Hakimlərimiz beynəlxalq yarışlarda ədalət təmsilçiləri arasında yer alıb

Azərbaycan Cüdo Federasiyasının hakimlər heyətinin üzvləri Akif Tahirov və Bəhriyyə Hüseynova 11-12 fevralda İtaliyanın Naples şəhərində keçirilən yeniyetmələr arasında Avropa Kubokunda, Fariz Hüseynov və Arzu Acalova 11-12 fevralda Bolqarıstanın paytaxtı Sofiya şəhərində keçirilən böyüklər arasında cüdo üzrə Açıq Avropa turnirində ədalət təmsilçiləri arasında yer alıb.

"B" kateqoriyalı beynəlxalq dərəcəli hakim Akif Tahirov yarışda qızlar arasında +70 kq. çəkidə bürünc medal uğrunda və -40 kq. çəkidə final görüşü, oğlanlar arasında isə -52 kq. çəkidə bürünc medal uğrunda və -81 kq. çəkidə final görüşünü idarə edib. "B" kateqoriyalı beynəlxalq dərəcəli hakim Bəhriyyə Hüseynova qızlar arasında -44 kq. və -57 kq. çəkilərdə bürünc medal uğrunda görüşləri idarə edib.

Olimpiya dərəcəli hakim Fariz Hüseynov yarışda qadınlar arasında -63 kq. və -78 kq. çəkilərdə bürünc medal uğrunda görüşləri idarə edib. "A" kateqoriyalı beynəlxalq dərəcəli hakim Arzu Acalova isə qadınlar arasında -52 kq. çəkidə bürünc medal uğrunda görüşü və -78 kq. çəkidə final görüşü idarə edib.