1992-ci ildə Barselona Yay Olimpiya Oyunlarının qızıl medalını qazanaraq, adını tarixə ilk azərbaycanlı Olimpiya çempionu kimi həkk edib. Cüdoçumuz 1992-ci ildə bütün çəki dərəcələri üzrə Avropanın ən güclü cüdoçusu adına layiq görülüb. Həmin il Parisdə və 1993-cü ildə Afinada keçirilən qitə birinciliklərində qızıl, 1994-cü ildə isə gümüş medala layiq görülüb. Nazim Hüseynov 1993 və 1994-cü illərdəki Dünya çempionatlarının gümüş, 1991-ci ildə bürünc mükafatçısıdır. “Şöhrət” ordeni ilə təltif olunub.

2008-ci ildə Pekində keçirilən Yay Olimpiya Oyunlarının qalibi olaraq, Azərbaycana cüdo üzrə ikinci Olimpiya qızılını qazandırıb. 2007-ci ildə keçirilən Dünya çempionatının gümüş mükafatçısıdır. Elnur Məmmədli 2006 və 2011-ci illərdəki Avropa çempionatlarında bütün rəqiblərini böyük üstünlüklə məğlub edərək, fəxri kürsünün ən yüksək pilləsinə qalxıb. Böyük uğurlarına görə “Şöhrət” ordeninə layiq görülüb. 

Paris 2024 Yay Olimpiya Oyunlarında qızıl medal qazanıb. 2024-cü ildə Əbu-Dabidə keçirilən dünya çempionatında qızıl mükafat əldə edib. 2018-ci ildə Bakıda, 2019-cu ildə Tokioda və 2022-ci ildə Daşkənddə keçirilən Dünya çempionatlarında bürünc medal qazanıb. Dördqat Avropa çempionu olan Hidayət Heydərov 2017, 2022, 2023 və 2024-cü illərin qitə birinciliklərinin qalibidir. Cüdoçumuz 2016 və 2017-ci illərdə gənclər arasında keçirilən qitə birinciliklərində də fəxri kürsünün ən yüksək pilləsinə qalxaraq, 2017-ci ildə Avropanın "Ən yaxşı gənc cüdoçu" mükafatına layiq görülüb. Hidayət 2024-cü ildə qazandığı Olimpiya, dünya və Avropa çempionluqları sayəsində həm adını Azərbaycan tarixinə bir ildə üç böyük turnirin qalibi olan ilk idmançı kimi yazdırdı, həm də cüdo idman növü üzrə karyerası ərzində hər üç titula sahib çıxan ilk azərbaycanlı olub.

Paris 2024 Yay Olimpiya Oyunlarında qızıl medal qazanıb. 2024-cü ildə Əbu-Dabidə keçirilən dünya çempionatında qızıl mükafat əldə edib. 2022 və 2023-cü ildə keçirilən Dünya çempionatlarının bürünc mükafatçısıdır. 2023-cü ildə keçirilən qitə çempionatını qızıl medalla, 2018, 2020 və 2020 –ci illərdə isə bürünc medalla başa vurub. Çində keçirilən Universiada-2017-in qalibidir. Zelim Masters turnirində 2021-ci ildə gümüş, 2022-ci ildə isə bürünc medal qazanıb. Zelim Kotsoev 2017-ci ildə  gənclər arasında Avropa çempionu olub. 

2016-cı ildə Rio-de-Janeyroda keçirilən Yay Olimpiya Oyunlarının gümüş mükafatçısıdır. 2017 və 2019-cu illərdəki Dünya çempionatlarında ikinci pilləyə yüksəlib. 2016-cı ildə Avropa çempionatının qızıl medalını qazanan Rüstəm Orucov eyni miqyaslı yarışın 2019-cu ildə gümüş, 2017, 2020, 2022-ci illərdə bürünc mükafatçısı olub. 2017-ci ildəki Bakı IV İslam Həmrəyliyi Oyunlarının qalibidir. Uğurlarına görə "Vətənə xidmətə görə" ordeni ilə təltif olunub. 

2016-cı ildə Rio-de-Janeyroda keçirilən Yay Olimpiya Oyunlarının gümüş mükafatçısıdır. 2017–ci ildə Budapeştdəki Dünya çempionatında bürünc müdal qazanıb. Elmar Qasımov 2012 – ci ildəki qitə birinciliyində üçüncü, 2014-cü ildə ikinci pilləyə yüksəlib. IV İslam Həmrəyliyi Oyunlarında gümüş medal əldə edən cüdoçu  “Vətənə xidmətə görə” ordeni ilə təltif olunub. 

2008-ci ildə 19-cu Pekin Yay Olimpiya Oyunlarının bürünc mükafatçısıdır. 2003-cü ildə Osakada keçirilən Dünya çempionatında yüksək performans göstərərək, bürünc medal qazanıb. Mövlud Mirəliyev idman nailiyyətlərinə görə “Tərəqqi” medalına layiq görülüb.

2020-ci ildəki Tokio Olimpiadasında komandamıza bürünc medal qazandırıb. Həmin il qitə birinciliyinin gümüş mükafatçısı olub. 2013-cü ildə keçirilən Avropa birinciliyində və 2017-ci ildəki Dünya çempionatında üçüncü pilləyə yüksəlib. İrina Kindzerskaya 2017-ci ildə  IV İslam Həmrəyliyi Oyunlarına qatılaraq, +78 kq çəki dərəcəsində gümüş medala sahib olub.

Müstəqil Azərbaycanın cüdo üzrə ilk dünya çempionudur. Elxan Məmmədov 2013-cü ildə Rio-de-Janeyroda keçirilən dünya birinciliyinin qalibi olub. 2010-cu ildə Tokiodakı Dünya çempionatında bürünc medal qazanıb. Elxan Məmmədov 2017-ci ildəki Avropa çempionatının qızıl, 2008-ci ilin qitə birinciliyinin gümüş, 2009 və 2010-cu illərin bürünc mükafatçısıdır. 

2013-cü ildə Rio-de-Janeyrodakı Dünya çempionatının bürünc mükafatçısıdır. 2017-ci ildə cüdoçumuz Dünya birinciliyində gümüş medal qazanıb. Orxan Səfərov 2020-ci ildə Praqada keçirilən Avropa çempionatında birinci, 2015 və 2016-cı illərdə ikinci, 2017-ci ildə üçüncü pilləyə yüksəlib. İdmandakı nailiyyətlərinə görə “Tərəqqi” medalına layiq görülüb. 

Bakıda 2018-ci ildə keçirilən Dünya çempionatında gümüş medal qazanıb. Avropa çempionatı-2016-nın bürünc mükafatçısıdır. Uşanqi Kokauri U-23 dərəcəsi üzrə qitə birinciliyində ikinci pilləyə yüksəlib. Afrika Open -2016 turnirinin qalibidir. 

2009-cu ildə Rotterdam şəhərində keçirilən Dünya çempionatında bürünc medal qazanıb. Kifayət Qasımova 2006-cı ildəki qitə birinciliyinin gümüş, 2007 və 2008-ci illərdəki Avropa çempionatlarının bürünc mükafatçısıdır. Cüdoçumuz IV İslam Həmrəyliyi Oyunlarında 2 gümüş medal qazanıb.

2005-ci ildə Misirin paytaxtı Qahirə şəhərində baş tutan Dünya çempionatının bürünc mükafatçısıdır. Nicat Şıxəlizadə 2006-cı ildə Santo-Dominqo şəhərində gənclər arasında Dünya çempionu, 2005-ci ildə isə gənclər arasında Avropa çempionu olub. Cüdoçumuz 2007-ci ildə Dünya Kubokunda gümüş medal qazanıb. O, 2017 – ci ildə Avropa çempionatında üçüncü pilləyə yüksəlib. Bakı-2017 İslam Həmrəylik Oyunlarının qalibidir. 

2021-ci ildə Budapeştdə keçirilən Dünya çempionatının bürünc mükafatçısıdır. Həmin il Lissabondakı qitə birinciliyini də üçüncü pillədə başa vuran Kəramət Hüseynov 2017-ci ildə Gənclərin Dünya çempionatında gümüş, Avropa çempionatında qızıl medal qazanıb. 

Cüdoçumuz 2010-cu ildəki Tokio Dünya çempionatında bürünc medal qazanıb. Ramilə Yusubova 2006-cı ildə Avropa birinciliyinin bürünc mükafatçısı olub. 2006, 2010 və 2011-ci illərdə keçirilən Dünya Kubokunda üçüncü pilləyə yüksəlib. Bakı-2017 İslam Həmrəylik Oyunlarının qalibidir. 

Münhendə keçirilən Dünya çempionatı-2001-in bürünc medalçısıdır. Veteranlar arasında dəfələrlə dünya və Avropa çempionu tituluna sahibdir. Elxan Rəcəbli Dunya Kubokunun 5 qat qızıl, 3 qat gümüş mükafatçısıdır. 

2001-ci ildə Münhendə keçirilən Dünya çempionatında fəxri kürsünün üçüncü pilləsində yer alıb.1999-cu ildə Bratislavada, 1 il sonra isə Vrotslavdakı Avropa çempionatında bürünc medala sahiblənib. 2001-ci ildə Rəsul Səlimov Parisdə yenidən qitə çempionatının bürünc medalına layiq görülüb.

İkiqat dünya mükafatçısı olan İlqar Müşkiyev 2011-ci ildə Parisdə keçirilən Dünya çempionatında bürünc medallar qazanıb. 2014-cü ilin qitə birinciliyində cüdoçumuz üçüncü pilləyə yüksəlib. Əməkdar idman ustasıdır.  

1978-ci ildə Macarıstanda keçirilən gənclər arasında Avropa çempionatında bürünc medal qazanmaqla, Azərbaycan cüdoçuları arasında qitə miqyaslı yarışların ilk mükafatçısı kimi adını ölkə idmanı tarixinə yazdırıb. 2022 – ci ilin iyununda Yunanıstanın Heraklion şəhərində usta cüdoçular arasında keçirilən Avropa çempionatında və sentyabr ayında Polşanın Krakov şəhərində usta cüdoçular arasında keçirilən Dünya çempionatında 90 kq çəki dərəcəsində məğlubedilməz olduğunu bir daha sübut edən Fərhad Rəcəbli veteranlar arasında 10 dəfə dünya və 8 dəfə Avropa çempionu tituluna sahibdir.

2000, 2001 və 2005-ci illərdə keçirilən Avropa çempionatlarının qalibidir. 2002 və 2004-cü illərin qitə birinciliyində Elçin İsmayılov gümüş medal qazanıb. İdman sahəsində uğurlarına görə “Tərəqqi” medalına layiq görülüb.

2024-cü ildə böyüklər arasında Avropa çempionatının qızıl mükafatçısı olub. 2021 və 2022-ci illərdə gənclər arasında dünya çempionatlarında bürünc mükafat qazanıb. Elcan Hacıyev 2022-ci ildə gənclər arasında keçirilən qitə birinciliyində qızıl medal əldə edib.

2011 – ci ildə İstanbulda keçirilən Avropa çempionatında pyedestalın ikinci pilləsinə yüksəlib. Tərlan Kərimov 2016 – cı ildə Kazandakı qitə birinciliyində bürünc medal qazanıb. 2009 və 2011-ci illərdəki Dünya Kubokunun qalibidir. 

1998-ci ildə Avropa çempionatında gümüş medal qazanıb. Pekin-2001 Universiadasının da gümüş mükafatçısıdır. 2006 və 2007-ci illərdə Dünya Kubokunun qalibi olan Mehman Əzizov 3 Yay Olimpiya Oyunlarının iştirakçısıdır.

1993-ci ildə Yunanistanın paytaxtı Afina şəhərində keçirilən Avropa çempionatının gümüş medalçısıdır.

2022 – ci ildə Bolqarıstanda keçirilən Avropa çempionatının bürünc mükafatçısıdır. Məmmədəli Mehdiyev 2016-cı ildəki qitə birinciliyində komanda yarışlarında bürünc, 2020-ci ildə fərdi yarışlarda bürünc medal qazanıb. İdmançımız Bakı-2017 IV İslam Həmrəyliyi Oyunlarının qalibi və 2019-cü ildə Minskdə Avropa oyunlarında bürünc mükafatçısıdır. 

2024-cü ildə Zaqrebdə keçirilən böyüklər arasında Avropa çempionatında gümüş medal əldə edib. 2022-ci ildə Masters turnirin bürünc medalçısıdır. Balabəy Ağayev 2018-ci ildə gənclər arasında dünya birinciliyində gümüş, qitə birinciliyində isə bürünc medal qazanıb.