Veteranlar arasında Avropa çempionatında cüdoçularımız daha 2 medal qazanıb

Latviyanın paytaxtı Riqada keçirilmiş cüdo üzrə veteranlar arasında Avropa çempionatı başa çatıb. Üçüncü yarış günündə milli komandamız daha 2 medal qazanıb.

Qitə turnirində ölkəmizin yeganə qadın təmsilçisi Zülfiyyə Hüseynova (F-6, -70 kq) bütün rəqiblərinə ipponla qalib gələrək Avropa çempionu olub.

M-1 yaş kateqoriyasında çıxış edən Samir İsmayılov (-73 kq) isə üçüncü yeri tutaraq bürünc medala layiq görülüb.

Qeyd edək ki, bundan əvvəl Fərhad Rəcəbli (M-8, -90 kq), Babək Hacıyev (M-4, -60 kq), Vaqif Kərimov (M-4, -73 kq), Emil Hüseynov (M-4, -100 kq) qızıl, Samir İsmayılov (M-3, -81 kq) bürünc medal qazanıb.

Beləliklə, aktivində 7 medal (5 qızıl, 2 bürünc) olan yığmamız 37 ölkə arasında kişilərin mübarizəsini 6-cı, ümumi komanda sıralamasını isə 7-ci pillədə tamamlayıb.