Gənclərdən ibarət milli yığmamız Dünya çempionatına hazırlaşır

10-14 avqust tarixlərində Ekvadorun Quayaquil şəhərində gənclər arasında Dünya çempionatı keçiriləcək. Yarışda iştirak edəcək cüdoçularımız Bakı şəhərində təlim-məşq toplanışındadırlar.

Azərbaycan Cüdo Federasiyasının (ACF) vitse-prezidenti, Olimpiya çempionu Elnur Məmmədli, ACF Prezidentinin müşaviri Natiq Bağırov, baş katib Rəşad Rəsullu və performans direktor Mark van der Ham milli yığmanın təlim-məşq toplanışında iştirak ediblər və onların hazırlıqları ilə maraqlanıblar.

ACF-nin vitse-prezidenti Elnur Məmmədli idmançılara uğurlar arzulayıb, onların ölkəmizə yeni medallar qazandırmasını dilədiyini bildirib. Eyni zamanda, vitse-prezident bildirib ki, idmançılarımız turnirə çox ciddi hazırlaşıblar, yerli və beynəlxalq səviyyədə təlim-məşq toplanışlarında iştirak ediblər.

Gənclərdən ibarət milli yığma komandanın 8 üzvü çempionatda iştirak üçün 7 avqust tarixində Ekvadora yola düşəcək. Cüdoçularımız 10-13 avqust tarixlərində fərdi yarışlarda iştirak edəcəklər.

Baş məşqçi Elxan Məmmədov və məşqçi Elxan Rəcəblinin rəhbərliyi altında çıxış edəcək idmançılarımızı sizə təqdim edirik:

-60 kq.

Turan Bayramov

-73 kq.

Vüsal Qələndərzadə

Qadir Hüseynov

-81 kq.

Elcan Hacıyev

Məhərrəm İmamverdiyev

-90 kq.

Vüqar Talıbov

-100 kq.