Azərbaycan cüdoçuları Göygöl Avropa Kubokunda birinci yeri tutdu

Ümummilli Lider Heydər Əliyevin 100 illik yubileyinə həsr olunan cüdo üzrə yeniyetmələr arasında Avropa Kuboku turniri baş çatıb. 6-7 may tarixlərində  Göygöl Olimpiya İdman Kompleksində keçirilən yarışda Azərbaycan cüdoçuları 7 qızıl, 5 gümüş, 9 bürünc medal əldə edib.

Cüdoçularımız turnirin ilk günündə 6 qızıl, 5 gümüş və 5 bürünc medal, ikinci günündə isə 1 qızıl və 4 bürünc medala sahib olub. Azərbaycan yığması yarışda medal əyarına görə ümumi hesabda və oğlanlar arasında 1-ci yeri, qızlar arasında isə 2-ci yeri tutub.

İkinci günün medalçılarını təqdim edirik:

Oğlanlar

-81 kq. çəkidə 

Hüseyn Eyvazlı bürünc medal 

-90 kq. çəkidə 

Tuncay Şamil bürünc medal 

+90 kq. çəkidə 

Ramazan Əhmədov qızıl medal 

Rəsul Şəmədli bürünc medal 

Eldar Əliyev bürünc medal

İdmançılarımızı təbrik edirik!