Azərbaycan Cüdo Federasiyası və cüdo ailəsinin üzvləri mükafatlandırıldı

Dekabrın 26-da Gənclər və İdman Nazirliyi 2023-ci ilin idman yekunlarına həsr olunmuş qala mərasimi keçirib. Tədbir zamanı üç mərhələli sorğu əsasında müəyyənləşmiş müxtəlif nominasiyalar üzrə ilin qaliblər mükafatlandırılıblar.

Belə ki, Azərbaycan Cüdo Federasiyası ilin ən yaxşı idman federasiyası nominasiyasında ikinci yerdə qərarlaşıb. Cüdo ailəsinin üzvləri də ən yaxşıları sorğusunun yekun nəticələrinə əsasən müxtəlif kateqoriyalarda fərqləniblər:

Ən yaxşı kişi idmançı: Hidayət Heydərov, birinci yer

Ən yaxşı məşqçisi: Rüstəm Alimli, üçüncü yer

Ən yaxşı hakim: Nazim Umbayev, birinci yer

Ən yaxşı tibb personalı: Ramil Vəliyev, birinci yer

Ədalətli oyun (Fair Play) mükafatçısı: Fariz Hüseynov, üçüncü yer

İlin idman kəşfi: Xədicə Qədəşova, ikinci yer

Ən yaxşı idman filmi: "Qızlara ağ yaraşır!", ikinci yer

Bundan əlavə, Azərbaycan idmançılarının reytinq cədvəlində 2023-ci ili ilk onluqda başa vuran cüdoçularımız Leyla Əliyeva, Gültac Məmmədəliyeva, Hidayət Heydərov, Zelim Kotsoyev və Yaşar Nəcəfov mükafatlandırılıblar.

Azərbaycan Cüdo Federasiyası tədbirin təşkilinə və davamlı dəstəyə görə Gənclər və İdman Nazirliyinə dərin təşəkkürünü bildirir. Həmçinin, federasiyamızın fəaliyyətini və cüdo ailəsi üzvlərinin diqqətəlayiq töhfələrini qiymətləndirən hər kəsə minnətdarıq!