Gənc cüdoçular Malaqa Avropa Kubokunda iştirak edəcək

İspaniyanın Malaqa şəhərində 20-21 mayda gənclər arasında Avropa Kuboku keçiriləcək. Turnirdə 22 ölkədən 318 idmançı iştirak edəcək. Azərbaycan yarışda 6 çəki dərəsində 17 cüdoçu ilə təmsil olunacaq.

Cüdoçulara gənclərdən ibarət yığmanın baş məşqçisi Elxan Məmmədov və gənclərdən ibarət yığmanın məşqçisi Elxan Rəcəbli rəhbərlik edəcək.

İdmançılarımız 22-24 may tarixlərində Malaqada təşkil olunacaq beynəlxalq təlim-məşq toplanışına qatılacaqlar.

Qeyd edək ki, yarışda Azərbaycan Cüdo Federasiyasının “B” kateqoriyalı beynəlxalq dərəcəli hakimi Bəhriyyə Hüseynova ədalət təmsilçiləri arasında yer alacaq.

Oğlanlar

-60 kq. 

Nizami İmranov 

Nurlan Kərimli 

Əli Hacıyev

Eltun İmranov

Murad Muradlı

-66 kq. 

Samir Piriyev

İslam Rəhimov 

Aydın Rzayev 

Nicat Nağıyev 

-73 kq. 

Süleyman Əliyev

Qadir Hüseynov 

Vüsal Qələndərzadə 

-81 kq. 

Ömər Rəcəbli 

Xəyyam Əliyev

-90 kq. 

Əjdər Bağırov

İsmayıl Zamanov 

+100 kq. 

Kənan Nəsibov

İdmançılarımıza uğurlar arzulayırıq!