Cüdoçular Poreçdə təlim-məşq toplanışında iştirak ediblər

Azərbaycanın cüdo üzrə gənclərdən ibarət milli yığma komandasının üzvləri 12-19 iyunda Avropa Cüdo Birliyinin təşkilatçılığı ilə Xorvatiyanın Poreç şəhərində keçirilən Olimpiya təlim düşərgəsində iştirak edib. 

Hazırlıq prosesində Azərbaycanın gənclərdən ibərət milli yığmasının 11 oğlan və 8 qız idmançısı iştirak edib. Cüdoçulara gənclərdən ibarət yığmanın baş məşqçisi Elxan Məmmədov, gənclərdən ibarət yığmanın məşqçisi Elxan Rəcəbli və qadınlardan ibarət yığmanın məşqçisi Elnur İsmayılov rəhbərlik edib.

Təlim-məşq toplanışı sentyabr və oktyabr aylarında keçiriləcək gənclər arasında Avropa və Dünya çempionatlarına hazırlıq məqsədi daşıyır.