Daşkənd Böyük Dəbilqəsinin püşkatma mərasimi keçirilib

Fevralın 26-da Özbəkistanın paytaxtı Daşkənddə Böyük Dəbilqə turnirinin püşkatma mərasimi keçirilib. Püşkatmanın nəticələrinə görə təmsilçilərimizin ilk rəqibləri müəyyənləşib.

Dünya Cüdo Turu seriyasına daxil olan yarışda ölkəmizin 12 çəki dərəcəsində 18 cüdoçusu (12 kişi, 6 qadın) qüvvəsini sınayacaq. Beynəlxalq turnirdə 39 ölkədən 370 idmançı mübarizə aparacaq.

Sabah start götürəcək Daşkənd Böyük Dəbilqəsinin təsnifat mərhələsini saat 09:30-dan JudoTV-dən, final blokunu isə 16:00-dan etibarən "CBC Sport"un "YouTube" kanalından canlı yayımlanacaq.

Kişilər

-60 kq, 1/16 final

Əhməd Yusifov – Samariddin Kuçkarov (Özbəkistan)

Balabəy Ağayev – Baxrom Boturov (Özbəkistan)

-66 kq, 1/16 final

Nizami İmranov – Minhao Canq (Çin)

Turan Bayramov – Matan Kokolayev (İsrail)

-73 kq, 1/16 final

Hidayət Heydərov – Arun Kumar (Hindistan)

-73 kq, 1/32 final

Kamran Süleymanov – Şusuke Uçimura (Yaponiya)

-81 kq, 1/16 final

Ömər Rəcəbli – Adrian Sulka (Rumıniya)

-90 kq, 1/16 final

Murad Fətiyev – Vlad Vişan (Rumıniya)

-100 kq, 1/16 final

Əjdər Bağırov – Ernazar Sarsenbayev (Özbəkistan)

-100 kq, 1/8 final

Zelim Kotsoyev – Tornike Poladişvili (Gürcüstan) / Baxtovar Boboxonov (Tacikistan) cütünün qalibi ilə 

+100 kq, 1/8 final

Camal Qamzatxanov – Ritik Kumar (Hindistan)

Kənan Nəsibov – Gela Zaalişvili (Gürcüstan) / İslombek Ravşankulov (Özbəkistan) cütünün qalibi ilə

Qadınlar

-48 kq, 1/16 final

Könül Əliyeva – Sevinç Murodova (Özbəkistan)

Şəfəq Həmidova – Venna Cuanq (Çin)

-52 kq, 1/16 final

Leyla Əliyeva – Liliya Nuqayeva (Rusiya)

-63 kq,

Fidan Əlizadə – Sevinç İsokova (Özbəkistan)

-70 kq,

Südabə Ağayeva – Kamila Badurova (Rusiya)

+78 kq, 

Madina Kaisinova – Umida Niqmatova (Özbəkistan)