədli 

2. Abbas Sadiq 

3. Məhərrəm Tağılı 

3. Bəylər Məmmədov 

-50 kq. 

1. Sadiq Rzazadə 

2. Rauf Cəfərov 

3. Mirqalib Seyidov 

-55 kq. 

1. Səccad Heydərov 

2. Babək Həsənli 

-66 kq. 

1. Üzeyir Məmmədli 

+73 kq. 

1. Yusif Əliyev 

İdmançıları təbrik edirik!

11 avqustda Azərbaycan Cüdo Federasiyasının təşkilatçılığı ilə kişilər arasında ACF turunun üçüncü turniri keçirilib. 

Hövsan qəsəbəsi, Fövqəladə Hallar Nazirliyinin (FHN) İdman Sağlamlıq Mərkəzində baş tutan yarışda 19 klub, cəmiyyət və idman təşkilatından olan 48 cüdoçu tatamiyə çıxıb. Turnirdə idmançılar -60 kq., -66 kq., - 73 kq., -81 kq., -90 kq., -100 kq. və +100 kq. çəki dərəcələrində medallar uğrunda mübarizə aparıb.

Qeyd edək ki, bu yarış il ərzində keçirilən kişilər arasında ACF turunun sonuncu yarışıdır. Bu yarışlar nəticəsində formalaşan reytinq siyahısında ilk yeri tutan idmançılar 22-24 sentyabrda keçiriləcək Bakı Böyük Dəbilqə turnirinə vəsiqə qazanacaqlar.

Medalçıların siyahısını təqdim edirik:

-60 kq. 

1. Rövşən Əliyev 

2. Rəşad Məmmədov 

3. Nazir Talıbov 

3. Hüseyn Allahyarov 

-66 kq. 

1. Qasım Vəlizadə 

2. Eltac Yusifli 

3. Rəşad Yelkiyev 

3. Hüseyn Manafov 

-73 kq. 

1. Telman Vəliyev 

2. Rüfət Şövlətov 

3. Xudabaxış Əliyev 

3. Kamran Qasımov 

-81 kq. 

1. Məmmədrza Hacızadə 

2. Elcan Şəfiyev 

3. Kərim Allahverdiyev 

-90 kq. 

1. Musa Hüseynli 

2. Əli Hacızadə 

3. Xəyyam Əliyev 

3. Paşa Əliyev 

-100 kq. 

1. Ruslan Nəsirli 

2. Hüseyn Məmmədov 

3. Elşən Nəbiyev 

+100 kq. 

1. Camal Feyziyev 

2. İmran Yusifov 

3. Qurban Məmmədli

İdmançılarımızı təbrik edirik!

2008-ci il Pekin Olimpiadasının qızıl medalçısı və Azərbaycan Cüdo Federasiyasının vitse-prezidenti Elnur Məmmədlinin Beynəlxalq Cüdo Federasiyasının (BCF) rəsmi saytına verdiyi müsahibəni sizlərə təqdim edirik. Qeyd edək ki, müsahibəni BCF-in nəşriyyat redaktoru Krouli Coan aparıb.

Olimpiya çempionu ilə ünsiyyət həmişə xüsusi olur. O, hər zaman düşündürücü fikirlər söyləyir və unikal tövsiyələr verir. 

- Olimpiya çempionu olmaq  zirvəyə çatmaq deməkdir. İdman aləmində yüksəlmək üçün bundan başqa zirvə yoxdur. Biz tez-tez sərbəst və əminliklə danışan, fikrini bölüşməkdən qorxmayan olimpiya çempionlarına rast gəlirik. O zaman belə bir sual yaranır ki, onlar bu xarakterə görə Olimpiya çempionu olurlar yoxsa Olimpiya qızılı onlarda fərqli xarakter inkişaf etdirir?

“Mən Anamın sayəsində olimpiya çempionu oldum, o, məni həmişə ruhlandırıb və dəstəkləyib. Anam mənə dedi ki, sən müstəqil Azərbaycanın çempionu olacaqsan. 1992-ci ildə Nazim Hüseynov Azərbaycanın ilk Olimpiya çempionu olsa da, onun qələbəsi MDB bayrağı altında qeyd olunub. 1992-ci ildən sonra Azərbaycan müstəqilliyini bərpa etdi, lakin cüdo üzrə 2004-cü ilə qədər Olimpiadadan heç bir medal yox idi, ona görə də 2008-ci il avqustun 11-də qalib gələndə mən müstəqil ölkəmizin birinci Olimpiya çempionu oldum. Bu, mənim üçün çox xüsusi idi!

"Anam çempion olmağımda  mühüm rol oynayıb, amma mən özüm də uşaqlığımdan bəri çempion olmaq istəyirdim. Cüdo ölkə daxilində getdikcə populyarlaşdıqca, mənim də döyüşmək istəyim güclənirdi.Cüdo hər zaman məni cəlb edirdi. Turnirin kiçik və ya böyük olmağından asılı olmayaraq hər zaman birinci olmaq istəyirdim. Cüdoya böyük həvəsim var idi və “dojo” mənim üçün ikinci ev kimi idi.

7 yaşımda Bakıda yerli klublarda məşqlərə başladım. Bəziləri bacara biləcəyimə şübhə edirdi, amma mən heç vaxt şübhə etmirdim. Bu gündən bir gün əvvəl, 11 avqust 2008-ci il, mən yuxuya getdim və həqiqətən qələbə haqqında bir yuxu gördüm. Prezidentimizin mənə medalı təqdim etdiyini və təbrik etdiyini gördüm. Səhər oyanıb təbaşir götürüb otağımdakı lövhəyə yazdım: “Olimpiya çempionu olacağam”. Digər idmançılarla, müxtəlif idman növlərindən olan dostlarımla danışdım və onlara çempion olacağımı söylədim. Bunu belə inandırıcı şəkildə eşidəndə hamı şoka düşdü, çünki mən bunu dedim və buna nail oldum”.

"Mən öz texnikama tamamilə inanırdım. Olimpiya Oyunlarında yarışmaq həyatımın böyük fürsəti idi və bu fürsəti əldən vermək istəmirdim. Dəqiq bilirdim ki, şansımı qaçırmayacağam. O zamanlar mən dünyada bir nömrə idim və qalib gəlmişdim. Bir il əvvəl Dünya çempionatında gümüş medal qazanmışdım, Rioda mən o vaxtlar Dünya kubokunda qalib gəlmişdim. Olimpiya çempionu olacağıma heç bir  şübhəm yox idi, diqqətim mükəmməl idi.

Bəli, medal məni dəyişdirdi. Mən yaxşılığa doğru dəyişdim. Küçədə, hər yerdə hamı məni tanımağa başladı və adımı bilirdilər. Yanımdan keçəndə hamı baş barmağını yuxarı qaldırırdı. Bu nailiyyət sayəsində cüdoya daha çox uşaq cəlb olunmağa başladı və bu idman daha da populyarlaşdı. Olimpiya çempionu olmaq üçün çox çalışmışdım, bu da mənim həyatımı rahatlaşdırmışdı. Prezidentimiz də artıq məni tanıyırdı. Oyunlardan sonra Prezidentimizin təyin etdiyi şəxsi təyyarə ilə Bakıya qayıtdım. Bunlar inanılmaz xatirələrdir”.

"Həmin gün qalib olmasaydım, özümü heç vaxt bağışlamazdım. Hər bir əsgər general olmaq istəyir. Hər bir cüdoçu da Olimpiya çempionu olmaq arzusundadır. İstər Dünya çempionu , istərsə də Avropa çempionu olsun qələbə ili ilə bağlı suallar təbii olaraq yaranır. Lakin Olimpiya çempionu olmaq şərəfi ömürlük mükafat olaraq qalır. Bu gün cüdo bütün dünyada 200-dən çox ölkədə tətbiq olunan ən populyar idman növlərindən biridir və bu, cənab Vizer və onun komandasının idmanı populyarlaşdırdığına görədir. Mən bütün dünyada peşəkar zirvəyə yüksəldim və bunun bir hissəsi olmaqdan qürur duyuram”.

2008-ci ilin avqustun 11-də Elnur Məmmədli Pekin Olimpiadasında bütün rəqiblərin üzərində aşkar üstünlüklə qalib gələrək qızıl medal qazanıb.

Elnur Məmmədli bu gün Azərbaycan Cüdo Federasiyasının vitse-prezidenti kimi fəaliyyət göstərir və ölkəmizdə cüdonun inkişafında sarsılmaz dayaq və aparıcı qüvvə olmaqda davam edir. Onun fəaliyyəti cüdoda istedadların yetişdirilməsinə, onların qlobal arenada müstəsna çıxışlarının artırılmasına yönəlib.

“İdmana gəlməyimdə ən böyük səbəbkar mənim anam olub. 1992-ci ildə Nazim Hüseynov  ilk azərbaycanlı Olimpiya çempionu kimi adını tarixə yazdırdı. Mənim də uşaqlıqdan ən böyük arzum olub ki, Müstəqil Azərbaycanın ilk Olimpiya çempionu məhz mən olum. O günü aydın xatırlayıram - çempion olmağıma o qədər əmin idim ki, bunu həm bizim idmançılara, həmdə xarici idmançılara çəkinmədən deyirdim. Başa düşürdüm ki, bu mənim həyatımın şansıdır və mən bu şansı əldən verə bilmərəm. O zaman mən reytinqdə birinci idim. Olimpiya çempionu olmağım mənim həyatımı dəyişdi. 

İstər Dünya çempionu olsun, istərsə Avropa çempionu olsun qələbə ili ilə bağlı suallar təbii olaraq yaranır. Lakin Olimpiya çempionu olmaq şərəfi ömürlük mükafat olaraq qalır, bu zamandan daha üstündür.

Azərbaycanda Olimpiya çempionunun sayı çox olmasının şahidi olmaq və möhtəşəm nailiyyətlərimiz ilə Möhtərəm Prezidentimiz İlham Əliyevi qürurlandırmağı çox arzulayıram.” - Elnur Məmmədli Beynəlxalq Cüdo Federasiyasının rəsmi saytına verdiyi müsahibəsində bildirib.

Azərbaycan idman tarixinə parlaq səhifələr yazmış Elnur Məmmədlini tarixi qələbəsinin 15-ci ildönümü münasibətilə bütün cüdo ailəsi adından ürəkdən təbrik edirik. Onun gələcək fəaliyyətində ən xoş arzularımızı çatdırırıq!

“Cüdo insana doğru yolu göstərir, ona görə də cüdo ilə məşğul olduğum üçün heç vaxt peşman olmamışam.”, - Rüstəm Orucov Avropa Cüdo Birliyinin rəsmi saytına cüdo karyerasını bitirdiyi ilə bağlı müsahibəsində bildirib.

Məqalənin Azərbaycan dilinə tərcümə edilmiş variantını təqdim edirik:

“Əsl cənablar həm tatamidə, həm də ondan kənarda əzmkarlıq və hörmət nümayiş edirlər. Rüstəm Orucovun nailiyyətlərinə Olimpiya mükafatı, ikiqat Dünya mükafatı və Avropa çempionu titulu daxildir. Rio 2016 Olimpiadasının gümüş mükafatçısı Rüstəm Orucov sosial şəbəkələr vasitəsi ilə karyerasını bitirdiyini açıqlayıb.

“Unudulmaz illər idi və mən çox şadam ki, CÜDO-nu seçdim və Azərbaycanın bayrağını böyük arenalarda dalğalandırmaq şərəfinə nail oldum! Ancaq hər səfərin bir sonu var. 8 avqust - Olimpiya medalını qazandığım gündür və məhz bu gün böyük idmanla vidalaşıram. Bu illər ərzində mənə dəstək olan hər kəsə ürəkdən təşəkkür edirəm! Sizlərə sahib olduğum üçün çox şanslıyam! İndi həyatımda yeni səhifə açmağın vaxtıdır.”

Orucov karyerası ərzində ümumilikdə 16 Böyük Dəbilqə və 12 Qran Pri medalı qazanıb. O, Azərbaycanın simvolu olaraq gələcək nəsillərə diqqətlə yanaşır və  cüdonun ona göstərdiyi hər şeyə görə minnətdardır.

“Cüdo mənə çox şey öyrətdi, o cümlədən yaxşı davranmaq, başqalarına hörmət etmək. Cüdo insana doğru yolu göstərir, ona görə də cüdo ilə məşğul olduğum üçün heç vaxt peşman deyiləm. İndi gələcək nəsil ilk növbədə pis vərdişlərdən uzaq olmalı, yüksək nəticə əldə etməyi qarşısına məqsəd qoymalı və son ana qədər mübarizə aparmalıdır.”

“Mən podiuma qalxdığım anı həmişə xatırlayacağam.”

Rüstəm Orucova təşəkkür edirik və gələcəkdə uğurlar arzu edirik.”

11 avqustda Azərbaycan Cüdo Federasiyasının təşkilatçılığı ilə kişilər arasında ACF turunun üçüncü turniri keçiriləcək. Yarışda 48 klub, cəmiyyət və idman təşkilatından olan 200-dən çox cüdoçu medallar uğrunda mübarizə aparacaq. 

Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində keçiriləcək yarışda 7 çəki dərəcəsində qaliblər bəlli olacaq.

Qeyd edək ki, bu yarış il ərzində keçirilən kişilər arasında ACF turunun sonuncu yarışıdır. Bu yarışlar nəticəsində formalaşan reytinq siyahısında ilk yeri tutan idmançılar 22-24 sentyabrda keçiriləcək Bakı Böyük Dəbilqə turnirinə vəsiqə qazanacaqlar.

Yarışın məqsədi kişi cüdoçular arasında rəqabət səviyyəsinin, onların ustalığının yüksəldilməsi və yarış təcrübələrinin artırılmasına nail olmaqdır. Eyni zamanda, istedadlı idmançıların aşkarlanması və milli yığma komandaya cəlb olunmasıdır. 

Yarışları izləmək üçün arenaya giriş sərbəstdir.

9 avqustda Azərbaycan Cüdo Federasiyasının Hakimlər komitəsinin təşkilatçılığı ilə Naxçıvan Olimpiya İdman Kompleksində seminar keçirilib. Seminarda Kəmər imtahan komitəsinin üzvləri, Naxçıvan Muxtar Respublikasının müxtəlif klub, cəmiyyət və idman təşkilatından olan məşqçiləri və cüdoçuları iştirak ediblər.

Seminarda ACF-in hakimlər üzrə meneceri, beynəlxalq dərəcəli “A” kateqoriyalı hakim Mətin Rəhimli və birinci dərəcəli hakim Ülvi Əliyev tərəfindən imtahanlarda tələb olunacaq fəndlər əyani şəkildə nümayiş etdirilib.

Seminar zamanı fəndlərin düzgün icra edilməsi, imtahanların proqramları, qiymətləndirmə meyarları barəsində müzakirələr aparılıb. Bu ilin oktyabr ayında keçirilməsi planlaşdırılan kəmər imtahanları haqqında ətraflı məlumat verilib. Seminarın sonunda iştirakçıları maraqlandıran suallar cavablandırılıb.

Kəmər imtahanlarının əsas məqsədi cüdo idman növünün fundamental, keyfiyyətli inkişafı, beynəlxalq standartlara uyğunlaşdırılması, həmçinin, bu idman növü ilə məşğul olan uşaq və yeniyetmələrin kəmər dərəcələri vasitəsi ilə həvəsləndirmə prosesinin effektiv təşkilini həyata keçirtməkdir. 

Qeyd edək ki, kəmər imtahanları regionları da əhatə etmək şərtilə oktyabr ayından etibarən ildə ən azı 2 dəfə olmaqla təşkil edilməsi planlaşdırılır.

Beynəlxalq cüdo arenasında yüksək nailiyyətləri ilə tanınan Rüstəm Orucov cüdo karyerası ilə vidalaşmağa qərar verib. Saysız-hesabsız beynəlxalq  turnirlərin qalibi və mükafatçısı R. Orucov gələcək nəsillər üçün hər zaman nümunə olaraq qalacaqdır. 

"Bu illər həqiqətən unudulmaz olub və mən xalqımızı mötəbər arenalarda təmsil etməkdən hədsiz qürur duyuram. Bununla belə, hər bir səfər öz sonuna çatır. Bu gün, avqustun 8-də mən Olimpiya medalını qazandım və məhz bu gün mən idmanla vidalaşıram. Bu illər ərzində mənə dəstək olan hamıya ürəkdən təşəkkürümü bildirirəm! Nə yaxşı ki, varsınız! İndi isə həyatımda yeni səhifə açmaq vaxtıdır.”, - deyə Rüstəm Orucov müsahibəsində bildirdi. 

Rüstəm Orucov idman karyerasında çox saylı nailiyyətlərə imza atıb. O, 2016-cı il Rio Yay Olimpiya Oyunlarının gümüş medalçısı olmaqla yanaşı, həmin ildə Avropa çempionu titulunu qazanmışdır. 2017 və 2019-cu illərdə dünya çempionatının gümüş mükafatçısı və Avropa çempionatlarında 1 dəfə gümüş, 3 dəfə isə bürünc mükafata sahib olub. “Masters” turnirində 1 dəfə qızıl medal, 3 dəfə isə bürünc medal qazanıb. Müxtəlif illərdə o, Böyük Dəbilqə və Qran Pri yarışlarında ümumilikdə 28 medal əldə edib.

Azərbaycan cüdo ailəsi adından cüdo idman növünə verdiyi əvəzsiz töhfələrə görə Rüstəm Orucova dərin təşəkkürümüzü bildiririk və gələcək fəaliyyətində uğurlar diləyirik

7 avqustda İsmayıllı Olimpiya İdman Kompleksində 18 yaşa qədər yeniyetmə cüdoçular arasında Şimal-Qərb bölgəsi üzrə region birinciliyi keçirilib.

Yarışda Şimal-Qərb regionunu təmsil edən 11 komandadan 132 cüdoçu 18 çəki dərəcəsində medallar uğrunda mübarizə aparıb.

Medalçıları təqdim edirik:

Qızlar

-44 kq. 

1. Naidə Quziyeva 

2. Manana Azakova 

3. Yağmur Daşdəmiov 

-48 kq. 

1. Nərgiz Salahova 

2. Arzu Abdullayeva 

3. Əsma Cəlilova 

-52 kq. 

1. Rahilə İsmayılova 

2. Nazlı Ağabəyova 

3. Cəmilə Əliyeva 

3. Nazənin Hacıyeva 

-57 kq. 

1. Nərmin Qocayeva 

2. Aynur Sofiyeva 

3. Fatimə İbrahimova 

-63 kq. 

1. Rəna Əhmədova 

2. Aygün Məmmədli

Oğlanlar

-46 kq. 

1. Nicat Əhmədov 

2. Balakərim Comərdov 

3. Abdulla Abdullazadə 

3. Səməd Səmədov 

-50 kq. 

1. Nicat Şıxızadə 

2. Teymur Gülməmmədov 

3. Elvin Məmmədov 

3. Emil Cumalıyev

-55 kq. 

1. Rəhman Qanbaylı 

2. Ömər Cumayev 

3. Mahmud Gülməmmədov 

3. Nicat İsgəndərov 

-60 kq. 

1. Raul Xəlilov 

2. Qüdrət Yusifov 

3. Məhəmməd Cumayev 

3. Sərvan Məmmədov

-66 kq. 

1. Ramil Mahmudov 

2. Araz Məmmədov 

3. Hüsey Abdulrəhmanov 

3. Ayxan Yediyarov 

-73 kq. 

1. Rihad Mustafazadə 

2. Vüsal Ağamirzəyev 

3. Əbülfəz Kərimli 

-81 kq. 

1. Hüseyn Eyvazlı 

2. Xəlil Məmmədov 

3. Fəqan Ağagülov 

-90 kq. 

1. İlkin Abbasov 

+90 kq. 

1. Ümüd Poladzadə 

2. Nəbi Babayev 

3. Yusif Fərzəliyev

İdmançıları təbrik edirik!

Azərbaycan Cüdo Federasiyası (ACF) 12 avqustda, Bakı şəhərində "Sərhədçi" İdman Mərkəzində təcrübəli cüdo mütəxəssislərinin iştirakı ilə ustad dərsi təşkil edəcək.

Master-klass cüdo idman növü ilə yaxından tanış olmaq, bu idmanı ən yaxşılarından öyrənmək və bacarıqlarınızı artırmaq üçün unikal imkan yaradır. İstər yeni başlayan, istərsə də təcrübəli cüdoçu olmağınızdan asılı olmayaraq, ustad dərsi sizə növbəti səviyyəyə keçməyə kömək edəcək.

Ustad dərsi Olimpiya, dünya və Avropa çempionatlarının mükafatçıları Rüstəm Orucov və Orxan Səfərovun iştirakı ilə baş tutacaq.

Tədbir zamanı cüdonun fəlsəfəsi, fundamental texnikalar, fəndlərin yerinə yetirilməsi də daxil olmaqla müxtəlif mövzular əhatə olunacaq. Siz həmçinin canlı olaraq dərsdə iştirak etmək, təcrübəli mütəxəssislərdən və digər cüdo həvəskarları ilə ünsiyyət qurmaq imkanına sahib olacaqsınız.

6 yaşdan yuxarı hər kəs cüdoqidə tədbirdə ödənişsiz iştirak edə bilər. Tədbir saat 11:00-da başlayacaqdır. İştirakçıların 10:30-da tədbirin keçiriləcəyi məkanda olmaqları vacibdir. 

Sizləri 12 avqustda "Sərhədçi" İdman Mərkəzində cüdo ustad dərslərində görməyi səbirsizliklə gözləyirik!

6 avqustda İsmayıllı Olimpiya İdman Kompleksində 15 yaşa qədər kiçik yaşlı yeniyetmə cüdoçular arasında Şimal-Qərb bölgəsi üzrə region birinciliyi keçirilib.

Yarışda Şimal-Qərb regionunu təmsil edən 12 komandadan 147 cüdoçu 20 çəki dərəcəsində medallar uğrunda mübarizə aparıb.

Medalçıların siyahısı təqdim edirk:

Qızlar

-32 kq. 

1. Ayan Muradova 

2. Sunay Salamova 

-36 kq. 

1. Naira Quziyeva 

-40 kq. 

1. Səltənət Nəsrullayev 

2. Günay Nurizadə 

3. Aişə Mehdiyeva 

-44 kq. 

1. Səfurə İsmayılova 

2. Aynur Nadirli 

3. Nuray Şabanlı 

-57 kq. 

1. Hənifə Qandaxova 

2. Aişə İbrahimova 

-63 kq. 

1. Səma Burzuyeva

Oğlanlar

-34 kq. 

1. Mübariz Əsədli 

2. Büsat Qaçayev 

3. Rüstəm Alasiyev 

3. Mətin Musayev 

-38 kq. 

1. Ömər Ağayev 

2. Vüqar Mustafayev 

3. Cavidan Ağa 

3. Nurlan Şahverdiyev

-42 kq. 

1. Xaliq Balıyev 

2. Ruhid Quliyev 

3. Vurğun Ziyadov 

3. Ömər Allahverdiyev 

-46 kq. 

1. Yusif Hüseynov 

2. Qalib Qocayev 

3. Fəxri İsayev 

3. İmamrza Davudov

-50 kq. 

1. Nemət Ələsgərov 

2. İsmayıl Şahmalıyev 

3. Fəramin Zahidov 

3. Mirismayıl Qasımov 

-55 kq. 

1. Emin Osmanov 

2. Yusif Haqverdiyev 

3. Pünhan Bağırov 

3. Tofiq Cumayev

-60 kq. 

1. Turan Əhmədov 

2. Dimitiri Tamazaşvili 

3. Ümid Xəlilov 

-66 kq. 

1. Murad Davudov 

2. Məhəmməd Rəcəbov 

3. İlham Əlişov 

-73 kq. 

1. Murad Xasıyev

İdmançıları təbrik edirik!

Avqustun 6-də Belarusun Qomel şəhərində keçirlən MDB ölkələrinin Oyunlarının cüdo yarışlarında Azərbaycan cüdoçuları 1 gümüş və 3 bürünc medal əldə edib.

Fərdi yarışların ikinci günündə qızlar və oğlanlar arasında 7 çəki dərəcəsində 11 cüdoçumuz medallar uğrunda mübarizə aparıb.

Yarışın ikinci günündə -90 kq. çəkidə Davud Namazlı yığmamızın aktivinə gümüş medal yazdırıb. Qızlar arasınsda -57 kq. çəkidə Nilgün Rzayeva və -70 kq. çəkidə Zeynəbxanım Əsədova, oğlanlar arasında isə -73 kq. çəkidə Mehdi Abbasov yarışın bürünc medallarını qazanıblar.

İdmançılarımızı təbrik edirik!

Avqustun 5-dən 7-nə qədər Belarusda MDB ölkələrinin Oyunlarının cüdo yarışları keçiriləcək. Azərbaycan turnirdə 16 çəki dərəsində 15 oğlan və 12 qız cüdoçu ilə təmsil olunacaq.

Cüdoçulara yeniyetmələrdən ibarət komandanın məşqçiləri Nicat Şıxəlizadə və Emin İskəndərov və qadınlardan ibarət yığmanın məşqçisi Kifayət Qasımova rəhbərlik edəcək.

Qeyd edək ki, yarışda Azərbaycan Cüdo Federasiyasının “A” kateqoriyalı beynəlxalq dərəcəli hakim Fariz Hüseynov ədalət təmsilçiləri arasında yer alacaq.

Cüdo üzrə fərdi yarışlar 5-6 avqustda, komanda yarışları isə 7 avqustda Belarusun Qomel şəhərində yerləşən Qomel Buz İdman Sarayında keçiriləcək.

Yarışda iştirak edəcək heyəti təqdim edirik:

Qızlar

-40 kq. 

Abdullayeva Xədicə

Hüseynova Gülşən

-44 kq.

Yolçuzadə Aytac

Şıxməmmədova Nərgiz

-48 kq.

Hacızadə Nuranə

Mirzəyeva Fəridə

-52 kq. 

Verdiyeva Aytən

Məmmədova Aysun

-57 kq. 

Rüstəmova Aliyə

Rzayeva Nilgün

-63 kq.

Bayramlı Mələk

-70 kq.

Əsədova Zeynəbxanım

Oğlanlar

-50 kq. 

Məmişov Nihad

Feyzullayev Bahadır

-55 kq. 

Mirzəzadə Ayxan

Həsənli Həsən

-60 kq.

Şərifov Xanəhməd

Qurbanov Ümüd

-66 kq. 

İbadlı Cəsur

Cəfərov Mehdi

-73 kq.

Abbasov Mehdi

Əzizbəyov Mamed

-81 kq.

Qazıməmmədov Ali

Hüseynov Hüseyn

-90 kq.

Namazlı Davud

Axundov Sübhan

+90 kq.

Səmədli Rəsul

İdmançılarımıza uğurlar arzulayırıq!

5 avqustda Azərbaycan Cüdo Federasiyasının Kəmər imtahan komitəsinin təşkilatçılığı ilə İsmayıllı Olimpiya İdman Kompleksində seminar keçirilib. Seminarda Kəmər imtahan komitəsinin üzvləri, Şimal-Qərb regionun müxtəlif klub, cəmiyyət və idman təşkilatından olan məşqçiləri və cüdoçuları iştirak ediblər.

Seminarda ötən il Beynəlxalq Cüdo Federasiyasının (BCF) akademiyasında yüksək nəticə əldə edən peşəkar cüdo məşqçiləri tərəfindən imtahanlarda tələb olunacaq fəndlər əyani şəkildə nümayiş etdirilib.

Seminar zamanı fəndlərin düzgün icra edilməsi, imtahanların proqramları, qiymətləndirmə meyarları barəsində müzakirələr aparılıb. Bu ilin oktyabr ayında keçirilməsi planlaşdırılan kəmər imtahanları haqqında ətraflı məlumat verilib. Seminarın sonunda iştirakçıları maraqlandıran suallar cavablandırılıb.

Kəmər imtahanlarının əsas məqsədi cüdo idman növünün fundamental, keyfiyyətli inkişafı, beynəlxalq standartlara uyğunlaşdırılması, həmçinin, bu idman növü ilə məşğul olan uşaq və yeniyetmələrin kəmər dərəcələri vasitəsi ilə həvəsləndirmə prosesinin effektiv təşkilini həyata keçirtməkdir. 

Qeyd edək ki, kəmər imtahanları regionları da əhatə etmək şərtilə oktyabr ayından etibarən ildə ən azı 2 dəfə olmaqla təşkil edilməsi planlaşdırılır.

Avqustun 5-də Belarusun ev sahibliyi etdiyi MDB ölkələrinin Oyunlarının cüdo yarışlarında Azərbaycan cüdoçuları 3 qızıl və 2 bürünc medal əldə edib.

Yarışın ilk günündə qızlar və oğlanlar arasında 8 çəki dərəcəsində 16 cüdoçumuz medallar uğrunda mübarizə aparıb.

Oğlanlar arasında -50 kq. çəkidə Nihad Məmişov, -55 kq. çəkidə Ayxan Mirzəzadə və -66 kq. çəkidə Cəsur İbadlı bütün görüşlərində qalib gələrək qızıl medal qazanıblar.

Qızlar arasında -40 kq. çəkidə Xədicə Abdullayeva və -52 kq. çəkidə Aytən Verdiyeva yarışın bürünc medalını qazanıb.

İdmançılarımızı təbrik edirik!

2-3 avqustda məşqçilik ixtisasının cüdo üzrə xüsusi qabiliyyət imtahanları təşkil olunub.

İmtahanlarda Dövlət İmtahan Mərkəzi, Gənclər və İdman Nazirliyindən nümayəndələr, Azərbaycan Cüdo Federasiyasının qabiliyyət imtahanlarının keçirilməsi ilə bağlı təyin etdiyi imtahan komitəsinin üzvləri iştirak edib.

İmtahanlar zamanı abituriyentlərin təhlükəsizliyi üçün müvafiq tədbirlər görülüb, cüdo üzrə normativlərin icrası üçün zəruri avandalıqlarla və tərəf müqabili ilə təmin olunublar. Abituriyentlərin qabiliyyət bacarıqlarının obyektiv qiymətləndirilməsinin keçirilməsində şəffaflıq təmin edilib.

3 avqustda Macarıstanın paytaxtı Budapeşt “Masters” turnirinin püşkatma mərasimi keçirilib. Püşkatmanın nəticələrinə görə Azərbaycan cüdoçularının ilk rəqibləri məlum olub.

Xatırladaq ki, Azərbaycan cüdo üzrə milli yığma komandası yarışda 8 çəki dərəsində 11 kişi və 1 qadın cüdoçu ilə təmsil olunacaq.

İlkin görüşlər saat 11:00-da başlayacaq. Yarışı canlı olaraq judotv.com saytında izləyə bilərsiniz.

Qadınlar

-52 kq. 

Gültac Məmmədəliyeva - Qiuliya Karna (İtaliya)

Kişilər

-60 kq. 

Balabəy Ağayev - David Naci (Macarıstan)

Turan Bayramov - Salih Yıldız (Türkiyə)

-66 kq. 

Yaşar Nəcəfov - Elios Manzi (İtaliya)

Kamran Süleymanov - Martin Setz (Almaniya)

-73 kq. 

Hidayət Heydərov - Tohar Butbul (İsrail) / Ken Oyoşi (Yaponiya) cütlüyünün qalibi

-81 kq. 

Səid Mollayi - Laçlan Morhead (Böyük Britaniya) / Askerbi Qerbekov (Bəhreyn) cütlüyünün qalibi

Zelim Tçkayev - Vedat Albayrak (Türkiyə)

-90 kq. 

Murad Fətiyev - Con Ceyne (Amerika Birləşmiş Ştatları)

-100 kq. 

Zelim Kotsoyev - Zlatko Kumrik (Xorvatiya)

+100 kq. 

Camal Qamzatxanov - Yelle Snippe (Niderland)

Uşanqi Kokauri - Maqomedomar Maqomedomarov (Birləşmiş Ərəb Əmirlikləri)

İdmançılarımıza uğurlar arzulayırıq!

Azərbaycanın cüdo üzrə gənclərdən ibarət milli yığma komandasının üzvləri iyulun 31-dən avqustun 2-nə qədər Avropa Cüdo Birliyinin təşkilatçılığı ilə Almaniyanın paytaxtı Berlin şəhərində keçirilən beynəlxalq təlim-məşq toplanışında iştirak edib. 

Hazırlıq prosesində Azərbaycanın gənclərdən ibərət milli yığmasının 12 oğlan və 4 qız idmançısı iştirak edib. Cüdoçulara gənclərdən ibarət yığmanın baş məşqçisi Elxan Məmmədov, gənclərdən ibarət yığmanın məşqçisi Elxan Rəcəbli və gənc qızlardan ibarət yığmanın məşqçisi Vüqar Hüseynov rəhbərlik edib.

Təlim-məşq toplanışı sentyabr və oktyabr aylarında keçiriləcək gənclər arasında Avropa və Dünya çempionatlarına hazırlıq məqsədi daşıyır.

2 avqustda Ağdam Olimpiya İdman Kompleksində U-15 və U-18 yeniyetmə cüdoçular arasında Qarabağ-Şərqi Zəngəzur bölgəsi üzrə region birinciliyi keçirilib.

Yarışda Qarabağ-Şərqi Zəngəzur regionunu təmsil edən 5 komandadan 96 cüdoçu medallar uğrunda mübarizə aparıb.

Medalçıların siyahısını təqdim edirik:

U-15 yeniyetmələr arasında 

Qızlar

-28 kq. 

1. Zərnişan Vəliyeva 

-36 kq. 

1. Mətənat Xudiyev 

2. Zeynəb Qasımova 

-40 kq. 

1. Məleykə Əsədova 

2. Gülnara Qasımova 

3. Zəhra İlqarzadə 

-44 kq. 

1. Aynişan Rəcəbova 

2. Mələk Mehdiyev 

-48 kq. 

1. Nəzrin Həsənli 

2. İnci Niyazlı 

-52 kq. 

1. Güllü Quliyeva 

2. Sevinc Şəfiyeva 

-57 kq. 

1. Nuray Sadıqzadə 

-63 kq. 

1. Çinarə Əliyeva

Oğlanlar

-34 kq. 

1. Nihat Rəhimli 

2. Elçin Məmmədov 

3. Nihad Həsənli 

3. Vaqif Şəmilov 

-38 kq. 

1. Elcan Əsədli 

2. Coşqun Həsənli 

3. Ramal Qənbərov 

3. Rəsul Abdullazadə 

-42 kq. 

1. Səid Əliyev 

2. Mirmehdi Hüseynzadə 

3. Ömər Kərimli 

3. Yusif Yunisli 

-46 kq. 

1. Kamil Pənaliyev 

2. Hüseyn Nəcəfzadə 

-50 kq. 

1. Kənan Həsənzadə 

2. Rəsul Məmmədzadə 

3. Sadiq Cəfərov 

-55 kq. 

1. Ülvi Abbaszadə 

2. Mərdan Məmmədli 

3. Dəniz Hüseynzadə 

-60 kq. 

1. Renat Məmmədli 

-66 kq. 

1. İlqar Muxtarov

2. İslam Əmrəliyev 

3. Nihad Mamedov 

-73 kq. 

1. Murad Üuliyev 

2. Elnur Babayev

U-18 yeniyetmələr arasında 

Oğlanlar

-46 kq. 

1. Ülvi Ağazadə 

2. Xətai Şirinov 

3. Məhəmməd Nəsibli 

3. Mehdi Həsənli 

-50 kq. 

1. Kənan Lənkəranlı 

2. Rufan Balakişiyev 

3. Fərid Əliyev 

3. Ruslan Rüstəmov 

-55 kq. 

1. Şakir Məmmədov 

2. Tunar Təhməzzadə 

3. Nihad Babayev 

3. Elcan Əlizadə 

-60 kq. 

1. Allahverdi Əhmədzadə 

2. Toğrul Quliyev 

3. Ağalar Əliyev 

3. Sadiq Kazımov 

-66 kq. 

1. Rasim Abbasov 

2. Camal Əlizadə 

3. Rəvan Quliyev 

-81 kq. 

1. Cavidan Quluzadə 

2. Şamxal İmanov 

-90 kq. 

1. Musin Yusifzadə

Qızlar

-44 kq. 

1. Fatimə Əhmədova 

-57 kq. 

1. Ülkər Musayeva

İdmançılarımızı təbrik edirik!

BCF-in Akademiyası və ACF arasında bu ilin may ayında əldə olunmuş razılığa əsasən Azərbaycanlı məşqçilərin BCF Akademiyasında doğma dildə təhsil almaq imkanları üçün bütün tədris və imtahan materialları Azərbaycan dilinə tərcümə olunub və təhsil platformasına yerləşdirilib. Bununla da, məşqçilərin beynəlxalq dərəcəli sertifikat əldə etmələri üçün platformanın İngilis, Fransız, Rus, Türk, Alman, İspan, Ərəb dili kimi aparıcı dilləri ilə yanaşı Azərbaycan dili də siyahıya əlavə olunub. 

Qeyd edək ki, BCF-in Akademiyasında təhsil cüdo idman növü üzrə beynəlxalq sertifikat təqdim edən və təhsil sahəsində liderlik edən bir sistemdir.

1 avqustda Çinin Çenqdu şəhərində keçirilən 31-ci Ümumdünya Yay Universiadasında Azərbaycanın cüdo üzrə milli yığması komanda yarışlarında bürünc medal əldə edib.

Komanda yarışlarında Kənan İsmayılov (-66 kq.), Rəşid Məmmədəliyev (-73 kq.), Məhərrəm İmamverdiyev (-81 kq.), Elcan Hacıyev (-90 kq.), Ruslan Nəsirli (+90 kq.) və Toğrul Salmanov (+90 kq.) tatamiyə çıxıb.

Cüdoçularımız ilk görüşdə Amerika Birləşmiş Ştatları yığmasını 3:1 hesabı ilə, ¼ finalda Fransa yığmasını 3:2 hesabı ilə məğlub edib. Azərbaycan komandası yarımfinalda Özbəkistan yığması ilə qarşılaşıb, nəticədə cüdoçularımız az fərqlə məğlub olub. İdmançılarımız üçüncü yer uğrunda mübarizədə Monqolustan komandasına 3:1 hesabı ilə qalib gələrək bürünc medal qazanıb.

Qeyd edək ki, idmançılarımız fərdi yarışlarda 1 gümüş və 2 bürünc medala sahib olub.

İdmançılarımızı təbrik edirik!

29 iyul - 1 avqustda Çinin Çenqdu şəhərində keçirilən 31-ci Ümumdünya Yay Universiadasının cüdo yarışlarında Azərbaycan Cüdo Federasiyasının hakimlər heyətinin üzvü “A” kateqoriyalı beynəlxalq dərəcəli hakim Nazim Umbayev ədalət təmsilçiləri arasında yer alıb.

Nazim Umbayev fərdi yarışların ilk günündə qadınlar arasında -52 kq. çəkidə bürünc medal uğrunda gürüşü, yarışın üçüncü günündə qadınlar arasında -70 kq. çəkidə bürünc medal uğrunda görüşü, -78 kq. çəkidə final görüşünü və kişilər arasında +100 kq. çəkidə bürünc medal uğrunda görüşü idarə edib.

Komanda yarışlarında isə kişilər arasında bürünc medal və final görüşlərində ədalət təmsilçiləri arasında yer alıb.

4-6 avqustda Macarıstanın paytaxtı Budapeşt “Masters” turniri keçiriləcək. Dünyanın 59 ölkəsindən 421 cüdoçu medallar və reytinq xalları uğrunda mübarizə aparacaq. Azərbaycan yığma komandası yarışda 8 çəki dərəcəsində 11 kişi və 1 qadın idmançı ilə təmsil olunacaq.

Cüdoçulara Azərbaycan Cüdo Federasiyasının vitse-prezidenti Elnur Məmmədli başda olmaqla, böyüklərdən ibarət yığmanın baş məşqçisi Riçard Trautman, qadınlardan ibarət yığmanın baş məşqçisi Rəşad Məmmədov, böyüklərdən ibarət yığmanın böyük məşqçisi Elçin İsmayılov və böyük performans analitik Zaur Babayev rəhbərlik edəcək.

3 avqustda turnirin püşkatma mərasimi baş tutacaq. Püşkatma mərasimini canlı olaraq judotv.com saytından izləyə bilərsiniz.

Qadınlar

-52 kq. 

Gültac Məmmədəliyeva 

Kişilər

-60 kq. 

Balabəy Ağayev 

Turan Bayramov 

-66 kq. 

Yaşar Nəcəfov 

Kamran Süleymanov 

-73 kq. 

Hidayət Heydərov 

-81 kq. 

Səid Mollayi 

Zelim Tçkayev 

-90 kq. 

Murad Fətiyev  

-100 kq. 

Zelim Kotsoyev 

+100 kq. 

Camal Qamzatxanov 

Uşanqi Kokauri

İdmançılarımıza uğurlar arzulayırıq!

25-29 iyulda Sloveniyanın Maribor şəhərində keçirilən XVII Avropa Gənclər Olimpiya Festivalının fərdi və qarışıq komanda yarışlarında yüksək nəticə əldə edən cüdolarımız Vətənə qayıdıb.

İdmançıları Heydər Əliyev Beynəlxalq Hava Limanında azarkeşlər, idman ictimaiyyətinin nümayəndələri, KİV təmsilçiləri, federasiyaların rəsmiləri və idmançıların yaxınları qarşılayıblar.

İdmançılarımızı qarşılamağa gələn azarkeşlər onları bayraqlarla, şəkilləri əks olunmuş plakatlarla və şüarlarla salamlayıblar.

Qeyd edək ki, Azərbaycan cüdoçuları fərdi yarışlarda 3 qızıl, 2 gümüş və 4 bürünc medal olmaqla 9 medal, qarışıq komanda yarışlarında isə gümüş medal qazanıblar.

30 iyulda Goranboy Olimpiya İdman Kompleksində 18 yaşa qədər yeniyetmə cüdoçular arasında Qərb bölgəsi üzrə region birinciliyi baş tutub.

Yarışda Qərb regionunu təmsil edən 11 komandadan 169 cüdoçu 18 çəki dərəcəsində medallar uğrunda mübarizə aparıb.

Yarışın açılışında şəhidlərin xatirəsi bir dəqiqəlik sükutla yad edilib, daha sonra Azərbaycan Respublikasının dövlət himni səsləndirilib. 

Tədbirin açılışında Gəncə-Daşkəsən Gənclər və İdman Baş İdarəsinin rəisi İntiqam Hüseynov, Goranboy şəhər icra hakimiyyətinin nümayəndələri və digər rəsmi nümayəndələr iştirak ediblər.

Medalçıların siyahısını təqdim edirik:

Qızlar

-44 kq. 

1. Gülgəz Musayeva 

2. Sona Quliyeva 

3. Nəzrin Musayeva 

-48 kq. 

1. Zeynəb Məhərrəmova 

2. Nəzrin Hüseynli 

3. Mədinə Əliyeva 

-52 kq. 

1. Emilya Orucova 

2. Zeynəb Hüseynova 

-57 kq. 

1. Zeynəb Şərbətova 

2. Flora Əliyeva

Oğlanlar

-46 kq. 

1. Əhməd İbrahimov 

2. Rizvan Əsədov 

3. Rəvan Bəhmımov 

3. Böyükkişi Ələkbərov 

-50 kq. 

1. Sadiq Quliyev 

2. Zaməddin Bağırov 

3. Kənan Abbaszadə 

3. Fərman Muqumov 

-55 kq. 

1. İlkin Qarayev 

2. Hüseyn Teymurov 

3. Sənan Mehdiyev 

3. Ələsgər Məmmədli

-60 kq. 

1. Sadiq Məmmədov 

2. Bəhruz Sadıqov 

3. Rüstəm Cabbarov 

3. Özqan Quliyev

-66 kq. 

1. Sadiq İsgəndərli 

2. Nicat Qəhrəmanova 

3. Emin Hüseynov 

3. Əli Rüstəmli 

-73 kq. 

1. Yunis İbrahimzadə 

2. Riad Mustafayev 

3. Murad Vəliyev 

3. Tamerlan Əliyev 

-81 kq. 

1. Aydın Axundov 

2. Babək Sadiqov 

3. Abbas Hüseynov 

3. Emil Həşimov 

-90 kq. 

1. Mahir Məmmədov 

2. Aqil Vəliyev 

3. Kənan İsmayılov 

3. Nihad Hacızadə

İdmançılarımızı təbrik edirik!

Almaniyanın paytaxtı Berlin şəhərində gənclər arasında Avropa Kuboku turnirinin ikinci yarış günündə Azərbaycan cüdoçuları 1 qızıl, 1 gümüş və 2 bürünc medal əldə edib.

Yarışın ikinci günündə oğlanların arasında -90 kq. və +100 kq. çəki dərəcələrində, qızlar arasında isə -52 kq. və -57 kq. çəki dərəcəsində 7 cüdoçumuz medallar uğrunda mübarizə aparıb. 

Oğlanlar arasında -90 kq. çəki dərəcəsində Vüqar Talıbov bütün rəqiblərinə qalib gələrək yarışın qızıl medalını qazanıb. +100 kq. çəkidə Kənan Nəsibov bürünc medal əldə edib. -90 kq. çəkidə İsmayıl Zamanov və Əjdər Bağırov turniri 7-ci yerdə başa vurublar.

Qızların mübarizəsində -52 kq. çəkidə Aydan Vəliyeva bürünc medala, -57 kq. çəkidə Fidan Əlizadə isə gümüş medala sahib olub.

İdmançılarımız yarışda ümumilikdə 2 qızıl, 2 gümüş və 3 bürünc medal əldə edib. Nəticələrə görə, cüdoçularımız turniri ümumi hesabda 3-cü, oğlanlar arasında isə 2-ci, qızlar arasında isə 8-ci yerdə başa vurub.

İdmançılarımızı təbrik edirik!

Cüdo üzrə Azərbaycan milli komandası 2023-cü il Avropa Gənclər Olimpiya Festivalının (EYOF) fərdi yarışlarında 3 qızıl, 2 gümüş və 4 bürünc medal qazanaraq Avropada liderlik mövqeyini bir daha təsdiqləyib. 

Azərbaycan komandasının EYOF 2023-də əldə etdiyi medal sayı onların bu il ikinci ən yaxşı  nəticəsidir. Belə ki, idmançılarımız ötən ay Portuqaliyada keçirilən Avropa çempionatında medal sıralamasın da birinci yerdə qərarlaşıb. Həm fərdi, həm də komanda yarışlarında nəzərəçarpacaq nailiyyətlərlə komandanın çıxışı qarşıdan gələn turnirlər, o cümlədən MDB Oyunları və çox gözlənilən Dünya Çempionatı üçün zəmin yaratdı.

Azərbaycanın cüdo üzrə qızlardan ibarət yığma komandası xüsusilə fərqlənərək, 2 qızıl medal qazanaraq medal sıralamasında birinci yeri tutub. Komandanı dörd idmançı təmsil etdi, onlardan 2-si medal qazandı, biri isə 7-ci yeri tutdu.

Cüdo üzrə oğlanlardan ibarət Azərbaycan yığması 1 qızıl, 2 gümüş və 4 bürünc medalla medal sıralamasında 4-cü yerdə qərarlaşıb. Oğlanların yarışlarında iştirak edən səkkiz idmançıdan yeddisi medal qazanaraq komandanın istedadını nümayiş etdirdi.

Gərgin rəqabət şəraitində keçən qarışıq komanda yarışlarında Azərbaycan Xorvatiya, Ukrayna və Gürcüstan komandalarını üstələyərək, imkanlarını nümayiş etdirib. Nəhayət, komandamız qızılı az fərqlə əldən verərək  layiqli gümüş medal qazandılar.

Azərbaycan cüdo komandasının EYOF 2023-dəki çıxışı da əvvəlki ildəki nailiyyətlərini üstələyib. 2022-ci ildə onlar 1 qızıl, 4 gümüş və 2 bürünc olmaqla ümumilikdə 7 medal qazanıblar. İdmançıların bu ilki çıxışları medal sayını 9-a yüksəldə bildi. Qeyd edək ki, bu ilki nəticə medal əyarına görə indiyə qədər EYOF yarışlarında əldə edilən 2-ci ən yaxşı nəticədir. Belə ki, 2007-ci ildə keçirilən turnirdə cüdoçular 4 qızıl medal əldə ediblər. 

İdmançıların fərdi yarışlarda diqqətəlayiq uğuruna baxmayaraq, onlar qarışıq komanda yarışlarında çətinliklər ilə üzləşdi. Bəzi əsas idmançıların çəki dərəcələrini dəyişdikləri üçün komanda yarışlarında çıxış edə bilməməsi, həmçinin qızlarda iki çəki dərəcəsində  özlərinin normal çəkilərindən daha yuxarı kateqoriyalarda çıxış etməyə məcbur olmaları nəticənin bir qədər zəif olmasına səbəb oldu.

Buna baxmayaraq, komandanın əzmkarlığı, xüsusilə Vüsalə Hacıyeva (-48 kq) və Xədicə Qadaşova (-63 kq) onların fərdi yarışlarda layiqli qızıl, komanda hesabında isə gümüş medal qazanmasına səbəb olub.

Avqustun 23-27-də keçiriləcək dünya çempionatı Azərbaycan cüdo yığması üçün ilin zirvə yarışı olacağını vəd edir.

29 iyulda Çinin Sıçuan əyalətinin paytaxtı Çenqduda XXXI Dünya Universitet Oyunları start götürüb. Cüdo yarışlarının ilk günündə Azərbaycan cüdoçuları 2 bürünc medala sahib olub.

Kişilər arasında -66 kq. çəki dərəcəsində mübarizə aparan cüdoçumuz Yaşar Nəcəfov və qadınlar arasında -48 kq. çəki dərəcəsində yarışan cüdoçumuz Leyla Əliyeva bürünc medal qazanıblar.

İdmançılarımızı təbrik edirik!

29 iyulda Almaniyanın paytaxtı Berlin şəhərində keçirilən gənclər arasında Avropa Kuboku turnirinin ilk günündə cüdoçularımız 1 qızıl, 1 gümüş və 1 bürünc medal əldə edib.

Yarışın ilk günündə oğlanlar və qızlar arasında 3 çəki dərəcəsində 9 cüdoçumuz medallar uğrunda mübarizə aparıb. 

Oğlanlar arasında -73 kq. çəki dərəcəsində final görüşündə iki cüdoçumuz Vüsal Qələndərzadə və Süleyman Əliyev qarşılaşıb. Nəticədə Vüsal Qələndərzadə qızıl medal əldə edib. Eyni çəki dərəcəsində yarışan digər cüdoçumuz Qədir Hüseynov bürünc medala sahib olub. -66 kq. çəki dərəcəsində Samir Piriyev 5-ci, Nicat Nağıyev isə yarışı 7-ci yerdə başa vurub.

Qızlar arasında +78 kq. çəkidə Nigar Süleymanova turniri 5-ci yerdə tamamlayıb.

İdmançılarımızı təbrik edirik!

29 iyulda Sloveniyanın Maribor şəhərində XVII Avropa Gənclər Olimpiya Festivalının cüdo üzrə komanda yarışları keçirilib. Cüdoçularımız komanda yarışlarında gümüş medal əldə edib.

Azərbaycan komandası ilk görüşdə Xorvatiya yığmasını 4:2 hesabı ilə, ikinci görüşdə Ukrayna yığmasını 4:3 hesabı ilə, yarımfinalda isə Gürcüstan yığmasını 4:3 hesabı ilə məğlub edib. Cüdoçularımızın final görüşündə rəqibi Türkiyə komandası olub. Görüşün nəticəsində idmançılarımız komanda yarışlarının gümüş medallarını qazanıblar.

Qeyd edək ki, millimiz fərdi yarışlarda 3 qızıl, 2 gümüş və 4 bürünc medal olmaqla 9 medal qazanıb və medal əyarına görə ümumi hesabda və qızlar arasında 1-ci yeri, oğlanlar arasında isə 4-cü yeri tutub. 

İdmançılarımızı təbrik edirik!

29 iyulda Goranboy Olimpiya İdman Kompleksində 15 yaşa qədər kiçik yaşlı yeniyetmə cüdoçular arasında Qərb bölgəsi üzrə region birinciliyi keçirilib.

Yarışda Qərb regionunu təmsil edən 12 komandadan 240 cüdoçu 20 çəki dərəcəsində medallar uğrunda mübarizə aparıb.

Medalçıların siyahısını təqdim edirik:

Qızlar

-28 kq. 

1. Gülay Həsənova 

2. Özləm Əliyeva 

-32 kq. 

1. Gözəl Musayeva 

2. Mələk Bədəlli 

-36 kq. 

1. Rahilə Abdiyeva 

2. Leyla Lətifi 

-40 kq. 

1. Səbinə Əliyeva 

2. Aysu Qarayeva 

3. Aysel Abdullayeva 

-44 kq. 

1. Zeynab Həsənova 

2. Selcan Məmmədli 

-52 kq. 

1. Fatimə Zeynalova 

2. Nəzrin Məmmədova 

3. Ceyhunə Əliyeva 

-57 kq. 

1. Ayla Həsənova 

2. Səbinə Nəsibli 

-63 kq. 

1. Əsnat Mehdiyeva 

2. Nuray Abbasova 

3. Sima Həşimova 

+63 kq. 

1. Dəniz Həbibili 

2. Kübrə Musayeva 

3. Duyğu Əliyeva

Oğlanlar

-34 kq. 

1. Aqşin Cabbarlı 

2. Nihad Kazımov 

3. Eldar Xəlilov 

3. Məğrur Allahverdiyev 

-38 kq. 

1. Saləddin Hüseynli 

2. Faiq Həsənli 

3. Cəfəsadiq Cavadzadə 

3. Hüseyn Baratlı 

-42 kq. 

1. Ağaxan Həmidli 

2. Yusif Allahverdiyev 

3. Ayxan Abbaszadə 

3. Eltac Dəmirli 

-46 kq. 

1. Dilqəm Əsgərov 

2. Uğur Abdullayev 

3. Şahmurad Həsənov 

3. Suliddin Fətəliyev 

-50 kq. 

1. Hüseyn Hüseynov 

2. Osman Hüseynov 

3. Ramin Səfərov 

3. Uğur Şirinov 

-55 kq. 

1. Məhəmməd Hüseynli 

2. Ramal Mehdizadə 

3. Yusif Əliyev 

3. Əli Əlişov 

-60 kq. 

1. Mehrac Əlizadə 

2. Turqay Əliyev 

3. Kənan Əsgərli 

3. Murad Musazadə 

-66 kq. 

1. Tariyel Bağırov 

2. Əli Abdullayev 

3. Kamran Həsənzadə 

3. Vaqif Abbasov 

-73 kq. 

1. Xaliq Əhmədli 

2. Sənan Əzizov 

+73 kq. 

1. Ruslan Kazımov 

2. Əli Abbasov 

3. Ruslan Nağıyev 

3. İmaməli Abbaszadə

İdmançılarımıza uğurlar arzulayırıq!

28 iyulda Sloveniyanın Maribor şəhərində keçirilən XVII Avropa Gənclər Olimpiya Festivalının cüdo üzrə fərdi yarışlarının sonuncu günü keçirilib.

Yarışın dördüncü günündə oğlanlar arasında 2 çəki dərəcəsində 2 cüdoçumuz tatamiyə çıxıb. Oğlanlar arasında -90 kq. çəkidə Aslan Kotsoyev bütün rəqiblərini məğlub edərək qızıl medal qazanıb, +90 kq. çəkidə Ramazan Əhmədov isə yarışı gümüş medalla başa vurub.

İdmançılarımızı təbrik edirik!

Sloveniyanın Maribor şəhərində 25-28 iyul tarixlərində XVII Avropa Gənclər Olimpiya Festivalının cüdo üzrə fərdi yarışları keçirilib. Azərbaycan turnirdə 12 çəki dərəsində 8 oğlan və 4 qız cüdoçu ilə təmsil olunub. Cüdoçularımız fərdi yarışlarda ümumilikdə 3 qızıl, 2 gümüş və 4 bürünc medal əldə edib.

Turnirin ilk günündə oğlanlar arasında -50 kq. çəkidə Nihad Məmişov və -55 kq. çəkidə Ayxan Mirzəzadə yarışın bürünc medallarını əldə ediblər. Qızlar arasında isə -44 kq. çəkidə Məryəm Bayramzadə yarışı 7-ci yerdə tamamlayıb.

Yarışın ikinci günündə qızlar arasında -48 kq. çəkidə Vüsalə Hacıyeva və -52 kq. çəkidə Xədicə Qədəşova bütün rəqiblərinə qalib gələrək yarışın qızıl medallarına sahib olublar. Oğlanlar arasında isə -60 kq. çəkidə Məhəmməd Musayev və -66 kq. çəkidə Cəsur İbadlı yarışda bürünc medal qazanıblar.

Yarışın üçüncü günündə oğlanlar arasında-73 kq. çəki dərəcəsində Süleyman Şükürov Festivalın gümüş medalını qazanıb.

Fərdi yarışların sonuncu günündə oğlanlar arasında -90 kq. çəkidə Aslan Kotsoyev bütün rəqiblərini məğlub edərək fəxri kürsünün ən yüksək pilləsinə qalxıb. +90 kq. çəkidə Ramazan Əhmədov isə yarışın gümüş medalını qazanıb.

Qeyd edək ki, millimiz fərdi yarışlarda 3 qızıl, 2 gümüş və 4 bürünc medal olmaqla 9 medal qazanıb və medal əyarına görə ümumi hesabda və qızlar arasında 1-ci yeri, oğlanlar arasında isə 4-cü yeri tutub.

İdmançılarımızı təbrik edirik!

28 iyulda Azərbaycan Cüdo Federasiyasının Kəmər imtahan komitəsinin təşkilatçılığı ilə Goranboy Olimpiya İdman Kompleksində seminar keçirilib. Seminarda Kəmər imtahan komitəsinin üzvləri, Qərb regionun müxtəlif klub, cəmiyyət və idman təşkilatından olan məşqçiləri və cüdoçuları iştirak ediblər.

Seminarda ötən il Beynəlxalq Cüdo Federasiyasının (BCF) akademiyasında yüksək nəticə əldə edən peşəkar cüdo məşqçiləri tərəfindən imtahanlarda tələb olunacaq fəndlər əyani şəkildə nümayiş etdirilib.

Seminar zamanı fəndlərin düzgün icra edilməsi, imtahanların proqramları, qiymətləndirmə meyarları barəsində müzakirələr aparılıb. Bu ilin oktyabr ayında keçirilməsi planlaşdırılan kəmər imtahanları haqqında ətraflı məlumat verilib. Seminarın sonunda iştirakçıları maraqlandıran suallar cavablandırılıb.

Kəmər imtahanlarının əsas məqsədi cüdo idman növünün fundamental, keyfiyyətli inkişafı, beynəlxalq standartlara uyğunlaşdırılması, həmçinin, bu idman növü ilə məşğul olan uşaq və yeniyetmələrin kəmər dərəcələri vasitəsi ilə həvəsləndirmə prosesinin effektiv təşkilini həyata keçirtməkdir. 

Qeyd edək ki, kəmər imtahanları regionları da əhatə etmək şərtilə oktyabr ayından etibarən ildə ən azı 2 dəfə olmaqla təşkil edilməsi planlaşdırılır.

27 iyulda Sloveniyanın Maribor şəhərində keçirilən XVII Avropa Gənclər Olimpiya Festivalının cüdo yarışlarının üçüncü günündə qızlar və oğlanlar arasında 3 çəki dərəcəsində 3 cüdoçumuz tatamiyə çıxıb.

Oğlanlar arasında -73 kq. çəki dərəcəsində Süleyman Şükürov gümüş medal əldə edib.

İdmançımızı təbrik edirik!

27 iyulda “Kür” Olimpiya Tədris-İdman Mərkəzində 18 yaşa qədər yeniyetmə cüdoçular arasında Aran-Mil-Muğan bölgəsi üzrə region birinciliyi keçirilib.

Yarışda Aran-Mil-Muğan regionunu təmsil edən 10 komandadan 168 cüdoçu 18 çəki dərəcəsində medallar uğrunda mübarizə aparıb.

Medalçıları təqdim edirik:

Qızlar

-36 kq. 

1. Leyla Cəfərli 

2. Gövhər Hüseynova 

-40 kq. 

1. Nurcahan Səlimova 

2. Güllü Əlili 

3. Fatimə Rzazadə 

-44 kq. 

1. Leyla Əliyeva 

2. Xədicə Əliyeva 

3. Fidan Ağayeva 

-48 kq. 

1. Nərgiz Şıxməmmədova 

2. Elif Əsədzadə 

-57 kq. 

1. Fidan Əsədzadə 

2. Bibixanım Oruclu 

3. Ləman Mərdanova 

3. Nuray Ağazadə 

-63 kq. 

1. Fatimə Əmrəliyev 

2. Aynur Həsənova 

3. Lamiyə Şirinova 

-70 kq. 

1. Şəlalə Səlimzadə 

2. Mələk Sadıqova

Oğlanlar

-46 kq. 

1. Nihad Mövlazdə 

2. Sadiq Qurbanov 

3. Nuru İsmayılov 

3. Elgiz Şıxməmmədov 

-50 kq. 

1. Elgün Səfərov 

2. Eşqin İmanov 

3. Həsən Novruzlu 

3. Asif Quliyev 

-55 kq. 

1. Anar Abdullayev 

2. Peyman Paşayev 

3. Ağahüseyn Məmmədli 

3. Həsən Sadiqov 

-60 kq. 

1. Misirxan Məmmədli 

2. Saleh Əhmədli 

3. Xaliq Əliyev 

3. Fəxrəddin Məmmədov 

-66 kq. 

1. Allahverdi Zeynalzadə 

2. Abubəkir Mollakişiyev 

3. Əli Həsənov 

3. Zibeyil Əlizadə 

-73 kq. 

1. Osman Məmmədli 

2. Arif Mirabov 

3. Bayram Abışov 

3. Murad Osmanov 

-81 kq. 

1. Cavid Vəlizadə 

2. Xalid İlyasov 

3. Adəm Hümbətov 

-90 kq. 

1. Elşan Fərzəliyev 

2. Amil Fərzəliyev 

+90 kq. 

1. Tuncay Məmmədli 

2. Eşqin Adıgözəlov 

3. Cavid İbrahimov

İdmançıları təbrik edirik!

Çinin Sıçuan əyalətinin paytaxtı Çenqduda XXXI Dünya Universitet Oyunları keçiriləcək. 29 iyul - 1 avqustda baş tutacaq cüdo yarışlarında 42 ölkədən 269 idmançı medallar uğrunda mübarizə aparacaq. Azərbaycan cüdo üzrə milli yığma komandası yarışda 11 çəki dərəsində 4 qadın və 7 kişi cüdoçu ilə təmsil olunacaq.

Cüdoçulara böyüklərdən ibarət yığmanın böyük məşqçi Mehman Əzizov və qadınlardan ibarət yığmanın baş məşqçisi Rəşad Məmmədov rəhbərlik edəcək.

Yarışda ACF-in “A” kateqoriyalı beynəlxalq dərəcəli hakimi Nazim Umbayev ədalət təmsilçiləri arasında yer alacaq.

Qadınlar 

-48 kq.

Leyla Əliyeva 

-52 kq. 

Gültac Məmmədəliyeva 

-70 kq. 

Günel Həsənli 

-78 kq. 

Nərmin Əmirli

Kişilər

-60 kq. 

Kənan İsmayılov 

-66 kq.

Yaşar Nəcəfov 

-73 kq. 

Rəşid Məmmədəliyev 

-81 kq. 

Məhərrəm İmamverdiyev 

-90 kq. 

Elcan Hacıyev 

-100 kq. 

Ruslan Nəsirli 

+100 kq. 

Toğrul Salmanov 

Cüdoçularımıza uğurlar arzulayırıq!

Almaniyanın paytaxtı Berlin şəhərində 29-30 iyulda gənclər arasında Avropa Kuboku keçiriləcək. Turnirdə 29 ölkədən 310 idmançı iştirak edəcək. Azərbaycan yarışda qızlar və oğlanlar arasında 7 çəki dərəsində 16 cüdoçu ilə təmsil olunacaq.

Cüdoçular gənclərdən ibarət yığmanın baş məşqçisi Elxan Məmmədov, gənclərdən ibarət yığmanın məşqçisi Elxan Rəcəbli və gənc qızlardan ibarət yığmanın məşqçisi Vüqar Hüseynovun rəhbərliyi altında çıxış edəcək.

İdmançılarımız 31 iyul-2 avqust tarixlərində Berlində Avropa Cüdo Birliyinin təşkilatçılığı keçiriləcək beynəlxalq təlim-məşq toplanışına qatılacaqlar.

Qızlar

-52 kq. 

Zeynəb Məmmədova 

Aydan Vəliyeva 

-57 kq. 

Fidan Əlizadə 

+78 kq. 

Nigar Süleymanova

Oğlanlar

-66 kq. 

Nizami İmranov 

Nicat Nağıyev 

Samir Piriyev 

İslam Rəhimov 

-73 kq. 

Süleyman Əliyev 

Vüsal Qələndərzadə 

Qədir Hüseynov 

Aydın Rzazadə 

-90 kq. 

Əjdər Bağırov 

Vüqar Talıbov 

İsmayıl Zamanov 

+100 kq.

Kənan Nəsibov 

İdmançılarımıza uğurlar arzulayırıq!

26 iyulda Sloveniyanın Maribor şəhərində keçirilən XVII Avropa Gənclər Olimpiya Festivalının cüdo yarışlarında idmançılarımız 2 qızıl və 2 bürünc medal əldə edib.

Yarışın ikinci günündə qızlar və oğlanlar arasında 4 çəki dərəcəsində 4 cüdoçumuz medallar uğrunda mübarizəyə qoşulub.

Qızlar arasında -48 kq. çəkidə Vüsalə Hacıyeva və -52 kq. çəkidə Xədicə Qədəşova bütün rəqiblərinə qalib gələrək yarışın qızıl medallarına sahib olublar. Oğlanlar arasında isə -60 kq. çəkidə Məhəmməd Musayev və -66 kq. çəkidə Cəsur İbadlı yarışda bürünc medal qazanıblar.

İdmançılarımızı təbrik edirik!

26 iyulda “Kür” Olimpiya Tədris-İdman Mərkəzində 15 yaşa qədər kiçik yaşlı yeniyetmə cüdoçular arasında Aran-Mil-Muğan bölgəsi üzrə region birinciliyi keçirilib.

Tədbirin açılışında şəhidlərin xatirəsi bir dəqiqəlik sükutla yad edilib, daha sonra Azərbaycan Respublikasının dövlət himni səsləndirilib. 

Yarışın açılışında Mərkəzi Aran Regional Gənclər və İdman İdarəsinin rəisi Azad Gözəlov, Mingəçevir şəhər icra hakimiyyətinin nümayəndələri və digər rəsmi nümayəndələr iştirak ediblər.

Yarışda Aran-Mil-Muğan regionunu təmsil edən 9 komandadan 131 cüdoçu 20 çəki dərəcəsində medallar uğrunda mübarizə aparıb.

Medalçıların siyahısını təqdim edirik: 

Qızlar

-34 kq. 

1. Fatimə Sadıqlı 

-40 kq. 

1. Nuray Babayeva 

2. Sona Abuşova 

3. Zəhra Məmmədli 

-44 kq. 

1. Türkan Məmmədli 

2. Aytən Səmədli 

3. Bacıxanım Hüseynli 

-48 kq. 

1. Zəhra Mədətzadə 

2. Mehrac Qulizadə 

3. Sona Xanlarova 

-52 kq. 

1. Nəzakət Vəliyeva 

2. Aysu Mədətli 

3. Yağmur Əlizadə

Oğlanlar

-34 kq. 

1. Uğur Qarazadə 

2. Fəxrəddin Rzazadə 

3. Nihad Məmmədli 

3. Səfər Həsənov 

-38 kq. 

1. Amin Əlizadə 

2. Azər Hüseynli 

3. Fəxri Məmmədli 

3. Okan Kərimov 

-42 kq. 

1. Rüfət Həsənli 

2. Kənan Həsənli 

3. Əli Hüseynli 

3. Azər Ağakişiyev 

-46 kq. 

1. Cavad Salahzadə 

2. Nihad Əsədzadə 

3. Ümid Rəşidov 

3. Amil İlyasov 

-50 kq. 

1. Röyal Məhərrəmov 

2. Kamil Əhmədov 

3. Rəşid Rüstəmli 

3. Həsən Məmmədov 

-55 kq. 

1. İslam Feyzullayev 

2. Sənan Allahverdiyev 

3. Tuncay Əliyev 

3. Tunar Nəsibli 

-60 kq. 

1. Qədir Umudəliyev 

2. Azər Vəliyev 

3. Fuad Kərimli 

3. Yusif Yahyayev 

-66 kq. 

1. Toğrul Şəmilzadə 

2. Rövşən Əhədli 

3. Sənan Nəsibli 

-73 kq. 

1. Valeh Sadıqzadə 

2. Emil Hüseynli

İdmançıları təbrik edirik!

25 iyulda Azərbaycan Cüdo Federasiyasının Kəmər imtahan komitəsinin təşkilatçılığı ilə “Kür” Olimpiya Tədris-İdman Mərkəzində seminar keçirilib. Seminarda Kəmər imtahan komitəsinin üzvləri, Aran-Mil-Muğan regionun müxtəlif klub, cəmiyyət və idman təşkilatından olan məşqçiləri və cüdoçuları iştirak ediblər.

Seminarda ötən il Beynəlxalq Cüdo Federasiyasının (BCF) akademiyasında yüksək nəticə əldə edən peşəkar cüdo məşqçiləri tərəfindən imtahanlarda tələb olunacaq fəndlər əyani şəkildə nümayiş etdirilib.

Seminar zamanı fəndlərin düzgün icra edilməsi, imtahanların proqramları, qiymətləndirmə meyarları barəsində müzakirələr aparılıb. Bu ilin oktyabr ayında keçirilməsi planlaşdırılan kəmər imtahanları haqqında ətraflı məlumat verilib. Seminarın sonunda iştirakçıları maraqlandıran suallar cavablandırılıb.

Kəmər imtahanlarının əsas məqsədi cüdo idman növünün fundamental, keyfiyyətli inkişafı, beynəlxalq standartlara uyğunlaşdırılması, həmçinin, bu idman növü ilə məşğul olan uşaq və yeniyetmələrin kəmər dərəcələri vasitəsi ilə həvəsləndirmə prosesinin effektiv təşkilini həyata keçirtməkdir. 

Qeyd edək ki, kəmər imtahanları regionları da əhatə etmək şərtilə oktyabr ayından etibarən ildə ən azı 2 dəfə olmaqla təşkil edilməsi planlaşdırılır.

25 iyulda Sloveniyanın Maribor şəhərində keçirilən XVII Avropa Gənclər Olimpiya Festivalının cüdo yarışları start götürüb. Yarışın ilk günündə qızlar və oğlanlar arasında 3 çəki dərəcəsində 3 cüdoçumuz medallar uğrunda mübarizə aparıb.

Oğlanlar arasında -50 kq. çəkidə Nihad Məmişov və -55 kq. çəkidə Ayxan Mirzəzadə yarışın bürünc medallarını əldə ediblər.

Qızlar arasında isə -44 kq. çəkidə Məryəm Bayramzadə yarışı 7-ci yerdə tamamlayıb.

İdmançılarımızı təbrik edirik!

23 iyulda Qusar Olimpiya İdman Kompleksində 18 yaşa qədər yeniyetmə cüdoçular arasında Şimal bölgəsi üzrə region birinciliyi keçirilib.

Yarışda Şimal regionunu təmsil edən 11 komandadan 144 cüdoçu medallar uğrunda mübarizə aparıb. Oğlanlar arasında 8, qızlar arasında isə 4 çəki dərəcəsində qaliblər müəyyənləşib.

Medalçıları təqdim edirik:

Oğlanlar

-46 kq. 

1. Ağahüseyn Atakişiyev 

2. Abbas İlyasov 

3. Kamil Xudaverdiyev 

3. Ayxan Quliyev 

-50 kq. 

1. İbrahim Aslanlı 

2. İbrahim Talıbov 

3. Dəniz Sultanov 

3. Nəcəf Nəsrullayev 

-55 kq. 

1. Nihad Ağayev 

2. Zəfər Əmrullayev 

3. Nətin Əmrullayev 

3. Telman Əliyev 

-60 kq. 

1. Cəfər Yaqubov 

2. Yusif Rəhmanov 

3. Fərid Mərdanov 

3. Sənan Həmidov 

-66 kq. 

1. Mikayıl Əmirov 

2. Emil Eyvazov 

3. Şaval Məlikov 

3. Hüseyn Babayev 

-73 kq. 

1. Şamil Əliyev 

2. Ömər Əfəndiyev 

3. Mayıl Bağırov 

3. Məhəmməd Ağayev 

-81 kq. 

1. Firuddin Şükürov 

2. Zamiq Naibov 

-90 kq. 

1. Əmrah İsmayılov 

2. Vüsal Nəzürov 

Qızlar

-44 kq. 

1. Zeynəb Əhmədova 

2. İlknur Qədirova 

-52 kq. 

1. Zərrin Əhmədova 

2. Sevil Məmmədli 

3. Aybəniz Dünyamalızadə 

3. Valentina Romanyuta

-63 kq. 

1. Elnaz Pirmətova 

2. Arzu Tahirli

İdmançıları təbrik edirik!

Avropa Cüdo Birliyinin təşkilatçılığı ilə 25-29 iyulda Sloveniyanın Maribor şəhərində XVII Avropa Gənclər Olimpiya Festivalının cüdo yarışları (EYOF 2023) keçiriləcək.

Yarışlarda 43 ölkədən 308 idmançı iştirak edəcək. Azərbaycan turnirdə 12 çəki dərəsində 8 oğlan və 4 qız cüdoçu ilə təmsil olunacaq. Yarışlarda cüdoçulara yeniyetmələrdən ibarət komandanın baş məşqçisi Rüstəm Alimli və yeniyetmə qızlardan ibarət yığmanın baş məşqçisi Elnur İsmayılov rəhbərlik edəcək.

Avropa Gənclər Olimpiya Festivalının açılış mərasimi 23 iyulda, bağlanış mərasimi isə iyulun 29-da baş tutacaq.

Festivalın cüdo üzrə fərdi yarışları 25-28 iyul tarixlərində, komanda yarışları isə 29 iyulda Mariborda yerləşən “Lukna Sports Hall”-da keçiriləcək.

Qeyd edək ki, Azərbaycanın cüdo üzrə milli yığmalarının baş həkimi Ramil Vəliyev yarışda komissar həkim, Avropa Cüdo Birliyinin İnformasiya Texnologiyaları üzrə təşkilat komitəsinin üzvü kimi isə Əli Dəvrişov fəaliyyət göstərəcək.

Avropa Gənclər Olimpiya Festivalına qatılacaq heyəti təqdim edirik:

Qızlar

-44 kq. 

Məryəm Bayramzadə

-48 kq. 

Vüsalə Hacıyeva 

-52 kq. 

Xədicə Qədəşova 

-63 kq. 

Kamilla Toholiyeva

Oğlanlar

-50 kq. 

Nihad Məmişov

-55 kq. 

Ayxan Mirzəzadə

-60 kq. 

Məhəmməd Musayev 

-66 kq. 

Cəsur İbadlı

-73 kq. 

Süleyman Şükürov 

-81 kq. 

Hüseyn Eyvazlı

-90 kq. 

Aslan Kotsoyev 

+90 kq. 

Ramazan Əhmədov 

İdmançılarımıza uğurlar arzu edirik!

22 iyulda Qusar Olimpiya İdman Kompleksində 15 yaşa qədər kiçik yaşlı yeniyetmə cüdoçular arasında Şimal bölgəsi üzrə region birinciliyi keçirilib.

Yarışda Şimal regionunu təmsil edən 11 komandadan 163 cüdoçu medallar uğrunda mübarizə aparıb. Oğlanlar arasında 9, qızlar arasında isə 4 çəki dərəcəsində qaliblər müəyyənləşib.

Medalçıları təqdim edirik:

Qızlar

-36 kq. 

1. Zəhra Əli 

-40 kq. 

1. Leyla Yaraxmedov 

2. Fidan Salahlı 

3. Nəzrin Məmmədova 

-44 kq. 

1. Nuranə Həsənli 

2. Nərmin Salahova 

3. Nəzrin Xəlilova

-57 kq.

1. Yasmin Novruzova

Oğlanlar

-34 kq. 

1. Əlican Ağayev 

2. Babək İlyasov 

3. Roman Mustafayev 

3. Emil Nəzərəliyev 

-38 kq. 

1. Yusif Mirzəyev 

2. Şahlar Cümşüdov 

3. Şahin Ağamalıyev 

3. Mirmehdi İsmayılov 

-42 kq. 

1. İbrahim Muradov 

2. Yunis Məhərrəmzadə 

3. Ayxan Hüseynov 

3. Polad Fərmanov 

-46 kq. 

1. Harun Sultanov 

2. Vüqar Tağızadə 

3. Ömər Səmədov 

3. Səid Hafizov 

-50 kq. 

1. Asif Qəmbərov 

2. Turan Ağamoğlanov 

3. Yusif Canıyev 

3. Turan Zeynallı 

-55 kq. 

1. Şahbaba Cəbrayılov 

2. İsgəndər Ömərli 

3. Murad İsayev 

3. Məhəmməd Ələsgərli 

-60 kq. 

1. Əli Əliyev 

2. Akşin Əzizov 

3. Uğur Nağıyev 

-66 kq. 

1. Məhəmməd Balazadə 

2. Elcan Babayev 

3. Ayxan Əzizov 

-73 kq. 

1. Nazim Ağayev

İdmançıları təbrik edirik!

21 iyulda Azərbaycan Cüdo Federasiyasının Kəmər imtahan komitəsinin təşkilatçılığı ilə Qusar Olimpiya İdman Kompleksində seminar keçirilib. Seminarda Kəmər imtahan komitəsinin üzvləri, Şimal regionun müxtəlif klub, cəmiyyət və idman təşkilatından olan məşqçiləri və cüdoçuları iştirak ediblər.

Seminarda ötən il Beynəlxalq Cüdo Federasiyasının (BCF) akademiyasında yüksək nəticə əldə edən peşəkar cüdo məşqçiləri tərəfindən imtahanlarda tələb olunacaq fəndlər əyani şəkildə nümayiş etdirilib.

Seminar zamanı fəndlərin düzgün icra edilməsi, imtahanların proqramları, qiymətləndirmə meyarları barəsində müzakirələr aparılıb. Bu ilin oktyabr ayında keçirilməsi planlaşdırılan kəmər imtahanları haqqında ətraflı məlumat verilib. Seminarın sonunda iştirakçıları maraqlandıran suallar cavablandırılıb.

Kəmər imtahanlarının əsas məqsədi cüdo idman növünün fundamental, keyfiyyətli inkişafı, beynəlxalq standartlara uyğunlaşdırılması, həmçinin, bu idman növü ilə məşğul olan uşaq və yeniyetmələrin kəmər dərəcələri vasitəsi ilə həvəsləndirmə prosesinin effektiv təşkilini həyata keçirtməkdir.

Qeyd edək ki, kəmər imtahanları regionları da əhatə etmək şərtilə oktyabr ayından etibarən ildə ən azı 2 dəfə olmaqla təşkil edilməsi planlaşdırılır.

Azərbaycanın yeniyetmə oğlanlardan və qızlardan ibarət milli yığma komandalarının 25-29 iyulda Sloveniyanın Maribor şəhərində keçiriləcək XVII Avropa Gənclər Olimpiya Festivalına (EYOF 2023) hazırlıqları başa çatıb. Azərbaycan yarışda 12 çəki dərəsində 8 oğlan və 4 qız cüdoçu ilə təmsil olunacaq.

Azərbaycan Cüdo Federasiyasının baş katibi Rəşad Rəsullu milli yığmaların təlim-məşq toplanışlarını ziyarət edərək onların hazırlıqları ilə maraqlanıblar, yeniyetmə cüdoçularımıza yarışda müvəffəqiyyətlər arzu edib. 

Xatırladaq ki, yarışa hazırlaşmaq məqsədi ilə yeniyetmə oğlanlardan ibarət milli yığmanın üzvləri Bakıda, yeniyetmə qızlardan ibarət milli yığmanın üzvləri isə Türkiyənin Trabzon şəhərində təlim-məşq toplanışlarına qatılıblar.

Yarışlarda cüdoçulara yeniyetmələrdən ibarət komandanın baş məşqçisi Rüstəm Alimli və yeniyetmə qızlardan ibarət yığmanın baş məşqçisi Elnur İsmayılov rəhbərlik edəcək.

Avropa Gənclər Olimpiya Festivalına qatılacaq heyəti təqdim edirik:

Qızlar

-44 kq. 

Məryəm Bayramzadə

-48 kq. 

Vüsalə Hacıyeva 

-52 kq. 

Xədicə Qədəşova 

-63 kq. 

Kamilla Toholiyeva

Oğlanlar

-50 kq. 

Nihad Məmişov

-55 kq. 

Ayxan Mirzəzadə

-60 kq. 

Məhəmməd Musayev 

-66 kq. 

Cəsur İbadlı

-73 kq. 

Süleyman Şükürov 

-81 kq. 

Hüseyn Eyvazlı

-90 kq. 

Aslan Kotsoyev 

+90 kq. 

Ramazan Əhmədov 

İdmançılarımıza uğurlar arzu edirik!

İyul və avqust aylarında Azərbaycan Cüdo Federasiyasının (ACF) təşkilatçılığı ilə cüdo üzrə U-15 və U-18 region birincilikləri keçiriləcək. Region birincilikləri müvafiq yaş qrupları üzrə Azərbaycan birinciliklərinə seçim xarakteri daşıyır. 

Yarışlardan bir gün öncə regionlarda fəaliyyət göstərən məşqçilər və idmançılar üçün Kəmər imtahan komitəsi və ACF-in hakimlər heyəti tərəfindən seminarlar təşkil olunacaq.

Qeyd edək ki, ACF ölkədə cüdo idman növünün inkişafı və kütləvləşdirilməsi üçün gördüyü işlərdən biri regionlarda keçirilən turnirlərin sayının artırılmasıdır. 

Beynəlxalq tələblərə uyğun təşkil olunan yarışların təqvim planı aşağıdakı kimidir:

Şimal bölgəsi, 22-23 iyul (Qusar Olimpiya İdman Kompleksi)

Aran-Mil-Muğan bölgəsi, 26-27 iyul ("Kür" Olimpiya Tədris-İdman Mərkəzi)

Qərb bölgəsi, 29-30 iyul (Goranboy Olimpiya İdman Kompleksi)

Qarabağ-Şərqi Zəngəzur bölgəsi, 2-3 avqust (Ağdam Olimpiya İdman Kompleksi)

Şimal-Qərb bölgəsi, 6-7 avqust (İsmayıllı Olimpiya İdman Kompleksi)

Naxçıvan Muxtar Respublikası, 10-11 avqust (Naxçıvan Olimpiya İdman Kompleksi)

Cənub bölgəsi, 15-16 avqust (Masallı Olimpiya İdman Kompleksi)

U-18 Bakı şəhər birinciliyi, 7-9 noyabr (FHN İdman Sağlamlıq Kompleksi)

U-18 Sumqayıt şəhər birinciliyi, 21-22 dekabr (Sumqayıt Olimpiya İdman Kompleksi)

19 iyulda Azərbaycan Cüdo Federasiyasının təşkilatçılığı ilə kişilər arasında ACF turunun ikinci turniri keçirilib. 

Hövsan qəsəbəsi, Fövqəladə Hallar Nazirliyinin (FHN) İdman Sağlamlıq Mərkəzində baş tutan yarışda 21 klub, cəmiyyət və idman təşkilatından olan 61 cüdoçu tatamiyə çıxıb. Turnirdə idmançılar -60 kq., -66 kq., - 73 kq., -81 kq., -90 kq., -100 kq. və +100 kq. çəki dərəcələrində medallar uğrunda mübarizə aparıb.

Qeyd edək ki, bu il üç belə turnirin keçirilməsi planlaşdırılır və bu yarışlar nəticəsində formalaşacaq reytinq siyahısında ilk yeri tutan idmançı 22-24 sentyabrda keçiriləcək Bakı Böyük Dəbilqə turnirinə vəsiqə qazanacaq.

Medalçıların siyahısını təqdim edirik:

-60 kq. 

1. Rəşad Məmmədov 

2. Hüseyn Allahyarov 

3. Murad Muradlı 

3. Aşur Əliyev 

-66 kq. 

1. Rəşad Yelkiyev 

2. Tofiq Əliyev 

3. Samir Əzimli 

3. Qasım Vəlizadə 

-73 kq. 

1. Telman Vəliyev 

2. Rüfət Şövlətov 

3. Hüseyn Məmmədzadə 

3. Nihad İsmayılov

-81 kq. 

1. Kərim Allahverdiyev 

2. Zaməddin Poladov 

3. Elcan Şəfiyev 

3. Məmmədrza Hacızadə 

-90 kq. 

1. Əli Hacızadə 

2. Musa Hüseynli 

3. Rəşadət Paşazadə 

3. Tuncay Şamil 

-100 kq. 

1. Rəsul Aydəmirov 

+100 kq. 

1. İmran Yusifov 

2. Qurban Məmmədli 

3. Toğrul Salmanov

İdmançıları təbrik edirik!

Azərbaycan cüdoçuları iyulun 17-dən 21-dək Niderlandın Papendal şəhərində keçirilən cüdo üzrə Olimpiya təlim düşərgəsində iştirak edir. Avropa Cüdo Birliyinin təşkilatçılığı ilə baş tutan hazırlıq prosesində Azərbaycan, İsrail, Belçika, Almaniya, Portuqaliya, Türkiyə, Qazaxıstan, Xorvatiya, Avstriya, Macarıstan və bir çox digər ölkələrdən 400-ə yaxın idmançı qatılıb.

Təlim-məşq toplanışında Azərbaycanın cüdo üzrə böyüklərdən ibarət milli yığma komandasının 17, qadınlardan ibarət milli yığma komandasının isə 11 üzvü iştirak edir.

Cüdoçulara Azərbaycan Cüdo Federasiyasının vitse-prezidenti Elnur Məmmədli başda olmaqla böyüklərdən ibarət yığmanın baş məşqçisi Riçard Trautman, böyüklərdən ibarət yığmanın böyük məşqçiləri Elçin İsmayılov və Slavko Tekiç, qadınlardan ibarət yığmanın baş məşqçisi Rəşad Məmmədov və qadınlardan ibarət yığmanın məşqçisi Kifayət Qasımova rəhbərlik edir.

Hazırlıq prosesi 4-6 avqustda Macarıstanın paytaxtı Budapeşt şəhərində keçiriləcək Masters turnirində hazırlıq məqsədi daşıyır.

18 iyulda Azərbaycan Cüdo Federasiyasının Kəmər imtahan komitəsinin təşkilatçılığı ilə seminar keçirilib. Seminarda Kəmər imtahan komitəsinin üzvləri, ötən il Beynəlxalq Cüdo Federasiyasının (BCF) akademiyasında ən yüksək nəticə əldə edən peşəkar cüdo məşqçiləri və müxtəlif klub, cəmiyyət və idman təşkilatından olan məşqçilər iştirak ediblər.

Seminarda yeni təsdiq olunmuş kəmər imtahan qaydaları barəsində müzakirələr aparılıb. Bu ilin oktyabr ayında keçirilməsi planlaşdırılan kəmər imtahanları haqqında ətraflı məlumat verilib. 

Kəmər imtahanlarının əsas məqsədi cüdo idman növünün fundamental, keyfiyyətli inkişafı, beynəlxalq standartlara uyğunlaşdırılması, həmçinin, bu idman növü ilə məşğul olan uşaq və yeniyetmələrin kəmər dərəcələri vasitəsi ilə həvəsləndirmə prosesinin effektiv təşkilini həyata keçirtməkdir. 

Qeyd edək ki, kəmər imtahanları regionları da əhatə etmək şərtilə ildə ən azı 2 dəfə olmaqla təşkil edilməsi planlaşdırılır.

18 iyulda Azərbaycan Cüdo Federasiyasının hakimlər heyəti üçün seminar keçirilib.

Seminarda yarışlar zamanı mübahisələrə səbəb olan epizodlar təhlil olunub. Hansı hallarda cüdoçulara cərimə və ya xəbərdarlıqların verilməli olduğu haqqında geniş müzakirələr aparılıb və bir sıra fəndlər əyani şəkildə nümayiş etdirilib.

Seminarın təşkil olunması hakimlərin bilik və bacarıqlarının təkmilləşdirilməsinə və qarşıdan gələn yerli yarışlara hazırlıq məqsədi daşıyır.   

Azərbaycan Cüdo Federasiyasının təşkilatçılığı ilə gələcəkdə də hakimlərin peşəkarlıq səviyyəsinin artırılması ilə əlaqədar bu cür seminarların keçirilməsi nəzərdə tutulub.

19 iyulda Azərbaycan Cüdo Federasiyasının təşkilatçılığı ilə kişilər arasında ACF turunun ikinci turniri keçiriləcək. Yarışda 50 klub, cəmiyyət və idman təşkilatından olan 200-dən çox cüdoçu medallar uğrunda mübarizə aparacaq. 

Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində keçiriləcək yarışda 7 çəki dərəcəsində qaliblər bəlli olacaq.

Qeyd edək ki, bu il üç belə turnirin keçirilməsi planlaşdırılır və bu yarışlar nəticəsində formalaşacaq reytinq siyahısında ilk yeri tutan idmançı 22-24 sentyabrda keçiriləcək Bakı Böyük Dəbilqə turnirinə vəsiqə qazanacaq.

Yarışın məqsədi kişi cüdoçular arasında rəqabət səviyyəsinin, onların ustalığının yüksəldilməsi və yarış təcrübələrinin artırılmasına nail olmaqdır. Eyni zamanda, istedadlı idmançıların aşkarlanması və milli yığma komandaya cəlb olunmasıdır. 

Yarışları izləmək üçün arenaya giriş sərbəstdir.

Azərbaycanın cüdo üzrə milli yığmaları üçün 12-13 iyul tarixlərində düzgün qidalanma qaydaları mövzusunda maarifləndirici seminar keçirilib. Seminarlarda Azərbaycanın cüdo üzrə böyüklərdən, gənclərdən, yeniyetmələrdən və qadınlardan ibarət milli yığma komandalarının idmançıları ilə yanaşı, milli yığma komandaların məşqçiləri və tibbi heyəti də iştirak ediblər.

Seminarlar İsrailin Vinqeyt Bədən Tərbiyəsi və İdman İnstitutunun mütəxəssisi, Beynəlxalq Olimpiya Komitəsinin idman qidalanması üzrə diplom proqramının məzunu, 2010-cu ildən etibarən sertifikatlaşdıırlmış peşəkar dietoloq kimi fəaliyyət göstərən Ameli Rossenu tərəfindən aparılıb. Qeyd edək ki, A.Rossenu peşəkar cüdoçu olub və karyerası boyu U23 Avropa çempionu olub, Böyük Dəbilqə və Qran Pri yarışlarında medallar əldə edib.

Seminarda idmançılara müsbət və mənfi təsir göstərə bilən qidalar və onları qəbul etmə qaydaları barədə ətraflı məlumat verilib. Dieotoloq çəki salma və digər narahatlıq yarada biləcək problemlərin düzgün həll olunması üçün öz tövsiyələrini verib.

Təlimlərdə qidalanma planının düzgün hazırlanması, məşqlər və yarışlar zamanı hansı qidalardan istifadə olunması və digər mövzular müzakirə olunub.

Seminar zamanı iştirakçıları maraqlandıran suallar cavablandırılıb və onlara əlavə məsləhətlər verilib.

Azərbaycan Cüdo Federasiyası və Azərbaycan Respublikası Gənclər və İdman Nazirliyinin birgə təşkilatçılığı ilə 11-12 iyulda cüdo üzrə 23 yaşa qədər kişilər və qadınlar arasında Azərbaycan çempionatı keçirilib. 

Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində keçirilən yarışda qadınlar və kişilər arasında 14 çəki dərəcəsində qaliblər müəyyənləşib. İki gün ərzində ölkənin müxtəlif regionlarından, Sumqayıt və Bakı şəhərindən 52 müxtəlif klub, cəmiyyət və idman təşkilatından olan 192 cüdoçu medallar uğrunda mübarizə aparıb.

Yarışın ikinci günündə kişilər arasında -66 kq., -81 kq. və -100 kq. çəki dərəcələrində, qadınlar arasında isə -52 kq. və -63 kq. çəki dərəcələrində mükafatçılar bəlli olub.

Fərdi yarışların son nəticəsinə görə, ümumi komanda hesabında medalların sayına görə 1-ci yerə Neftçi İdman Klubu, 2-ci yerə Atilla İdman Klubu İdman Birliyi, 3-cü yerə isə Gömrükçü İdman Sağlamlıq Mərkəzi layiq görülüb. 22 komanda müxtəlif əyarlı medal qazanıb.

Çempionatın əsas məqsədi cəmiyyətdə sağlam həyat tərzinin formalaşması, həmçinin cüdonun kütləvi təbliğinə və təşviqinə nail olmaqdır. Eyni zamanda, istedadlı idmançıların aşkarlanması və milli yığma komandaya cəlb olunmasıdır.

Yarışın ikinci gününün qaliblərinin siyahısını təqdim edirik:

Kişilər

-66 kq.

1. Elşən Əsədov

2. Samir Əzimli

3. Hüseyn Manafov

3. Eltac Yusifli

-81 kq. 

1. Məmmədrza Hacızadə

2. Xəyyam Əliyev 

3. Zaməddin Poladov

3. Elcan Şəfiyev

-100 kq. 

1. Ruslan Nəsirli

2. Hüseyn Dadaşov

3. Rohit Səlimov

3. Rəsul Aydəmirov

Qadınlar

-52 kq.

1. Təranə Quliyeva

2. Aynur Əfəndiyeva

-63 kq.

1. Leyla Atayeva

2. Nigar Əlibəyli

3. Xanımana Əhmədova

3. Ləman Mustafazadə

İdmançılarımızı təbrik edirik!

Yeniyetmə oğlanlardan ibarət milli yığmanın 28 üzvü iyulun 3-dən 15-dək Bakıda təşkil olunan təlim-məşq toplanışına qatılıb. Hazırlıq prosesinə yeniyetmələrdən ibarət milli yığmanın baş məşqçisi Rüstəm Alimli, məşqçilər Emil İskəndərov və Nicat Şıxalizadə rəhbərlik edir.

Qeyd edək ki, təlim-məşq toplanışı 25-29 iyulda Sloveniyanin Maribor şəhərində keçiriləcək XVII Avropa Gənclər Olimpiya Festivalına (EYOF 2023), 5-7 avqustda Belarusda keçiriləcək MDB Oyunlarına və 23-27 avqust tarixlərində Xorvatiyanın paytaxtı Zaqreb şəhərində keçiriləcək dünya çempionatına hazırlıq məqsədi daşıyır.

11 iyulda Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində cüdo üzrə 23 yaşa qədər kişilər və qadınlar arasında Azərbaycan çempionatının ilk yarış günü keçirilib. 

Yarışın ilk günündə 8 çəki dərəcəsində 112 cüdoçu medallar uğrunda mübarizə aparıb. Kişilər arasında -60 kq., -73 kq., -90 kq. və +100 kq. çəki dərəcələrində, qadınlar arasında isə -48 kq., -57 kq., -70 kq. və +78 kq. çəki dərəcələrində medalçılar müəyyənləşib.

Qaliblərin siyahısını təqdim edirik:

Kişilər

-60 kq.

1. Nurlan Kərimli

2. Babarəhim Mirzəyev

3. Murad Muradlı

3. Fikrət Nəcəfov

-73 kq. 

1. Rufat Şovlatov

2. İsa Əliyev

3. Hüseyn Məmmədzadə

3. Rüfət Aydinov

-90 kq. 

1. İbrahim Ağakişiyev

2. Tuncay Şamil

3. Kamran Novruzov

3. Rəşadət Paşazadə

+100 kq. 

1. Toğrul Salmanov

2. Sabir İsayev

3. Hacbaba İmaməliyev

3. Ravil Xusainov

Qadınlar

-48 kq. 

1. Aliyə İsmayılzadə

2. Xumar Qasımzadə

3. Mələkxanım Məmmədova

3. Züleyxa Nağıyeva

-57 kq.

1. Ülviyə Bayramova

2. Rəmziyyə Hüseynova

3. Gülnara Bayramova

-70 kq. 

1. Pərvanə Abdullayeva

2. Aysu Həsənova

3. Səkinə Baxşıyeva

3. Aygül İsmayılova

+78 kq. 

1. Firuzə Hacıverdiyeva

İdmançılarımızı təbrik edirik!

10 iyulda ilk dəfə Azərbaycan Cüdo Federasiyasının təşəbbüsü ilə Kəmər və Dan komitəsinin iclası keçirilib. İclas Kəmər və Dan imtahanlarına hazırlıq prosesi ilə bağlı müzakirələr aparmaq məqsədilə təşkil olunub. 

İclas zamanı imtahanların proqramları, qiymətləndirmə meyarları və fəndlərin göstərilmə qaydaları geniş müzakirə olunub, qarşıya çıxan məsələlər barədə təkliflər irəli sürülüb.

Qeyd edək ki, ilk kəmər imtahanı bu ilin oktyabr ayında keçiriləcək. İyulun 18-dən etibarən Bakıda və digər regionlarda imtahanlara hazırlıqla bağlı seminarlar təşkil ediləcək. Seminarlar zamanı Kəmər və Dan imtahanlarının simulyasiyası da nümayiş olunacaq.

Azərbaycan Cüdo Federasiyası tərəfindən Kəmər və Dan imtahanlarının keçirilməsində əsas məqsəd cüdonun fundamental, keyfiyyətli inkişafı və beynəlxalq standartlara uyğunlaşdırılmasıdır. 

Həmçinin, bu idman növü ilə məşğul olan uşaq və yeniyetmələrin kəmər və dan sistemləri vasitəsi ilə həvəsləndirmə prosesinin effektiv təşkili və idarə olunması qaydalarını müəyyənləşdirməkdən ibarətdir.

Azərbaycanın yeniyetmə qızlardan ibərət milli yığmasının 18 üzvü iyulun 4-dən 18-dək Türkiyənin Trabzon şəhərində keçirilən beynəlxalq təlim-məşq toplanışına qatılıb. Hazırlıq prosesində Türkiyənin gənc və yeniyetmə qızlardan ibarət yığma komandası ilə yanaşı, Gürcüstanın yeniyetmə qızlardan ibarət yığma komandası iştirak edir.

Cüdoçulara yeniyetmə qızlardan ibarət yığmanın baş məşqçisi Elnur İsmayılov rəhbərlik edir.

Qeyd edək ki, təlim-məşq toplanışı 25-29 iyulda Sloveniyanin  Maribor şəhərində keçiriləcək XVII Avropa Gənclər Olimpiya Festivalına (EYOF 2023), 5-7 avqustda Belarusiyada keçiriləcək MDB Oyunlarına və 23-27 avqust tarixlərində Xorvatiyanın paytaxtı Zaqreb şəhərində keçiriləcək dünya çempionatına hazırlıq məqsədi daşıyır.

8-9 iyulda Azərbaycan Cüdo Federasiyasının hakimlər heyətinin üzvləri “A” kateqoriyalı beynəlxalq dərəcəli hakimləri Arzu Acalova və Nazim Umbayev Estoniyanın paytaxtı Tallin şəhərində keçirilən Açıq Avropa turnirində, “B” kateqoriyalı beynəlxalq dərəcəli hakimlər Akif Tahirov və Məhəmmədəli Quluzadə isə Macarıstanın Paks şəhərində keçirilən gənclər arasında Avropa Kubokunda ədalət təmsilçiləri arasında yer alıblar.

11-12 iyulda Azərbaycan Respublikası Gənclər və İdman Nazirliyinin və Azərbaycan Cüdo Federasiyasının birgə təşkilatçılığı ilə 23 yaşa qədər qadınlar və kişilər arasında cüdo üzrə Azərbaycan çempionatı təşkil olunacaq. 

Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində keçiriləcək çempionatda 14 çəki dərəcəsində qaliblər bəlli olacaq.

Ölkənin müxtəlif regionlarından, Sumqayıt və Bakı şəhərindən 57 müxtəlif klub, cəmiyyət və idman təşkilatından olan 259 idmançı medallar uğrunda mübarizə aparacaqlar. 

Çempionatın əsas məqsədi cəmiyyətdə sağlam həyat tərzinin formalaşması, həmçinin cüdonun kütləvi təbliğinə və təşviqinə nail olmaqdır. Eyni zamanda, istedadlı idmançıların aşkarlanması və milli yığma komandaya cəlb olunmasıdır. 

Yarışları izləmək üçün arenaya giriş sərbəstdir.

6 iyulda Azərbaycan Cüdo Federasiyasının (ACF) hakimlər heyəti üçün “Hakimlik fəaliyyətində özünəinam hissinin əhəmiyyəti” mövzusunda seminar təşkil olunub. 

Təlimdə peşəkar psixoloq Aytac Sahilin iştirakı ilə hakimlik fəaliyyəti zamanı yaranan münaqişəli vəziyyətlər və hakimlərin özünəinam hissini münaqişəli vəziyyətləri idarəetmədə rolu haqqında ətraflı müzakirələr aparılıb.

Psixoloq tərəfindən hakimlərə münaqişəli halların daha effektiv həll olunması üçün xüsusi psixoloji biliklər və effektiv vasitələr haqqında məlumat verilib. 

Həmçinin, hakimlər mövzu ilə bağlı öz təcrübələrini bölüşüb və daha öncə yaşadıqları münaqişələri vəziyyətlərdə hansı üsullardan istifadə etdiklərini bildirərək mütəxəssis tərəfindən tövsiyələr alıblar.

Təlimin məqsədi hakimlərin yerli və beynəlxalq yarışlarda yaranan münaqişəli vəziyyətləri effektiv həll etməsi və hakimlik fəaliyyətinin daha da səmərəli təşkil edilməsidir.

Qeyd edək ki, ACF-in təhsil strategiyasına əsasən hakimlər üçün davamlı olaraq seminarların keçirilməsini planlaşdırılır.

Azərbaycan cüdoçuları 3-7 iyulda Avropa Cüdo Birliyinin təşkilatçılığı ilə İspaniyanın Benidorm şəhərində keçirilən cüdo üzrə Olimpiya təlim düşərgəsində iştirak edir.

Hazırlıq prosesində gənclərdən, qadınlardan və böyüklərdən ibarət milli yığmanın idmançıları iştirak edir. Cüdoçulara Azərbaycan Cüdo Federasiyasının vitse-prezidenti Elnur Məmmədli başda olmaqla qadınlardan ibarət yığmanın baş məşqçisi Rəşad Məmmədov, qadınlardan ibarət yığmanın məşqçisi Kifayət Qasımova, gənclərdən ibarət yığmanın baş məşqçisi Elxan Məmmədov və gənclərdən ibarət yığmanın məşqçisi Elxan Rəcəbli rəhbərlik edir.

Təlim-məşq toplanışı 4-6 avqustda Macarıstanın paytaxtı Budapeşt şəhərində keçiriləcək Masters turnirinə, sentyabr və oktyabr aylarında keçiriləcək gənclər arasında Avropa və Dünya çempionatlarına hazırlıq məqsədi daşıyır.

Azərbaycanın cüdo üzrə gənc qızlardan ibarət milli yığma komandasının üzvləri 3-5 iyulda Avropa Cüdo Birliyinin təşkilatçılığı ilə Sloveniyanın Sloven Qradeç şəhərində keçirilən beynəlxalq təlim-məşq toplanışına qatılıblar. 

Hazırlıq prosesində Azərbaycanın gənclərdən ibərət milli yığmasının 7 qız idmançısı iştirak edir. Cüdoçulara gənc qızlardan ibarət yığmanın məşqçisi Vüqar Hüseynov rəhbərlik edir.

Təlim-məşq toplanışı sentyabr və oktyabr aylarında keçiriləcək gənclər arasında Avropa və Dünya çempionatlarına hazırlıq məqsədi daşıyır.

3 iyulda Azərbaycan Cüdo Federasiyasının (ACF) prezidenti Rəşad Nəbiyev yeniyetmələrdən ibarət Azərbaycan milli komandasının heyətini qəbul edib.

Federasiya prezidenti onları 22-25 iyun tarixilərində Portuqaliyanın Odivelas şəhərində keçirilən Avropa çempionatında əldə edilən tarixi nəticəyə görə təbrik edib və turnir boyunca komanda üzvlərinin fədakarlıq və əzmkarlıq göstərdiklərini vurğulayıb: “Bu nəticələr bizə gələcəyə ümidlə baxmağa imkan verir”.

Rəşad Nəbiyev idmançıların beynəlxalq turnirlərdə ölkəmizi layiqincə təmsil etmək imkanı yaradan təlim-məşq toplanışlarında davamlı iştirakının önəmindən danışıb. Federasiya prezidenti qızların beynəlxalq turnirlərdə əldə etdikləri nəticələrin müsbət istiqamətdə inkişaf etməsinə diqqət çəkib və Federasiyanın ölkədə qadın cüdosunun inkişafı həyata keçirdiyi tədbirlərin ortamüddətli və uzunmüddətli dövrlərdə bu nəticələrin daha da yaxşılaşmasına ciddi töhfə verəcəyinə inandığını qeyd edib

Rəşad Nəbiyev qarşıdan gələn Avropa Gənclər Yay Olimpiya Festivalı, MDB Oyunları və Dünya Çempionatı kimi mötəbər yarışlarda milli komandanın heyətinə uğurlar arzulayıb.

Görüş zamanı yeniyetmə cüdoçuların təhsillərinə və ümumi dünyagörüşlərinin inkişaflarına xüsusi diqqət yetirilməsinin vacibliyi vurğulanaraq bu istiqamətdə müvafiq tapşırıqlar verilib.

Görüşdə ACF-in prezidentinin müşaviri Natiq Bağırov, baş katib Rəşad Rəsullu və federasiyanın digər rəsmiləri də iştirak ediblər.

Qeyd edək ki, cüdo millimiz Avropa çempionatının fərdi yarışlarında 6 qızıl və 3 bürünc medal olmaqla 9 medal əldə edib və medal əyarına görə ümumi hesabda və oğlanlar arasında 1-ci yerə, qızlar arasında isə 4-cü yerə sahib olub. Qarışıq komanda yarışlarında isə cüdoçularımız qızıl medal qazanıb.

Sloveniyanın Sloven Qradeç şəhərində 1-2 iyulda gənclər arasında Avropa Kuboku keçirilib. Turnirdə 31 ölkədən 347 idmançı iştirak edib. Azərbaycan yarışda 5 çəki dərəsində 7 qız cüdoçu ilə təmsil olunub.

Sloveniyanın Sloven Qradeç şəhərində 1-2 iyulda gənclər arasında Avropa Kuboku keçiriləcək. Turnirdə 31 ölkədən 347 idmançı iştirak edəcək. Azərbaycan yarışda 5 çəki dərəsində 7 qız cüdoçu ilə təmsil olunacaq.

Cüdoçulara gənc qızlardan ibarət yığmanın məşqçisi Vüqar Hüseynov rəhbərlik edəcək.

-48 kq.

Leyla Dəmirova 

-52 kq. 

Zeynəb Məmmədova

Fidan Əliyeva 

-57 kq.

Lətifə Abbasova

Nuray Quliyeva 

-63 kq. 

Leyla Atayeva

+78 kq.

Qönçə Cəfərli

İdmançılarımıza uğurlar arzulayırıq!

Azərbaycan Cüdo Federasiyası kişilərdən ibarət milli yığma komandasının böyük məşqçisi vəzifəsinə almaniyalı mütəxəssis Slavko Tekiçi dəvət edib. O, 1 avqust 2023-cü ildən etibarən vəzifəsini yerinə yetirməyə başlayacaq.

Yeni böyük məşqçi Slavko Tekiç məşqçilik fəaliyyətinə 1992-ci ildən başlayıb və 1996-cı ildən etibarən Almaniyada fəaliyyətini davam etdirib. 1999-cu ildə Almaniyanın Hamburq Federativ bölgəsində dövlət məşqçisi, 2009-cu ildə isə adıçəkilən bölgənin baş məşqçisi təyin edilib və Azərbaycan milli yığmasına dəvət alana qədər bu vəzifədə çalışıb.

2017-ci ildə Almaniya Cüdo Federasiyası tərəfindən ilin cüdo məşqçisi mükafatına layiq görülüb.

Fəaliyyəti dövründə hazırladığı idmançılar beynəlxalq turnirlərdə dəfələrlə medallar qazanıb. Onların sırasında Dominik Resseli, Maşa və Seyja Balhauz bacılarını, David Tekiçi və digərlərini qeyd etmək olar.

Slavko Tekiç beynəlxalq turnirlərdə yüksək nəticələrə yönəlik məşq-hazırlıq proqramlarının hazırlanması və tətbiqi üzrə geniş təcrübəyə malikdir. 

Qeyd edək ki, Riçard Trautman Azərbaycanın kişilərdən ibarət milli komandanın baş məşqçisi kimi fəaliyyətini davam etdirəcək.

Slavko Tekiçə Azərbaycan cüdo ailəsinə xoş gəldin deyirik və fəaliyyətində uğurlar arzulayırıq!

1 iyulda Polşanın Krakov şəhərində III Avropa Oyunlarının cüdo üzrə qarışıq komanda yarışları keçiriləcək.

Yarışda Avropanın 22 ölkəsindən olan 200-dən çox idmançı medallar uğrunda mübarizə aparacaq. Azərbaycan cüdo üzrə milli yığma komandası yarışda 6 kişi və 5 qadın idmançı ilə təmsil olunacaq.

Komanda yarışlarında kişilərdə -73 kq. çəkidə Nəriman Mirzəyev və Rəşid Məmmədəliyev, -90 kq. çəkidə  Elcan Hacıyev və Vüqar Talıbov, +90 kq. çəkidə Camal Qamzatxanov və İmran Yusifov, qadınlarda -57 kq. Fidan Əlizadə, -70 kq. Südabə Ağayeva və Günel Həsənli, +70 kq. Nərmin Əmirli və Nigar Süleymanova güclərini sınayacaq.

Cüdoçular böyüklərdən ibarət yığmanın böyük məşqçi Mehman Əzizov və qadınlardan ibarət yığmanın məşqçisi İmamverdi Məmmədovun rəhbərliyi altında çıxış edəcək.

Yarışın ilkin görüşləri saat 12:00-da başlayacaq. Yarışı canlı olaraq judotv.com saytında izləyə bilərsiniz.

İdmançılarımıza uğurlar arzulayırıq!

Monqolustanın paytaxtı Ulan-Bator şəhərində 26 iyun – 1 iyul tarixlərində cüdo üzrə beynəlxalq təlim-məşq toplanışı keçirilir. 

Təlim-məşq toplanışında Azərbaycanın cüdo üzrə böyüklərdən ibarət milli yığma komandasının 11, qadınlardan ibarət milli yığma komandasının isə 4 üzvü iştirak edir.

Təlim-məşq toplanışına Leyla Əliyeva, Könül Əliyeva (-48 kq.), Aydan Vəliyeva, Gültac Məmmədəliyeva (-52 kq.) Kəramət Hüseynov, Yaşar Nəcəfov (-66 kq.), İbrahim Əliyev, Nurlan Osmanov(-73 kq.), Zelim Tçkayev, Səid Mollayi (-81 kq.), Elcan Hacıyev, Murad Fətiyev (-90 kq.), Zelim Kotsoyev (-100 kq.), Uşanqi Kokauri, Camal Qamzatxanov (+100 kq.) qatılıb.

Cüdoçularımıza böyüklərdən ibarət yığmanın baş məşqçisi Riçard Trautman, böyüklərdən ibarət yığmanın böyük məşqçi Elçin İsmayılov və qadınlardan ibarət yığmanın baş məşqçisi Rəşad Məmmədov rəhbərlik edir.

Hazırlıq prosesi 4-6 avqustda Macarıstanın paytaxtı Budapeşt şəhərində keçiriləcək Masters turnirində hazırlıq məqsədi daşıyır.

22-25 iyunda Portuqaliyanın Odivelas şəhərində keçirilən yeniyetmələr arasında Avropa çempionatının fərdi və qarışıq komanda yarışlarında möhtəşəm nəticə əldə edən cüdolarımız Vətənə qayıdıb.

İdmançıları Heydər Əliyev Beynəlxalq Hava Limanında azarkeşlər, idman ictimaiyyətinin nümayəndələri, KİV təmsilçiləri, federasiyaların rəsmiləri və idmançıların yaxınları qarşılayıblar.

Çempion komandanı qarşılamağa gələn azarkeşlər onları bayraqlarla, şəkilləri əks olunmuş plakatlarla və şüarlarla salamlayıblar.

Qeyd edək ki, Azərbaycan cüdoçuları fərdi yarışlarda 6 qızıl və 3 bürünc medal olmaqla 9 medal, qarışıq komanda yarışlarında isə qızıl medal qazanıblar.

23-25 iyunda Monqolustanın paytaxtı Ulan-Bator şəhərində keçirilən Böyük Dəbilqə turnirində Azərbaycan Cüdo Federasiyasının hakimlər heyətinin üzvü “A” kateqoriyalı beynəlxalq dərəcəli hakim Nazim Umbayev ədalət təmsilçiləri arasında yer alıb.

Nazim Umbayev yarışda qadınlar arasında -70 kq. çəkidə və kişilər arasında -100 kq. çəkidə bürünc medal uğrunda görüşləri idarə edib.

23-25 iyunda Monqolustanın paytaxtı Ulan-Bator şəhərində keçirilən cüdo üzrə Böyük Dəbilqə turnirində cüdoçularımız 1 medal qazanıb.

Turnirin ilk günündə kişilər arasında -66 kq. çəki dərəcəsində Yaşar Nəcəfov bürünc medal qazanıb. Yaşar bürünc medal uğrunda görüşdə Birləşmiş Ərəb Əmirlikləri təmsilçisi Narmandax Bayanmunxa qalib gəlib.

-100 kq. çəkidə Zelim Kotoyev və +100 kq. çəkidə Uşanqi Kokauri yarışı 5-ci yerdə tamamlayıb. -73 kq. çəkidə İbrahim Əliyev və Nurlan Osmanov, -90 kq. çəkidə Murad Fətiyev 7-ci yerə çıxıblar.

İyunun 24-də BCF akademiyasında təhsil alan məşqçilər üçün Kata seminarı təşkil olunub. Təlim ötən il akademiyada ən yüksək nəticə əldə edən və BCF-in ekspertləri tərəfindən tövsiyə olunan peşəkar cüdo məşqçiləri tərəfindən keçirilib. Seminar BCF-in praktiki dərslərinə və imtahanına hazırlıq məqsədi daşıyır.

Qeyd edək ki, Azərbaycan Cüdo Federasiyasının (ACF) təşəbbüsü ilə ötən ildən start verilən BCF-in Akademiyası ilə əməkdaşlıq davam etdirilir. Belə ki, cari ilin mart ayından etibarən daha 75 cüdo məşqçisi Akademiyanın proqramında təhsilə başlayıb. 

Bu seminar cari ildə ACF tərəfindən məşqçilər üçün təşkil olunan 4-cü seminardır.  Məşqçilərin beynəlxalq səviyyədə standartlaşdırılması məqsədi ilə bu cür seminarların davamlı olaraq keçirilməsi planlaşdırılır.

25 iyunda Portuqaliyanın Odivelas şəhərində keçirilən yeniyetmələr arasında Avropa çempionatının qarışıq komanda yarışlarında cüdoçularımız qızıl medal qazanıb. Qeyd edək ki, bu Avropa çempionatlarının komanda yarışlarında qazandığımız ilk qızıl medal kimi tarixə düşdü.

Azərbaycan komandası ilk görüşdə Niderland yığmasını 4:1 hesabı ilə, ikinci görüşdə Almaniya yığmasını 4:2 hesabı ilə, yarımfinalda isə İtaliya yığmasını 4:2 hesabı ilə məğlub edib. Cüdoçularımızın final görüşündə rəqibi Fransa komandası olub. İdmançılarımız Fransa yığmasına 4:3 hesabı ilə qalib gələrək yarışın qızıl medallarını və kubokunu qazanıblar.

Millimiz fərdi yarışlarda 6 qızıl və 3 bürünc medal olmaqla 9 medal qazanıb və medal əyarına görə ümumi hesabda və oğlanlar arasında 1-ci yeri, qızlar arasında isə 4-cü yeri tutub. 

Azərbaycan cüdo ailəsi adından bütün milli yığma heyətini, o cümlədən məşqçilərimizi, tibbi personalımızı, idmançılarımızın şəxsi məşqçilərini və ən əsası da qəhrəmanlarımızı - idmançılarımızı təbrik edirik!

Azərbaycanın yeniyetmələrdən ibarət cüdo üzrə milli yığma komandası 22-24 iyun tarixində Portuqaliyanın Odivelas şəhərində keçirilən Avropa çempionatında tarixi nəticə əldə edərək 6 qızıl və 3 bürünc medal olmaqla 9 medal qazanıb. 

Fərdi yarışlarda Azərbaycan medal əyarına görə ümumi hesabda və oğlanlar arasında 1-ci yeri, qızlar arasında isə 4-cü yeri tutub. 

Bu, Azərbaycan milli yığmasının indiyə qədər iştirak etdiyi bütün Avropa çempionatlarında həm medalların sayına, həm də əyarına görə əldə etdiyi ən yaxşı nəticədir. Belə ki, medal sayına görə bu ilə qədər ən yaxşı nəticə 2022-ci ildə keçirilən yarışda əldə edilmişdi (8 medal). Medalların əyarına görə ən yaxşı nəticələr isə 2000 və 2004-cü ildə olmuşdu (hər iki ildə 4 qızıl medal qazanılmışdı). 

Turnirin ilk günündə Azərbaycan himni 4 dəfə səsləndirilib. Belə ki, oğlanlar arasında Məhəmməd Məmişov (-50 kq.), Mirxalıq İskəndərov (-55 kq.), Məhəmməd Musayev (-60 kq.), qızlar arasında isə  Vüsalə Hacıyeva (-48 kq.) bütün rəqiblərini məğlub edərək qızıl medal əldə ediblər. İdmançımız Əhməd Rüstəmov (-50 kq.) çempionatın bürünc medalını qazanıb, Nigar Məmişova (-40 kq.) isə 7-ci yerə çıxıb. 

Turnirin ikinci günündə Azərbaycan cüdoçuları daha 3 medal əldə ediblər. -66 kq. çəkidə Əbil Yusubov qızıl və Mehdi Cəfərov bürünc medal qazanıblar. -52 kq. çəkidə yarışan Xədicə Qədəşova isə Avropa çempionatının bürünc medalını əldə edib. Fidan Qasımova (-57 kq.) 7-ci yerlə kifayətlənib.

Fərdi yarışların sonuncu günündə +90 kq. çəkidə yarışan cüdoçumuz Ramazan Əhmədov bütün rəqiblərinə qalib gələrək qızıl medala sahib olub. Aslan Kotsoyev (-81 kq.) 5-ci yerə çıxıb. 

Bununla da Azərbaycanın Avropa çempionatının fərdi yarışlarını 9 medalla başa vurub. 

Avropa çempionatındakı qələbə münasibətilə bütün cüdo ailəsini təbrik edirik!

Portuqaliyanın Odivelas şəhərində keçirilən cüdo üzrə yeniyetmələr arasında Avropa çempionatının ikinci günündə cüdoçularımız 1 qızıl və 2 bürünc medal qazanıb.

Oğlanlar arasında -66 kq. çəkidə Əbil Yusubov qızıl medal, eyni çəkidə digər cüdoçumuz Mehdi Cəfərov bürünc medal əldə ediblər.

Qızlar arasında -52 kq. çəkidə yarışan cüdoçumuz Xədicə Qədəşova isə bürünc medalını qazanıb. -57 kq. çəkidə Fidan Qasımova isə 7-ci yerə çıxıb.

İdmançılarımızı təbrik edirik!

22 iyunda Portuqaliyanın Odivelas şəhərində keçirilən cüdo üzrə yeniyetmələr arasında Avropa çempionatında Azərbaycan cüdoçuları 4 qızıl və 1 bürünc medal əldə edib.

Turnirin ilk günündə 6 çəki dərəcəsində 8 cüdoçumuz medallar uğrunda mübarizə aparıb. 

Oğlanlar arasında -50 kq. çəkidə Məhəmməd Məmişov, -55 kq. çəkidə Mirxaliq İskəndərov, -60 kq. çəkidə Məhəmməd Musayev, qızlar arasında isə -48 kq. çəkidə Vüsalə Hacıyeva bütün rəqiblərini məğlub edərək fəxri kürsünün ən yüksək pilləsinə qalxıblar. 

Oğlanlar arasında -50 kq. çəkidə Əhməd Rüstəmov çempionatın bürünc medalını qazanıb. 

Qızlar arasında isə -40 kq. çəkidə Nigar Məmişova 7-ci yerə çıxıb.

İdmançılarımızı təbrik edirik!