Cüdo federasiyası idman jurnalistləri ilə memorandum imzaladı

Azərbaycan Cüdo Federasiyası (ACF) ilə Azərbaycan İdman Jurnalistləri İctimai Birliyi (AİJİB) arasında Anlaşma Memorandumu imzalanıb. Memorandumu ACF-in vitse-prezidenti Elnur Məmmədli və AİJİB-in idarə heyətinin sədri Azər Quliyev imzalayıb.

İmzalanma mərasimində 35-ə yaxın idman jurnalisti iştirak edib.

Anlaşma Memorandumun əsas məqsədi cüdonun kütləviliyinin inkişaf etdirilməsi və təbliği üzrə qurumlar arasında əməkdaşlığın gücləndirilməsi və birgə fəaliyyət quraraq qarşılıqlı faydalı nəticələrə nail olmaqdır.

Eyni zamanda, hər iki tərəfin nümayəndələrinin iştirakı ilə araşdırmalar aparılaraq layihələr hazırlanacaq, konfranslar, təlimlər, seminarlar təşkil ediləcək.