Bu gün Buxarestdə keçirilən yeniyetmələr arasında cüdo üzrə Avropa kubokunun ilk yarış günü yekunlaşıb

Bu gün Buxarestdə keçirilən yeniyetmələr arasında cüdo üzrə Avropa kubokunun ilk yarış günü yekunlaşıb.

Milli yığmamızı -50 kq. çəkidə təmsil edən cüdoçumuz Məhəmməd Məmişov finala yüksəlib. Nəticədə yeniyetmə cüdoçumuz gümüş medal qazanıb.

-55 kq. çəkidə mübarizə aparan Şahin Oruczadə qızıl, eyni çəkidə yarışan digər idmançımız Məhəmməd Musayev isə komandamızın aktivinə bürünc medal qazandırıb. 

-66 kq. çəkidə yarışan daha bir cüdoçumuz Əbil Yusifov bürünc, bütün rəqiblərini geridə qoyan Mehdi Cəfərov isə qızıl medal qazanıb.

Yeniyetmə qızlarımızdan -52 kq. çəkidə medal uğrunda mübarizə aparan Vüsalə Hacıyeva bürünc medal qazanıb. 

İdmançılarımızı təbrik edirik!