Gəncədə kəmər dərəcələri üzrə rəsmi imtahanın ilk günü keçirilib

Dekabrın 2-də Gəncə şəhərində yerləşən Cüdo Təlim-Mərkəzində Azərbaycan Cüdo Federasiyasının (ACF) təşkilatçılığı ilə cüdo üzrə kəmər dərəcələri üzrə rəsmi imtahan təşkil edilib. 

İlk gün ərzində 139 cüdoçu müvafiq yaş uyğunluğuna əsasən müxtəlif kəmər dərəcələri üzrə imtahan verib. İmtahanı uğurla keçən idmançılara müvafiq kəmər və sertifikat təqdim edilib. 

Rəsmi kəmər imtahanlarının keçirilməsi idmançıların cüdo texnikalarını hərtərəfli öyrənməsi, həmçinin onların motivasiyası üçün mühüm əhəmiyyət kəsb edir.

Qeyd edək ki, kəmər imtahanı peşəkarlıq səviyyənin qiymətləndirilməsi və rəsmi olaraq tanınması, həmçinin gələcəkdə nüfuzlu daxili yarışlarda iştirak üçün zəruridir.