Cüdo məşqçilərinin Beynəlxalq Cüdo Federasiyasının (BCF) akademiyasında təhsili davam edir

Azərbaycan Cüdo Federasiyası(AJF) təşəbbüsü ilə ötən ildən start verilən BCF-in Akademiyası ilə əməkdaşlıq davam etdirilir. Belə ki, cari ilin mart ayından etibarən daha 75 cüdo məşqçisi Akademiyanın proqramında təhsilə başlayıb. İyunun 3-də akademiyada təhsil alan məşqçilər üçün seminar təşkil olunub. Təlim ötən il akademiyada ən yüksək nəticə əldə edən və BCF-in ekspertləri tərəfindən tövsiyə olunan peşəkar cüdo məşqçiləri tərəfindən keçirilib. Seminar BCF-in praktiki dərslərinə və imtahanına hazırlıq məqsədi daşıyır.

ACF cüdo məşqçilərini biliklərinin beynəlxalq səviyyədə standartlaşdırılması məqsədi ilə seminarların davamlı olaraq keçirilməsini planlaşdırır.