-73 kq: Heydərovun qəhrəmanlığı ev sahiblərinə ilk qızıl medalı qazandırdı!

Evdə hiss olunan rahatlığın yeri başqadır, amma demək olmaz ki, Hidayət Heydərovun buna ehtiyacı var idi. Sadəcə onun təcrübəsi və həyəcan dolu izdihamın onun adını var gücü ilə qışqırması birləşdikdə qələbə mümkün olan yeganə nəticəyə çevrilir.

Proqnozlaşdırdığımız kimi, Heydərov yarışa möhtəşəm şəkildə başladı. Günə “waza-ari” ilə start verən cüdoçu daha sonra “seoi-otoşi” ilə Karim Adarvez (Argentina) üzərində qələbəsini təmin etdi. Sonra Luka Kapanadze (Gürcüstan) ona qarşı diskvalifikasiya edildi. Polşadan olan növbəti rəqibi Adam Stodolski isə qızıl hesabda üçüncü cərimə xalını aldı. Beləcə, Heydərov ona da təşəkkür edə bilər.

Ev sahibi azarkeşlərin sevincinə səbəb olan Məmmədəliyev qazaxıstanlı Jansay Smagulov, sonra isə Türkiyədən Ejder Toktay ilə qarşılaşaraq qələbə qazanıb və yarımfinalda Heydərov ilə qarşılaşıb. Yarımfinalda Hidayət Heydərov qızıl hesabı “waza-ari” ilə başa vurdu. Bununla Rəşid Məmmədəliyev fantastik yarışı tamamlamış oldu.

Azarkeşlərin həyəcanını pikə çatdıran isə Heydərovun finalda tacikistanlı cüdoçu Şirov ilə qarşılaşması idi. Azarkeşlər baraban səsləri və alqışlarla zalı lərzəyə gətirirdilər. Təzyiq hər iki idmançıya təsir göstərib ki, onların hər biri iki cərimə xalı ilə cəzalandırıldılar. Döyüş qızıl hesabla başa çatdı. Heydərov ölkəsini qürurlandırmaq üçün rəqibinin özünə qarşı ətalətindən istifadə edərək sensasiyalı “sumi-gaeshi”ni sürətlə həyata keçirdi və təmiz qələbəni hesabına yazdırdı.

XƏBƏRƏ KEÇİD