İdmançılarımız beynəlxalq təlim-məşq toplanışlarında iştirak edəcəklər

6 iyun 2022-ci il tarixində Avropa Cüdo Birliyinin təşkilatçılığı ilə Avstriyanın Qras şəhərində təlim-məşq toplanışı başlayıb. 3 gün davam edəcək təlim-məşq toplanışında Azərbaycanın gənclərdən ibarət milli yığma komandasının 14 üzvü iştirak edəcək.

Bildirmək istərdik ki, cüdoçularımız 8-12 iyun tarixlərində Leybnits şəhərində keçiriləcək digər təlim-məşq toplanışında iştirak edəcəklər.

Gənclərin gələcəkdə təcrübəli idmançı kimi yetişməsinin təməlində mütəmadi olaraq təlim-məşq toplanışlarında iştirakları durur. Belə ki, idmançılarımız təcrübələrini zənginləşdirir, güclü və zəif tərəflərinin kəşf edirlər. Çoxsaylı və damlı idman nailiyyətləri məhz bu təcrübələrin mənimsənilməsi vasitəsilə əldə edilir.