Burada gələcəyin idmançıları yetişir

Göygöl Olimpiya İdman Kompleksində U-15 region idmançıları üçün cüdo idman növü üzrə təlim məşq toplanışı keçirilir.

Bildirmək istərdik ki, təlim məşq toplanışı 6-8 may 2022-ci il tarixlərində U-15 kiçik yaşlı yeniyetmələrin Azərbaycan birinciliyinə hazırlıq məqsədi daşıyır.

Eyni zamanda region idmançılarının Bakı və Sumqayıt idmançıları ilə rəqabətinin artırılması üçün görülən işlərdəndir.

21 aprel tarixində start götürən təlim-məşq toplanışında ölkəmizin müxtəlif rayon və şəhərlərindən olan klublar, cəmiyyətlər və idman təşkilatlarından 120-yə yaxın yeniyetmə cüdoçu iştirak edir.

Kiçik yaşlı yeniyetmələrimizin gələcəkdə təcrübəli, peşəkar idmançı kimi yetişməsi, onların yeri və beynəlxalq yarışlarda uğurla təmsil olunmalarının təməlində mütəmadi olaraq təlim-məşq toplanışları durur.

Eyni zamanda bu cür təlimlərin təşkili regionlarda cüdonun daha da kütləvləşdirilməsi və gənclərin fiziki və mənəvi tərbiyəsinə öz töhfəsini verməkdədir.

Qeyd edək ki, təlim məşq toplanışı aprel ayının 30-na kimi davam edəcək.