21-22 aprel tarixlərində U-17 yeniyetmələr arasında Liqa yarışının I turu keçiriləcək. 

Abşeron Olimpiya İdman Kompleksində baş tutacaq yarışda 100 klub və idman cəmiyyətindən olan 873 cüdoçu (693 oğlan, 180 qız) ümumilikdə 16 çəki dərəcəsində medallar uğrunda mübarizə aparacaq. 

Qeyd edək ki, cari ildə U-17 Liqa yarışının dörd turunun keçirilməsi planlaşdırılır. Bu yarışlar nəticəsində idmançıların reytinq cədvəli formalaşacaq.

Aprelin 16-da Azərbaycan Cüdo Federasiyasının (ACF) cüdo məşqçiləri üçün peşəkar inkişaf proqramı çərçivəsində Goranboyda üçüncü seminar baş tutub. Budəfəki sessiyalarda atmaların 8 istiqaməti və boğucu fəndlər üzrə praktiki məşğələlər təşkil olunub. Məşğələlər ACF-in təhsil üzrə ekspertləri İsmayıl Rzayev, Samir İsmayılov və Natiq Qurbanlı tərəfindən keçirilib. 

Seminarda Gəncə-Daşkəsən, Qarabağ və Şərqi Zəngəzur regionlarından olan məşqçi-müəllimlər iştirak ediblər.

Qeyd edək ki, proqram hər regionda 6 gün davam edəcək.

Aprelin 16-da Azərbaycan Cüdo Federasiyasının təşkilatçılığı ilə Cüdo üzrə Milli Komandaların Təlim-Məşq Mərkəzində kəmər dərəcələri üzrə rəsmi imtahan keçirilib.

İmtahanda 60 cüdoçu müvafiq yaş uyğunluğuna əsasən, ağ-sarı, sarı və narıncı kəmər dərəcələri üzrə imtahan verib. İmtahanı uğurla keçən idmançılara müvafiq kəmər və sertifikat təqdim edilib. 

Rəsmi kəmər imtahanlarının keçirilməsi idmançıların cüdo texnikalarını hərtərəfli öyrənməsi, həmçinin onların motivasiyası üçün mühüm əhəmiyyət kəsb edir. Kəmər imtahanı peşəkarlıq səviyyəsinin qiymətləndirilməsi və rəsmi olaraq tanınması, eləcə də gələcəkdə nüfuzlu daxili yarışlarda iştirak üçün zəruridir.

19-20 aprel tarixlərində U-14 yeniyetmələr arasında Liqa yarışının I turu keçiriləcək. 

Abşeron Olimpiya İdman Kompleksində təşkil olunacaq yarışda 100 klub və idman cəmiyyətindən olan 549 cüdoçu (453 oğlan, 96 qız) ümumilikdə 18 çəki dərəcəsində medallar uğrunda mübarizə aparacaq. 

Qeyd edək ki, cari ildə U-14 Liqa yarışının dörd turunun keçirilməsi planlaşdırılır. Bu yarışlar nəticəsində idmançıların reytinq cədvəli formalaşacaq.