Dünya çempionatının dördüncü yarış günü Azərbaycan millisi üçün iki medalla yadda qalıb
Bakıda keçirilən cüdo üzrə böyüklər arasında dünya çempionatının dördüncü yarış günü Azərbaycan millisi üçün iki medalla yadda qalıb.
Kişilərin -81 kq çəki dərəcəsində Zelim Tçkayev gümüş, Ömər Rəcəbli isə bürünc medal qazanıb.
Zelim Tçkayev Viktor Sterpu (Moldova), Nuqzari Tatalaşvili (BƏƏ), Mattias Kasse (Belçika) və yarımfinalda Abılayxan Jubanazarı (Qazaxıstan) məğlub edərək finala yüksəlib. Dünya çempionluğu uğrunda görüşdə Gürcüstan təmsilçisi Tato Qriqalaşvili ilə qarşılaşan cüdoçumuz gümüş medala sahib olub.
Ömər Rəcəbli isə Sibqatullah Arab (IRT) və Murodjon Yuldoshev (Özbəkistan) üzərində qələbələrdən sonra 1/4 finalda serbiyalı Mixaylo Siminə məğlub olub. Təsəlliverici görüşdə sloveniyalı Natse Herkoviçi üstələyən cüdoçumuz bürünc medal qarşılaşmasında Abılayxan Jubanazara qalib gələrək fəxri kürsüyə yüksəlib.
-81 kq-da Azərbaycanın digər təmsilçisi Vüsal Qələndərzadə Hristo Valkov (Bolqarıstan) və Saad Dikayev (Estoniya) üzərində qələbə qazanıb. O, 1/8 finalda Abılayxan Jubanazara məğlub olaraq mübarizəni başa vurub.
Qadınların -63 kq çəki dərəcəsində Hanna Zaytseva ilk görüşündə Macarıstan təmsilçisi Anna Krizaya uduzub.
Dördüncü yarış günündən sonra Azərbaycan millisinin Bakı-2026-da qazandığı medalların sayı 4-ə çatıb. Əhməd Yusifov (-60 kq) qızıl, Zelim Tçkayev (-81 kq) gümüş, Rəşid Məmmədəliyev (-73 kq) və Ömər Rəcəbli (-81 kq) isə bürünc medal qazanıblar.
Paylaş
Linki kopyalayın
website.title.copy_link
Digər xəbərlər
Digər
Respublika Olimpiya İdman Liseyinin əsaslı təmirdən sonra yenilənmiş cüdo zalının açılışı olub
13 oktyabr • 2026
Beynəlxalq yarışlar
Cüdo üzrə dünya çempionatının yekunlarına həsr olunmuş mətbuat konfransı keçirilib
12 oktyabr • 2026
Beynəlxalq yarışlar
Millimiz dünya çempionatının qarışıq komanda yarışında iştirak edib
11 oktyabr • 2026
Beynəlxalq yarışlar
Azərbaycan millisi dünya çempionatının qarışıq komanda yarışında Avstriya ilə qarşılaşacaq
11 oktyabr • 2026
