Berlin Avropa Kubokunun ilk günündə 7 medal
Aprelin 25-də Almaniyanın paytaxtı Berlində cüdo üzrə yeniyetmələr arasında Avropa Kuboku start götürüb. İlk yarış günündə milli komandamız 2 qızıl, 2 gümüş və 3 bürünc medal qazanıb.
Nihad Ağayev (-50 kq) və Fərid Xudiyev (-55 kq) bütün rəqiblərinə qalib gələrək fəxri kürsünün ən yüksək pilləsinə qalxıblar. İbrahim Talıbov (-55 kq) və Sunay Salamova (-40 kq) ikinci yeri tutaraq gümüş mükafata layiq görülüblər. İlkin Qarayev (-66 kq), Pərvin Sevxanlı (-44 kq) və Nərmin Ağamirzəzadə (-52 kq) isə bürünc medala yiyələniblər.
Azərbaycan 7 medalla ümumi komanda hesabında 35 ölkə arasında ikinci pillədə qərarlaşıb. Oğlanların mübarizəsində isə millimiz liderdir.
737 cüdoçunun iştirak etdiyi Avropa Kubokuna bu gün yekun vurulacaq.
Paylaş
Linki kopyalayın
website.title.copy_link
Digər xəbərlər
Beynəlxalq yarışlar
Azərbaycan cüdoçularının Bakı-2026-dakı ilk rəqibləri müəyyənləşib
3 oktyabr • 2026
Beynəlxalq yarışlar
İdmançılarımız Xüsusi Olimpiya Açıq Cüdo Turnirinin kata yarışında fərqləndi
26 sentyabr • 2026
