Azərbaycan Cüdo Federasiyası tərəfindən Göygöl Olimpiya İdman Kompleksində müxtəlif regionlardan olan yeniyetmə cüdoçular üçün təlim-məşq toplanışı təşkil olunub. On gün ərzində 100-ə yaxın potensiallı cüdoçu peşəkarlıq səviyyəsinin və hazırlıq göstəricilərinin artırılması məqsədilə intensiv məşq proqramında iştirak edib.

Təlim-məşq toplanışı gələn il keçiriləcək 18 yaşadək cüdoçular arasında ölkə birinciliyinə hazırlıq və region cüdoçularının rəqabət qabiliyyətlərinin artırılması məqsədi daşıyır.

23-24 noyabrda Yunanistanın Saloniki şəhərində cüdo üzrə yeniyetmələr arasında Avropa Kuboku turniri keçiriləcək.

30 ölkədən 476 idmançının qatılacağı turnirdə Azərbaycan oğlanlar arasında 8 çəki dərəcəsində 20 nəfərdən ibarət heyətlə təmsil olunacaq. 

Cüdoçulara yeniyetmələrdən ibarət komandanın məşqçiləri Nicat Şıxəlizadə və Emin İskəndərov rəhbərlik edəcək.

Yarışa qatılacaq heyəti təqdim edirik:

-50 kq.  

Anar Quliyev  

-55 kq.  

Rüstəm Qasımzadə  

Emil Hüseynli  

Məhəmmədəli Hüsiyev  

Məhəmməd Rüstəmli  

-60 kq.  

Zeyd Ələsgərov  

İlkin Qarayev  

Abdullah Kərimov  

-66 kq.  

Ayxan Ələkbərov  

Özqan Quliyev  

Fəxri Sahibzadə  

-73 kq.  

Məhəmməd Ağakişiyev  

Səid Şərifov  

-81 kq.  

Məhəmməd Abbasəli  

Amin Mehdiyev  

Abdullah Rəhmətov  

-90 kq.  

Səid Hüseynov  

+90 kq.  

Sübhan Axundov  

Tunar Fərzəliyev  

Cavidan Məsimov  

İdmançılarımıza uğurlar arzulayırıq!

Azərbaycan cüdoçuları Polşanın Pila şəhərində keçirilən 23 yaşa qədər cüdoçular arasında Avropa çempionatının fərdi yarışlarında 2 qızıl, 1 gümüş və 2 bürünc medal qazanıb. Fərdi yarışlarda Azərbaycan yığması medal əyarına görə, ümumi hesabda və qadınlar arasında 3-cü, kişilər arasında 4-cü yeri tutub.

Yarışda Azərbaycan 11 çəki dərəsində 15 cüdoçu ilə təmsil olunub.

Çempionatın ilk günündə qadınlar arasında Fidan Əlizadə qızıl medal (-57 kq.), Aydan Vəliyeva (-52 kq.) gümüş medal qazanıb. Kişilər arasında isə Hüseyn Allahyarov (-60 kq.) qızıl medal, Rüfət Şövlətov (-73 kq.) bürünc medal qazanıb.

Yarışın ikinci günündə kişilər arasında -81 kq. çəki dərəcəsində Ömər Rəcəbli üçüncü yer uğrunda görüşdə İsrail təmsilçisi Yaniv Aqronovu məğlub edərək bürünc medal qazanıb. +100 kq. çəkidə Kənan Nəsibov yarışı 5-ci yerdə tamamlayıb.

Qeyd edək ki, cüdoçularımız 17 noyabrda çempionatın komanda yarışlarında iştirak edəcəklər.

İdmançılarımızı təbrik edirik!

15 noyabrda Polşanın Pila şəhərində 23 yaşa qədər idmançıların cüdo üzrə Avropa çempionatının ilk günündə Azərbaycan cüdoçuları 2 qızıl, 1 gümüş və 1 bürünc medal qazanıb. 

Qadınlar arasında -52 kq. çəkidə Aydan Vəliyeva gümüş medal əldə edib. -57 kq. çəki dərəcəsində Fidan Əlizadə finalda gürcüstanlı rəqibi Nino Loladzeni məğlub edərək qızıl medal qazanıb. Bu qələbə ilə Fidan qadınlar arasında 20 illik fasilədən sonra ölkəmizə ilk qızıl medalı qazandırıb. Sonuncu dəfə bu titulu 2004-cü ildə Sloveniyada keçirilən U-23 Avropa çempionatında Kifayət Qasımova əldə edib.

Kişilər arasında -60 kq. çəki dərəcəsində Hüseyn Allahyarov bütün rəqiblərinə qalib gələrək fiala vəsiqə qazanıb. Hüseyn finalda polşalı rəqibi Yakub Kurovskiyə qalib gələrək fəxri kürsünün ən yüksək pilləsinə qalxıb. -73 kq. çəki dərəcəsində Rüfət Şövlətov üçüncü yer uğrunda görüşdə bolqarıstanlı Dimitar Gospodinovu məğlub edərək bürünc medal qazanıb.

İdmançılarımızı təbrik edirik!